សាច់ចង្កាក់ស្ងោរមួយកន្លែងនេះច្បាស់ជាមានអ្នកខ្លះជាប់ឈ្មោះជាមួយប្រចាំហាងហើយ ព្រោះថាឆ្ងាញ់ណាស់លក់តាំងពីឆ្នាំ១៩៨៧មកម្ល៉េះ រហូតដល់ពេលនេះម៉ូយៗមកញ៊ាំមិនដែរចេះស្ងាត់ម៉េច។ គ្រាន់តែសាច់ស្ងោរនេះមួយថ្ងៃលក់អស់ចូលខ្ទង់១០០គីឡូឯណោះ។
បើតាមម្ចាស់ហាងលួចខ្សឹបប្រាប់Admin គឺថាមូលហេតុដែលធ្វើអោយសាច់ស្ងោរគាត់លក់ដាច់បែបនេះក៏ដោយសារតែគាត់មានជ្រក់ និងទឹកសៀងដ៏មានរសជាតិដែលញ៊ាំចូលគ្នាទៅធ្វើអោយត្រូវជាតិគ្នាខ្លាំងចាប់មាត់ជីបៗ។ ហើយកន្លែងនេះក្រៅពីសាច់ស្ងោរដ៏ល្បីនេះ ក៏មាននំបញ្ចុកសម្លរការី នំបញ្ចុកសម្លរខ្មែរ និងបង្អែមគ្រប់មុខឆ្ងាញ់ៗផងដែរ។
និយាយពីថាស្គាល់កន្លែងនេះហើយ គឺមិនបាច់បារម្ភរឿងខ្លាចស្គមនោះទេ ព្រោះថារបស់ឆ្ងាញ់ៗមានមិនចេះខ្វះបែបនេះចង់សាច់ស្ងោរក៏បាន នំបញ្ចុក រឺបង្អែមក៏បានធានាថាម៉ាឆ្ងាញ់មាត់ស្រកគីឡូមិនរួចហ្មង។ បែបនេះឆ្លងកាត់ផ្សារថ្មីកុំភ្លេចចូលកន្លែងនេះណា ដែលមានទីតាំងនៅក្នុងផ្សារថ្មី ជ្រុងខាងកើត តូបលេខ១០៨, ១០៩ ម្ដុំតូបលក់ខោអាវ៕
តូប សាច់ចង្កាក់ស្ងោរផ្សារថ្មី
លេខទូរសព្ទ៖ 010 93 17 79
ទីតាំង៖ នៅក្នុងផ្សារថ្មី ជ្រុងខាងកើត តូបលេខ១០៨, ១០៩ ម្ដុំតូបលក់ខោអាវ
វីដេអូ៖