រឿងហូបចុកមិនថាអ្នកណាៗទេ ដកលុយចេញពីហោប៉ៅហើយតែងតែចង់បានរបស់ឆ្ងាញ់ញ៊ាំហើយទើបមិនស្ដាយលុយ។ លឺនិយាយបែបនេះមិនបាច់ឆ្ងល់ទេព្រោះថា មានកន្លែងមួយដែលរសជាតិពិតជាត្រូវចិត្តខ្លាំងមែនទែនសម្រាប់អេតមីនមិនថាគ្រឿងញ៊ាំ គ្រឿងក្លែម គ្រឿងបុកទេសុទ្ធតែពិសេសៗ។

តែអ្វីដែលពិសេសខ្លាំងនៅទីនេះម្ចាស់ហាងបានផ្ដោតខ្លាំងទៅលើប្រភេទគ្រឿងបុកដែលមានរសជាតិប្រៃជូរហិរមុតដាច់ល្អ ដែលអាចនិយាយបានថាញ៊ាំម្ដង ជាប់ចិត្តដកមិនរួចតែម្ដងសម្រាប់អ្នកដែលចូលចិត្តញ៊ាំរសជាតិដិតៗ។ បុកល្ហុង​ក្ដាម​ប្រៃ​ បុកងាវ​ បុកល្ហុង​ក្ដាម​សេះ ញាំ​សាលម៉ុន​ ញាំ​អយស្ទ័រប៉ុន្មានមុខនេះសុទ្ធតែពិសេសៗហើយ រីឯអយស្ទ័រស្រស់វិញក៏មិនធម្មតាព្រោះថាសាច់ធំៗល្អស្រស់ៗដាក់ជាមួយទឹកត្រីកោះកុងដ៏មានរសជាតិទៀតអេមហួស។

គ្រប់គ្នាចាប់អារម្មណ៍អាចមកសាកបាន ព្រោះថាម្ហូបក៏មានច្រើនមុខទៀតផងដែរ ជាពិសេសម្ហូបគ្រឿងក្លែមដែលគ្រប់គ្នាអាចមកអង្គុយញ៊ាំជជែកគ្នាលេងជាមួយមិត្តភក្តិ ក្រុមគ្រួសារ និងក្រុមការងារបានយ៉ាងរីករាយដែលមានទីតាំងស្ថិតនៅជិតវិមានឯករា្យជាប់សាកលវិទ្យាល័យបញ្ញាសាស្ត្រផ្លូវនរោត្តម៕

ហាង Chili & Chill
ម៉ោងបើកលក់៖ ៤រសៀល – ១១យប់
លេខទូរសព្ទ៖ 012 77 67 28, 077 22 77 02, 010 81 86 89
ទីតាំង៖ ជិតវិមានឯករា្យជាប់សាកលវិទ្យាល័យបញ្ញាសាស្ត្រផ្លូវនរោត្តម
ផែនទី៖ https://goo.gl/maps/rYM5etwUV66JWqYK6
ចំណត៖ ឡាន, ម៉ូតូ

មីនុយថ្មីមកទៀតហើយ មកលើកនេះពិសេសប្លែកលើសធម្មតាទាំងឈ្មោះ ទាំងរសជាតិគឺថាពិសេសអស់ទាស់ រាល់អតិថិជន ហាង MOOL បានមកញ៉ាំដឹងតែមិនខកបំណងហ្មង ជាមួយនំប៉័ងដកម៉ៃ ដែលមានតែមួយគ្មានពីរនៅក្នុងរាជធានីភ្នំពេញ។

