Hudway Glass ជាកញ្ចក់ GPS សម្រាប់ភ្ជាប់ជាមួយរថយន្ត និងដំណើរការដោយភ្ជាប់ជាមួយទូរស័ព្ទដៃលោកអ្នក ។ វាមិនត្រឹមតែជាកញ្ចក់ GPS ធម្មតានោះទេ ព្រោះថាពេលអ្នកបំពាក់វារួចរាល់នៅក្នុងរថយន្តហើយនោះ វាមិនបានរំខានដល់អ្នកបើកបរទេ ដោយសារការបន្ថែមកញ្ចក់មួយជាន់ទៀត ថែមទាំងបង្ហាញផ្លូវនៅខាងមុខបានយ៉ាងច្បាស់បើទោះជាលោកអ្នកកំពុងបើកបរក្នុងភ្លៀងខ្លាំង ឬអាកាសធាតុមិនល្អ ឬផ្លូវដែលមានពន្លឺមិនច្បាស់យ៉ាងណាក៏ដោយ ។
សមត្ថភាពបង្ហាញផ្លូវយ៉ាងច្បាស់នោះ ក៏ដោយសារការតភ្ជាប់រវាង Hudway Glass ជាមួយនឹងទូរស័ព្ទដៃរបស់អ្នក ។ ពិតជាមានភាពងាយស្រួលក្នុងការដំឡើងនៅលើរថយន្តទៀតផង ។ អ្វីដែលអ្នកត្រូវធ្វើគឺគ្រាន់តែយកទៅដាក់នៅផ្នែកខាងមុខដែលជាកន្លែងអ្នកបើកបរ បន្ទាប់ពីភ្ជាប់ជាមួយទូរស័ព្ទរបស់អ្នកហើយ បន្ទាប់មកទៀតអ្នកគ្រាន់តែបើកផែនទីបង្ហាញផ្លូវ Google Maps នោះអ្នកអាចបើកបរប្រកបដោយសុវត្ថិភាព ។ កត្តាដែលនាំឱ្យការបើកបរជាមួយ Hudway Glass ព្រោះថាវាមិនត្រឹមបង្ហាញផ្លូវបានច្បាស់ក្នុងពេលបើកបរទេ តែថែមទាំងបង្ហាញនូវល្បឿនបើកបរទៀតផង ។
ហេតុនេះ Hudway Glass មាន គុណសម្បត្តិដូចជា បង្ហាញផ្លូវតាមបច្ចេកវិទ្យាផែនទីទាំង Online និង Offline និងប្រាប់ល្បឿនក្នុងការបើកបរដើម្បីសុវត្ថិភាព អាចឱ្យអ្នកបើកបរមើលផ្លូវកាន់តែច្បាស់ទោះបីបើកបរក្នុងស្ថានភាពបែបណាក្តីអាចធ្វើការជាមួយទូរស័ព្ទទាំង iOS និង Android ។
ផែនទីដែលប្រើប្រាស់ Offline ជាមួយវាគឺ Navmii អ្វីដែលពិសេស Hudway Glass ក៏មានកម្មវិធីបង្ហាញផ្លូវក្នុងពេលយប់ និងកម្មវិធីសម្រាប់បង្ហាញចរាចរណ៍ ល្បឿនបើកបរថែមទៀត ។
កញ្ចក់ Hudway Glass មានតម្លៃ ៤៩,៩៥ដុល្លារ ហើយវាអាចដំណើរការជាមួយទូរស័ព្ទដែលដំណើរការដោយប្រព័ន្ទ Android និង iOS ផងដែរ ។ ម្យ៉ាងទៀតវាក៏អាចនិយាយបានថា ជាកន្លែងសម្រាប់ដាក់ទូរស័ព្ទពេលកំពុងបើកបរ ហើយវាក៏អាចប្រើប្រាស់បានគ្រប់យានយន្តផងដែរ៕