លេងសើចអី ភ្លេចៗខ្លួនជិតដល់ថ្ងៃឈប់សម្រាកទៀតហើយ មានគម្រោងថាចង់ទៅដើរលេងអត់? បើមិនទាន់មានទេ admin នឹងណែនាំ ៨ កន្លែងនៅសៀមរាប សម្រាប់អ្នកធ្លាប់ទៅហើយ តែចង់ទៅកន្លែងផ្សេងក្រៅពីប្រាសាទអង្គរវត្ត ។
១. Quad Adventure Cambodia
ចំណាយពេលចាប់ពី ១ ដល់ ៤ ម៉ោងដើម្បីមើលទេសភាពជនបទ និងទទួលបានបទពិសោធន៍ថ្មីៗពីការបើកបរម៉ូតូកង់បួនឃ្វដ និងភាពរីករាយជាមួយទេសភាពជនបទនាពេលថ្ងៃលិចដ៏អស្ចារ្យ។ ចំពោះតម្លៃគឺចាប់ពី ៣០ ដុល្លារឡើងទៅ។ ត្រូវកក់មុនយ៉ាងតិច ១ ថ្ងៃ។
Quad Adventure Cambodia
ទីតាំង៖https://goo.gl/maps/PKRCSjxNduUmJaMc8
២. Angkor Eye
Angkor Eye ជាកន្ត្រកវិលយក្សដែលខ្ពស់ជាងគេក្នុងប្រទេសកម្ពុជា ដែលមានទីតាំងនៅបណ្តោយផ្លូវជាតិលេខ ៦ ជាប់នឹងភូមិវប្បធម៌កម្ពុជា។ កន្ត្រកវិលយក្សនេះត្រូវបានរចនា និងសាងសង់ឡើងដោយវិស្វករជប៉ុន មានកម្ពស់៨៥ ម៉ែត្រ មាន ៤៥ កន្ត្រក ហើយក្នុងកន្ត្រកនីមួយៗមានបំពាក់ម៉ាស៊ីនត្រជាក់ និងអាចផ្ទុកមនុស្សបាន ៤ នាក់។ នៅពេលជិះ យើងអាចមើលឃើញទេសភាពយ៉ាងស្រស់ស្អាតក្នុងក្រុងសៀមរាប និងជាយក្រុង រួមទាំងកំពូលប្រាសាទអង្គរវត្ត ពីលើអាកាសទៀតផង។ ចំពោះតម្លៃសំបុត្រគឺម្នាក់ ៥ ដុល្លារ។
Angkor Eye
ទីតាំង៖ https://goo.gl/maps/8GjZ8eC7cvXqvM6R8
៣. ជិះស្គីលើទឹកនៅ ICF Water Park
ICF Water Park ជាឧទ្យានជិះស្គីលើទឹកមានតែមួយគត់ក្នុងប្រទេសកម្ពុជា។ ចំពោះតម្លៃគឺចាប់ពី ១៩ ដុល្លារឡើងទៅ បើកដំណើរការពីថ្ងៃចន្ទ ដល់ សៅរ៍។ ចំពោះក្មេងចាប់ពីអាយុ ១០ ឆ្នាំឡើងអាចជិះបាន។
ជិះស្គីលើទឹកនៅ ICF Water Park
ទីតាំង៖ https://g.page/icfwakepark?share
៤. ក្លឹបកីឡាបាញ់ធ្នូភូមិកម្ពុជា
ក្លឹបកីឡាបាញ់ធ្នូភូមិកម្ពុជា ជាកន្លែងបាញ់ធ្នូមួយត្រូវបានបង្កើតឡើងក្នុងគោលបំណងលើកស្ទួយ ក៏ដូចជាផ្សព្វផ្សាយមរតកដូនតាខ្មែរទៅដល់ភ្ញៀវទេសចរជាតិ និងអន្តរជាតិ ជាពិសេសកូនចៅខ្មែរជំនាន់ក្រោយឲ្យបានស្គាល់ដោយការដាក់តាំងបង្ហាញវត្ថុបុរាណជាច្រើនដែលបានបន្សល់ទុកតាំងពីសម័យអង្គរមកម្ល៉េះ។ តម្លៃចាប់ពី ៥ ដុល្លារ។
