អ្នកដែលនិយមចូលចិត្តញ៉ាំស៊ុប ធ្លាប់បានសាកជាមួយនឹងស៊ុបកង្កែបរសជាតិបែបចិនពីមុនហើយរឺនៅ? បើថានៅទេ មកនេះមកហាង MarCol Frog ធានាថានឹងទទួលបានរសជាតិឆ្ងាញ់ជាប់ចិត្តជាមួយនឹងស៊ុបកង្កែបរសជាតិដើមបែបចិន ញ៉ាំក្ដៅៗឆ្ងាញ់ហើយបែកញើសខ្ចាយតែម្ដង។

ស៊ុបកង្កែបនៅទីនេះគឺត្រូវបានចម្អិនដោយចុងភៅជំនាញប្រចាំហាង ជាមួយនិងបទពិសោធន៍ច្រើនឆ្នាំ ថែមទៀតបានប្រើប្រាស់នូវគ្រឿងផ្សំពិសេសៗ ដែលធ្វើអោយស៊ុបមានរសជាតិពិសេសសម្រាប់លោកអ្នក។ ហើយក្រៅពីស៊ុបកង្កែបនេះ MarCol Frog ក៏មានមីនុយជាច្រើនមុខទៀតផងដែរ ដូចជាគ្រឿងសមុទ្រក្រឡុក, សាច់គោលើជ្រុញ, មាន់លីងចេកខ្ចី, កង្កែបបុក, ខកង្កែប និងម្ហូបគ្រឿងក្លែមជាច្រើនមុខទៀត។ អ្វីដែលសំខាន់នៅទីនេះក៏មាន Band ប្រគុំតន្ត្រីកំដរអារម្មណ៍ជូនលោកផងដែរ បន្ថែមពីនេះហាងក៏មានទទួលរៀបចំកម្មវិធីខួបកំណើត និងកម្មវិធីជប់លៀងផ្សេងៗ។

ជាឱកាសពិសេសសម្រាប់អ្នកចាប់អារម្មណ៍ជាមួយស៊ុបកង្កែប MarCol Frog កីមានលក់កញ្ចប់ហ្វ្រេនឆាយផងដែរ ដោយមានតម្លៃ 2500$ និងកញ្ចប់តម្លៃ 1500$ ជូនលោកអ្នក។ សម្រាប់អ្នកដែលចាប់អារម្មណ៍ចង់ទិញហ្វ្រេនឆាយអាចទាក់ទងតាមរយៈលេខទូរសព្ទ 096 666 172 / 096 62 44 222 ៕

ហាង MarCol Frog
លេខទូរសព្ទ៖ 096 666 172 / 096 62 44 222
ទីតាំង៖ ផ្លូវលេខ348 ជិតការ៉ាស់សាំងTOTAL (អូឡាំពិក)

វីដេអូ៖

អ្នកណាគេខ្លះចូលចិត្តញ៉ាំស៊ុប សាច់អាំង បុកល្ហុង ដែលមានរសជាតិដើមបែបថៃតែមិនទាន់បានញ៉ាំ? ពេលនេះមិនជាបញ្ហាអោយតែបានមកដល់ហាង បុកល្ហុងផ្ទះបុរាណ គឺដឹងតែមិនអោយខកបំណងហ្មងជាមួយរសជាតិដើមពិតៗ ដែលធ្វើឡើងដោយចុងភៅដែលមានបទពិសោធន៍ជាង ២០ឆ្នាំរសជាតិពិសេសពិតៗញ៉ាំជក់មាត់។

បើនិយាយពីមុខម្ហូបដែលល្បីខ្លាំងប្រចាំហាង គឺស៊ុបសាច់អាំងម៉ូយ៉ាង សាច់អាំងទឹកកាពិ នេះតែម្ដងគឺថារសជាតិទឹកស៊ុបគឺត្រូវបានធ្វើឡើងយ៉ាងយកចិត្តទុកដាក់ពីចុងភៅជំនាញ រីឯសាច់គឺជាប្រភេទសាច់ដែលមានគុណភាព និងមានរសជាតិ។ អ្វីដេលពិសេសថែមទៀតនោះគឺរសជាតិទឹកកាពិនៅទីនេះ សម្រាប់អ្នកដែលចូលចិត្តញ៉ាំទឹកកាពិច្បាស់ជាជក់មាត់ជាប់ចិត្តតែម្ដង។ ពេលបានស្គាល់ ហាង បុកល្ហុងផ្ទះបុរាណ គឺថាដឹងតែសប្បាយមាត់រឿងញ៉ាំហ្មងព្រោះថាហាងមានលក់អាហារទាំង ៣ពេលតែម្តង ព្រឹក ថ្ងៃត្រង់ និងពេលល្ងាច។

