នៅប៉ុន្មានម៉ោងមុននេះ Trailer ថ្មីរបស់រឿង The Accountant បានចេញផ្សាយ។ ហើយរឿងនេះ នឹងដាក់ បញ្ចាំងនៅតាមរោងភាពយន្តក្នុងកំឡុងពេលខែតុលា ខាងមុខនេះផងដែរ។ សំរាប់សាច់រឿងនេះវិញ គឺចង់និយាយអំពីបុរសម្នាក់ដែលមានឈ្មោះថា Christian Wolff (សម្តែងដោយ Ben Affleck)។ គាត់ គឺជាមនុស្សដ៏អស្ចារ្យម្នាក់ ទៅលើផ្នែកគណិតវិទ្យា (ពូកែគិតលេខ) ខុសពីមនុស្សធម្មតា។
នៅខាងក្រោយ ការធ្វើការជាបុគ្គលិកនៅការិយាល័យ CPA តូចមួយ គាត់ក៏ជាបុគ្គលិកក្រៅម៉ោងផ្នែកគណនេយ្យ ដែលធ្វើការអោយអង្គការឧក្រិដ្ឋកម្មដែលមានគ្រោះថ្នាក់មួយ។ បើចង់ដឹងថា Christian ជាមនុស្សដ៏អស្ចារ្យ យ៉ាងណា? ហើយពូកែគិតលេខយ៉ាងណា? សូមកុំភ្លេចចាំទស្សនារឿង The Accountant ទាំងអស់គ្នា។
