និយាយពីរឿងពងទាកូននេះ មិនថាតែអ្នកទាំងអស់គ្នាទេដែរចូលចិត្តញ៉ាំនោះ សូម្បីតែ Admin នេះក៏ចូលចិត្តញ៉ាំដែរ ព្រោះថាឆ្ងាញ់ហើយប៉ូវកម្លាំងទៀត អត់អោយចូលចិត្តមិចកើតទៅណ៎ អ្នកចូលចិត្តពងទាកូនគ្នាយើង។ ម៉ោះ ដោយសារតែយើងចូលចិត្តញ៉ាំដូចគ្នា ចឹង Admin មិនលាក់ទេថាពងទា នៅឯណាឆ្ងាញ់នោះ អាចនិយាយបានថាមានច្រើនកន្លែង ច្រើនជម្រើសសម្រាប់អ្នកទាំងអស់គ្នា ជ្រើសរើសបានតាមកន្លែងដែលអ្នកទាំងអស់គ្នាចង់ទៅដែលមានដូចខាងក្រោម៖

ហាង MOOL

មួយក្តាំងនេះឪមីអូន ត្រៀមខ្លួនចាំជូនម៉ែមីអូនទៅញ៉ាំអោយអើយទៅ ទំនងយកតែមែនទែនបែបនេះ មិនអាចរួចខ្លួននោះទេ រសជាតិពងទាកូនដុតទឹកអំពិលទុំ និងរសជាតិពងទាកូនដុតទឹកត្រីកោះកុង មុខម្ហូបថ្មីទើបតែបង្កើតចេញពីហាងMOOl ផ្ទាល់តែម្តង។

ហាង MOOL
លេខទូរស័ព្ទ៖ 096 86 86 368
ទីតាំង៖ ផ្លូវ ៤០២ កែង ផ្លូវ ១៨៥ ម្តុំក្រោយសាលាវ៉ាន់ដា ម៉ៅសេទុង ជិតហាងម៉ូតូកាហ្វេ
ផែនទី៖ https://goo.gl/maps/RgdXSEZk1w62

ហាង ពងទាកូនច្បារអំពៅ

ជឿជាក់ថាលោកអ្នកប្រាកដជាធ្លាប់ពិសារពងទាកូន ខ្ទឹមជ្រក់ឆ្ងាញ់ៗតាមបណ្តាហាងនានាជាច្រើនកន្លងមកហើយ តែលោកអ្នកប្រហែលជាមិនធ្លាប់ដឹងទេថា ម្ទាស់ដើមដែលច្នៃជ្រក់ខ្ទឹមសដំបូងគេចេញរូបមន្តមកពីណាទេមែនអត់?

ហាង ពងទាកូនច្បារអំពៅ
ទូរស័ព្ទ៖​ 017 27 27 12 / 077 560 168
ទីតាំង៖ ផ្លូវលេខ 363 កែង ផ្លូវលេខ 622 (ខាងកើតផ្សារច្បារអំពៅ)

ពងទាកូនផ្សារ​តាប៉ាង​

ស្ថិត​នៅលើផ្លូវប៉ាស្ទ័រ ម្តុំផ្សារតាប៉ាង ដែលជាកន្លែងល្បីខ្លាំង ហើយសម្បូរទៅដោយប្រភេទអាហារសម្រន់ លោកអ្នកនិងឃើញនៅចំមុខផ្ទះបាក់បែកមួយកន្លែង មានមនុស្សជាច្រើន មានអ្នកខ្លះអង្គុយញាុំពងទាកូន ឯអ្នកខ្លះទៀតឈរចាំកម្មង់ទិញញុំា នោះគឺតូបលក់ពងទាកូនល្បីឆ្ងាញ់ខ្លាំងជាង៣០ឆ្នាំហើយនៅផ្សារតាប៉ាង ដែល១ថ្ងៃគាត់អាចលក់រហូតដល់៥០០គ្រាប់ លក់ដាច់គ្មានសល់នោះទេ។

តូប ពងទាកូនផ្សារ​តាប៉ាង​
ទូរស័ព្ទ៖ 010 977 017
ទីតាំង៖ ម្តុំផ្សារ​តាប៉ាង​មុខផ្ទះបាក់បែក