ចំពោះអាហារពេលព្រឹក គឺមាន នំប៉័ងសាច់ប៉ាតេ សាច់ផាកឡូវ សាច់ជ្រូកខ្វៃ បាយទាខ្វៃ បាយជ្រូកខ្វៃ បាយសាច់ជ្រូកអាំង បាយផាកឡូវ បាយសាច់មាន់ ។ អាហារត្រង់មាន បុកល្ហុង ស្លាបមាន់អាំង ម្ហូបស្រាប់ ម្ហូបកុម្មង់ ជាច្រើនមុខ និង ពេលល្ងាចមាន ស៊ុបសាច់អាំងម៉ូយ៉ាង សាច់អាំងទឹកកាពិ ស៊ុបម្រះ ស៊ុបសរសៃកែងគោ នឹង ម្ហូបក្លែមជាច្រើនមុខ។

តោះស្គាល់កន្លែងពិសេសបែបនេះហើយ ណាត់គ្នាអោយហើយទៅ ចង់ញ៉ាំអីក៏មានជាពិសេសជាមួយអាហារទាំងបីពេល ចង់មកញ៉ាំពេលណាក៏បានឆ្ងាញ់មាត់បានគ្រប់ពេល?៕

ហាង បុកល្ហុងផ្ទះបុរាណ
លេខទូរសព្ទ៖ 085 60 61 95 / 010 60 61 95
ទីតាំង៖ ផ្លូវលេខ 402 ម្តុំក្រោយសាលាវ៉ាន់ដា សាខាម៉ៅសេតុង
បើកលក់ចាប់ពីម៉ោង 7:00 ព្រឹកដល់ 12:00 យប់

វីដេអូ៖

មិនថាតែអ្នកភ្នំពេញទេ អ្នកខេត្តក៏ច្បាស់ជាបានស្គាល់ជាមួយហាង ស៊ុបស្មងគោ ដ៏ល្បីដែលមួយថ្ងៃលក់អស់ ១តោន២តោនហើយមែនអត់? ពេលនេះ ហាង ស៊ុបស្មងគោ ក៏បានបញ្ចេញមីនុយថ្មីមួយទៀតយ៉ាងពិសេសផងដែរ គឺស៊ុបសាច់អាំងជីមជុម ដែលមានឈុត តម្លៃ10$ ។

សម្រាប់ឈុត ស៊ុបសាច់អាំងជីមជុម នេះគឺពិសេសត្រង់ថាអ្នកទាំងអស់គ្នាអាចញ៉ាំបានទាំងស៊ុប នឹងសាច់យ៉ាងឈ្ងុយឆ្ងាញ់ ឆ្ងាញ់ទាំងទឹកស៊ុវ ទាំងរសជាតិសាច់ និងទឹកជ្រលក់ ដែលធ្វើអោយគ្រប់គ្នាញ៉ាំហើយជក់ចិត្តតែម្ដង។ អ្វីដែលសំខាន់បន្ថែមពីនេះទៀតនោះគឺមានតម្លៃចាប់ពី 10$ឡើងទៅ។ ដោយឈុត 10$ គឺអ្នកទាំងអស់គ្នាអាចញ៉ាំបានចាប់ពី ២នាក់ទៅ ៣នាក់ឯណោះ ហើយបើថាមកគ្នាច្រើនជាងនេះអ្នកទាំងអស់គ្នាអាចធ្វើការកម្ម៉ង់ឈុតផ្សេងៗទៀតបាន។ ហើយហាងក៏មានលក់ជាមួយនឹង អយស្ទ័រស្រស់ៗយកមកពីខេត្តកំពត សាច់មានរសជាតិ និងត្រូវជាតិគ្នាខ្លាំងជាមួយទឹកត្រីកោះកុងប្រចាំហាង ដែលគ្រប់គ្នាញ៉ាំហើយដឹងតែឆ្ងាញ់ និងប៉ូវកម្លាំងតែម្ដង។