នំប៉័ងដកម៉ៃ ដ៏ពិសេសនេះក្នុងនោះគឺមាន សៀវម៉ៃពងទាប្រៃ ប៉ាតេ ត្រីខ សាច់ជ្រូកចិញ្ច្រាំ រួមទាំងជ្រក់ឆៃថៅ ថែមទៀតដែលប៉ុន្មានមុខនេះនៅពេលដែលញ៉ាំជាមួយគ្នាគឺថារសជាតិពិសេសខ្លាំង ញ៉ាំជក់មាត់ញ៉ាំហើយចង់ញ៉ាំទៀត។ អ្វីដែលកាន់តែពិសេសថែមទៀតនោះរាល់ គ្រឿងផ្សំទាំងអស់នេះគឺម្ចាស់ហាងបានធ្វើដោយខ្លួនឯង ប្រកបដោយអនាម័យខ្ពស់រសជាតិឆ្ងាញ់បំផុត។ សម្រាប់គ្រប់គ្នាដែលចង់ញ៉ាំចង់ភ្លក្សជាមួយមីនុយថ្មីនេះ និងមុខម្ហូបផ្សេងៗទៀតពីហាង MOOL លោកអ្នកអាចមកញ៉ាំបាននៅហាងទាំង ៣សាខាក្នុងមានសាខាវ៉ាន់ដា សាខាសន្ធរម៉ុក និងសាខាបាក់ទូក។ ចំពោះអ្នកដែលរវល់តែមិនអាចមកញ៉ាំនៅហាងផ្ទាល់ ក៏អាចធ្វើការកុម្ម៉ង់បានតាមរយៈApp ដឹកជញ្ជូនមានដូចជា Wow now, Nham24, Food panda, E-get, Bloc និង Muve ។

ណ្ហើយ នំប៉័ងដកម៉ៃ ទំនងយ៉ាងហ្នឹងៗមិនបានកុម្ម៉ង់ញ៉ាំម៉េចបាន​​ បើមានទាំងសៀវម៉ៃពងទាប្រៃ ប៉ាតេត្រីខ សាច់ជ្រូកចិញ្ច្រាំរួមទាំងជ្រក់ឆៃថៅ ចឹងអីទប់ទឹកមាត់មិនជាប់ទេបើមិនបានញ៉ាំនោះ?៕

ហាង MOOL – សាខាវ៉ាន់ដា
លេខទូរស័ព្ទ៖ 096 86 86 368
ផែនទី៖ https://goo.gl/maps/RgdXSEZk1w62
ទីតាំង៖ ផ្លូវក្រោយសាលាវ៉ាន់ដា ជាប់ហាងម៉ូតូកាហ្វេ ផ្លូវ ៤០២ កែងផ្លូវ ១៨៥

វីដេអូ៖

ចេញពីធ្វើការជុំមិត្តភក្តិ ជុំក្រុមការងារចង់ញ៉ាំគោគេចជុំគ្នា តែមិនដឹងថាគួរទៅញ៉ាំនៅកន្លែងណាមែនអត់? មិនជាបញ្ហាព្រោះថា គោគេចឆ្ងាញ់តម្លៃសមរម្យ គឺមាននៅហាង ផ្ទះអ្នកបាត់ដំបង ណាត់គ្នាមកដាក់មួយឈុតពីរ ដឹងតែពេញចិត្តស្ដូកតែម្ដងជាមួយរសជាតិដ៏ឆ្ងាញ់ដែរគ្រប់គ្នាមិនគួររំលង។

សម្រាប់គោគេច បើនិយាយពីទឹកជ្រលក់តៅហ៊ូវិញ ជាតិយកតែមែនទែនហើយ ព្រោះថាជារូបមន្តធ្វើដោយផ្ទាល់ពីម្ចាស់ហាងតែម្ដងដោយមានរសជាតិឆ្ងាញ់ និងអនាម័យខ្ពស់។ ក្រៅពីមុខម្ហូបគោគេច ហាង ផ្ទះអ្នកបាត់ដំបង ក៏មានមុខម្ហូបល្បីមួយទៀតដែរនោះគឺសង្វាក់ និយាយពីថាម៉ូយៗដែរធ្លាប់មកញ៉ាំនៅទីនេះមិនងាយរំលងមួយមុខនេះណាស់។ ចំពោះមួយមុខទៀតពិសេសដែរនោះគឺ ទឹកកកឈូសដូង ព្រោះថាជាតិនោះជាតិដែលស្រូបទឹកស្ករត្នោតរូបមន្តពិសេសត្រូវគ្នាខ្លាំងជាមួយ ទឹកដោះគោពេលបានញ៉ាំហើយដឹងជក់មាត់ជីបៗហ្មង។ ក្រៅពី៣មុខល្បីប្រចាំហាងនេះក៏មានស៊ុបខួរចំហ៊ុយ ស៊ុបមាន់ខ្មៅ បាយឆាគ្រឿងសមុទ្រ បាយឆាម្រេះព្រៅ បាយឆាឡុកឡាក់ និងមីឆាផងដែរ។

