មិនថាមនុស្សចាស់ មនុស្សពេញវ័យ ឬកុមារនោះទេ ឱ្យតែកង្វះអនាម័យគឺប្រឈមនឹងការកើតមានជំងឺផ្សេងៗ ជាពិសេសជំងឺរាករូស  ក្អួកចង្អោរ និងចុកឆ្អល់ជាដើម ដែលអាការទាំងនេះបណ្តាលមកពីការចម្លងពពួកវីរុស និងបាក់តេរីចូលទៅក្នុងខ្លួនប្រាណ ។ មេរោគទាំងនេះវាចម្លងយ៉ាងងាយតាមរយៈផ្លូវសំខាន់មួយចំនួនដូចជា ម្រាមដៃ, លាមក, ទឹក, សត្វរុយ, ដី, ធូលី និងចំណីអាហារជាដើម។ មេរោគជាច្រើនបានប្រឡាក់ជាប់នឹងបាតដៃ របស់អ្នកតាមរយៈការប៉ះពាល់ជាមួយលាមក សត្វ ដី និងវត្ថុកង្វក់ផ្សេងៗទៀត។ ប្រសិនបើអ្នកមិនបានលាងសំអាតដៃជាមួយនឹងសាប៊ូទេ អ្នកមិនអាចសំអាតមេរោគដែលនៅជាប់នឹងបាតដៃរបស់អ្នកបានទេ ។ ដៃកខ្វក់របស់អ្នកអាចនាំមេរោគផ្សេងៗចូលមកក្នុងខ្លួនប្រាណយ៉ាងងាយ តាមរយៈការបរិភោគចំណីអាហារ និងការយកដៃកខ្វក់ទៅប៉ះពាល់មាត់ ត្រមុះ និងភ្នែក ។ ដូច្នេះលោកអ្នកគួរតែលាងដៃជាមួយសាប៊ូនៅមុនពេលចាប់កាន់ចំណីអាហារបរិភោគ ក្រោយពេលបន្ទោបង់ និងក្រោយពេលលាងសំអាតគូទកូនរបស់អ្នក ជានិច្ចកាលត្រូវលាងដៃជាមួយសាប៊ូ ដោយលោកអ្នកគួរតែអនុវត្តវិធីលាងដៃតាមរបៀបខាងក្រោម៖ -ចាក់ទឹកផ្សើមដៃទាំងពីរ -ដាក់សាប៊ូនៅលើបាតដៃនឹងខ្នងដៃ -ដុសសំអាតបាតដៃនិងម្រាមដៃ -ដុសសំអាតខ្នងដៃ ចង្វែកដៃ និងចុងម្រាម -លាងជម្រះសាប៊ូពីដៃទាំងពីរជាមួយនឹងទឹកស្អាត -ជូតដៃជាមួយនឹងកន្សែងឬក្រមាស្អាត ។ ធ្វើបែបនេះអ្នកអាចជៀសផុតពីជំងឺរាករូស និងជំងឺផ្សេងៗជាច្រើនទៀត ពិសេសឪពុកម្តាយគ្រប់រូបគួរតែបង្រៀបកូនអំពីការសំអាតដៃតាមវិធីខាងលើទើបជាការប្រសើរ ដៃស្អាតគ្មានមេរោគ សុខភាពល្អ គ្រួសាររីករាយ ៕ តោះមើលវីដេអូទាំងអស់គ្នា! ប្រភព៖ YouTube Channel LittleBabyBum ®

Testosterone គឺជាអ័រម៉ូនភេទបុរស ភ្ញោចចំណង់ផ្លូវភេទ សុខភាពឆ្អឹង និងសាច់ដុំ ផលិតមេជីវិត និងការដុះសក់ ។ អ្នកអាចបាត់បង់អ័រម៉ូន testosteroneនេះទៅតាមអាយុរបស់អ្នក ព្រមទាំងជំងឺរ៉ាំរ៉ៃ ។ ខាងក្រោមនេះគឺជាអាហារដែលជួយបង្កើនអ័រម៉ូនភេទ និងរក្សាឱ្យបានគង់វង្ស ៖ ដំឡូង ៖ សារធាតុកាបូអីុដ្រាតមានសារៈសំខាន់យ៉ាងខ្លាំងក្នុងការផលិតអ័រម៉ូន Testosterone ។ ចំណែកឯដំឡូងគឺជាប្រភពដ៏ច្រើននៃសារធាតុកាបូអុីដ្រាតក្នុងការបង្កើនអ័រម៉ូន Testosterone ហើយវាក៏មានសារធាតុចិញ្ចឹមក្នុងបរិមាណដ៏ខ្ពស់ផងដែរ ។ មើលពីរបៀបធ្វើរបស់វាទាំងអស់គ្នា! ប្រភព៖ YouTube Channel Home Cooking Adventure

