នៅក្នុងសប្តាហ៍ថ្មីនេះ ទាំងក្រុមហ៊ុន Google និងក្រុមហ៊ុន LG នឹងដាក់បង្ហាញនូវគំរូម៉ូដែលនាឡិកាថ្មីរបស់ខ្លួន ។ Google នឹងបង្ហាញកម្មវិធីថ្មីសម្រាប់នាឡិកា Android Wear 2.0 នៅលើនាឡិកា ចំណែកក្រុមហ៊ុន LG នឹងបង្ហាញនាឡិកា២ម៉ូដែលគឺ នាឡិកា Sport និងនាឡិកាStyle ។
នាឡិកាទាំង២នេះ អាចបញ្ជាទិញនៅគ្រប់ហាង Google Store ។ នាឡិកា Sport ម៉ូដែលធំ ដែលមានកម្មវិធីដូចជា GPS កម្មវិធីវាស់ចង្វាក់បេះដូង សម្រាប់ការរត់ មានរន្ធសំឡេងសម្រាប់ការហៅ និងមានកម្មវិធីជាច្រើនទៀតដែលក្រុមហ៊ុនមិនទាន់បង្ហើបឲ្យដឹងនៅឡើយ ។
ម៉ូដែលថ្មីទាំង២នេះ នឹងបំពាក់នូវបច្ចេកវិទ្យាចុងក្រោយបំផុតផ្នែកនាឡិកាដៃវៃឆ្លាតAndroid Wear ។
មានដំណឹងថា ម៉ូដែលថ្មីSport នេះ ត្រូវបានគេបញ្ជាទិញអស់បាត់ទៅហើយ ចំណែកក្រុមហ៊ុនក៏មិនទាន់បញ្ជាក់ឲ្យដឹងច្បាស់នៅឡើយថា វាជាការពិតឬយ៉ាងណា ។ ប៉ុន្តែអ្វីដែលត្រូវរង់ចាំនោះគឺ ការដាក់បង្ហាញនូវម៉ូដែលថ្មីនេះជាផ្លូវការនៅសប្តាហ៍ក្រោយ ។
តាមគេហទំព័រ Gsmarena.com បានបង្ហាញនូវពណ៌ទាក់ទងនឹងនាឡិកាSport របស់LG ថា វាមានទំហំអេក្រង់១,៣៨អិុញ មាន CPU ប្រភេទ Quad-core ១.១GHz មានអង្គចងចាំ៤G និងមានរ៉េម៧៦៨MB មានកម្លាំងថ្ម៤៣០mAh មានកម្មវិធីMP3 ការពារទឹកក្នុងជម្រៅ១ម៉ែត្រសម្រាប់រយៈពេល៣០នាទី និងទទួលបានវិញ្ញាបនបត្រធានាគុណភាព IP៦៨ ផងដែរ ៕