បាយទ្រាប រឺទ្រាបបាយ គឺជាបង្អែមដែលឈ្ងុយឆ្ងាញ់ ភាគច្រើននៃអ្នកទាំងអស់គ្នាច្បាស់ជាចូលចិត្តញ៉ាំ។ បង្អែម ដែលឆ្ងាញ់មួយមុខនេះ ចំពោះការធ្វើក៏មិនសូវស្រួលប៉ុន្មានដែរ តែបើតាំងចិត្តថាធ្វើច្បាស់ជាបានញ៉ាំឆ្ងាញ់មាត់។ Admin ថាគួរតែរៀនធ្វើញ៉ាំ ព្រោះថាថ្ងៃចុងសប្ដាហ៍បែបនេះ កុំទុកពេលទំនេរចោល ត្រូវតែធ្វើខ្លួនអោយរវល់ហើយបានញ៉ាំឆ្ងាញ់ទៀតទើបល្អ។ របៀបធ្វើ និងគ្រឿងផ្សំសម្រាប់ធ្វើមាននៅខាងក្រោមនេះណា៖
? គ្រឿងផ្សំដែលត្រូវមាន៖
- អង្ករដំណើប កន្លះគីឡូ
- ខ្ទិះដូង កន្លះលីត្រ
- ល្ងលីង ២ ទៅ ៣ស្លាបព្រាបាយ
- ស្ករត្នោត កន្លះគីឡូ រឺអាចតិចជាងនេះ បើមិនសូវចូលចិត្តផ្អែម
- អំបិល បន្តិច
- សាច់ដូង តាមចំណូលចិត្ត
? របៀបធ្វើ៖
- យកអង្ករដំណើបទៅដាំ ឬចំហុយអោយយឆ្អិន (កុំអោយយជ្រាយពេក) រួចទុកមួយអន្លើ
- ដាក់ឆ្នាំងនៅលើភ្លើង រួចដាក់ស្ករត្នោតចូល កូររហូតដល់ពុះ ដាក់អំបិលចូលបន្តិច ហើយចាក់ទឹកខ្ទិះដូងចូល ធ្វើការកូរទឹកខ្ទិះ និងស្ករនោះរហូតដល់ឡើងក្លិន ឈ្ងុយ រួចចាក់បាយដំណើបចូល
- កូរបាយដំណើប និងទឹកស្ករអោយរលាយចូលគ្នាសព្វ និងបន្តកូររហូតដល់បាយដំណើបនោះដាច់ទឹក ស្ងួតបាយ (ត្រូវកូរវាអោយបានជាប់ បើមិនដូច្នេះទេបាយដំណើបអាចនឹងខ្លោច)
- លុះពេល ដែលបាយដំណើបដាច់ទឹកហើយត្រូវដួសវាមកដាក់លើថាស ហើយសង្កត់វាឱ្យណែន រួចរោយល្ងរ និងកោសសាច់ដូងដាក់ពីលើរួចជាការស្រេច៕
