អ្នកនៅម្តុំបឹងសាឡាង ប្រហែលជាស្គាល់ច្បាស់ហើយ ទីតាំងលក់បាញ់ឆែវ និងនំគ្រក់មួយកន្លែងនេះ ភាគច្រើនគេហៅកន្លែងនេះថា មានសុភាព លក់បាញ់ឆែវ លក់៧ឆ្នាំហើយណា រសជាតិក៏ឆ្ងាញ់ដែរ អតិថិជនមានជាហូរហែរខ្លះញ៉ាំនៅកន្លែង ខ្លះទៀតខ្ចប់ទៅផ្ទះ ឯតម្លៃក៏សមរម្យ។

សម្រាប់អ្នកចង់សាករសជាតិ បាញ់ឆាវ និងនំគ្រក់ នៅកន្លែងនេះគួរតែមកលឿនៗមកណា ព្រោះថាឆ្ងាញ់ណាស់ពេលបានញ៉ាំផ្ទាប់បន្លែស្រស់ៗ និងជ្រលក់ទឹកត្រីពិសេស​ប្រចាំហាងនោះ។ ហើយអ្វីដែលកាន់តែពិសេសទៀតនោះគឺ ទាំងម្សៅនំ និងទឹកត្រីគឺម្ចាស់ហាងបានធ្វើដោយខ្លួនឯងផ្ទាល់ ដែលធ្វើអោយអ្នកញ៊ាំទទួលបានទាំងរសជាតិ និងអនាម័យ ហេតុនេះហើយធ្វើអោយមានការគាំខ្លាំងរហូតដល់មួយថ្ងៃលក់អស់បាញ់ឆែវ ម្សៅ២ធុង និងនំគ្រក់ម្សៅអស់៣ធុងឯណោះ។

ស្គាល់កន្លែងឆ្ងាញ់បែបនេះហើយនៅចាំអីទៀត ថ្ងៃចុងសប្ដាហ៍ផងណាត់គ្នាមកញ៊ាំលឿនមកណាដឹងតែឆ្ងាញ់មាត់ហ្មង។ សម្រាប់ទីតាំងគឺងាយស្រួលរកខ្លាំងមែនទែនស្ថិតនៅផ្ទះលេខ៤៣ ផ្លូវ២៦១ សង្កាត់បឹងសាឡាង៕

ហាង មានសុភាព លក់បាញ់ឆែវ
លេខទូរសព្ទ៖ 017 59 86 49 / 015 43 63 35
ទីតាំង៖ ផ្ទះលេខ៤៣ ផ្លូវ២៦១ សង្កាត់បឹងសាឡាង

វីដេអូ៖

លក់ជាង១៣ឆ្នាំមកហើយ បើនិយាយពីម៉ូយរាប់ភ្លេច ពិសេសអ្នកដែលចេញចូលក្នុងផ្សារបឹងកេងកង ប្រាកដជាធ្លាប់ស្គាល់ អ៊ីស្រីពៅសម្លក្តាម ផ្សារបឹងកេងកង លក់នំបញ្ចុកស្រុះ ២រសជាតិ គឺ សម្លខួរក្តាម (សាច់ជ្រូក)​ សម្លខ្ជាយ / សម្លខៀវ (សាច់ត្រី) លក់ដាច់ខ្លាំងណាស់។

ហើយក្នុងចំណោមអ្នកអានអត្ថបទនេះ តើមានអ្នកណាធ្លាប់ជាម៉ូយ អ៊ីសម្លក្តាម ផ្សារបឹងកេងកង ឬអត់? សម្រាប់អេតមីន វិញសាករួចហើយ រសជាតិឆ្ងាញ់ប្លែក តម្លៃក៏សមរម្យ និងសេវាកម្មល្អ គឺទទួលយកបាន ហើយសម្រាប់អតិថិជនរបស់គាត់គឺមានពេញៗតុ មកជាហូរហែ ហើយអ្នកដែលនឹកឃ្លានរសជាតិ បញ្ចុកស្រុះ ២រសជាតិរបស់គាត់ មិនចង់មកកន្លែងផ្ទាល់ អាចកុម្មង់យកទៅញ៊ាំនៅផ្ទះបានថែមទៀតផង សម្រាប់លេខទូរសព្ទ៖ 070 59 54 64 / 070 66 72 82 / 092 21 58 22 ។