សម្រាប់អ្នកដែលចង់មកញ៉ាំស៊ុបស្មងគោ គឺហាងចាប់បើកលក់ពីម៉ោង ១១ព្រឹកដល់ម៉ោង ១០យប់ និងឈុតស៊ុបសាច់អាំងជីមជុម គឺមានលក់ចាប់ពីម៉ោង ៤រសៀល ដល់ម៉ោង ១០យប់។ បែបនេះគ្រប់គ្នាចង់ញ៉ាំកុំភ្លេចមក ហាង ស៊ុបស្មងគោ ដែលមានទីតាំងស្ថិតនៅតាមបណ្ដោយផ្លូវ២៦១ កែងផ្លូវ១៥០ ។

ហាង ស៊ុបស្មងគោ
លេខទូរសព្ទ៖ 096 87 85 211 / 012 56 32 28 / 016 56 32 28
ទីតាំង៖ ស្ថិតនៅតាមបណ្ដោយផ្លូវ២៦១ កែងផ្លូវ១៥០
ផែនទី៖ https://goo.gl/maps/boL9EPKViJsE5s5T7

វីដេអូ៖

មានគ្នីគ្នានៅល្ងាចនេះ! សាកបរិយាកាសបែបថ្មីនៅ Chet Restaurant & Lounge ជាមួយការរៀបចំស្អាតប្លែកភ្នែកប្លែកអារម្មណ៍ អាហារច្រើនសម្បូរបែប និង Cocktail គ្រប់ជម្រើស មិនតែប៉ុណ្ណោះ មានតន្ត្រីលេងកំដរអារម្មណ៍ថែមទៀតផង។

ភោជនីយដ្ឋាន Chet Restaurant & Lounge លោកអ្នកពិតជាទទួលបានអារម្មណ៍ប្លែក ទាំងបរិយាកាសខាងក្នុងហាង ក៏ដូចជាមុខម្ហូបដែលមានក្នុងហាងសុទ្ធសឹងតែជាម្ហូបល្បីៗ មានច្រើនមុខ ហើយបើនិយាយពី Cocktail វិញ អត់ខ្វះទេ ស្អីក៏មានដែរ រសជាតិវិញម៉ាអ៉េមហ្មង។

ល្ងាចនេះ រកណាត់មិត្តភក្តិសំណប់ ៣ទៅ៤នាក់ ជុំគ្នាម្តង ហើយមិនបាច់ទៅណាឆ្ងាយទៀតទេ មករក ភោជនីយដ្ឋាន Chet Restaurant & Lounge សប្បាយយកទៅណាអស់ ម្ហូបក៏ច្រើន Cocktail ក៏ច្រើន ចឹងហើយទៅណាទៀត។

ភោជនីយដ្ឋាន Chet Restaurant & Lounge
ទីតាំង​៖ ផ្លូវ 568, សង្កាត់បឹងកក់2, ភ្នំពេញ
លេខទូរសព្ទ៖ 012 232 559
?ផែនទី

វីដេអូ៖

ភោជនីយដ្ឋានតាសេតជាអ្នកជំនាញខាងសាច់គោអាំង ស៊ុបគោ និងគ្រឿងគោគ្រប់ប្រភេទ។ សម្រាប់មុខម្ហូមពិសេសប្រចាំ ភោជនីយដ្ឋាន នៅពេលដែលគ្រប់គ្នាបានមកហើយគួរតែសាកនោះមានដូចជា កន្សោមដោះគោអាំង សាច់គោអាំង ពោះគោ ក្រចកគោអាំង ស្មងគោអាំង ស៊ុបគោ និង គ្រឿងគោជាច្រើនប្រភេទទៀត។

