រាល់ថ្ងៃនេះឃើញថាគ្រប់គ្នា​ចូល​ចិត្ត​​ជុំគ្នា​ញ៉ាំ​អាហារ​សម្រន់​ដូចជា​បុកល្ហុង មី​បុក  ផាត់ថៃ ឬ​ បាយឆា និងជាច្រើនមុខទៀត។ ហើយបើថាអ្នកដែលកំពុងអានចូលចិត្តញ៉ាំអាហារបែបហ្នឹងដែរ​ ដូចចំណងជើងខាងលើចឹងរបស់អស់ទាំងហ្នឹងគឺមាននៅហាង ផ្ទះបាងកក យើងហ្នឹង។

ឃើញហ្អេ៎ Admin មិនដែលចិត្តអាក្រក់ទេ អោយតែមានកន្លែងឆ្ងាញ់ កន្លែងល្អ គឺមិនដែលចេះលាក់ម៉េចទេ គឺនាំអោយអ្នកទាំងអស់គ្នាស្គាល់ និងបានទៅញ៉ាំហ្មង។ ​ផ្ទះ​បាងកក ក៏មាន​លក់​អាហារ​ជា​ច្រើន​ប្រភេទ​ទៀតដូចជាបង្គាទឹកត្រីខៀវ បិកល្ហុងព្រៃ បុកល្ហងកំពឹសលោត ផាត់ថៃ ឬ​ ផាត់ម្រះព្រៅ និង បុកល្ហុងបុរាណ ដែល​ជា​អាហារ​ពិសេស​ក្នុង​ហាង​តែម្តង។ ​​បន្ថែមទៀតនោះក៏មានមុខម្ហូបបុករួម(បុកល្ហុងសាប់) បាយឆាណែម បុកងាវ​ សាច់ជ្រូកបំពងទឹកជ្រលក់ពិសេស និង គូស្នេហ៍គូជំលោះ។

កាន់តែពិសេសហាងក៏មានកម្មវិធីពិសេសបញ្ចុះតម្លៃប្រចាំឆ្នាំដោយ រាល់ការកុម្មង់ម្ហូបខ្ចប់ ចាប់ពី ៤0,000៛ បញ្ចុះតម្លៃ ៣០% សម្រាប់អតិថិជនមកញុំដល់ហាង ញុំចាប់ពី ៤0,000៛ ថតរូប check in ទទួលការបញ្ចុះតម្លៃ ២0% ។ សម្រាប់រាល់ការកុម៉្មង់ក្តាមជ្រក់ ១ប្រអប់ មានក្តាម៣ តម្លៃ ២៥$ បញ្ចុះសល់ ២១$ ថែមក្បាលបង្គារក្រៀម១កំប៉ុង តម្លៃ ៥$ និងរាល់ការកុម្ម៉ង់ក្តាមថ្មពង ចំអិនរួច( អាចកុម្ម៉ង់មុខម្ហូបបានតាមចិត្ត) ១គីឡូ ៣0$ តែប៉ុណ្ណោះ។

តោះនៅចាំអីទៀតម្ហូបក៏ឆ្ងាញ់ៗ ហើយមានប្រម៉ូសិនពិសេសបែបនេះទៀតបើមិនបានមកម៉េចបានទៅ រឺក៏អាចធ្វើការកុម្ម៉ងយកទៅញ៉ាំនៅផ្ទះក៏បាន។ លឿនៗមកណា ណាត់ដៃគូរពួកែញ៉ាំរបស់អ្នកមក អោយតែមកដល់ហាង ផ្ទះបាងកក ត្រៀមតែមាត់ឆ្ងាញ់ទៅ?៕

ហាង ផ្ទះបាងកក
លេខទូរសព្ទ៖ 081 456 556 / 099 563 289 / 096 2 456 282
ទីតាំង៖ ស្ថិតនៅលើផ្លូវសុធារស ទល់មុខសួនសកលវិទ្យាល័យបៀលប្រាយមាត់ទន្លេរ ជិតបៀលឌិងចាស់

