អស់ស្ទះមកស្គាល់ពិភពអាហារយ៉ាងច្រើនសម្បូរបែប ប្រជុំដោយហាងទាំង២៦ មានម្ហូបឆ្ងាញ់ៗមិនចេះខ្វះ

តែប៉ុណ្ណេះលែងបារម្ភខ្លាចស្គមទៀតហើយ អោយតែបានមកដល់ ឌឺហ្វ៊ូត ហ្គាឌិន គឺថាមានរបស់ញ៉ាំមិនចេះខ្វះ ប្រជុំដោយហាងចំនួន២៦ ទាំងម្ហូបទាំងភេសជ្ជៈសុទ្ធតែមានរសជាតិឆ្ងាញ់។ ម៉ោះៗ ដឹងប៉ុណ្ណេះហើយ យើងគួរតែណាត់គ្នាមកដាក់ទារុណកម្មមាត់ និងក្រពះតិចទៅ កុំអោយគ្នាទំនេរពេក រឿងធាត់ទុកម្ដុំសិនទៅ។

Admin ជឿជាក់ថាច្បាស់ជាមានអ្នកស្គាល់ រួចមកហើយអំពីទីតាំង ឌឺហ្វ៊ូត ហ្គាឌិន គឺស្ថិតនៅជាន់ទី៥ ក្នុងផ្សារទំនើប អូឡាំព្យា ដោយលោកអ្នកអាចឡើងតាមរយៈជណ្ដើរយន្តដែលវែងជាងគេ នោះលោកអ្នក និងទៅដល់តែម្ដង។ ឌឺហ្វ៊ូត ហ្គាឌិន មានទីតាំងធំទូលាយ លោកអ្នកអាចអង្គុយញ៉ាំបានយ៉ាងសប្បាយរីករាយជាមួយក្រុមគ្រួសារ មិត្តភក្ដិ និងមនុស្សជាទីស្រលាញ់ ដោយមានមុខម្ហូបរាប់រយមុខទន្ទឹងរងចាំលោកអ្នក។

អ្វីដែលកាន់តែពិសេសថែមទៀតនោះ ផ្សារទំនើបអូឡាំព្យា បានរៀបចំកម្មវិធីប្រម៉ូសិនពិសេសដោយលោកអ្នកគ្រាន់តែចំណាយប្រាក់ ២០០០០រៀល នៅ ឌឺហ្វ៊ូត ហ្គាឌិន នោះលោកអ្នក និងទទួលបានកូកា ១កែវដោយឥតគិតថ្លៃ។ ចំពោះការផ្ដល់ជូននេះ បន្តផ្ដល់ជូនរហូតអស់ពីស្ដុក ដែលមានរហូតដល់ជិត ៧ពាន់កែវឯណោះ៕

ឌឺហ្វ៊ូត ហ្គាឌិន ( The FOOD GARDEN )
ទីតាំង៖ ស្ថិតនៅជាន់ទី៥ ក្នុងផ្សារទំនើប អូឡាំព្យា

វីដេអូ៖