តាមប្រភពព័ត៌មាន Squawka បានឲ្យដឹងថា ខ្សែប្រយុទ្ធរួមក្លឹបជាមួយនឹង Ronaldo កីឡាករវ័យក្មេង Marco Asensio បានប្រាប់ថា ខ្លួនមិនដែលគិតថាចង់ដណ្តើមពានរង្វាន់ Ballon d’Or ជាមួយនឹង Ronaldo ឡើយ ទោះបីជា Ronaldo ធ្លាប់សរសើរក៏ដោយ ។
កីឡាករវ័យ២១ឆ្នាំរូបនេះបាននិយាយថា «ខ្ញុំមិនដែលគិតចង់ប្រជែងជាមួយនឹងរៀមច្បង Cristiano Ronaldo ក្នុងការដណ្តើមពានរង្វាន់ Ballon d’Or ឡើយ ។ វាអាចនឹងយូរទៅមុខទៀត ទម្រាំដល់ពេលសម្រាប់ខ្ញុំ ។ ការទទួលបានពាក្យសរសើរពី Ronaldo ជារឿងល្អ ហើយខ្ញុំក៏សប្បាយចិត្តដែរ ព្រោះខ្ញុំកំពុងតែលេងនៅក្នុងក្លឹបធំបំផុតក្នុងពិភពលោកជាមួយនឹងកីឡាករដែលល្អៗ» ។
នៅពេលថ្មីៗនេះ Asensio បានបន្តកុងត្រារបស់ខ្លួននៅក្លឹប Real Madrid បន្តទៀតរហូតល់ឆ្នាំ២០២៣ ក្នុងតម្លៃខ្លួនផ្តាច់កុងត្រា៨២៩លានដុល្លារសហរដ្ឋអាមេរិក ៕
