តាមប្រភពព័ត៌មាន Viral4real បានឲ្យដឹងថា បុរសអាយុ៥០ឆ្នាំម្នាក់ ត្រូវបានបញ្ជូនទៅមន្ទីរពេទ្យ ដោយសារតែគាត់បានញេចមុន រហូតដល់ថ្នាក់មេរោគចូលក្នុងខួរក្បាល ។ បុរសម្នាក់ដែលសុំមិនបញ្ចេញឈ្មោះ បានញ៉េចមុនមួយគ្រាប់ នៅលើបបូរមាត់ខាងលើ ដោយសារតែវារំខាន់ដល់រូបលោក ។ លោកបានញេចវាដោយខ្លួនឯងទាំងមិនដឹងថា វាស្ថិតនៅតំបន់ត្រីកោណនៃមុខ។
ក្រោយពីញ៉េចវាហើយ វាបានឡើងហើម ហើយរូបលោកបានឡើងកម្តៅយ៉ាងខ្លាំង។ លោកបានទៅមន្ទីរពេទ្យ ទើបពេទ្យរកឃើញថា មេរោគដែលចូលតាមមុខរបួសមុន បានសាយភាយពេញសារពាង្គកាយ ។ គ្រូពេទ្យបានធ្វើការព្យាបាលដោយជោគជ័យ ដោយសារតែបានមកមន្ទីរពេទ្យទាន់ពេល ។
គួរបញ្ជាក់ថា តំបន់ត្រីកោណ គឺជាតំបន់នៅលើមុខដែលគេរាប់ចាប់ពីខ្ទង់ច្រមុះ ចុះមកដល់បបូរមាត់ខាងលើ។ នៅពេលមានស្នាមរបួស ឬពេលដែលអ្នកញេចមុន មេរោគអាចនឹងចូលតាមនោះទៅកាន់ខួរក្បាលបាន ដោយសារតែវាមានសរសៃឈាមច្រើនបន្តទៅខួរក្បាល ។
