ការសិក្សាមួយរបស់អ្នកវិទ្យាសាស្ត្រអឺរ៉ុបបានបង្ហាញថា ការសំដិលខ្លួនក្រោមពន្លឺថ្ងៃត្រឹមតែ២០នាទីក្នុងមួយថ្ងៃ អាចធ្វើឱ្យសម្ពាធឈាមថយចុះបាន ។ ការពិសោធលើអ្នកស្ម័គ្រចិត្តមួយចំនួនបង្ហាញថា អ្នកដែលត្រូវពន្លឺថ្ងៃ សម្ពាធឈាមថយចុះប្រហែលជា៥ពិន្ទុ ហើយមានប្រសិទ្ធភាពអាចស្ថិតស្ថេរបានកន្លះម៉ោង ។

ក្រុមអ្នកស្រាវជ្រាវមកពីសាកលវិទ្យាល័យ Edinburgh និងសាកលវិទ្យាល័យ Southampton បានឱ្យដឹងថា ពន្លឺព្រះអាទិត្យ អាចជួយបញ្ចុះសម្ពាធឈាមបានតាមរយៈការបង្កើនកម្រិតអុកស៊ីតនីទ្រិកដែលជាសារធាតុគីមីមាននាទីជួយសម្រួលដល់លំហូរឈាម ។ ក្រុមអ្នកស្រាវជ្រាវបាននិយាយថា ពួកគេខ្វល់ខ្វាយចំពោះការព្រួយបារម្ភដែលថា ត្រូវពន្លឺថ្ងៃនាំឱ្យកើតមហារីកស្បែកអាចនឹងបណ្តាលឱ្យមនុស្សស្លាប់កាន់តែច្រើនដោយជំងឺបេះដូងខណៈពួកគេនាំគ្នាជៀសពីការត្រូវពន្លឺព្រះអាទិត្យឬទប់ស្កាត់ពន្លឺនេះតាមរយៈការប្រើឡេលាបស្បែក ។ តាមរយៈព្រឹត្តិបត្រ Investigative Dermatology ក្រុមអ្នកស្រាវជ្រាវបានបញ្ជាក់បន្ថែមថា យើងមានការព្រួយបារម្ភថា ការផ្តល់ដំបូន្មាន ឱ្យកាត់បន្ថយចំនួននៃការស្លាប់ពីជំងឺមហារីក ស្បែកឱ្យកាន់តែទាប ជាចៃដន្យគឺអាចបង្កើនហានិភ័យនៃការស្លាប់ពីជំងឺសរសៃឈាមបេះដូង និងជំងឺដាច់សរសៃឈាមខួរក្បាលកាន់តែខ្ពស់ជាងពេលបច្ចុប្បន្ន។ មួយវិញទៀត ដំបូន្មាននេះនឹងដើរផ្ទុយនឹងទិន្នន័យជំងឺរាតត្បាតដែលបង្ហាញ ថា ការទទួលពន្លឺព្រះអាទិត្យអាចជួយកាត់បន្ថយរាល់បុព្វហេតុនិងការស្លាប់ពីជំងឺពាក់ព័ន្ធនឹងសរសៃឈាមបេះដូង ៕

នៅពេលទុំមានពណ៌លឿងនិងសាច់ទន់ពណ៌ទឹកក្រូច ល្ហុងមានរសជាតិផ្អែមត្រជាក់គួរជាទីទាក់ចិត្ត។ វាមានរាងមូលទ្រវែងនិងអាចមានប្រវែងដល់ទៅ៥០,៨សង់ទីម៉ែត្រ។ តែជាធម្មតានៅលើទីផ្សារប្រវែងជាមធ្យមរបស់វាគឺ១៧,៧៨សង់ទីម៉ែត្រនិងមានទម្ងន់ប្រហែលជាកន្លះគីឡូក្រាម ។

