ប៊ឺរ​ក្រឡុក​ ជា​ភេសជ្ជ​ដែល​ពេញ​និយម​ខ្លាំង​សព្វ​ថ្ងៃ​នេះ​។​ របៀប​ធ្វើ​មិន​មាន​អី​ពិបាក​ទេ​ យើង​ទាំង​អស់​គ្នា​អាច​ធ្វើ​ញ៉ាំ​នៅ​ផ្ទះ​បាន​។​ នេះ​រូប​មន្ត​ធ្វើ​ឆ្ងាញ់​ លឿន​ ហើយ​អត់​ល្វីង​ទៀត​៖​

គ្រឿង​ផ្សំ​៖

  • ប៊ឺរ​ទុំ​ ២​ទៅ​ ៣ ផ្លែ (ជ្រើស​យក​ប៊ឺរ​មាន​សាច់​ស្អិត​ល្អ)​
  • ទឹក​ដោះ​គោ​ស្រស់​ ៥០ មីលីលីត្រ (អត់​ផ្អែម)
  • ទឹក​ដោះ​គោ​ខាប់​ ៥០ មីលីលីត្រ
  • ទឹក​កក
  • ស្ករ​

វិធី​ធ្វើ​៖​

ជំហាន​ទី​១​៖ ប្រើ​កូន​កាំបិត​ពុះ​ប៊ឺរ​ជា​ពីរ​ រួច​យក​គ្រាប់​ចេញ​។​ មាន​វិធី​ពីរ​ដើម្បី​យក​សាច់​ប៊ឺរ​ចេញ​ មិន​ឲ្យ​ល្វីង​

  • យក​ស្លាប​ព្រា​កោស​សាច់​ប៊ឺរ​ចេញ​ តែ​កុំ​កោស​ដល់​សម្បក​ ព្រោះ​អាច​ល្វីង​ពេល​ញ៉ាំ​
  • វិធី​មួយ​ទៀត​គឺ​ កាត់​វា​ជា​ដុំ​តូច​ៗ​ហើយ​ប្រើ​ដៃ​បក​សម្បក​ចេញ​ យើង​នឹង​ទទួល​បាន​សាច់​ប៊ឺរ​យ៉ាង​ងាយ​

ជំហាន​ទី​២​៖​

យក​សាច់​ប៊ឹរ​ដាក់​ក្នុង​ម៉ាស៊ីន​ក្រឡុក​ ជា​មួយ​ទឹក​ដោះ​គោ​ខាប់​ និង​ស្រស់​ (អាច​ដាក់​តាម​ចំណូល​ចិត្ត​បាន​)។​ ដាក់​ទឹកកក​ចូល​បន្តិច​ ដើម្បី​បន្ថែម​រសជាតិ​កាន់​តែ​ឆ្ងាញ់​ពេល​ញ៉ាំ​ត្រជាក់​ៗ​។

How to make a delicious baby friend without time - 4

ជំហាន​ទី​៣៖​

បន្ទាប់​ពី​ក្រឡុក​ហើយ​ យើង​អាច​ភ្លក្ស​មើល​បើ​អត់​ផ្អែម​ អាច​ដាក់​ស្ករ​ថែម​ រួច​ក្រឡុក​ថែម​បន្តិច​ជា​ការ​ស្រេច​។