តោះៗនៅចាំអីទៀតមកតែហាងផ្ទះបាត់ដំបង យើងអាចញ៉ាំម្ហូបល្បីអ្នកបាត់ដំបងហើយ ថែមទាំងមានច្រើនជម្រើសទៀតនោះ។ ទីតាំងងាយស្រួលរកមែនទែនគឺស្ថិតនៅតាមបណ្ដោយផ្លូវ១១២ ផ្ទះលេខ១៦ដេ សង្កាត់ផ្សាដេប៉ូ៣ ខណ្ឌទួលគោក ភ្នំពេញ៕

ហាង ផ្ទះអ្នកបាត់ដំបង
លេខទូរសព្ទ៖ 086 456 824 / 012 542 562 / 086 947 858
ទីតាំងវ៉ាន់ដា៖ ក្រោយសាលាវ៉ាន់ដា បត់តាមភីងហោសផ្លូវ១៩១ផ្ទះលេខ៦
ទីតាំងទួលគោក៖ ក្រោយរបងសាលាបឋមមសិក្សាទួលគោក ផ្លូវ ៥៤៨ ផ្ទះលេខ០៦

វីដេអូ៖

គ្រាន់តែឃើញចាក់មក ទប់អារម្មណ៍សឹងមិនបាន ទំនងខ្លាំងណាស់ គ្រប់ឈុតតែម្តង មើលឡើងបណ្តើរក្រពះកូរ នឹកឃ្លានគ្រឿងសមុទ្រក្រឡុកបណ្តើរ? បើទំនងម្លឹងៗ សាក១ឈុត ២ឈុត សិនមើល ហើយ បើម្លឹងៗហើយ ប្រាប់ថាអត់ជាតិម៉េចបាន មោះ ហាង គ្រឿងសមុទ្រក្រឡុកម្ទេស ។

ម្ហូបទំនង ម្ហូបប្លែកៗគួរអោយចង់ញុាំ ត្រូវតែចែករំលែកគ្នាដឹង​ ចឹងសម្រាប់គ្រឿងសមុទ្រក្រឡុកគ្រឿងនេះ លោកអ្នកអាចមកទិញបាននៅ ហាង គ្រឿងសមុទ្រក្រឡុកម្ទេស ដែលមានទីតាំងនៅ ផ្លូវ 470 កែង 163 ទួលទំពួង2 ហើយម៉ោងបើក 10:30ព្រឹក ដល់ម៉ោង 11:30យប់។ ហើយសម្រាប់ឈុតនីមួយៗមានតម្លៃដូចជា៖ ឈុត កូនក្មេង 5.5$ ,ឈុតម្នាក់ឯង 8.5$ ,ឈុតគ្រប់មុខ 10$ ,ឈុត តូច 15$ ,ឈុតកណ្ដាល់ 25$ ,ឈុតធំ 35$ ចឹងគ្រប់ជម្រើសនេះ​ លោកអ្នកត្រូវចង់កុម្មង់មួយណាក៏បានដែរ។

ហើយសម្រាប់គ្រឿងសមុទ្រក្រឡុកគ្រឿងនេះ លោកអ្នកអាចធ្វើការកុម្មង់តាមរយៈលេខទូរសព្ទហាងផ្ទាល់បាន ៖ 069 747933​ / 012 747933 តែដើម្បីកាន់តែងាយស្រួល សម្រាប់លោកអ្នកដែលមិនចង់ចេញក្រៅ​ លោកអ្នកអាចធ្វើការកុម្មង់តាមរយៈ app ដឹកជញ្ជូន foodpanda ។ សម្រាប់លោកអ្នក #ប្រើកូដ FACETASTE ទទួលបានការបញ្ចុះតម្លៃ50% សម្រាប់ការកុម្ម៉ង់លើកដំបូងចាប់ពី $4.5 ។

ហាង គ្រឿងសមុទ្រក្រឡុកម្ទេស
ទីតាំង៖ ផ្លូវ 470 កែង 163 ទួលទំពួង2
លេខទូរសព្ទ៖ 069 747933​ / 012 747933