វីដេអូ

ដាក់ចូលមាត់ភ្លាមមានអារម្មណ៍ប្លែកមាត់តែម្តង គ្រឿងសមុទ្រស្រស់ៗ ឆាទឹកដូង ជូរអែម ជាមុខម្ហូបថ្មី រសជាតិថ្មី បង្កើត និងច្នៃប្រឌិតរបស់ហាង មីទាញតុងយុាំ ដើម្បីផ្គាប់ចិត្តអតិថិជនរបស់ខ្លួន មានជម្រើសច្រើនមុខ ច្រើនរសជាតិ ពិសាមិនចេះជិនណាយ។

ជារឿយៗ ហាង មីទាញតុងយុាំ តែងតែបង្កើតមុខម្ហូបថ្មីៗ ប្លែកៗជាញឹកញាប់ ដើម្បីតម្រូវចិត្តអតិថិជនដែលតែងតែគាំទ្រ រសជាតិគ្រប់មុខម្ហូបប្រចាំហាងកន្លងមក ថ្មីៗនេះផងដែរ សម្រាប់ហាងទើបតែបន្ថែមមុខម្ហូបថ្មី មួយទៀត ដែលសុទ្ធតែជាម្ហូបប្រភេទគ្រឿងសមុទ្រ ឆាចម្អិនជាមួយទឹកដូង រសជាតិជូរអែម ផ្សំគ្រឿងពិសេស បង្កើតបានរសជាតិមួយឆ្ងាញ់ប្លែកមាត់ ហើយតម្លៃវិញមួយចាន ១២០០០៛ គ្រប់មុខ ។

តោះពេលចេញធ្វើការ ចេញពីរៀនទៅ ហាងមីទាញ តុងយ៉ាំ ហ្មងទៅរបស់ឆ្ងាញ់មានច្រើន ចឹងខ្ចិលបាយផ្ទះ ជុំគ្នាញ៉ាំអោយប្លែកមាត់ម្ដង។ កុំភ្លេចទៅសាករសជាតិថ្មីនេះផងណា ទៅសាខាមួយណាក៏បាន គឺមានទាំង២សាខា តែម្តង ហើយសម្រាប់ទីតាំងវិញគឺធំទូលាយ អាចជជែកគ្នាលេងបានយ៉ាងសប្បាយរីករាយ។ ចំពោះទីតាំងគឺស្ថិតនៅតាមបណ្ដោយផ្លូវ ១២២ សន្ធរម៉ុក ប្លុកខាងក្រោយ Tous Les Jours កម្ពុជាក្រោម សង្កាត់ទឹកល្អក់១ ខណ្ឌទួលគោក រាជធានីភ្នំពេញ៕

ហាង មីទាញតុងយុាំ 
លេខទូរសព្ទ៖​ 061 31 66 83 / 098 809 789
ទីតាំង៖ ផ្លូវ ១២២ សន្ធរម៉ុក ប្លុកខាងក្រោយ Tous Les Jours កម្ពុជាក្រោម

វីដេអូ៖

ឮថាប្រហិតត្រីឆ្លាត អ្នកខ្លះច្បាស់ជាចូលចិត្តញ៉ាំហើយ។ តែចង់ញ៉ាំប្រហិតត្រីឆ្ងាញ់ គឺពិបាករកទិញឲ្យចំកន្លែងណាស់ ទិញមកចៀនខ្លួនឯង ប៉ះតែប្រហិតផុយៗអត់ស្វិតសោះ សំខាន់ឡើងថ្លៃ។​ ចង់ញ៉ាំប្រហិតឆ្ងាញ់ ស្វិតល្អ គួរតែសាកធ្វើខ្លួនឯងតាមវិធីនេះ មិនពិបាកទេ។

