តាមព័ត៌មានចុងក្រោយបានបង្ហាញថាក្រុមសេះបង្កង់ Juventus បានយល់ព្រមនឹងសំណើររបស់ក្រុម Manchester United ក្នុងតំលៃខ្លួន 121លានដុល្លារហើយ ក្នុងការនាំយកកីឡាករខ្សែប្រយុទ្ធវ័យ ២៣ឆ្នាំ របស់ជំរើសជាតិបារាំងមកកាន់ ទឹកដីរបស់ខ្លួន។ ប៉ុន្តែក្នុងនោះដែល ក្រុម Juventus តំរូវអោយក្រុមបិសាចក្រហម ជាអ្នកចំណាយទៅអោយភ្នាក់ងារដែលទាក់ទងក្នុងការងារនេះ ចំនួន ២៤លានដុល្លារទៀត។

កីឡាករខ្សែប្រយុទ្ធ Pogba បានផ្លាស់មកលេងអោយក្រុម Juventus ក្នុងឆ្នាំ ២០១២។ ក្នុងកំឡុងពេលស្នាក់នៅក្នុងក្រុមសេះបង្កង់ គឺ គាត់បានបង្ហាញខ្លួនចំនួន ១៣៥ ប្រកួត និងអាចរកគ្រាប់បាល់បានចំនួន៣០គ្រាប់។

ចំណីចំណុកតាមដងវិថី ជាច្រើនហូរហែមានរសជាតិឆ្ងាញ់គាប់ចិត្ត តែមនុស្សមួយចំនួននៅមិនទាន់បានស្គាល់នឹងសាករសជាតិនៅឡើយទេ។ ហើយសំរាប់ថ្ងៃនេះដែរ យើងសូមលើកយកនំម្យ៉ាងដែលគេអោយឈ្មោះថា នំពុម្ពតៃវ៉ាន់ ដែលមានរូបរាង សណ្ឋាន និងជាពិសេសនោះគឺរបៀបធ្វើគឺ ស្រដៀងទៅនំគ្រក់អញ្ចឹងដែរ តែមានសាច់ម្សៅ និងស្នូល ក្លិនឈ្ងុយឆ្ងាញ់ខុសគ្នា។ មិនត្រឹមតែប៉ុណ្ណោះនំនេះ មានស្នូលច្រើនជម្រើសសំរាប់ជ្រើសរើសដូចជា៖ ស្នូល សូកូឡា, ស្នូល ធូរេន, ស្នូល ដូង, ស្នូល ស្ត្រប៊ឺរី, ស្នូល សណ្តែកក្រហម -ល-។ សំរាប់ទីតាំង លក់នំពុម្ពតៃវ៉ាន់ដ៏ល្បីនេះ មានលក់នៅម្តុំសាលាបឋមសិក្សាបាក់ទូក ហើយតម្លៃក្នុង១ដុំ ១០០០៛។