វីដេអូ៖

Hunminjeoungeum Korea Restaurant ភោជនីយដ្ឋានដ៏ល្បីក្នុងប្រទេសកូរ៉េដែលបានបើកចាប់តាំងពីឆ្នាំ1943 និងមានជាង ១០០សាខានៅប្រទេសកូរ៉េ ពេលនេះបានបង្ហាញវត្តមាននៅរាជធានីភ្នំពេញយើងហើយជាសាខាដំបូង ដែលមានទីតាំងស្ថិតនៅផ្លូវ398 សង្កាតបឹងកេងកង1 ក្បែរផ្សារថៃហួត។

បានមកដល់ Hunminjeoungeum Korea Restaurant – Cambodia ច្បាស់ជាទទួលបានអារម្មណ៍ប្លែកជាមួយបរិយាកាសក្នុងហាងដូចនៅប្រទេសកូរ៉េពិតៗ ជាពិសេសជាមួយរសជាតិម្ហូបរសជាតិដើមមកពីប្រទេសកូរ៉េពិតៗចម្អិនដោយចុងភៅជំនាញដែលជាជនជាតិកូរ៉េ។ អ្វីដែរកាន់តែពិសេសថែមទៀតនោះសម្រាប់ប្រភេទសាច់អាំង គឺហាងបានប្រើប្រាស់ជាមួយប្រភេទសាច់គោLA មកពីសហរដ្ឋអាមេរិក សាច់ស្រស់ល្អមានជាតិ ហើយអ្នកទាំងអស់គ្នាក៏អាចធ្វើការជ្រើសចម្អិនដោយខ្លួនឯង រឺក៏ចុងភៅជនជាតិកូរ៉េជាអ្នកចម្អិនអោយក៏បាន។ ហើយតិចបារម្ភថាមកដល់អត់មានអីញ៉ាំក្រៅពីសាច់អាំងអីទៅ កុំភ័យមីនុយមានជាង 40មុខកំពុងរងចាំលោកអ្នកធ្វើការកម្ម៉ង់។

ពិសេសយ៉ាងហ្នឹងៗហើយ មិនបានមកម្ដងម៉េចបានជាពិសេសចង់ឃើញបរិយាកាសបែបកូរ៉េៗ និងភ្លក្សរសជាតិសាច់អាំងដែលចម្អិនដោយចុងភៅជំនាញជនជាតិកូរ៉េចង់ដឹងថាពិសេសប៉ុណ្ណា។ លោកអ្នកអាចមកជាលក្ខណៈគ្រួសារ ក្រុមការងារ មិត្តភក្តិ រឺក៏មកជាមួយមនុស្សជាទីស្រលាញ់ក៏បាន ព្រោះថានៅទីនេះមានបរិយាកាសធំទូលាយ និងមានបន្ទប់VIP សម្រាប់លោកអ្នកថែមទៀត៕

Hunminjeoungeum Korea Restaurant – Cambodia
លេខទូរសព្ទ៖ 023 238 916
ទីតាំង៖ ស្ថិតនៅផ្លូវ398 សង្កាតបឹងកេងកង1 ក្បែរផ្សារថៃហួត
ផែនទី៖ https://goo.gl/maps/4XJh9rSHnNNzoXRe8

វីដេអូ៖

អ្នកមិនទាន់បានសាក ក្រឡេកមើលៗរូបរាងតូបអោយហើយទៅឈ្មោះ ប្រហិតត្រីអ៊ូហ្វូ ឃើញហើយទិញសាក១ប្រអប់ ២ប្រអប់សិនក៏បាន សម្រាប់អេតមីនវិញ រសជាតិឆ្ងាញ់ប្លែកបស់គេមែន ប្រហិតត្រីអ៊ូហ្វូ និងប្រហិតត្រីមូលស្រួយ ញ៉ាំឡើងជក់មាត់ ចាក់ញ៉ាំៗតែម្តង ។