បង្អែមម៉ាក់អាកាំង

ភាពល្បីល្បាញ និយាយតៗគ្នា ពីហាង បង្អែមម៉ាក់អាំកាំង ពងទាកូន ម្តុំផ្សារញ៉ែ ម្តុំសន្ធរម៉ុក និង ក្រោយសាលាវ៉ាន់ដា ហើយពេលនេះម្ចាស់ហាង ក៏ត្រូវតែ​វិវឌ្ឍន៍​ខ្លួនជាមួយសាខាទី ៤ ទៀតមានការ​តុបតែង​កាន់តែ​ល្អប្រសើរ បន្ថែម​ពីលើ​ទីតាំង​ចាស់ និងងាយស្រួលដល់អ្នកពិសាទាំងអស់គ្នា​ ។

ហាង បង្អែមម៉ាក់អាកាំងសាខាទី​៤
ទូរស័ព្ទ៖ 011 78 30 55 | 016 95 88 19
ទីតាំង៖ ផ្ទះលេខ 01Eo, ផ្លូវលេខ169 កែងផ្លូវ118, សង្កាត់ មិត្តភាព, ខណ្ឌ 7មករា

ហាងដែលមានម្ហូបឆ្ងាញ់ៗ តម្លៃធូរថ្លៃមានមិនច្រើនទេនៅក្នុងរាជធានីភ្នំពេញ ជាពិសេសហាងដែលមានម្ហូបច្រើនជាតិសាសន៍ ដែលអាចជ្រើសរើសមុខម្ហូបបានតាមចំណូលចិត្តទៀតនោះ។ តែថ្ងៃនេះអ្វីទាំងអស់នេះ ត្រូវបានរកឃើញហើយ គឺមាននៅហាងអូរឫស្សីគ្រឿងសមុទ្រ ដែលមានម្ហូប៤ជាតិសាសន៍ បែបខ្មែរ ថៃ ចិន និងវៀតណាម រីឯតម្លៃចាប់ពី ១២០០០៛ ឡើងទៅតែប៉ុណ្ណោះ។

គួរណាស់តែមិនអាចរំលងបានទេ ចំពោះហាងដែលមានមុខម្ហូបច្រើនជម្រើសបែបនេះនោះ ជាពិសេសបើបានមកញ៉ាំហើយកុំភ្លេចញ៉ាំម្ហូបប្រចាំហាង ដែលមានដូចជា​៖ ស៊ុបហិលអូរឫស្សី ក្ដាមពងជ្រក់ និងHappy Crab(ក្ដាមអាំងអំបិលម្ទេស) និយាយថាមួយណាក៏រសជាតិឆ្ងាញ់ដែរ ព្រោះតែគ្រឿងសមុទ្រដែលយកមកចម្អិនទាំងអស់ គឺនៅរស់ស្រស់ល្អ។

ពិសេសបែបនេះមិនអាចរំលងបានទេណា ព្រោះថាបន្ថែមពីលើម្ហូបឆ្ងាញ់តម្លៃសមរម្យ គឺក្នុងហាងមានបរិយាកាសល្អ មានបន្ទប់VIP(មិនគិតថ្លៃ) មានទទួលរៀបចំកម្មវិធីខួបកំណើត កម្មវិធីកាត់ចំណងដៃ ជប់លៀងបុគ្គលិកជាដើម ជាពិសេសហ្វ្រីចំពោះការដេគ័រថែមទៀត។ ហាងចាប់បើកពីម៉ោង ៩ព្រឹក រហូតដល់ម៉ោង ១១យប់ សម្រាប់ម្ហូបគ្រឿងសមុទ្រទាំង ៤ជាតិសាសន៍ និងមានគុយទាវពេលព្រឹកចាប់ពីម៉ោង ៦ព្រឹក រហូតដល់ម៉ោង ១១ព្រឹកផងដែរ៕

ហាង អូរឫស្សីគ្រឿងសមុទ្រ
លេខទូរសព្ទ៖ 016 95 00 05 / 011 50 44 50 / 011 385 168
ទីតាំង៖ ផ្ទះលេខ6A ផ្លូវលេខ105 ជិតសាលាប៊ែលធី(សាខាអូរឫស្សី) ផែនទី ចុចទីនេះ