គ្រឿងផ្សំ៖

• សាច់ត្រីស្លាតកោសរួច ១ គីឡូ
• អំបិលម៉ដ្ឋ ១ ស្លាព្រាកាហ្វេ
• ទឹកត្រជាក់ ៤ ស្លាព្រាបាយ ឬ ទឹកកកអនាម័យ ៣-៤ ដុំ
• គ្រឿងម្ទេសបុក ៣-៤ ខាំ ( បើចង់ក្រហមដាក់ម្ទេសប្លោកក្រៀមបុកចូលជាមួយបន្ថែម)
• ពងមាន់ ១ គ្រាប់
• ទឹកត្រី
• ស្កសរ កន្លះស្លាបព្រាបាយ
• សណ្កែកកួរហាន់ខ្លីៗតូចៗ ៣ ខាំ
• ម្រះព្រៅ ៣ កូនចានចង្កឹះ
• ស្លឹកក្រូចសើចហាន់ជាសសៃឆ្មារ ២ ស្លា ព្រាបាយ

វិធីធ្វើ៖

១. យកសាច់ត្រីដែលកោសរួចមកបុកអោយស្អិត នៅពេលដែលបុកត្រូវថែមទឹកត្រជាក់លាយជាមួយអំបិល ដាក់បុកលាយជាមួយត្រីផង។
២. ពេលដែលបុកសាច់ត្រីស្អិតល្អហើយ យកគ្រឿងបុក ពងមាន់ ស្កសរ ទឹកត្រី ដាក់ចូល រួចហើយច្របល់ចូលគ្នា ( រួចយកទៅចៀន ភ្លក់មើលសិន ) តើរសជាតិល្មមហើយឬនៅ ខ្វះខាតអ្វីយើងបន្ថែមបានទៀតតាមការចូលចិត្ត ។
៣. នៅពេលដែលច្របល់សាច់ត្រីភ្លក់ល្មមដឹងរសជាតិហើយ ក៏ដាក់ ស្លឹកក្រូច ម្រះព្រៅ សណ្កែកកួរ ហើយច្របល់អោយចូលគ្នាម្ដងទៀត ទុកមួយលែកសិន ( ម្រះព្រៅកុំដាក់ទាំងអស់ ទុកពាក់កណ្ដាលសម្រាប់បំពងរៀបដាក់ចាន ) ។
៤. ដាក់ប្រេងចៀនអោយច្រើនបន្ទិច បើកភ្លើងអោយក្ដៅល្មម រួចយកម្រះព្រៅទៅបំពងមុនគេ (ទុករៀបដាក់ចាន ) រួចហើយ យកប្រហិតទៅប៉ាន់ដុំសំប៉ែតៗល្មម រួចយកទៅចៀន អោយឆ្អិនល្អ រៀបដាក់ចានរួចជាការស្រេច ។ពេលចៀនត្រូវមើលភ្លើងកុំអោយក្ដៅពេក ប្រើភ្លើងក្ដៅល្មមៗបានចៀនប្រហិតឡើងល្អ )។

វិធីធ្វើទឹកជ្រលក់៖

១. ទឹកខ្មេះ ៤ ស្លាបព្រាបាយ
២. ស្កសរ ៣ ស្លាបព្រាបាយ
៣. អំបិល ១ ស្លាបព្រាកាហ្វេកន្លះ
៤. សណ្ដែកដីលីងបកសំបក បុកអោយបែកតិចៗ
៥. ម្ទេសពណ៌លឿង ហាន់ ១ ឬ ២ គ្រាប់
៦. ត្រសក់ពុសជាពីរហាន់ ( អោយរៀងក្រាស់បន្ទិច) ៣ ទៅ ៤ ផ្លែ
៧. យកទឹកខ្មេះ ស្កសរ អំបិល ចាក់ចូលក្នុងខ្ទះ ហើយបើកភ្លើងកូរអោយរលាយ ទុកអោយពុះមួយសន្ទុះសិន ចាំបិទភ្លើង ចាក់ដាក់កូនចានទុកត្រជាក់ ដាក់ត្រសក់នឹងម្ទេសហាន់ ជាទឹកជ្រលក់រួចជាការស្រេច ។