នៅទីនេះមិនត្រឹមតែមានម្ហូបឆ្ងាញ់ៗប៉ុណ្ណោះទេ ភោជនីយដ្ឋានតាសេត មានខ្ចុះដាច់ៗពីគ្នា ជាលក្ខណៈធម្មជាតិ ខ្យល់អាកាសល្អ អនាម័យខ្ពស់ និងមានផាសុខភាព។ បងប្អូនអាចអញ្ចើញមកញាំដោយមានទំនុកចិត្តខ្ពស់ ជាពិសេសគ្រប់បុគ្គលិកទាំងអស់បានទទួលការចាក់វាក់សាំងគ្រប់ចំនួនដុស និងត្រូវបានធ្វើតេស្តជាប្រចាំផងដែរ។

បែបនេះសម្រាប់គ្រប់គ្នាដែលចង់ញ៉ាំគ្រឿងគោ ជាមួយនឹងមុខម្ហូបឆ្ងាញ់ៗអមដោយបរិយាកាសបែបធម្មជាតិ ណាត់គ្នាមក ភោជនីយដ្ឋានតាសេត មកពិតជាមិនខកបំណង។​ អ្វីដែលសំខាន់មានម្ហូបឆ្ងាញ់ៗញ៉ាំហើយ ក៏មិនអាចរំលងបានជាមួយស្រាបៀរ Black Panter ព្រោះថានឹងជួយអោយរសជាតិម្ហូបកាន់ឆ្ងាញ់៕

ភោជនីយដ្ឋានតាសេត
លេខទូរសព្ទ៖ 012 92 47 48 / 088 666 62 25
ទីតាំង៖ តាមបណ្តោយផ្លូវកែវចិន្តា ជ្រោយចង្វារ

វីដេអូ៖

អ្នកប្លុកបឹងកេងកងពេលនេះបានស្គាល់ហើយរឺនៅជាមួយនឹងកន្លែងថ្មីស្អាត ប្លែកភ្នែក ប្លែកអារម្មណ៍ទៀតហើយជាពិសេស គឺមានលក់នូវម្ហូបជាច្រើនមុខ សម្រាប់អាហារថ្ងៃត្រង់ និងអាហារពេលល្ងាចផងដែរ គឺនៅ Central Cafe BKK1 បន្ថែមពីនេះសម្រាប់ពេលថ្ងៃក៏មានលក់នូវកាហ្វេ ដែលអាចអោយអ្នកដែលចូលចិត្តញ៉ាំកាហ្វេ អាចអង្គុយញ៉ាំ ធ្វើកិច្ចការងារបានយ៉ាងរីករាយនៅទីនេះ។

សម្រាប់មុខម្ហូបទាំងអស់នៅក្នុងហាង គឺត្រូវបានចម្អិនដោយចុងភៅជំនាញប្រចាំហាងដែលមានបទពិសោធន៍ច្រើនឆ្នាំង ហើយអ្វីដែលកាន់តែពិសេសថែមទៀតនោះរាល់មុខម្ហូបទាំងអស់គឺចម្អិនដោយមិនមានប្រើប៊ីចេង និងម្សៅស៊ុបនោះទេ ដែលជាការគិតគូរដល់សុខភាពរបស់អតិថិជន។ ហើយបន្ថែមពីនេះ Central Cafe BKK1 ក៏មានលក់នូវ Cocktail និងស្រាជាច្រើនមុខផងដែរ ដោយគ្រប់គ្នាអាចមកអង្គុយញ៉ាំបានយ៉ាងរីករាយអមជាមួយការលេងតន្ត្រីពី Band ប្រចាំហាង ដែលមានរៀងរាល់ថ្ងៃ ព្រហស្បតិ្ត សុក្រ សៅរ៏ ។

តោះពិសេសៗបែបនេះហើយចាំអីទៀត ជាពិសេសអ្នកប្លុកបឹងកេងកងហ្មង ចង់ប្លែកអារម្មណ៍ ញ៉ាំម្ហូបថ្មីៗ និងទីកន្លែងដែលមានបរិយាកាសល្អ កុំភ្លេចណាត់គ្នាមកកាន់ Central Cafe BKK1 ៕

Central Cafe BKK1
លេខទូរសព្ទ៖ 096 26 25 188
ទីតាំង៖ ផ្ទះលេខ39 ផ្លូវ57 កែងផ្លូវ310 សង្កាត់បឹងកេងកង1

