មិនថាក្មេង ចាស់កំលោះក្រមុំនោះទេ សម្រាប់អ្នកដែលរស់នៅម្តុំទួលទំពូងប្រហែលជាស្គាល់អ៊ុំម្នាក់ឈ្មោះថា អេ សុចិន្ដា ម្ចាស់ហាងលក់គុយទាវពងទា យាយវែនតាច្បាស់ហើយ សម្រាប់ភាពច្នៃប្រឌិតរសជាតិខ្លួនឯង អស់រយៈពេលជាង១០ឆ្នាំមកនេះ ធ្វើអោយអ៊ុំទទួលបានការគាំទ្រខ្លាំងពីអតិថិជនទាំងចាស់ ទាំងក្មេង ចូលចិត្តរសជាតិគុយទាវ​ ដែលអ៊ុំច្នៃបន្ថែមរសជាតិជាច្រើនមុខបញ្ចូលគ្នា ធ្វើអោយរសជាតិឆ្ងាញ់ប្លែក ខុសពីហាងដទៃ។

សម្រាប់អតិថិជនជាច្រើនអ្នកដែលបានភ្លក្ស​រសជាតិ គុយទាវរបស់អ៊ុំរួចហើយ ដឹងតែលាន់មាត់ថាឆ្ងាញ់ប្លែកតែម្តង ដោយសាររសជាតិមួយនេះ គឺជាការច្នៃប្រឌិតផ្ទាល់ មានដូចជារសជាតិសាច់ ប្រហិត គ្រឿងផ្សំផ្សេង រួមជាមួយទឹកស៊ុប ជាការច្នៃប្រឌិតផ្ទាល់តែម្តង ។​ ទាំងនេះហើយ ទើបធ្វើអោយអតិថិជនរបស់គាត់ តែងតែសរសើគ្រប់គ្នាថារសជាតិ គុយទាវពងទារបស់គាត់គឺប្លែកតែម្តង។

និយាយចឹងសម្រាប់ម៉ូយចាស់ ម៉ូយថ្មី ឬម៉ូយដែលមិនទាន់បានសាក គុយទាវពងទា យាយវែនតា អាចទៅសាកភ្លក្ស​បានមួយនេះបានណា៎ សម្រាប់ទីតាំងថ្មី អ៊ុំស្រីបានផ្លាស់ប្តូរមករយៈពេល៥ខែហើយ គឺទីតាំង ផ្ទះលេខ22 ផ្លូវ456 ទួលទំពូង2 សម្រាប់អ្នកដែលចង់សាករសជាតិគុយទាវ មានរសជាតិឆ្ងាញ់ប្លែក អាចមករកសាកបានណា ធានាថាឆ្ងាញ់ខុសពីគេតែម្តង ហើយរសជាតិសាច់ក៏មានច្រើនមុខផងដែរ មានទាំងរសជាតិពិសេស និងធម្មតា ចង់ញ៊ាំអីកុម្ម៉ង់រសជាតិហ្នឹងបាន៕

ហាង គុយទាវពងទា យាយវែនតា
លេខទូរសព្ទ៖ 010866806 / 0966700800 / 078243467
ទីតាំង៖ ផ្ទះលេខ22 ផ្លូវ456 ទួលទំពូង2
ផែនទី៖https://goo.gl/maps/e2Zx11MweoVYN8mN7

វីដេអូ៖

បើ admin ធ្លាប់ញ៉ាំតាំងពីកាលរៀនវិទ្យាល័យ មួយថ្ងៃយ៉ាងហោចក៏បានមួយកំប៉ុងដែរ។​ ជឿថាគ្នាយើងខ្លះច្បាស់ជាស្គាល់ ហើយធ្លាប់ញ៉ាំភេសជ្ជៈ​មួយមុខនេះ​ ចុះមានចង់រំលឹករឿងចាស់អត់! សាកធ្វើញ៉ាំហ្អី មិនត្រូវការគ្រឿងច្រើនទេ ចំណាយពេលក៏មិនយូរដែរ។

គ្រឿងផ្សំ៖​

• អំពិល ២០០ ក្រាម
• ទឹក ៦០០ មីលីក្រាម
• ស្ករ ស ៤០០ ក្រាម
• អំបិល ១ ស្លាបព្រាកាហ្វេ
• ល្ង ១ ស្លាបព្រាបាយ
• សណ្តែកដីលីង

វិធីធ្វើ៖

១. រម្ងាស់ អំពិល ទឹក និង ស្ករចូលគ្នា រហូតដល់ខាប់ទៅជាសាច់មួយ រួចដាក់អំបិលចូល ពេលជិតឆ្អិន រោយល្ង ជាការស្រេច