ចំណាំ៖ នៅពេលដែលកោសសាច់ត្រីរួច ត្រូវច្រកថង់ចងមាត់អោយជិតដាក់ត្រាំនឹងទឹកកកអោយវាត្រជាក់ ប្រហែល១ម៉ោងចាំយកមកបុក ជួយអោយប្រហិតត្រីស្វិតឡើងល្អ។

ឱកាសមាសឱកាសប្រាក់មកដល់ហើយអ្នកដែលចូលចិត្តញ៉ាំSteak គ្នាយើងព្រោះថាចាប់ពីថ្ងៃនេះរហូតដល់ថ្ងៃទី៣១ ខែឧសភា ហាង Two Cows មានប្រម៉ូសិនពិសេសបញ្ចុះតម្លៃ១០% គ្រប់មុខម្ហូបទាំងអស់ តែប៉ុណ្ណេះត្រៀមតែមាត់ញ៉ាំទៅSteak ឆ្ងាញ់ហើយបញ្ចុះតម្លៃឡើងយូរថ្ងៃចឹងអី។

តែប៉ុណ្ណេះ ស្រួលហ្មងអ្នកម្លុកទូលទំពូងមិនចាំបាច់ទៅណាឆ្ងាយទេ Steak ឆ្ងាញ់នៅកៀកខ្លួនមានការប្រម៉ូសិនពិសេសចឹងថ្ងៃទៅញ៉ាំ ល្ងាចទៅញ៉ាំហ្មងចំណេញមិនតិចទេ។ ជាពិសេសបានដល់ហាងកុំភ្លេចញ៉ាំប៉ុន្មានមុខនេះ ព្រោះថាជាម្ហូបល្បីប្រចាំហាងដែលមានដូចជា៖ Steak​បន្ទះដែក មានប្រភេទសាច់គោ(USA) និងសាច់មាន់ បន្ថែមពីនេះក៏មានមីហិរចានដែករសជាតិតុងយ៉ាំង និងមីហិរចានដែករសជាតិដើម កាហ្វេ ភេសជ្ជៈផ្សេងៗ និងស្រាក្រហមផងដែរ។ សម្រាប់អ្នកដែលញ៉ាំ Steak បើបានក្រេបស្រាក្រហមតិចៗទៀត គឺថាអ៊ែមអស់ទាស់ហ្មងហើយ។

អ្វីទាំងអស់នេះគឺបើកលក់ចាប់ពីម៉ោង១១ព្រឹក រហូតដល់ម៉ោង៩ និង៣០នាទីយប់។ តោះៗ នៅចាំអីទៀតអោយតែបានណាត់គ្នាមកដល់Two Cows មានទាំងSteak ឆ្ងាញ់ និងរបស់ញ៉ាំយ៉ាងច្រើនចឹងអី មានទាំងការបញ្ចុះតម្លៃយូរថ្ងៃចឹងទៀតមិនអាចរំលងបានទេ បានញ៉ាំឆ្ងាញ់មាត់ហើយចំណេញលុយទៀតបញ្ចុះតម្លៃ១០%ចឹងអី?៕

ហាង Two Cows
លេខទូរសព្ទ៖ 012 331 335 / 016 221 001
ទីតាំង៖ សាខាទី១ Eden Garden ( ពីក្រោយ Epic 2)
សាខាទី២ ផ្លូវលេខ១៥៥ ផ្ទះលេខ២១៥ សង្កាត់ទួលទំពូង ខណ្ឌចំការមន(ជិះពីផ្សារទូលទំពូង៦០០ម៉ែត្រ)