វីដេអូ៖

អ្នកណាខ្លះធ្លាប់បានមកលេង ខេត្តមណ្ឌលគិរី ដែលជាដែនដីភូមិភាគឦសានមួយនេះ។ សម្រាប់អ្នកដែលធ្លាប់បានមកលេងទឹកដី ដ៏សម្បូរទៅដោយសម្បត្តិធម្មជាតិ និងវប្បធម៌ ប្រពៃណី ទំនៀមទំលាប់ច្រើនរាប់មិនអស់ ធ្លាប់បានទៅលេងកន្លែងណាខ្លះហើយ ហើយបានស្គាល់អ្វីខ្លះពីទឹកដីខេត្តមួយនេះ។

មិនបាច់ឆ្ងល់ទេណាថាហេតុអ្វី បានAdminសួរបែបនេះព្រោះតែចង់លួចបង្ហើបសម្រាប់ដែលអ្នកធ្លាប់មកលេងហើយក្ដី និងអ្នកមានបំណងថាមកលេង អោយដឹងថាបានមកដល់ទីនេះគួរណាស់តែសាកញ៉ាំម្ហូបប្រចាំត្រកូលរបស់បងប្អូនជនជាតិភាគតិចនៅទីនេះ ព្រោះថាឆ្ងាញ់ប្លែក ជាពិសេសមានក្លិនឈ្ងុយដោយការចម្អិនក្នុងបំពង់ឫស្សីតែម្ដង នោះគឺសម្លរប្រូង។

សម្លរប្រូង ជាសម្លរមួយដែលគេត្រូវចម្អិនវាដោយដុតបំពងឬស្សី ដើម្បីអោយគ្រឿងផ្សំ បន្លែ និងសាច់ ឆ្អិនហើយមានក្លិនឈ្ងុយ។ បើតាមបងស្រីម្នាក់ដែលជាជនជាតិភាគតិចបានប្រាប់មកយើងថា ម្ហូបនេះ បើគេគ្មានសាច់ គឺគេប្រើផ្សិតមកដាក់ជំនួស ហើយបើមានសាច់វិញគេហាម ដាក់សាច់ត្រី ព្រោះវាជាតំណមប្រពៃណី។

សម្រាប់អ្នកធ្លាប់មកលេងហើយមិនទាន់បានញ៉ាំ បើមានឱកាសមកលេងលើកក្រោយ គួរណាស់តែសាកអោយបានដឹងរសជាតិម្ដង អ្នកដែលមិនទាន់បានមកសោះ ដែលរៀបគម្រោងថា​ និងមកក៏ដូចគ្នា។ ម៉ោះ លូវមិនទាន់បានញ៉ាំ តែនេះមកមើលពីរបៀបចម្អិនតាមរយៈវីដេអូខាងក្រោមសិនទៅណា៖

វីដេអូ៖
 

ស្ថិតក្នុងចំណោមហាងជាច្រើនដែលមានវត្តមានក្នុងរាជធានីភ្នំពេញ យើងសង្កេតឃើញថាហាងជាប្រភេទStreet Food ឬហៅថាហាងតាមចិញ្ចើមផ្លូវ គឺមានការគាំទ្រច្រើនតែម្តងជាពិសេស ហាងដែលមានលក់មុខម្ហូបដូចជា ខ្ចៅ ខ្យង ក្តាមស្រែ តួយ៉ាងហាងទាំង ៦នេះ គឺមានភ្ញៀវពេញៗហាងតែម្តង អ្វីដែលជាភាពច្នៃប្រឌិតនោះ គឺសម្រាប់ហាងនីយមួយៗ មានចំនុចពិសេស គឺទឹកជ្រលក់មានរសជាតិប្លែកៗពីគ្នា ដែលធ្វើអោយអតិថិជន ចាប់អារម្មណ៍និងរសជាតិ ហើយមកញុាំជាញឹកញាប់តែម្តង។

ហាង MOOL

និយាយត្រង់រឿងខ្ចៅ ខ្យងទុកអោយ ហាង MOOL មកគ្រប់មុខអស់ហើយ ចង់ស្រុះទឹកដូង ចង់ដុតខ្ទះដែក មានមួយចប់ ច្នៃប្លែកៗហ្មង បន្ថែមជាមួយទឹកជ្រលក់ពិសេស ទឹកអំពិលទុំជាតិមួយទំហឹងទៀត រឿងអីមិនឆ្ងាញ់នោះ ត្រៀមរកលេខតេណាត់មហាមិត្តមកសាកមីនុយថ្មីនៅ MOOL ទៅ ខ្ចៅ ខ្យង ងាវ លៀសស លៀសហូល ដុតខ្ទះដែក ស្រោចទឹកត្រីអំពិលទុំពិសេសធានាថាពេញចិត្ត។