សម្រាប់​ ប្រហិតត្រីអ៊ូហ្វូ គឺមានជាង ៦០០សាខា ស្ថិតនៅតំបន់ឆាយណាថោនក្នុងប្រទេសថៃ ហើយបច្ចុប្បន្ននេះ បានបើកលក់ជាផ្លូវការក្នុងប្រទេសកម្ពុជាយើងហើយ ដែលមានដូចជា ក្នុងរាជធានីភ្នំពេញ ព្រះសីហនុ សៀមរាប ក្រចេះ កំពង់ស្ពី កណ្តាល​ ស្ទឹងត្រែង កែប សរុបជាង ២០សាខាឯណោះ ។ ហើយសម្រាប់ប្រហិតមាន៨រសជាតិ មានដូចជា៖ ប្រហិតត្រីអ៊ូហ្វូ ប្រហិតត្រីមូលស្រួយ ប្រហិតត្រីគ្រឿង ប្រហិតត្រីម្រះព្រៅ ប្រហិតត្រីសារ៉ាយ ប៉ាតេមាន់ហេម ប៉ាតេមាន់ហិរ សាច់ក្រក់មាន់ ។

ប្រហិតដែលល្បីជាងគេមាន ប្រហិតត្រីអ៊ូហ្វូ និងប្រហិតត្រីមូលស្រួយ លក់ដាច់ក៏ខ្លាំងដែរ ដោយសារតែរសជាតិវិញ សម្រាប់ប្រហិតត្រីអ៊ូហ្វូ ស្វិតតែស្វិតឆ្ងាញ់ ហើយប្រហិតត្រីមូលស្រួយវិញ វាមានភាពស្រួយ ពេលជ្រលក់ជាមួយទឹកជ្រលក់បែបហិរតិចៗទៀត បន្ថែមរសជាតិកាន់តែឆ្ងាញ់ ញ៉ាំឡើងជក់មាត់ ។ ហើយលោកអ្នកអាចធ្វើការកុម្មង់តាមរយៈ App Nham24 ,Wownow ,Loda ។

ហាង ប្រហិតត្រីអ៊ូហ្វូ
ទីតាំង៖ នៅលើផ្លូវ ព្រះស៊ីសុវត្ថិ តាមបណ្តោយមាត់ទន្លេ ខាងមុខវត្តឧណ្ណាលោម ជិតវាំងតែម្តង។
លេខទូរសព្ទ៖ 016 63 47 34 / 012 63 47 34

វីដេអូ៖

ចូលចិត្តញ៉ាំស៊ុបបែបចិនមក ហាង ស៊ាវឡុងខាន ធានាថាអ្នកគ្រប់គ្នាពិតជាមិនខកបំណងជាមួយនឹងរសជាតិដើមពិតៗឆ្ងាញ់ពិតៗ ហើយក៏ជាហាងស៊ុបដ៏ល្បីឈ្មោះជាងគេនៅតំបន់ស៊ីឈុ័ន ប្រទេសចិន និងមានរហូតដល់ទៅជាង ១០០០សាខាឯណោះនៅលើពិភពលោក បែបនេះពិតជាមិនមកសាកមិនបាន។

មិននិយាយលេងទេណា និយាយពីថារសជាតិស៊ុបនីមួយៗគឺរសជាតិឆ្ងាញ់ពិសេសហ្មង ព្រោះថាចុងភៅគឺសុទ្ធតែជាចុងភៅជំនាញៗមកពីប្រទេសចិន។ ហើយអ្វីដែលកាន់តែពិសេសនោះ គឺរាល់គ្រឿងផ្សំទាំងអស់ត្រូវបានយកមកពីសាខាដើមប្រទេសចិនដែលមានគុណភាពខ្ពស់ គ្រប់គ្នាទទួលទានប្រកបដោយទំនុកចិត្ត និងទទួលបានរសជាតិឆ្ងាញ់។ រីឯទឹកស៊ុបវិញ គឺមានរហូតដល់ទៅ ៤រសជាតិ សម្រាប់គ្រប់គ្នាធ្វើការជ្រើសរើសដែលមានដូចជា ទឹកស៊ុបហិរ ទឹកស៊ុបស៊ូគី ទឹកស៊ុបផ្សិត និងទឹកស៊ុបប៉េងប៉ោះ និយាយពីថាមួយប្រភេទណាក៏ឆ្ងាញ់ដែរ។ ចំពោះប្រភេទសាច់ដែលញ៉ាំជាមួយស៊ុប គឺមានកំណត់យ៉ាងច្បាស់ពីចំនួនវិនាទីសម្រាប់ជ្រលក់ដើម្បីឲ្យសាច់មានរសជាតិឆ្ងាញ់។