ឥណ្ឌូនេស៊ី ៖ ហាងកាហ្វេបង្គន់មួយកន្លែងដែលអតិថិជនទទួលទានអាហារ ត្រូវអង្គុយនៅលើបង្គន់ ដែលម្ចាស់ហាងសង់នៅជុំវិញតុមួយ ជាកន្លែងដែលម្ហូបអាហារ ត្រូវបានបម្រើដាក់ចានអោយភ្ញៀវសុទ្ធតែប្រើចានបង្គន់ទាំងអស់។ ក្នុងដំណើរទស្សនកិច្ចនៅលើកោះជ្វាប្រទេសឥណ្ឌូនេស៊ី ប្រសិនបើអ្នកចង់សាកល្បងស៊ុបក្នុងបង្គន់មួយចាន ហាងនឹងថែមស្រាក្រឡុកលាយគ្រឿងស្រវឹងដោយឥតគិតថ្លៃ ។ សម្រាប់អ្នកដែលមិនដែលឃើញ បែបនេះ ហើយប្រសិនបើរមូលចង់ក្អួតនោះ គឺខាងភោជនីយ៍ដ្ឋានមានថង់ព្យួរ លើឈើមួយនៅច្រកចូលស្រេច ។ ហាងដូចនេះមាននៅកន្លែងផ្សេងទៀតដូចជាតៃវ៉ាន់ និងរុស្ស៊ី ប៉ុន្តែនៅឥណ្ឌូនេស៊ីមានភាពខុសគ្នា សំខាន់ហាងកាហ្វេបង្គន់នៅឥណ្ឌូនេស៊ីមួយនេះ មានគោលបំណង ដើម្បីអប់រំប្រជាជនអំពីអនាម័យ និងការលើកទឹកចិត្ត ដល់ការប្រើប្រាស់បង្គន់អនាម័យកើនឡើង។ លោក Mukodas អតិថិជនម្នាក់ អាយុ២៧ឆ្នាំ រូបនេះ ដែលបានចូលហាងជាច្រើននៅឥណ្ឌូនេស៊ី ពេលបានចូលហាងនេះលោកនិយាយថា “នៅពេលដំបូងខ្ញុំមានអារម្មណ៍ខ្ពើមរអើមណាស់ ប៉ុន្តែទីបំផុតខ្ញុំបានញ៉ាំអាហារអស់មួយចំនួន ព្រោះការចង់ដឹងចង់ឃើញ ហើយខ្ញុំគិតថាគំនិតនេះគឺគួរឱ្យចាប់អារម្មណ៍មួយ” ។ អតិថិជនម្នាក់ផ្សេងទៀត កញ្ញា Annisa អាយុ១៥ឆ្នាំ បានទទួលស្គាល់ដំបូងថា ចានបង្គន់ដាក់ស៊ុបនេះពោរពេញដោយមេរោគ ប៉ុន្តែនាងមានអារម្មណ៍ថាសុវត្ថិភាពបន្តិច បន្ទាប់ពីម្ចាស់បានធានាប្រាប់រូបនាងថា អាហារនេះគឺស្អាត និងមានអនាម័យ ។ ហាងកាហ្វេនេះមានឈ្មោះ “Jamban” មានន័យថា បង្គន់នៅក្នុងប្រទេសឥណ្ឌូនេស៊ី បានបើកចាប់តាំងពីខែមេសា ហើយបច្ចុប្បន្ននេះបានស្វាគមន៍ចំពោះតែក្រុមតូចៗប៉ុណ្ណោះ ដែលបានកក់ទុកមុខ ។ លោក Budi Laksono ម្ចាស់ហាងវ័យ៥២ឆ្នាំ ជាអ្នកជំនាញផ្នែកសុខភាពសាធារណៈដែលបានធ្វើការសម្រាប់រដ្ឋាភិបាលក្នុងស្រុក លោកនិយាយថា «ហាងកាហ្វេនេះបានបម្រើការជាការរំលឹកមួយថា មនុស្សជាច្រើននៅក្នុងប្រទេសឥណ្ឌូនេស៊ី នៅតែមិនមានបង្គន់»។ ទោះជាយ៉ាងណាលោកបានសារភាពថា វិធីសាស្ត្រដែលមិនប្រក្រតីរបស់គាត់បានបង្កភាពចម្រូងចម្រាស់មួយចំនួននៅក្នុងប្រទេសម៉ូស្លីម ។ លោកបានថ្លែងថា «ក្រុមអ្នករិះគន់ជាច្រើននិយាយថា ហាងកាហ្វេនោះ គឺមិនសមរម្យ និងប្រឆាំងនឹងច្បាប់អ៊ីស្លាមទៀតផង» ពលរដ្ឋឥណ្ឌូនេស៊ីរាប់លាននាក់រស់នៅក្រោមបន្ទាត់ភាពក្រីក្រ ហើយប្រទេសនេះមានអត្រាខ្ពស់បំផុតរបស់ពិភពលោក នៃការបន្ទោរបង់នៅខាងក្រៅ និងមិននៅក្នុងបង្គន់ ដែលជាប្រភពនៃការរីករាលដាលជំងឺឆ្លង ។ ក្រឡេកមើលមកប្រទេសកម្ពុជាវិញ នៅមិនមានហាងដែលបម្រើម្ហូបអាហារបង្គន់បែបនឹងទេ បើតាមដឹងមានតែភេសជ្ជៈកន្ថោរ តែប៉ុណ្ណោះ នៅខេត្តសៀមរាប ទោះជាយ៉ាងណាប្រសិនបើនៅកម្ពុជាមានបើកដូចហាងខាងលើមែន មិនដឹងថា តើមានអតិថិជនចូលច្រើនរឺយ៉ាងណានោះទេ ? https://www.youtube.com/watch?v=t8Qy32egf2Q