វីដេអូ៖

និយាយរឿងប្រហិតស្ងោរច្បាស់ជាប្លែកហើយមែនអត់ ជាពិសេសសម្រាប់Admin ហ្មងធ្លាប់តែញ៉ាំប្រហិតបំពងធម្មតា ដល់ពេលបានញ៉ាំប្រហិតស្ងោរនៅហាង​ ខេមរាជប្រហិតស្ងោរម្ដងមកនិយាយពីថារសជាតិឆ្ងាញ់ជាប់ចិត្តហ្មងហើយ។

សម្រាប់អ្នកភ្នំពេញ ជាពិសេសអ្នកម្ដុំទួលសង្កែប្រាកដជាធ្លាប់បានទៅញ៉ាំជាញឹកញយហើយ ព្រោះថាជាអាហារញ៉ាំបែបសម្រន់ហើយ តម្លៃសមរម្យ ឯរសជាតិក៏ពិសេសបែបនេះទៀតនោះរឿងអីថាមិនទៅញឹកនោះ។ សម្រាប់អ្នកដែលមិនទាន់បានទៅញ៉ាំឆាប់ទៅសាកម្ដងទៅណា ព្រោះថាអោយបានប្លែកមាត់ ហើយក្រៅពីប្រហិតស្ងោរ ក៏មានពោះគោស្ងោរ និងសាច់គោអាំង ប្រហិតអាំងផងដែរ ពេលបានជ្រលក់ជាមួយទឹកជ្រលក់ពិសេសប្រចាំហាង គឺថាឆ្ងាញ់នោះឆ្ងាញ់ ហើយបើបានផឹកភេសជ្ជៈអាយ៍កូឡាទៀត កាន់តែបន្ថែមរសជាតិមួយកម្រិតទៀត។

ល្ងាចនេះបើមិដឹងទៅណា សាកទៅញ៉ាំម្ដងទៅអោយបានប្លែកមាត់ហើយដឹងថាឆ្ងាញ់កម្រិតណា ហើយកុំភ្លេចណាកុម្ម៉ងភេសជ្ជៈអាយ៍កូឡា ញ៉ាំជាមួយកាន់តែពិសេសជក់មាត់ជីបៗហ្មង៕

ហាង ខេមរាជប្រហិតស្ងោរ
លេខទូរសព្ទ៖ 015 555 002 / 012 492 701
ទីតាំង៖ បណ្ដោយផ្លូវលេខ៩០០ ផ្សារតូចទួលសង្កែ

វីដេអូ៖

រៀនធ្វើម្ហូបរាល់ថ្ងៃហើយ ថ្ងៃនេះសាកមករៀនធ្វើបង្អែមម្ដងមើល៎គ្រាន់ទុកញ៉ាំក្រោយពេលបាយ។ ថ្ងៃនេះAdmin និងមកបង្រៀនពីការធ្វើបង្អែមចាប់ឆាយ ដែលមានគ្រឿងផ្សំពីល្ពៅ ដំឡូង ត្រាវ ការ៉ុត និងពោតធ្វើអោយមើលទៅមានពណ៌ខ្យូតៗគួរអោយចង់ញ៉ាំ នៅខាងក្រោមនេះគឺជាគ្រឿងផ្សំ និងរបៀបធ្វើ។

▶️ គ្រឿងផ្សំដែលត្រូវមាន៖

• ទឹក ៥០០មីលីលីត្រ
• ខ្ទិះដូងដើម ៦០០មីលីលីត្រ
• ការ៉ុត ១០០ក្រាម
• ល្ពៅ ២០០ក្រាម
• ដំឡូង ២០០ក្រាម
• ត្រាវ ២០០ក្រាម
• ពោតក្រហម ២០០ក្រាម
• ផ្សិតត្រចៀកកណ្ដុរ ២០ក្រាម
• សាច់ដូងស្ទើរចាស់ ១០០ក្រាម
• ស្ករស ២០០ក្រាម
• អំបិល កន្លះស្លាបព្រាកាហ្វេ

▶️ វីដេអូរបៀបធ្វើ៖