ក្លឹបកីឡាបាញ់ធ្នូភូមិកម្ពុជា
ទីតាំង៖https://g.page/royalarcheryclub?share
៥. កាហ្វេវប្បធម៌
ផ្ទះកាហ្វេវប្បធម៌សៀមរាបកសាងឡើងដើម្បីឲ្យប្រជាជនខ្មែរ និងជនជាតិបរទេស បានឃើញពីការថែរក្សា និងការពារមរតកវប្បធម៌ខ្មែរដែលមានតាំងពីសម័យដើមរហូតមកដល់បច្ចុប្បន្ន។ ភ្ញៀវដែលបានទៅអាចភ្លក្សរសជាតិកាហ្វេ និងតុបតែងខ្លួនស្លៀកសម្លៀកបំពាក់សម័យលង្វែក និងថតរូបទុកជាអនុស្សាវរីយ៍បាន។ តម្លៃចាប់ពី ២.៥ ដុល្លាឡើង។
កាហ្វេវប្បធម៌
ទីតាំង៖ https://goo.gl/maps/T2ByYJrK1PeXGMB87
៦. Angkor Balloon
បាឡុងអង្គរ ផ្តល់ជូននូវភាពរីករាយ និងការផ្ដិតយកទិដ្ឋភាពពីលើអាកាសដ៏អស្ចារ្យ ៣៦០ ដឺក្រេ នៃប្រាសាទអង្គរវត្ត ភ្នំបាខែង បារាយណ៍ខាងលិច បឹងទន្លេសាប ភ្នំក្រោម ភ្នំបូក ភ្នំគូលែន ទីក្រុងសៀមរាប និងទេសភាពជនបទនៃខេត្តសៀមរាបដ៏ស្រស់ត្រកាល និងភូមិនានាដែលជាចំនុចលេចធ្លោនៃទេសភាពនៅតំបន់អង្គរ។ តម្លៃចាប់ពី ៧ ដុល្លារ។
Angkor Balloon
ទីតាំង៖ https://g.page/angkorballoonsr?share
៧. សារមន្ទីរពន្លឺអង្គរ
សារមន្ទីរអង្គរជាសារមន្ទីរថ្មីមួយ ដែលធ្វើឡើងពីកញ្ចក់ ដើម្បីបង្ហាញពីទស្សនីយភាពបែប 3D នៅក្នុងសម័យអង្គរ។ នៅពេលដែលបានមកទស្សនាសារមន្ទីរនេះ យើងនឹងមានអារម្មណ៍ដូចបានត្រឡប់ទៅអតីតកាលតាំងពី ១០០០ ឆ្នាំមុន ដែលជាសម័យអង្គរដ៏រុងរឿងដ៏អស្ចារ្យ។ តម្លៃសំបុត្រចាប់ពី ២.៥ ដុល្លារឡើង។
សារមន្ទីរពន្លឺអង្គរ
ទីតាំង៖ https://goo.gl/maps/tGpf5vntc5qwnHmC6
៨. ផ្ទះស្នាក់ឃុនរាម និងបោះតង់
ផ្ទះស្នាក់ឃុនរាម ជាផ្ទះស្នាក់លំហែកាយ និងបោះតង់បែបធម្មជាតិ ដែលមានទេសភាពស្រស់ស្អាត ខ្យល់អាកាសបរិសុទ្ធ ដែលយើងអាចមើលឃើញទេសភាពភ្នំគូលែន និងភ្នំក្បាលស្ពានយ៉ាងស្រស់ត្រកាល។ តម្លៃចាប់ពី ១០ ដុល្លារឡើងទៅ។ យើងក៏អាចកក់គោយន្តសម្រាប់ដំណើរកម្សាន្តពីផ្ទះស្នាក់ ទៅជើងភ្នំ និង បន្តដំណើរថ្មើរជើងទៅលេងកំពូលភ្នំបានទៀតផង។
ផ្ទះស្នាក់ឃុនរាម និងបោះតង់
ទីតាំង៖https://goo.gl/maps/8fW84JkbXykpqm74A