ពិសេសបែបនេះ កុំភ្លេចណាចង់ទទួលទានស៊ុបដែលឆ្ងាញ់រសជាតិដើមពិតៗ និងជាស៊ុបដែលល្បីលំដាប់ពិភពលោក អញ្ជើញមក ហាង ស៊ាវឡុងខាន ទទួលបានរសជាតិឆ្ងាញ់ និងអារម្មណ៍ស្រស់ស្រាយជាមួយបរិយាកាសក្នុងហាងដូចនៅប្រទេសចិន៕

ហាង ស៊ាវឡុងខាន Xiao Long Kan Hotpot 小龙坎老火锅
សាខាទី ១៖ ផែនទីចុចទីនេះ
លេខទូរសព្ទ៖ 023 26 20 00
សាខាទី ២៖ ផែនទីចុចទីនេះ
លេខទូរសព្ទ៖ 023 23 20 00
សាខា VIP៖ ផែនទីចុចទីនេះ
លេខទូរសព្ទ៖ 023 72 30 00

វីដេអូ៖

ហាង តុងតុងបុកអស់ស្ទះសាខាទី2 រិតអ៉េមណាស់! អត់ខកចិត្តទេ ទំនងទាំងម្ហូប រសជាតិក៏ឆ្ងាញ់គ្រប់មុខ ការរៀបចំតុបតែងក្នុងហាងវិញកប់តែម្តង ស្អាតប្លែកភ្នែក។

ម៉ូយៗប្រចាំ ហាង តុងតុងបុកអស់ស្ទះ ច្បាស់តែម្តងដឹងហើយ និយាយពីការរៀបចំហាងវិញ ស្អីក៏មានដែរ បែបរបស់ប្រើប្រាស់កម្ររសម័យមុនៗ នៅកន្លែងគាត់វិញប្រមូលមកអស់ហើយ រៀបចំទាក់ទាញខ្លាំងណាស់ដូចក្នុងទស្សវត្ស៦០ចឹង មិនថាសាខាទី១ ឬសាខាទី២នេះទេ ម៉ាអ៉េមហ្មង។ ហើយបើថាម្ហូប មួយមុខណាក៏ឆ្ងាញ់ដែរ ច្រើនជម្រើសណាស់ គ្រឿងបុក គ្រឿងសមុទ្រ មកៗអត់ខកចិត្តទេ ។

កុំភ្លេចណា ណាត់ជួបជុំគ្នាញ៉ាំម្ហូបឆ្ងាញ់ៗនៅទីនេះ អាចអង្គុយផឹកជជែកគ្នាលេង និងស្ដាប់ចម្រៀងបែបបុរាណ និងគយគន់ការដេគ័រក្នុងហាងដែលស្ថិតក្នុងទស្សវត្ស៦០ គឺថាពិតជាប្លែកអារម្មណ៍ខ្លាំងមែនទែន។
ស្រូតៗទៅម្ហូបឆ្ងាញ់ សេវាកម្មល្អ ហាងស្អាតមានផាសុកភាព គឺ មាននៅហាងតុងតុងបុកអស់ស្ទះ ។

ហាង តុងតុងបុកអស់ស្ទះ
សាខាទី២ ​៖ ទីតាំងនៅតាមបណ្តោយផ្លូវក្រោយសាលាយុគន្ធរ ផ្លូវ 304កែង 105
លេខទូរសព្ទ៖ 070 7000 57 / 093 919 998
សាខាទី១ ៖ ស្ថិតនៅតាមបណ្ដោយផ្លូវ៤៥៦ ផ្ទះលេខ៥៥ ទល់មុខខុនដូ៣៥ ក្នុងសង្កាត់ទូលទំពូង១ ខណ្ឌចំការមន រាជធានីភ្នំពេញ
ចាប់បើកពីម៉ោង 11 ថ្ងៃត្រង់ដល់ម៉ោង 1 យប់

វីដេអូ៖