២. ដួសដាក់កែវ ដាក់ទឹកកកកូ រឺថែមទឹកសូដាបន្តិចកាន់តែឆ្ងាញ់។

ភាគច្រើនឲ្យតែមានកម្មវិធីនៅផ្ទះតិចតួចដូចជា ខួបកំណើត ជួបជុំគ្រួសារ អ្នកផ្ទះតែងជ្រើសយកមុខម្ហូបសាច់គោ BBQ ព្រោះវាស័ក្តិសម មានររសជាតិឆ្ងាញ់ ហើយក៏មានអ្នកចូលចិត្តញ៉ាំច្រើន។​ ក្រៅពីកម្មកវិធីតិចតួចនៅផ្ទះ​ ពេលទៅដើរលេងជាលក្ខណៈគ្រួសារ ឬមិត្តភក្តិ​ភាគច្រើនក៏ឃើញវត្តមានអាហារនេះដែរ ព្រោះវាស្រួលធ្វើ ហើយទុកបានយូរ ជា​ពិសេសទៅលេងសមុទ្រ ឬបោះតង់ យកទៅតាមដឹងតាអែមហ្មង។​ ឥឡូវមកមើលវិធីធ្វើទាំងអស់គ្នា៖

គ្រឿងផ្សំ៖

• សាច់គោ ២គីឡូ
• ស្ករស ១៥ ក្រាម
• អំបិល ១០ ក្រាម
• ម្សៅស៊ុប ២ ស្លាបព្រាបាយ
• ទឹកដោះគោឆៅ ១ កំប៉ុង
• គ្រឿផ្សំសាតេ ១ កញ្ចប់តូច
• ទឹកត្រី ២ ស្លាបព្រាបាយ
• គ្រឿងបុក ១ ចានចង្កឹះ (គល់ស្លឹកគ្រៃ រំដេង ល្មៀត ស្លឹកក្រូចសើច ខ្ទឹមស ម្ទេស)
• បន្លែ (ប៉េងប៉ោះ ម្ទេសហាវៃ ម្នាស់ ខ្ទឹមបារាំង ការ៉ុត) តាមចំនូលចិត្ត

របៀបធ្វើ៖

១. ហាន់បន្លែរជាដុំតូចល្មមទុកមួយអន្លើ
២. ហាន់សាច់គោជារាងគូបប៉ុនមេដៃ (កុំក្រាស និងធំពែក) ឬ ជាចំនិតស្តើងៗ
៣. លាយគ្រឿងផ្សំទាំងអស់ចូលគ្នាអោយសព្វ រួចដាក់សាច់គោចូល ប្រលាក់អោយសព្វល្អ ផ្អាប់ទុកចោល ១៥ នាទី រួចដាក់បន្លែរចូល ច្របល់អោយសព្វម្តងទៀត ផ្អាប់ទុក១០នាទី
៤. យកចង្កាក់ដោតសាច់ មកដោតសាច់មួយដុំ បន្លែមួយដុំរហូតដល់ពេញចង្កាក់។ រួចយកទៅអាំងនឹងចង្រ្គានធ្យូង អោយឆ្អឹនជាការស្រេច។

រឿងកាពិ​ នេះទោះបីក្លិនមិនសូវល្អបន្តិចមែន ប៉ុន្តែបើនិយាយពីរសជាតិវិញសុទ្ធតែឆ្ងាញ់ពិសេសហើយ។ សម្រាប់អ្នកដែលចូលចិត្តវិញគ្រាន់តែលឺឈ្មោះសឹងតែស្រក់ទឹកមាត់ហើយ ហើយចុះអ្នកទាំងអស់គ្នាចូលចិត្តដែរអត់? កុំថាអត់ណារបស់ឆ្ងាញ់ គេញ៉ាំពេញប្រទេសគួរតែរៀនញ៉ាំដែរទៅ ហើយថ្ងៃនេះ Admin និងបង្រៀនអំពីការធ្វើបុកកាពិដើម្បីអោយបានធ្វើញ៉ាំដោយខ្លួនឯង ពេលឃ្លានមិនចាំបាច់ត្រូវទៅទិញគេ។

▶️ គ្រឿងផ្សំដែលត្រូវមាន៖

• បង្គា
• ត្រីកាម៉ុង ១
• កាពិ ១កូនពែង
• ពងទាចៀនស្អំ
• ម្ទេសស្រស់
• ខ្ទឹមស
• បង្គាក្រៀម
• ស្ករក្រហម​(ស្ករត្នោត) ១កូនពែង
• ប៊ីចេង ១ស្លាបព្រាកាហ្វេ
• ក្រូចឆ្មា ៤ចំណិត(អាចថែមបានតាមចំណូលចិត្ត)
• បន្លែអន្លក់

▶️ វីដេអូបង្រៀនធ្វើ៖

ចៀនពង ស្ងោរពង លឺថាជាចំណូលចិត្តរបស់កូនពៅដែលគ្មានអ្នកណាអាចដណ្ដើមបានទេមែនអត់។ ហើយចុះបើចូលចិត្តម្លឹងៗមានចេះធ្វើពងមាន់អូម៉ាឡែត អត់ចុះ? ម៉ោះ បើថានៅកូនពៅទាំងឡាយឡើងផ្សារទិញគ្រឿងផ្សំមកទុកធ្វើបញ្ចេញស្នាដៃថ្មី។

