តោះ បង្វែរពីរៀនធ្វើម្ហូប មករៀនធ្វើទឹកទទឹមញ៉ាំម្ដង ព្រោះថាមិនត្រឹមតែឃើញពណ៌គួរអោយចង់ញ៉ាំនោះទេ ទទឹមក៏ជាផ្លែឈើដែលល្អសម្រាប់សុខភាពផងដែរ។ ម៉ោះៗ បែបនេះរៀនធ្វើទុកញ៉ាំទាំងអស់គ្នា របៀបធ្វើមានស្រាប់ហើយនៅខាងក្រោមនេះ មើលទៅដូចជាមិនលំបាកនោះទេ។
គ្រឿងផ្សំដែលត្រូវមាន៖
- ផ្លែទទឹម
- ស្ករស
- អំបិលម៉ដ្ដ
- ទឹកស្អាត
របៀបធ្វើ៖
- យកគ្រាប់ទទឹមមកច្របាច់ជាមួយទឹកដាំឆ្អិន ធ្វើយ៉ាងណាអោយសាច់រលេះចេញពីគ្រាប់ បានច្រើនបំផុត
- ត្រងដោយក្រណាត់ស្បៃស្អាតយកទៅដាក់ ក្នុងឆ្នាំងដាក់លើភ្លើងប្រមាណ ៥នាទីរួចលើកចុះ
- ដាក់ទឹកស្ករស អំបិលចូលរួចធ្វើការកូរអោយសព្វ ភ្លក្សរសជាតិឲ្យមានរសជាតិជូរអែមលាយប្រៃតិចៗរួចជាការស្រេច យកទៅក្លាស្សេក្នុងទូទឹកកកឲ្យត្រជាក់កាន់តែឆ្ងាញ់៕
ប្រភព៖ អ៊ី ពេជ្រ