ហាង MOOL
លេខទូរស័ព្ទ៖ 096 86 86 368
ទីតាំង៖ ផ្លូវ ៤០២ កែង ផ្លូវ ១៨៥ ម្តុំក្រោយសាលាវ៉ាន់ដា ម៉ៅសេទុង ជិតហាងម៉ូតូកាហ្វេ
ផែនទី៖ https://goo.gl/maps/RgdXSEZk1w62

ហាងខ្ចៅស្ទាវ ទួលទំពួង

គ្រាន់តែលឺឈ្មោះហាង ខ្ចៅស្ទាវ ទួលទំពួង ច្បាស់ណាស់ថាអ្នករស់នៅប្លុកផ្សារទួលទំពួង ស្គាល់សឹងគ្រប់គ្នា ព្រោះអីហាងនេះមានភ្ញៀវពេញៗហាង ហើយភាគច្រើននោះគឺ យុវវ័យតែម្តង។ ដោយសារតែភ្ញៀវភាគច្រើនជាយុវវ័យ ដូច្នេះហើយបានហាងនេះដាក់ឈ្មោះថា ហាងខ្ចៅស្ទាវ តែម្តងទៅ។

ហាងខ្ចៅស្ទាវ ទួលទំពួង
ទូរស័ព្ទ៖ 086 222 908 | 010 654 033 | 097 61 23 141
ទីតាំង៖ ផ្ទះលេខ 65 ផ្លូវលេខ 135 សង្កាត់ទួលទំពួង ខណ្ឌចំការមន រាជធានីភ្នំពេញ

ហាង ខ្ចៅសាងស្នេហ៍

អស់រយៈពេល 24​ ឆ្នាំមកហើយដែល​ ហាង ខ្ចៅសាងស្នេហ៍បើកដំណើរលក់មកដល់បច្ចុប្បន្ននេះ ហើយក៏មានភ្ញៀវមិនតិចអ្នកទេដែលធ្លាប់មកពិសារ ហើយក៏មិនតិចអ្នកដែលសាងប្រវតិ្តស្នេហ៍នៅទីនេះ តាមពិតទៅAdmin អត់ដឹងដូចតែគ្នាទេ មិនដឹងសាងឬអត់នោះទេ តែដោយសារនៅកន្លែងនេះសម្បូរយុវវ័យ ហើយម្ចាស់ហាងដាក់ឈ្មោះចឹងទៀត ចឹងប្រហែលជាមានខ្លះដែរហើយមែនអត់ ហើយបើមែនចេញមុខមកសុំស្គាល់ផង និយាយលេងទេណា តាមពិតទៅ គឺកន្លែងគាតនៅក្រោយសាលាបឋមសិក្សាបាក់ទូកផ្ទាល់ ហើយក៏ក្បែរសាលាជ័យថាវីដែរ ដូចនេះហើយគឺសម្បូរសិស្សសាលាច្រើនដែលចូលមកញ៉ាំនៅកន្លែងគាត់ មួយវិញទៀតហាង ខ្ចៅសាងស្នេហ៍ មានរបស់ញ៉ាំច្រើនមុខណាស់ ទំនងៗខ្លាំងទៀតផង។

ហាង ខ្ចៅសាងស្នេហ៍
លេខទូរស័ព្ទ៖ 016 45 55 51
ទីតាំង៖ ក្រោយសាលាបឋមសិក្សាបាក់ទូក

ហាង ខ្ចៅស្រីភ្លោះទួលទំពូង

ហាង ខ្ចៅស្រីភ្លោះទួលទំពូង យុវវ័យភាគច្រើនប្រហែលជាស្គាល់ច្បាស់ណាស់ ហើយជាអតិថិជនប្រចាំហាងទៀត ព្រោះនៅទីនោះផ្ទាល់ល្បី២០ឆ្នាំហើយ ថែមទាំងមានមុខម្ហូបច្រើនណាស់សុទ្ធតែរបស់ចូលចិត្តញុាំទាំងអស់ ចឹងសូមរៀបរាប់ខ្លះៗអោយលោកអ្នកដែលមិនដែលបានដឹងស្គាល់ខ្លះពីមុខម្ហូបដែលមាននៅក្នុងហាង មានខ្យង ខ្ចៅចំហុយ ក្តាមចំហុយ លៀសឆាអំពិលទុំ​ ប្រហិតចៀន ប្រហិតឆឹង ពងទាកូន រួមទាំងអាហារអាំងច្រើនប្រភេទផងដែរ ឃើញរបស់ចឹងៗអីទ្រាំមិនបានទេណា ។