ចម្រៀងមួយបទរបស់ ឱក សុគន្ធកញ្ញា ដែលចេញជា Audio Teaser ប្រមាណ ១០ថ្ងៃមុនមកនេះ មានការចាប់អារម្មណ៍ខ្លាំងពីសំណាក់អ្នកស្តាប់ ព្រោះថាវាពិតជាពិរោះ និងអត្តន័យល្អថែមទៀតផង។ តែអ្វីដែលចំឡែកនោះគឺ ថាបទចំរៀងមួយបទនេះ នៅមិនទាន់ដឹងពីចំណងជើងនៅឡើយទេ។ ហើយឥឡូវនេះកញ្ញានៅតែបន្តលាក់ចំណងជើង បើទោះបីពេលនេះរូបកញ្ញា បានចេញជាវីដេអូ Clip ពិសេសមួយក៏ដោយ។ ចឹងចាំមើល និងសាកទាយលមើល៍ថាបទនេះមានចំណងជើងដូចម្តេច ទាំងអស់គ្នាណា តែឥឡូវមើល Clip ខាងក្រោមសិន៖

បុកល្ហុង គឺជា អាហារ ដែលគេ និយមបរិភោគជារឿយៗ ជាពិសេសនៅពេលល្ងាចតែម្តង ។ ដោយសារតែភាព វៃឆ្លាត របស់ចុងភៅ ពួកគេ តែងតែ ត្រិះរិះ កែច្នៃ មុខម្ហូបនោះ ទៅជាម្ហូបប្លែកៗ។ ហើយ បុកល្ហុងកែច្នៃថ្មី សំរាប់ការបង្ហាញថ្ងៃនេះ វាពិតជាប្លែក ប្លែកទាំងឈ្មោះ និងរសជាតិឈ្ងុយឆ្ងាញ់ នោះគឺ “បុកល្ហុងបំពង” ។

លោកអ្នក ក៏ប្រហែល ជាធ្លាប់ពិសារ រួចមកហើយនូវ បុកល្ហុង ដែលមានលក់ជា ហូរហែរ នៅតាមហាងជាច្រើន សំរាប់ជាអាហារសម្រន់នាពេលល្ងាច តែថ្ងៃនេះមក សាកបុកល្ហុងបំពងម្តងមើល។ បុកល្ហុងបំពង មានច្រើនរសជាតិទៀត ដែលអាចកំុម្ម៉ងបានមានដូចជា៖ បុកល្ហុងបំពង សាច់សាស៊ីវ 12000៛, បុកល្ហុងបំពង ក្តាមសេះ 10000៛ និងបុកល្ហុងបំពង ក្តាមប្រៃ 8000៛។ មិនតែប៉ុណ្ណោះហាង Volcano Meatball King ក៏មានមុខម្ហូបប្លែកៗ ជាច្រើនមុខទៀតផងដែរ ដូចរូបខាងក្រោម៖