សម្រាប់អ្នកដែលចេញចូលក្នុងផ្សារបឹងកេងកង ញឹកញាប់ បើឃ្លាននំបញ្ចុកស្រុះ អ៊ីស្រីពៅសម្លក្តាម ផ្សារបឹងកេងកង អាចទៅរកញ៊ាំបាន គឺដើរចូលតាមច្រកទី៣ ខាងជើងផ្សារ ហើយសម្រាប់អ្នកដែលមានបំណងចង់រៀន ចេះធ្វើនំបញ្ចុកស្រុះ ២រសជាតិ ដើម្បីទៅបើកជាអាជីវកម្មផ្ទាល់ខ្លួន ក៏អាចទៅរកគាត់បានផងដែរ កុំភ្លេចណាឃ្លាននំបញ្ចុកស្រុះ មានរសជាតិឆ្ងាញ់ គឺអ៊ីស្រីពៅសម្លក្តាម ផ្សារបឹងកេងកង មកផ្ទាល់ក៏បាន កុម្មង់ខ្ចប់ក៏បាន។

នំបញ្ចុកស្រុះ ២រសជាតិ (អ៊ីស្រីពៅសម្លក្តាម ផ្សារបឹងកេងកង)
លេខទូរសព្ទ៖ 070 59 54 64 / 070 66 72 82 / 092 21 58 22
ទីតាំង៖ ក្នុងផ្សារបឹងកេងកង ច្រកទី៣ ខាងជើងផ្សារ
Facebook Page

វីដេអូ

កុំទាន់ទៅកក់សំបុត្រយន្តហោះអី ចង់ញ៉ាំមីឆាលើអាកាសមិនបាច់ហោះហើទៅណាឆ្ងាយទេ ជិះតែម៉ូតូមកក្រោយវត្តទួលទំពូងឃើញហើយ ហាហាសនិយាយលេងតិចហើយ តាមពិតទៅមីឆាលើអាកាសនេះគ្រាន់តែជាឈ្មោះហាងដែលមហាម៉ូយគាត់ដាក់អោយប៉ុណ្ណោះ ប៉ុន្តែបើនិយាយពីលក់វិញ លក់ដាច់ខ្លាំងមែន មួយថ្ងៃៗលក់មីអស់រាប់គីឡូ មានភ្ញៀវមកញ៉ាំពេញៗតុ លក់ដាច់តាំងពីព្រឹកដល់យប់។

ស្តាប់ដំបូងរៀងប្លែកបន្តិចមែន លឺថាមីឆាលើអាកាស តែបើដឹងរឿងពិតវិញនេះគ្រាន់ជាឈ្មោះហាងមីឆាមួយកន្លែងដែលកំពូលម៉ូយគាត់ដាក់អោយប៉ុណ្ណោះ ដោយសារតែហាងគាត់ប្តូរកន្លែងញឹកពេកចង់ញ៉ាំម្តងៗរកឡើងវង្វេង ទាល់តែដាក់ឈ្មោះអោយចឹងទៅឥឡូវជាប់ទាំងឈ្មោះ ជាប់ទាំងកន្លែងលក់ គឺនៅក្រោយវត្តទួលទំពូងនេះឯង ហើយបើនិយាយពីការលក់វិញដាច់ខ្លាំងហ្មង មួយថ្ងៃគាត់លក់អស់រាប់រយចានអីណោះ សុំរៀបរាប់ត្រួសៗសិនណា មីសរសៃធំ ៦០គីឡូ មីកញ្ចប់៥កេះ លត៣៥គីឡូ ពងទា៦០០គ្រាប់ ប៉ាតេ៣០គីឡូ សាកគិតលេងៗមើលប៉ុណ្ណឹងហើយមិនដាច់ទៀតហី។

មោះមានអ្នកចង់សាកមីឆាលើអាកាសអត់ រសជាតិយ៉ាងម៉េចទៅវិញទៅបានជាដាច់លក់យ៉ាងហ្នឹង ហើយទីតាំងនេះដែរគាត់លក់រយៈពេល១០ឆ្នាំមកហើយក្រោយវត្តទូលទំពូងផ្ទាល់តែម្តងស្រួលរកណាស់។ ហើយម្តុំនិងមិនមែនមានតែគាត់ទេដែលលក់ និយាយរួមទៅសុទ្ធតែបងប្អូនគាត់ទាំងអស់លក់ក្បែរៗគ្នា ចឹងក្រឡែកមើលស្លាកយីហោ ដាវីមីឆាពិសេសលើអាកាសទៅគឺ ដឹងតែហ្នឹងហើយ៕

