ខជើងជ្រូក ញ៉ាំបានម៉ាឆ្ងាញ់មិនចាញ់ចុងភៅជំនាញតាមរូបមន្ត និងរបៀបធ្វើងាយៗ

មួយរយៈនេះមិនថាបុរស រឺក៏នារីនោះទេ ស្ទើរតែក្លាយជាចុងភៅជំនាញទៅហើយ ព្រោះតែមិនចេះទៅញ៉ាំម្ហូបនៅខាងក្រៅ ហើយមួយវិញទៀតហាងមួយចំនួនក៏បានបិទទ្វារជាបណ្ដើរៗទៅហើយ បែបនេះជាការល្អគួរតែនាំគ្នារៀនធ្វើម្ហូបអោយចេះបានច្រើនមុខទើបជាការល្អ។ Admin ចូលរួមចែករំលែកពីរបៀបខ្លះៗ ដើម្បីរៀនធ្វើញ៉ាំទាំងអស់គ្នា ទទួលបានរសជាតិឆ្ងាញ់ ហើយអនាម័យថែមទៀត ទុកចិត្តជាងទិញរបស់គេចម្អិនស្រាប់។

គ្រឿងផ្សំដែលត្រូវមាន៖

• ជើងជ្រូក
• ស្ករត្នោត
• ខ្ទឹមស
• ទឹកត្រី
• ម្រេច(បុកអោយល្អិត)
• អំបិល

របៀបធ្វើ៖

• ដាំទឹកស្ងោរជើងជ្រូក អោយពុះទន់ស្បែកបន្តិច ទើបស្រង់ យកទៅខ ធ្វើបែបនេះ ទឹកខ មិនសូវមានជ័រខាប់ ដែលនាំអោយឆាប់ផ្អូម
• កម្លោចស្ករត្នោត អោយក្រហម
• ដាក់ទឹកត្រី អំបិល និង ម្រេចបុក ដាក់ខ្ទឹមស
• ដាក់ជើងជ្រូកចូលកូរអោយសព្វជាមួយហ្នឹងស្ករ(បន្ថែមទឹកបន្តិច ដើម្បីកុំអោយខ្លោច)
• អាចដាក់ ពងទាស្ងោរឆ្អិន បកអោយស្អាត ដាក់ ខជាមួយផង ក៏បាន
• ភ្លក់មើលអោយល្មម បើស្ទើរគ្រឿងអ្វី អាចបន្ថែមបន្តិចទៀតតាមការចូលចិត្ត រួចបន្តរំងាស់ទុកអោយឆ្អិន និងផុយសាច់ល្អ រួចជាការស្រេច៕