ហាង ខ្ចៅស្រីភ្លោះទួលទំពូង
Tel:010 237 970
ទីតាំង៖ ផ្ទះលេខ២៧B ផ្លូវលេខ១៣៥ សង្តាត់ទួលទំពូង១

ហាង អ៊ីទុំលៀសអប់សៀមរាប

ម៉ោះ មកស្គាល់មុខម្ហូបដែលឆ្ងាញ់ប្រចាំហាងដែលAdmin សរសើរនៅខាងលើអម្បិញមិញ នោះគឺមានដូចជា៖ លៀសអប លៀសហូលអប ខ្យងចំហុយ ប្រហិតបំពង និងក្ដាមឆា។ និយាយពីថាប៉ុន្មានមុខនេះ ចង់ញ៉ាំមួយណាក៏ធានាថាពេញចិត្តស្ដូកដែរ។ អ្វីដែលពិសេសទៀតនោះ គឺលៀសទាំងអស់ត្រូវបានយកមកពីទឹកដីខេត្តសៀមរាប ធំៗហើយថែមទាំងសាច់ច្រើនថែមទៀត។

ហាង អ៊ីទុំលៀសអប់សៀមរាប
លេខទូរសព្ទ៖ 069 25 25 89 / 017 48 20 04
ទីតាំង៖ ផ្ទះលេខ៥៦បេ ផ្លូវ៣១៨ ខាងក្រោយបេនឡាន វីរៈប៊ុនថាំ ផ្សារអូឡាំពិក

ហា​ង ៣ជំនាញ

ស្ថិតនៅក្រោយសាលា​​ វ៉ាន់ដា ដែលអ្នកដឹងស្រាប់ហើយថា នៅទីនោះគឺពោរពេញទៅអាហារជាច្រើនមុខ ប្លែកៗច្រើន ក្នុងនោះដែរក្រុមការងារយើងសូមណែនាំហាងមួយកន្លែងឈ្មោះថា ហាង៣ជំនាញ ដែលជំនាញក្នុងការធ្វើម្ហូបប្លែកឆ្ងាញ់ៗជូនអតិថិជនខ្លួនមិនអោយខកចិត្តនោះទេ មិនថាប្រភេទអាំង​ ឬគ្រឿងក្លែមគឺអ៊ែមតែម្តង ហើយសម្រាប់មុខម្ហូបខ្យងឆាការី ងាវឆាការីនេះវិញគឺទាក់ចិត្តអ្នកញាុំខ្លាំងណាស់ ភាយតែក្លិនឈ្ងុយទ្រាំមិនបានទេ! ហើយបើនិយាយពីរសជាតិវិញគឺឆ្ងាញ់ប្លែកមាត់។

ហាង ៣ជំនាញ
ទូរស័ព្ទ៖ 081 777 868
ទីតាំង៖ ផ្លូវក្រោយសាលាវ៉ាន់ដា ផ្លូវ៤០២ ឆ្ពោះទៅរកស្ថានទូតចិន ទល់មុខហាង Beer Connection

ការចង់ញ៉ាំម្ហូបឆ្ងាញ់ៗជារឿងមួយ តែរឿងដែលត្រូវគិតគូរខ្លាំងទៀតនោះ គឺថាអាហារទាំងអស់នោះល្អសម្រាប់សុខភាពប៉ុណ្ណា។ បើគិតថាញ៉ាំអាហារដែលគិតគូរពីសុខភាព គឺជារឿងសំខាន់សម្រាប់អ្នក បែបនោះគួរតែមកស្គាល់ហាងទាំង ២នេះហើយព្រោះថាទីនេះមានអារហារសុខភាព។ ពេញចិត្តមួយណា អាចទៅសាកមួយណឹងបានតាមចំណូលចិត្តរបស់លោកអ្នក។

ភោជន Daily Healthy Food

ភោជន Daily Healthy Food
លេខទូរសព្ទ៖ 011 809 080
ទីតាំង៖ ចុចទីនេះ

VIBE

VIBE
លេខទូរសព្ទ៖ 061 764 937
ទីតាំង៖ ចុចទីនេះ