ហាង ដាវីមីឆាពិសេសលើអាកាស
លេខទូរសព្ទ៖ 097 57 75 417
ទីតាំង ៖ ក្រោយរបងវត្តទួលទំពូង ផ្លូវ១៣៥

វីដេអូ៖

អ្នកកំពង់សោម និងអ្នកដែលទៅលេងកំពង់សោម ចាប់ពីពេលនេះទៅចង់ញ៉ាំបុកល្ហុងហិរៗបែបថៃហិរបះសក់ គ្រឿងសមុទ្រក្រឡុក ក្ដាមជ្រក់ ដៃមឹកអាំង និងម្ហូបឆ្ងាញ់ៗលែងលំបាកទៀតហើយអោយតែបានមកដល់ហាង ម៉ាដាម ម្ទេស – Madam Chili គឺសប្បាយមាត់ញ៉ាំតែម្ដងជាមួយមុខម្ហូបទាំងអស់នេះ ជាពិសេសគឺរសជាតិពិសេសមិនអោយលោកអ្នកខកបំណងតែម្ដង។

ម្ហូបដែលល្បីៗប្រចាំ ម៉ាដាម ម្ទេស – Madam Chili ដែរគ្រប់គ្នាបានមកហើយមិនគួររំលងនោះគឺបុកល្ហុង គ្រឿងសមុទ្រក្រឡុក ក្ដាមជ្រក់ និងដៃមឹកអាំងនេះហើយ។ បើនិយាយពីបុកល្ហុង វិញគឺថារសជាតិដើមបែបថៃតែម្ដង ហិរសាហាវតែឆ្ងាញ់ញ៉ាំជក់មាត់ ក៏ដោយសារតែបុកល្ហុងនៅទីនេះគឺបានប្រើប្រាស់គ្រឿងផ្សំមកពីប្រទេសថៃតែម្តង។ ចំណែកឯគ្រឿងសមុទ្រក្រឡុក ក៏ពិសេសមិនធម្មតាព្រោះថាជារសជាតិដើមមកពីថៃដូចគ្នា ដែលចុងភៅប្រចាំហាងបានទៅសិក្សារៀនសូត្រ ពីចុងភៅជំនាញនៅឯប្រទេសថៃ ដែលធ្វើអោយរសជាតិមុខម្ហូបមួយមុខនេះឆ្ងាញ់ និងមានរសជាតិដើមពិតៗ។ អ្វីដែរកាន់តែពិសេសថែមទៀតនោះ រាល់មុខម្ហូបគ្រឿងសមុទ្រនៅទីនេះ គឺត្រូវបានប្រើប្រាស់នូវគ្រឿងសមុទ្រថ្មី និងស្រស់ៗជារៀងរាល់ថ្ងៃដែរម្ចាស់ហាងទៅទិញពីទូកនេសាទផ្ទាល់តែម្ដង ដែលធ្វើអោយគ្រប់មុខម្ហូបគ្រឿងសមុទ្រនៅទីនេះឆ្ងាញ់ពិសេសជាងហាងដ៏ទៃ។

បែបកុំភ្លេចណា អ្នកកំពង់សោម និងអ្នកដែលមកលេងកំពង់សោមចង់ញ៉ាំបុកល្ហុង គ្រឿងសមុទ្រក្រឡុក ក្ដាមជ្រក់ ដៃមឹកអាំង និងម្ហូបគ្រឿងសមុទ្រឆ្ងាញ់ៗជាច្រើនមុខទៀត មកម៉ាដាម ម្ទេស – Madam Chili មកណាដែលមានទីតាំងស្ថិតនៅក្រោយការ៉ាស់សាំងផ្សារលើ ចម្ងាយ២០០ម៉ែត្រ(ខាងស្ដាំដៃ)ផែនទីចុចទីនេះ ៕

Preview in new tab

ហាង ម៉ាដាម ម្ទេស – Madam Chili
លេខទូរសព្ទ៖ 015 888 732 / 096 384 99 88
ទីតាំង៖ ក្រោយការ៉ាស់សាំងផ្សារលើ ចម្ងាយ២០០ម៉ែត្រ(ខាងស្ដាំដៃ)
ផែនទី៖ ចុចទីនេះ
(ចាប់បើកពីម៉ោង១១ព្រឹក ដល់ម៉ោង១០យប់)