វីដេអូ៖

ចេញមុខមើលអ្នកណាខ្លះម៉ូយៗប្រចាំហាង ត្បាល់បុក Two Sisters សុំមេដៃមួយមើល៍? ? និយាយពីបុកល្ហុងប្រចាំហាង ត្បាល់បុក Two Sisters អ្នកដែលជាមួយប្រាកដជាបានដឹងហើយ បុកល្ហុងនៅកន្លែងគាត់ គឺបុកល្ហុងទឹកក្រហម​ ហើយសម្រាប់រសជាតិវិញ​ កាន់តែប្លែក ដោយសារតែគាត់យករសជាតិ៣ប្រទេសបញ្ចូលគ្នា ?ប្រទេសថៃ ប្រទេសឡាវ និងប្រទេសកម្ពុជាយើង ។

មែនថាម៉េចទេ មកដល់ ត្បាល់បុក Two Sisters អ្នកទាំងអស់គ្នាកុំបារម្ភរឿងម្ហូបញ៉ាំ បុកល្ហុងមានគ្រប់ឈុត គ្រប់ជម្រើស មិនតែប៉ុណ្ណោះ មានទាំងឈុតគ្រឿងសមុទ្រអាំង គ្រឿងសមុទ្រស្រស់ មុខម្ហូបជាច្រើមុខទៀត ហើយបើតម្លៃវិញ មិនថាឈុតបុកល្ហុង ឈុតស៊ុបសាច់អាំងទេ តម្លៃធូរថ្លៃ ទៅគ្នា៣ទៅ៤នាក់អី អស់ម្នាក់មិនដល់១មុឺនផង ចំណាយម្នាក់តិចញ៉ាំបានយ៉ាងរីករាយ ។

ហើយសម្រាប់បងប្អូនដែលមិនមានពេលទៅញ៉ាំនៅកន្លែងផ្ទាល់ តេកុម្មង់ក៏បាន កុម្មង់តាមApp ដឹកជញ្ជូនក៏បាន និយាយរួមទៅអ្នកដែលមិនទាន់បានសាកអាច សារ៉េពេលមកសាកបានណា សម្រាប់ទីតាំងមានរហូតដល់៦សាខា ?សាខាបាក់ទូក សាខាទីរួមខេត្តកំពង់ធំ សាខាទួលទំពូង សាខាវេងស្រេង សាខាទួលសង្កែ ចឹងអត់ពិបាកទេ ចង់ញ៉ាំ អាចទៅរកសាខាណាក៏បានដែរ ។

ហាង ត្បាល់បុក Two Sisters
ទីតាំង៖ ផ្លូវទឹករាំ ផ្ការាំ​ ផ្លូវលេខ139 ជិតមន្ទីរពេទ្យសុក្រិត ក្រោយសាលាបាក់ទូក
លេខទូរសព្ទ៖ 017 900 426
ម៉ោងបើក ១០ព្រឹក ដល់ម៉ោង ១២ យប់

វីដេអូ៖

ម៉ូយៗប្រចាំ An Cha Taiwan Milk Tea​ ប្រាកដជាបានស្គាល់ហើយមែនអត់? Menuថ្មី Topping ថ្មីនេះ ទាក់ទាញ ទាំងថ្មី ទាំងប្លែកគួរអោយចង់ញ៉ាំ? មានដូចជា៖ Brown sugar pearl fresh milk Avocado, Brown sugar pearl fresh milk Durian , Ancha Herbal Tea បើនិយាយពី Topping ដូចសាច់ជ្រូកខ្វៃចឹង តែកុំច្រឡំណា គឺគេធ្វើគ្រឿងផ្សំធម្មជាតិ មើលទៅដូចណាស់ ហើយ Topping នេះអាចដាក់បន្ថែមបានគ្រប់ភេសជ្ជៈទាំងអស់បាន ។