អត្ថប្រយោជន៍នៃផ្លែប៉ាស្យុងចំពោះសុខភាពមានច្រើនដោយសារតែសារធាតុចិញ្ចឹម សារធាតុរ៉ែ និងវីតាមីនជាច្រើនដែលមានក្នុងផ្លែឈើនេះរួមមានទាំងសារធាតុប្រឆាំងអុកស៊ីតកម្ម សារជាតិ flavonoids វីតាមីនA វីតាមីនC  Riboflavin Niacin ជាតិដែក ម៉ាញេស្យូម ផូស្វ័រ ប៉ូតាស្យូម ស្ពាន់ ជាតិកាកសរសៃ និងជាតិប្រូតេអីុន។ លើសពីនេះ ផ្លែប៉ាស្យុងមានអត្ថប្រយោជន៍ដ៏អស្ចារ្យជាច្រើនដល់សុខភាពដែលអ្នកគួរតែបន្ថែមវាទៅក្នុងរបបអាហាររបស់អ្នក។ ខាងក្រោមនេះគឺជាអត្ថប្រយោជន៍មួយចំនួននៃផ្លែប៉ាស្យុង។ ផ្លែប៉ាស្យុងមានរសជាតិឆ្ងាញ់ ហើយវាជាប្រភពនៃសារជាតិប្រឆាំងអុកស៊ីតកម្ម សារធាតុរ៉ែ វីតាមីន និងជាតិកាកសរសៃ។ ផ្លែប៉ាស្យុងចំនួន១០០ក្រាមមានកាឡូរីត្រឹមតែ៩៧ប៉ុណ្ណោះ។ ផ្លែឈើនេះសម្បូរទៅដោយជាតិកាកសរសៃ។ ១០០ក្រាមនៃផ្លែប៉ាស្យុងមានជាតិកាកសរសៃ ១០,៤ ក្រាម  ឬ២៧% ។ ជាតិកាកសរសៃនៅក្នុងរបបអាហារអាចជួយកម្ចាត់ជាតិកូឡេស្តេរ៉ុលពីរាងកាយ ។ វាក៏មានលក្ខណៈសម្បត្តិក្នុងការបន្ទន់លាមកបានល្អផងដែរ វាថែមទាំងជួយការពារភ្នាសរំអិលពោះវៀនធំដោយបន្ថយការប៉ះពាល់នឹងសារធាតុពុលក្នុងពោះវៀនធំ និងបណ្តេញសារធាតុពុលបង្កជំងឺមហារីកពីពោះវៀនធំ ។ ផ្លែប៉ាស្យុងសម្បូរទៅដោយវីតាមីន C  100 ក្រាមនៃផ្លែប៉ាស្យុងមានវីតាមីន C ប្រហែល ៣០មីលី្លក្រាម ។ វីតាមីន C គឺជាសារធាតុប្រឆាំងអុកស៊ីតកម្មដែលមានអានុភាពអាចរលាយក្នុងទឹក ។ ការបរិភោគផ្លែឈើដែលសម្បូរវីតាមីន C ជួយឱ្យរាងកាយបង្កើតនូវភាពស៊ាំនឹងភ្នាក់ងារបង្ករោគ និងជំងឺផ្តាសាយ ដូចរ៉ាឌីកាល់សេរីដែលទ្រទ្រង់ការរលាក។ ផ្លែឈើនេះក៏មានកម្រិតវីតាមីន A និងសារធាតុប្រឆាំងអុកស៊ីតកម្មសារជាតិ flavonoids ដែលមានដូចជា ß-carotene និង cryptoxanthin-ß  ល្អចំពោះរាងកាយ។ ការសិក្សាស្រាវជ្រាវនាពេលបច្ចុប្បន្នបានបង្ហាញថា សមាសធាតុទាំងនេះមានលក្ខណៈសម្បត្តិប្រឆាំងអុកស៊ីតកម្ម និងរួមជាមួយវីតាមីន A ចាំបាច់សម្រាប់សុខភាពភ្នែក ។ វីតាមីន A ក៏ចាំបាច់ក្នុងការរក្សាភ្នាសទឹករំអិលនិងស្បែកដែលមានសុខភាពល្អ ។ ការបរិភោគផ្លែឈើធម្មជាតិសម្បូរវីតាមីន A និងសារជាតិ flavonoids អាចជួយការពារអ្នកពីជំងឺមហារីកសួតនិងមាត់ ។ ផ្លែប៉ាស្យុងស្រស់សម្បូរទៅដោយជាតិប៉ូតាស្យូម ។ ១០០ក្រាមនៃផ្លែប៉ាស្យុងមានជាតិប៉ូតាស្យូមប្រហែល ៣៤៨ មីលី្លក្រាម ។ ប៉ូតាស្យូមគឺជាធាតុផ្សំសំខាន់មួយរបស់កោសិកា និងទឹកក្នុងរាងកាយ ជួយរក្សាចង្វាក់បេះដូងរួមនឹងសម្ពាធឈាម ៕ តោះមកមើលពីការធ្វើទឹកប៉ាស្យុងរបស់វាទាំងអស់គ្នា!