គ្រាន់តែលឺឈ្មោះ និងឃើញរូបរាងការ៉េម ២ចាននេះលោកអ្នកប្រាកដជាឆ្ងល់ហើយមែនទេ? ថាតើវាមានរសជាតិយ៉ាងម៉េច ហើយសួរទៀតថាឆ្ងាញ់អត់បើបំពងចឹង មិនរលាយអស់ហើយទេអី? ចម្លើយគឺ “ឆ្ងាញ់ណាស់ ទាំងរសជាតិម្សៅនំ និងជាពិសេសនោះគឺមានស្នូលការ៉េមខាងក្នុងមានរសជាតិត្រាវ ស្តូវប៊ីរី និងច្រើនជម្រើសទៀត។

ហើយមិនមែនមានតែការ៉េមបំពងទេ ហាង The Story ក៏មាននូវមុខម្ហូបប្លែកៗ ជាច្រើនមុខច្រើនជំរើសផងដែរ ដូចជា៖ នំប័ុងលេបសង្វាក់, ជ្រូកលើជ្រុញ, ប្រហិតក្រឡុក… លើសពីនេះទៅទៀតការរៀបចំហាង ក៏ប្លែកភ្នែក អាចអោយអតិថិជន ថតរូប Selfie បានយ៉ាងស្រស់ស្អាតថែមទៀតផង។

អូ៎ភ្លេចប្រាប់ សុំថែមតិចទៀតណា សំរាប់នំបុ័ងលេបសង្វាក់គឺជាអាហារសំរន់ច្នៃប្រឌិតថ្មីរបស់ The Story ហើយវាកំពុងតែទទួលបានការពេញនិយមខ្លាំងពីអតិថិជនផងដែរ។ នំប័ុងឆ្លងកាត់ការកំដៅក្តៅៗ ញាត់ជីស្រស់ៗចូលទៅក្នុងសាច់នំប័ុង ដាក់សង្វាក់អាំងដែលលើកចេញពីភ្លើងក្តៅៗចូល បន្ទាប់មកស្រូបទឹកសៀងចូលសព្វពេញនំបុ័ង ធានាថាប្លែកមាត់ ប្លែកអារម្មណ៍និងជាប់ចិត្តតែម្តង។ សាកលមើល៍ណាល្ងាចនេះ!

ហាង The Story Tel: 098 380 168 | 017 440 322 | 010 81 82 08 Address: នៅផ្លូវចន្លោះក្រោយសាលាវ៉ាន់ដា និងសាលា AIS ប្រហែល៣០ម

បើអ្នកលឺឈ្មោះហាង ស៊ុបពងទាកូន ផ្លូវភ្លោះអូរឬស្សី ប្រហែលជាមិត្តអ្នកអានមួយចំនួនបានស្គាល់ និងអ្នកខ្លះទៀតក៏បានធ្លាប់ទៅសាកញ៉ាំផងដែរ។ មែនហើយ! ហាងស៊ុបពងទាកូន និងសាច់អាំង ផ្លូវភ្លោះអូរឬស្សី គឺថាមានអតិថិជនពេញៗ ហាងរាល់ថ្ងៃ ហើយក៏ធ្លាប់មានអតិថិជនជាច្រើនអ្នកបានសរសើរពីសេវាកម្ម ក៏ដូចជារសជាតិម្ហូបនៅទីនោះផងដែរ។ ហើយសំរាប់វីដេអូថ្ងៃនេះវិញដែរ យើងសូមលើកយកពីមុខម្ហូបមួយទៀត ដែលជាមុខម្ហូបប្រចាំហាងផងដែរនោះគឺ សាច់អាំង ជាមួយទឹកជ្រលក់៤រសជាតិ ដែលមួយឈុតតម្លៃ ១០ដុល្លារ ហើយមានសាច់ដូចជា៖ សាច់គោអូស្ត្រាលី, មឹក, ក្តាម, ព្រុយត្រី, បង្គារ…។ ចង់ដឹងថាថ្វីដៃ ទឹកជ្រលក់៤មុខ៖ ទឹកតៅហ៊ូ, ទឹកត្រីកោះកុង, ទឹកម្រេច និងទឹកប្រហុក ផ្ទាប់ជាមួយសាច់មានរសជាតិឆ្ងាញ់ ប្លែកយ៉ាងណានោះ កុំភ្លេចសាកទាំងអស់គ្នាណាល្ងាចនេះ… ហាងស៊ុបពងទាកូន និងសាច់អាំង ទីតាំង៖ ជិតផ្លូវភ្លោះអូរឬស្សី ផ្ទះលេខ ២៦ ផ្លូវ ១២៥ ទូរស័ព្ទ៖ 081 9999 59 / 092 11 53 53