ល្ងាចម៉ោង៥ឡើង បើយើងជិះជុំវិញសួនវត្តបុទុម នៃជ្រុងម្ខាងក្បែររបងវាំង អ្នកនឹងឃើញមាន តូបលក់ប្រហិត ២កន្លែង ដែលមានភាពអ៊ូអរខុសគេ ដោយសារតែភាពរួសរាយរាក់ទាក់របស់អ្នកលក់ គួបផ្សំ និងរសជាតិប្រហិត ដ៏ឆ្ងាញ់ ក្តៅស្រួយ ធ្វើអោយមនុស្សតម្រង់ជួរគ្នាចាំទិញហូហែរ ហើយដល់ថ្នាក់ក្មេងៗយុវវ័យ ដែលជាម៉ូយប្រចាំរបស់គាត់ ដាក់ឈ្មោះអោយថា អ៉ីប្រហិតឆ្ងាញ់ប៉ះសក់ទៀតផង!
វាប្រាកដជាមិនមានភាពងាយស្រួលទេ ដែលតូបរបស់គាត់នៅតែអាចរក្សាបានភ្ញៀវតម្រង់ជួរចាំទិញមិនចេះដាច់ជារៀងរាល់ថ្ងៃនេះ ខណៈដែលតូបជាច្រើននៅក៏មានលក់ប្រហិតដូចនិងតូបគាត់ដែរនោះ កត្តាដែលសំខាន់ប្រាកដជារសជាតិ និងតម្លៃហើយ ព្រោះអី តម្លៃប្រហិតរបស់គាត់ ១ចង្កាក់ គ្រប់មុខត្រឹមតែ១០០០៛ ទេ រួមទាំងភាពរាក់ទាក់របស់គាត់ផងនោះគឺទោះជាយូរបន្តិចក៏យើងនៅតែអាចរង់ចាំបានដែរ លោកអ្នកក៏អាចខលសួរទីតាំងរបស់គាត់បានដែរ គឺ 069 59 33 70 ។
ចំនែកឯតូបលក់ប្រហិតត្រីឯនេះវិញ ដែលនៅមិនឆ្ងាញ់គ្នាប៉ុន្មានទេ ពីអ៉ីប្រហិតឆ្ងាញ់ប៉ះសក់ក៏មិនអន់ដែរ ប្រហិតត្រីរបស់គាត់គឺដាក់បំពងភ្លាមៗ ក្តៅហ៊ុយៗ ស្រោចដាក់ជាមួយទឹកជ្រលក់យ៉ាងឆ្ងាញ់ប្លែក ធ្វើអោយរសជាតិប្រហិតរបស់គាត់កាន់តែពិសេស ហើយមានតម្លៃសមរម្យទៀតផង! តោះចាំដល់កាលល្ងាចនេះហ្មងទៅ បបួលគ្នាលំហែរអារម្មណ៍ម្តងមើល!
វីដេអូ
