បើនិយាយពីម្ហូបសុខភាព ពិសេសរសជាតិឈ្ងុយឆ្ងាញ់ដោយមិនចំបាច់ប្រើប៊ីចេងនោះ លោកអ្នកតែងតែនឹកដល់ផាកកាហ្វេមុនគេ ដែលជាភោជនីយដ្ឋានក្នុងស្រុកមួយដែលមានភាពល្បីល្បាញ មិនចាញ់ភោជនីយដ្ឋានម៉ាកក្រៅស្រុកនោះឡើយ ដោយភោជនីយដ្ឋានផាកកាហ្វេតែងតែគិតគូរដល់សុខភាពរបស់អតិថិជនជាចំបង ដោយប្តេជ្ញាមិនប្រើប្រាស់ប៊ីចេង ដើម្បីបង្កើនរសជាតិនៃមុខម្ហូបឡើយ។ មានអតិថិជនរបស់ផាកកាហ្វេជាច្រើនបានដឹងរួមហើយថា នៅគ្រប់សាខារបស់ផាកកាហ្វេទាំង១០ក្នុងក្រុងភ្នំពេញយើង តែងតែដាក់លក់នូវមុខម្ហូបអាហារថ្មីៗ ភេសជ្ជៈរសជាតិថ្មីៗប្រចាំខែ ដែលមាន រសជាតិឆ្ងាញ់ប្លែកពីរសជាតិនៃមុខម្ហូបអាហារនៅក្នុងមីនុយរបស់ខ្លូន ក្នុងន័យដើម្បីបំពេញបន្ថែមនូវរសជាតិថ្មីៗ សម្រាប់អតិថិជនរបស់ខ្លួនមិនអោយជិនណាយ។ ដោយឡែកសម្រាប់ខែឧសភានេះផាកកាហ្វេបានចេញលក់នូវអាហារថ្មីគឺ បបរលតជើងជ្រូក និង ភេសជ្ជៈរសជាតិថ្មីទៀតនោះគឺ ត្រាវក្រឡុក ។ បើតាមការបង្ហើបអោយដឹងពីផ្នែកចុងភៅប្រចាំផាកកាហ្វេថាម្ហូបថ្មីនេះបានផ្សំគ្រឿងយ៉ាងពិសេសដោយបញ្ចូលគ្រឿងទេសផ្សេងៗសម្រាប់ទឹកស៊ុបយ៉ាងឆ្ងាញ់របស់បបរលតនេះ  ជើងជ្រូក និង សាច់ជ្រូកចិញ្ច្រាំគឺជាជ្រូកស្រែដែលចិញ្ចឹមបែបលក្ខណៈគ្រួសារ នៅខេត្តតាកែវយើងហ្នឹង ហើយបាក់សៀបវិញគឺបានផលិតឡើងប្រកបដោយអនាម័យ ប្រហិតត្រីត្រូវបានជ្រើសរើសយកប្រហិតសាច់ត្រីលេខ១ កោសស្រស់ៗយកទៅចៀនភ្លាមៗ ដាក់ចូលរួមគ្នាជាមួយផ្កាគូរឆាយ ការ៉ុត គល់់ស្លឹកខ្ទឹមក្នុងចានតែមួយស្រោចទឹកស៊ុបក្តៅៗ ហុយៗជូនលោកអ្នកជាពិសេស ដែលមានលក់នៅគ្រប់សាខាផាកកាហ្វេ។ កាន់តែពិសេសជាងនេះទៅទៀតគឺត្រាវក្រឡុកហ្នឹងម៉ង!!! មើមត្រាវត្រូវបានជ្រើសរើសយកត្រាវដែលផុស ស្ងោរកំណត់ភ្លើងយ៉ាងត្រឹមសម្រាប់យកមកក្រឡុកធ្វើជាភេសជ្ជៈជូនលោកអ្នក ហើយមើមត្រាវទាំងអស់ ក្រុមការងាររបស់ផាកកាហ្វេបានចុះប្រមូលទិញពីបងប្អូនប្រជាកសិករដែលរសនៅខេត្តព្រៃវែងដោយផ្ទាល់ ដើម្បីជួយលើកកំពស់តម្លៃផលិតផលកសិករខែ្មរអោយមានតម្លៃក្នុងទីផ្សារប្រហើរផងដែល ហើយខាងក្រោមនេះគឺអត្ថប្រយោជន៌មើមត្រាវសម្រាប់សុខភាពរបស់អ្នកទទួលទានផងដែរ ៖