វីដេអូ៖

ថាមិនឱ្យទាស់ចិត្តទេ ជាមួយ ហាងផ្ទះបងធារ៉ា និយាយពីគោ ចង់បានម្ហូបអីក៏មានដែរ ស៊ុបគោ ស្មងគោ ខួរគោ ក្រចកជើងគោអាំងម្ទេស សរសៃកែង​ លឹង្គគោអាំង ពោះគោទឹកប្រហុក លឹង្គគោស្រុះទឹកប្រហុក ឬអាំង មួយថ្ងៃលក់ ៧០០ ទៅ៨០០គីឡូ មែនតិចណា៎ ចង់ញ៉ាំលក្ខណៈជាស៊ុប ឬ អាំង មានជូនមួយកំប្លេរ តែម្តង អ្វីដែលសំខាន់ស៊ុបរបស់គាត់គឺ មិនធំក្លិនគោ ដែលធ្វើអោយអ្នកពិសា ទាស់ចិត្តឡើយ ។

បើរៀបរាប់វិញ សឹងតែមិនអោយចន្លោះមួយណាទេ អោយតែថាគ្រឿងគោ ផ្ទះបងធារ៉ា យកមកលក់អស់តែម្តង ពីចុងជើងគោ រហូតដល់ក្បាលគោ លក់ដាច់សាហាវ មួយថ្ងៃៗ គ្រាន់តែចេញទៅតាមសាខានីមួយ សរុប ៧០០ ទៅ ៨០០គីឡូ បើរាប់ជាចានវិញ៣០០ ចាន ៤០០ចាន ក្នុងមួយសាខាៗ ហើយលក់តែគ្រឿងគោសុទ្ធ អត់មានសាច់ផ្សេងៗទេ ។

សម្រាប់ហាង ផ្ទះបងធារ៉ា បើកលក់ ៧ឆ្នាំមកហើយ បច្ចុប្បន្ននេះមាន៥ សាខា តែគាត់ក៏កំពុងបន្ថែម២សាខាបន្ថែមទៀត លក់ដាច់ណាស់ ហើយអ្វីដែលសំខាន់គាត់ប្រើគោខ្មែរយើងសុទ្ធ ហើយបើទឹកស៊ុបវិញ គឺមិនធំក្លិនគោទេ ញ៉ាំទៅធានាថារសជាតិឆ្ងាញ់ប្លែកតែម្តង ។ កុំភ្លេចណា នឹកឃ្លានគ្រឿងគោ មករក ផ្ទះបងធារ៉ា ទាំង ៥សាខាបាន សាខាទួលសង្កែ សាខាអង្គតាមិញ សាខាផ្សារដីហុយ សាខាចំការដូង និងសាខាគីរីរម្យ ។

ហាង ផ្ទះបងធារ៉ា
ទីតាំង៖ ផ្លូវ ១០១១​
លេខទូសព្ទ៖ 086 916 651

អ្នកណាចូលចិត្តញ៉ាំមីស្រុះខ្លះ ចុះធ្លាប់បានមកញ៉ាំនៅហាង ម៉ូសស្រ៊ី ហើយរឺនៅ? បើថានៅទេ គួរតែមកសាកព្រោះថាហាងមួយនេះលក់ មីស្រុះនេះរយៈពេល ១៩ឆ្នាំហើយណា។ មីស្រុះ នៅទីនេះបើនិយាយពីរសជាតិវិញគឺថាពិសេសខ្លាំងណាស់ បានញ៉ាំធានាថាប្លែកមាត់ខុសប្លែកពីមីស្រុះដែលគ្រប់គ្នាធ្លាប់ញ៉ាំពីមុនជាក់ជាមិនខាន។

ចំពោះមុខម្ហូបនៅហាង ម៉ូសស្រ៊ី មិនមែនមានតែមីស្រុះទេណា គឺមានមីឆា និងប្រហិតបំពងផងដែរ។ មុខម្ហូបទាំងនេះគឺសុទ្ធតែជាមុខម្ហូបពិសេសប្រចាំហាង ដែរម៉ូយៗមកលើកណាក៏មិនដែររំលងដែរ។ មុខម្ហូបទាំង៣ ទទួលបានការគាំទ្របែបនេះក៏ដោយសារ តែមានរសជាតិពិសេសជាងគេ និងមានទឹកជ្រលក់សម្រាប់ញ៉ាំជាមួយត្រូវជាតិគ្នាខ្លាំង ដែលធ្វើអោយអ្នកដែលបានញ៉ាំហើយជក់មាត់ជីបៗតែម្ដង ហើយបើថាមិនជឿទេអាចបបួលគ្នាមកសាកបានណា។