សម្រាប់អតិថិជន ផ្ទាល់របស់ An Cha Taiwan Milk Tea បានដឹងរួចមកហើយថា An Cha តែងតែរិះរកភេសជ្ជៈដែលមានរសជាតិប្លែកៗ ថ្មីៗ ក៏ដូចជា Toppingថ្មីៗ ដើម្បីផ្តល់ជាជម្រើសច្រើនសម្រាប់អតិថិជនរបស់ខ្លួន បានសាករសជាតិថ្មីប្លែកជាប្រចាំ។ ហើយសម្រាប់ An Cha Taiwan Milk Tea បើនិយាយពីការរៀបចំតុបតែងហាងវិញ មានភាពទាក់ទាញស្រស់ស្អាត អាចអង្គុយពិភាក្សាការងារ ឬធ្វើកិច្ចការសាលា ដែលសម្រាប់សិស្សនិសិត្ស ពិតជាសក្តិសមណាស់ ។

និយាយពីភេសជ្ជៈ នៅ An Cha Taiwan Milk Tea​ ជឿជាក់ថាអតិថិជន មិនខកបំណងទេ មានច្រើនមុខណាស់ ហើយសម្រាប់សាខាវិញ ជិត៣០សាខា នៅភ្នំពេញ ២៣សាខា នៅតាមបណ្តាខេត្ត៥សាខា ចឹងពិតជាងាយស្រួលខ្លាំងមែនទែន ចង់បានភេសជ្ជៈថ្មីៗ ឬToppingថ្មីៗបែបខ្យូតៗ អាចទៅរកគ្រប់សាខាទាំងអស់របស់ An Cha Taiwan Milk Tea​ ។

ហាង An Cha Taiwan Milk
ទីតាំង៖ នៅលើផ្លូវ ម៉ៅសេទុង

វីដេអូ៖

និយមចូលចិត្តញ៉ាំសាច់អាំងបែបជប៉ុនមែនទេ? ហើយចុះធ្លាប់បានមកញ៉ាំនៅ Kinkaku BBQ Japan-Cambodia ហើយរឺនៅ? ចង់ប្រាប់ថាពិសេសខ្លាំងណាស់ណា ព្រោះថាអ្នកទាំងអស់គ្នាមានត្រឹមតែ 6$ក៏អាចមកញ៉ាំសាច់អាំងបែបជប៉ុនបានមួយឈុតយ៉ាងឆ្ងាញ់មាត់ផងដែរ។

សម្រាប់ឈុត 6$នេះគឺមានលក់សម្រាប់ពេលថ្ងៃ ចាប់ពីម៉ោង 10:30នាទីព្រឹក ដល់ម៉ោង 4រសៀល ដែលចំណេញខ្លាំងសម្រាប់អ្នកដែលចូលចិត្តញ៉ាំសាច់អាំងពេលថ្ងៃ។ ក្នុងឈុតតម្លៃ 6$នេះគឺមានសាច់មួយចាន មានគីមឈី ស៊ុប និងបាយមួយចាន ដែលអាចអោយគ្រប់គ្នាញ៉ាំបានឆ្អែតល្មម។ ហើយក្រៅពីឈុតនេះក៏មានឈុតផ្សេងទៀតដែលមានតម្លៃ 6$ 7$ 10$ និងច្រើនជាងនេះ ហើយក៏មានជាឈុតលក្ខណៈគ្រួសារជាច្រើនជម្រើសទៀតសម្រាប់គ្រប់គ្នាធ្វើការជ្រើសរើស។

ពេលបានមកញ៉ាំហើយដឹងតែមកខកបំណងហ្មង ព្រោះថារាល់ប្រភេទសាច់ដែលបានយកមកប្រើគឺជាប្រភេទសាច់ដែលមានគុណភាពខ្ពស់ រសជាតិឆ្ងាញ់។ បែបនេះកុំភ្លេចណាថ្ងៃឡើងចង់ញ៉ាំសាច់អាំងបែបជប៉ុនដែលមានតម្លៃធូរថ្លៃមានត្រឹមតែ 6$ក៏អាចញ៉ាំបាននោះគឺមាននៅ Kinkaku BBQ Japan-Cambodia ៕

Kinkaku BBQ Japan-Cambodia
លេខទូរសព្ទ៖ 092 41 8000 / 096 498 0000
ទីតាំង៖ ផ្ទះ105 & 106 កាំកូស៊ីធី
ផែនទី៖ https://goo.gl/maps/n72vo65VhHTfjqC37

វីដេអូ៖