▶️ គ្រឿងផ្សំដែលត្រូវមាន៖

• សាច់មាន់ចិញ្ច្រាំ កន្លះគីឡូ
• ប្រេងឆា ១ពែង
• ខ្ទឹមស ចិញ្ច្រាំអោយល្អិត
• ប៊ីចេង ១ស្លាបព្រាកាហ្វេ
• ទឹកត្រី ១ស្លាបព្រាកាហ្វេ
• ប្រេងខ្យង ២ស្លាបព្រាកាហ្វេ
• ម្សៅស៊ុប ១ស្លាបព្រាកាហ្វេ
• ស្ករស ២ស្លាបព្រាកាហ្វេ
• ខ្ទឹមបារាំង ១មើម(ហាន់តូចៗល្មមដូចក្នុងវីដេអូ)
• ការ៉ុត ១មើមតូច(ហាន់តូចៗល្មមដូចក្នុងវីដេអូ)
• ប៉េងប៉ោះក្រហម ១ផ្លែ(ហាន់តូចៗល្មមដូចក្នុងវីដេអូ)
• ទឹកម្ទេស ២ស្លាបព្រាបាយ
• ទឹកប៉េងប៉ោះ ២ស្លាបព្រាបាយ
• ពងមាន់ ២គ្រាប់
• ស្លឹកខ្ទឹម

▶️ វីដេអូបង្រៀនចម្អិន

ឃើញថាអាកាសធាតុចុះត្រជាក់រកគភ្លៀងហើយ ប៉ុន្មានថ្ងៃនេះ បែបនេះគួរតែសារេរកមុខម្ហូបណា ដែលអាចថាញ៉ាំហើយក្ដៅពោះក្ដៅសាច់សម្រក់ញើសអោយស្រួលខ្លួនតិចហើយ។ ម៉ោះៗ មិនបាច់អង្គុយសំកុករកនឹកម្ហូបទេ ធ្វើស៊ុបម្ទេសខៀវ ញ៉ាំហ្មងទៅព្រោះថាមួយមុខនេះហិរក៏ហិរ ឆ្ងាញ់ៗក៏ឆ្ងាញ់ ធានាថាម៉ាក្ដៅសាច់មិនអោយចាញ់រងារហ្មង។

▶️ គ្រឿងផ្សំដែលត្រូវមាន៖

• ខ្ទឹមស ៥កំពឹស
• ស្លឹកក្រូចសើច ៣សន្លឹក
• ដុំស៊ុបខ្នរ ១ដុំ
• ឆ្អឹងជំនីជ្រូក កន្លះគីឡូ
• ជើងមាន់ ៣ខាំ
• អំបិល ១ស្លាបព្រាកាហ្វេ
• ម្សៅស៊ុប ១ស្លាបព្រាកាហ្វេ
• ស្ករស ១ស្លាបព្រាកាហ្វេ
• ទឹកត្រី ១ស្លាបព្រាកាហ្វេ
• ប៊ីចេង កន្លះស្លាបព្រាកាហ្វេ

▶️ គ្រឿងផ្សំគ្រឿងសម្រាប់ស្រោច៖

• ខ្ទឹមស ៩កំពឹស
• ម្ទេសស្រស់ ២០០ក្រាម(តាមចំណូលចិត្ត)
• ក្រូចឆ្មារ ៥ផ្លែ
• ជីរណា ៣០០ក្រាម
• ជីវ៉ាន់ស៊ុយ ១៥០ក្រាម

វីដេអូបង្រៀនធ្វើ៖

ប៊ឺរ​ជាផ្លែឈើដែលល្អចំពោះសុខភាព ព្រោះវាសម្បូរជាតិកាកសរសៃច្រើន​ និង​សារធាតុចិញ្ចឹមសំខាន់ៗ។​ ក្រៅពីចិតដាក់ទឹកដោះគោធ្វើបង្អែម ក្រឡុក និងលាយធ្វើសាឡាដញ៉ាំ យើងអាចយកវាមកធ្វើជាការ៉េមញ៉ាំក៏បានដែរ។​ ចង់ធ្វើការ៉េមប៊ឺរឆ្ងាញ់ រសជាតិគ្មានពីរ​ ត្រូវមើលវិធីធ្វើខាងក្រោមនេះសិន៖

គ្រឿងផ្សំ៖

• ផ្លែប័រ
• ទឹកដោះគោខាប់
• ទឹកដោះគោស្រស់
• ស្ករ
• អំបិល

វិធីធ្វើ៖

១. ផ្លែប័រឆ្កឹះយកសាច់ដាក់ចូលម៉ាសុីនក្រឡុក ហើយដាក់ទឹកដោះគោខាប់ ទឹកដោះគោស្រស់ ស្ករ និង អំបិលចូលបន្តិច ហើយធ្វើការក្រឡុកចូលគ្នាអោយសព្វ

២. បន្ទាប់មកយកប្រអប់ដាក់ការ៉េម រឺថង់ច្រកការ៉េម រួចយកទៅដាក់ក្នុងទូរទឹកកកអោយកកជាការស្រេច។