1. រំលាយអាហារដែលមាននៅក្នុងក្រពះបានល្អ
2. សំបូរដោយអាស៊ីតអាមីណូ និង អូមេហ្គា៣ ដែលជួយការពារជំងឺមហារីក
3. កាត់បន្ថយការឡើងសំពាធឈាម
4. ជួយអោយសម្រកទម្ងន់ និង រក្សាសុខភាពស្បែក ជួយអោយស្បែកភ្លឺថ្លា

ពិសេសសម្រាប់អតិថិជនដែលទិញ បបរលតជើងជ្រូក ​+ ត្រាវក្រឡុក គឺអាចទិញចៃយ៉បំពង(៣ដុំ) ក្នុងតម្លៃត្រឹមតែ $ 0.99 តែប៉ុណ្ណោះ ដែលមានផ្តល់ជូននៅគ្រប់សាខាផាកកាហ្វេ។ លោកអ្នកអាចស្វែងរករសជាតិអាហារថ្មីនេះនៅគ្រប់សាខាផាកកាហ្វេទាំង១០ នៅក្នុងរាជាធានីភ្នំពេញ។ វីដេអូ

អ្នកណាខ្លះទាល់តែញាុុំបាយពេលល្ងាចបានឆ្អែត លើកនេះមានជំរើសសំរាប់លោកអ្នកហើយ ជាមូយបាយឆាម្រះព្រៅដ៏ទំនងមួយ។ ថ្ងៃនេះ​ ក្រុមការងារ KSPG.TV សូមណែនាំអ្នកពិសាទាំងអស់គ្នាទៅចម្អែតក្រពះម៉ាហល់ម្តងមើល ជាមួយបាយឆាថាសស្លឹកឈូកម្រះព្រៅ។

អ្នកពិសាអាចកម្មង់បាយឆាម្រះព្រៅនេះបានគ្រប់ប្រភេទសាច់ដែលជាចំណង់ចំណូលចិត្តលោកអ្នកមានទាំងសាច់គោ គ្រឿងសមុទ្រ ជាដើម ជាពិសេសបន្ថែមនឹងពងមាន់ថែមទៀតផង។ អូ៎ មានក្រួចអាំង ដែលភាយក្លិនឈ្ងុយ បើទៅពិសាមិនអាចទប់ចិត្តមិនកុម្មង់មិនបានទេ ។

គ្រាន់តែឃើញរូបភាព ក៏ស្រក់ទឹកមាត់បាត់ទៅហើយ​ជាមួយបាយឆាម្រះព្រៅ​ ដ៏សំបើមមួយថាស និងគ្រួចអាំងនេះ។ ម៉ោះបបួលមិត្តភក្តិទៅញាុំទាំងអស់គ្នា ហើយត្រូវហៅគ្នីគ្នាអោយច្រើនបន្តិច ប្រយ័ត្នញាំុអត់អស់ណា៎ ៕

ទូរស័ព្ទ៖ 098 80 97 89 / 099 80 97 89 ទីតាំង៖ Best Food សាខាទី១ នៅលើផ្លូវ ១២២ សន្ធរម៉ុក ប្លុកខាងក្រោយ Tous Les Jours កម្ពុជាក្រោម វីដេអូ

សាច់អាំងតាមផ្លូវដ៏ឆ្ងាញ់ ដែលមានទីតាំងស្ថិតនៅលើផ្លូវលេខ 228 កែវនឹងផ្លូវត្រសក់ផ្អែម បើកដំណើរប្រហែល 9ឆ្នាំកន្លងទៅហើយ។ គ្រប់គ្នាដែលធ្លាប់ញ៉ាំគឺតែងសរសើរថាឆ្ងាញ់ ហើយតែងតែគាំទ្ររហូតដល់សព្វថ្ងៃ។

វាប្រាកដជាមិនមានភាពងាយស្រួលនោះទេ​ដែលហាងតាមផ្លូវ អាចថែរក្សាកេរ្តិ៍ឈ្មោះ រហូតដល់សព្វថ្ងៃនេះ កត្តាដែលសំខាន់ប្រាកដជារសជាតិសាច់អាំងហើយ តែអ្វីដែលមិនខ្វះបាននោះគឺ ជាទឹកជ្រលក់ តែម្តង សំរាប់សាច់ជ្រូក សាច់គោ សាច់ឆ្អឹងជំនី បូករួមជាមួយខ្យង ងាវ គ្រឿងសមុទ្រទៀតនោះ អូហូ កូរពោះហើយ។

ហាង សាច់អាំងម៉ាក់ឡា ទូរស័ព្ទ៖​ 092 68 46 58 ទីតាំង៖ ស្ថិតនៅលើផ្លូវលេខ 228 កែវនឹងផ្លូវត្រសក់ផ្អែម ក្បែរហាងទឹកសៀង ផែនទី

វីដេអូ