ផ្លែល្ហុងក៏ដូចជាដើមរបស់វាគឺផ្ទុកទៅដោយ Papain-ជាអង់ហ្ស៊ីមដែលជួយប្រូតេអីុនរំលាយអាហារ។ អង់ហ្ស៊ីមនេះត្រូវបានផ្តោតជាពិសេសនៅពេលល្ហុងមិនទាន់ទុំ ។ ក្រៅពីនេះអត្ថប្រយោជន៍សុខភាពដ៏សំខាន់បំផុតរបស់ល្ហុងទុំមានដូចជា៖ -ការពារជំងឺបេះដូង៖ ល្ហុងសម្បូរដោយវីតាមីន C, E និង A ។ ទាំង៣នេះគឺជាសារធាតុប្រឆាំងនឹងអុកស៊ីដកម្មដ៏ខ្លាំងបំផុតដ្បិតវាអាចជួយទប់ស្កាត់ការធ្វើអុកស៊ីដកម្មរបស់កូឡេស្តេរ៉ូល។ សូមបញ្ជាក់ថា នៅពេលកូឡេស្តេរ៉ូលអាចធ្វើអុកស៊ីដកម្មបាន ពេលនោះវានឹងអាចធ្វើឱ្យស្ទះសរសៃឈាម និងបង្កើតបានជាការគាំងបេះដូងឬដាច់សរសៃឈាមក្នុងខួរក្បាល។ តែទោះជាយ៉ាងណា វីតាមីន E និង Cដែលនៅក្នុងល្ហុងបង្កើតបានជាសមាសធាតុមួយឈ្មោះ paraoxonase-ជាអង់ហ្ស៊ីមដែលទប់ស្កាត់ការធ្វើអុកស៊ីដកម្មរបស់កូឡេស្តេរ៉ូល LDL និង HDL ។ -ជួយសម្រួលដល់ការរំលាយអាហារសារធាតុចិញ្ចឹមរបស់ផ្លែល្ហុងក៏បានបង្ហាញពីផលប្រយោជន៍ផ្សេងមួយទៀតផងដែរនោះគឺទប់ស្កាត់ជំងឺមហារីកពោះវៀនធំ ។ សារធាតុសរសៃរបស់វាមានលទ្ធភាពប្រមូលចងសារធាតុពុលដែលបង្កឱ្យទៅជាមហារីកនៅក្នុងពោះវៀនធំ ហើយយកទៅរក្សាទុកឱ្យឆ្ងាយពីកោសិកាការពារពោះវៀនធំ។ បន្ថែមពីលើនេះទៀត សារធាតុហ្វូឡាត វីតាមីន C បេតាការ៉ូតែននិងវីតាមីន E របស់ផ្លែល្ហុងរួមបញ្ចូលគ្នាមានសម្ថភាពកាត់បន្ថយបាននូវអត្រាគ្រោះថ្នាក់ដោយជំងឺមហារីកពោះវៀនធំ ។ -ជួយប្រឆាំងនឹងការរលាក៖ អង់ហ្ស៊ីម papain និង chymopapain របស់ផ្លែល្ហុងបានត្រូវបង្ហាញថា មានសមត្ថភាពជួយបន្ថយការរលាកនិងធ្វើឱ្យឆាប់ជាសះស្បើយពីការរលាក ។ -ជួយបង្កើនកម្លាំងថាមពលដល់ប្រព័ន្ធស៊ាំរបស់រាងកាយ ។ -ជួយការពារប្រឆាំងនឹងជំងឺឈឺសន្លាក់ឆ្អឹងនិងជួយធ្វើឱ្យសួតមានសុខភាពល្អ ។ តាមការសិក្សាមួយរបស់សាកលវិទ្យាល័យ Kansas State University សហរដ្ឋអាមេរិកបញ្ជាក់ថា ទទួលទានប្រភេទអាហារដែលសម្បូរទៅដោយវីតាមីន A តួយ៉ាងដូចជាផ្លែល្ហុងនេះនឹងជួយធ្វើឱ្យសួតរបស់គេបានល្អប្រសើរជាពិសេសបណ្តាអ្នកដែលជក់បារី៕