សម្រាប់មីស្រុះ គឺមានរហូតដល់ទៅ ៣រសជាតិឯណោះសម្រាប់អោយគ្រប់គ្នាធ្វើការជ្រើសរើស គឺរសជាតិធម្មតា រសជាតិតុងយ៉ាំ និងរសជាតិភ្លៅមាន់ រសជាតិណាក៏ឆ្ងាញ់ដែរសាកមួយណាក៏បានដឹងតែឆ្ងាញ់មាត់ហ្មង។ ពិសេសឆ្ងាញ់ លក់ឡើង១៩ឆ្នាំហើយចឹងមិនបានមកញ៉ាំម៉េចបាន ណាត់គ្នាមកថ្ងៃហ្នឹងហ្មងទៅណា៕

ហាង ម៉ូសស្រ៊ី
លេខទូរសព្ទ៖ 012 30 04 69 / 098 264 789
ទីតាំង៖ ផ្លូវ៣៣៨ សង្កាត់ទួលស្វាយព្រៃ២ ក្រោយគ្លីនិកវិសាលសុខ

វីដេអូ៖

អ្នកដែលនិយមចូលចិត្តអង្គុយញ៉ាំស្រាបៀរ ជជែកគ្នាលេងពេលនេះបានស្គាល់ ហាង Prince Brewing ដឹងតែពេញចិត្តស្ដូកហ្មង ព្រោះថាទីនេះគឺជាហាងផលិតស្រាបៀរថ្មីៗស្រស់ៗល្អ និងកាច់លក់ជូនអតិថិជនភ្លាមៗដែលធ្វើអោយយើងញ៉ាំទទួលបានរសជាតិឆ្ងាញ់ក្លិនឈ្ងុយប្រហើរ។ ជាពិសេសជាមួយបរិយាកាសធំទូលាយមានផាសុកភាព ដែលអាចអោយគ្រប់គ្នាអង្គុយទទួលទានអាហារ និងក្រេបរសជាតិស្រាបៀរបានយ៉ាងស្រស់ស្រាយសប្បាយរីករាយ។

សម្រាប់ស្រាបៀរដែលផលិតនៅទីនេះគឺមានរហូតដល់ទៅ ៧ប្រភេទដែលមានដូចជា៖ German Wheat, White Rabbit Milk Coffe Porter, Pearson, Four Berry Gose, Belgian Wheat, Sunlight IPA និង Double IPA ដោយគ្រប់គ្នាអាចជ្រើសរើសមួយណាក៏បានតាមចំណូលចិត្តរបស់ខ្លួន។ បើនិយាយពី German wheat គឺជាស្រាបៀដែលមានកំរឹតជាតិអាល់កុល 5.4% មានក្លិនក្រអូបបែបស្រូវសាលី មកពីប្រទេសអាល្លឺម៉ង់។ រីឯ Four Berry Goose ជាស្របៀរដែលមានកំរឹតជាតិអាល់កុល 3.8% ជាប្រភេទស្រាបៀរដែលផ្សំចេញពីផ្លែ Berry ចំនួន ៤ប្រភេទ ហើយស្រាបៀរប្រភេទនេះដែរគឺត្រូវនឹងសុភាពនារី។ ចំពោះ Coffee Porter ជាប្រភេទស្រាបៀរដែលមានជាតិអាល់កុល 6% ហើយមានសារធាតុផ្សំចេញពី សូកូឡា ការ៉ាមែល កាហ្វេ និងម្សៅ Peanut ។

គ្រប់រសជាតិនៃប្រភេទស្រាបៀរទាំងអស់នេះគឺមាននៅតែ Prince Brewing តែមួយគត់ បែបនេះគ្រប់គ្នាចង់សាកភ្លក្ស កុំភ្លេចអញ្ជើញមកទីនេះ។ ជាពិសេសក៏មានអាហារសម្រាប់ទទួលទានឆ្ងាញ់ៗបែបអ៊ឺរ៉ុប ជាច្រើនប្រភេទផងដែរ ហើយក៏មានជាប្រភេទតែ កាហ្វេ និង Cocktail ផងដែរ។ ជាពិសេសសម្រាប់ពេលយប់ អ្នកទាំងអស់គ្នាអាចទៅអង្គុយនៅ Sky bar ជាមួយបរិយាកាសដ៏ស្រស់ស្រាយផងដែរ៕

Prince Brewing
លេខទូរសព្ទ៖ 010 927 188 / 099 588 161
ទីតាំង៖ អគារលេខ 86E0 មហាវីថីសម្តចសុធារស ខណ្ឌដូនពេញ រាជធានីភ្នំពេញ

វីដេអូ៖