តារាចម្រៀង​សំឡេង​ស្រ​ដៀង​ប៉ែន រ៉​ន នាង ស៊ូ ដា​ណេ ត្រូវ​បាន​គេ​ឃើញ​រូប​នាង​គ្រង​ឈុត សម្លៀក​បំពាក់​រៀប​ការ​ដែល​តាម​ការ​ឲ្យ​ដឹង​នា​ជិត​លា​ភាព​ក្រមុំ ក្នុង​វ័យ​សាម​ស្តើង​នេះ​ហើយ ។ ចាត់​ទុក​ថា នេះ​ជាតា​រា​សិល្បៈ​លេចធ្លោ​ម្នាក់​ទៀត ដែល​រៀប​ការ ។

ស៊ូ ដា​ណេ ដែល​មានឈ្មោះ ពិត​ឆោម ច័ន្ទ​ណេ​ត នាង​រកបាន​គូស្នេហ៍​បុរស​រៀង​ចំណាស់​រស់នៅ​អា​មេ​រិ​ក ដែល​មានឈ្មោះ​លោក អែម សុ​វ​ណ្ណា តាម​ថ្ពក់​ចិត្ត​នាង ដោយ​បាន​ចូល​ស្តីដណ្តឹង​រូប​នាង​ជាង​១​ឆ្នាំទៅ​ហើយ ។ ដា​ណេ និង​ស្វាមី​បាន​តស៊ូ​រង់ចាំ​ពេលវេលា​សំពះ​ផ្ទឹម​នេះ​មក​ដល់​ទើប​ម្នាក់​ៗ​រំភើប​ណាស់ ។ ស៊ូ ដា​ណេ នាង​សម្រេច​រៀប​ការ​នៅ​ថ្ងៃ​ទី​២១ កក្កដា ២០១៩ នា​ស្រុក​បារាយ ខេត្តកំពង់ធំ ជា​ទឹកដី​កំណើត ។ នៅ​មិន​ទាន់​ដឹង​ថា ដា​ណេ​អញ្ជើញ​អ្នកសិល្បៈ​ប៉ុន្មាន​រូប​ចូលរួម ហើយ​កាត់​ចំណងដៃ​នៅ​ពេល​ណា ឬ​ក៏​គ្មាន ។

ស៊ូ ដា​ណេ បើ​គិត​ទៅ​នាង​មាន​ជំនាញ​សិល្បៈ​ពេញ​ខ្លួន ដោយ​នាង​ជា​អតីត​សិល្ប​ការិនី​មន្ទីរ​រាជធានី​ភ្នំពេញ ។ នាង​ចេះ​របាំ សម្តែង​ល្ខោនបាសាក់ យីកេ ស្មូត្រ មុន​ចម្រៀង​សម័យ ។​ដោយ​មាន​ទេព​កោសល្យ​ដា​ណេ​បាន​សម្តែង​នៅ​ក្រៅប្រទេស​ដូច​ជា បារាំង អូស្ត្រាលី រហូត​អា​មេ​រិ​កបាន​ជួប​គូព្រេង ៕ កែសម្រួល​ដោយ ៖​សុ​ឃា​ក់

ថៃ ​៖ នៅ​ពេល​ដែល​យើង​ស្រឡាញ់​នរណា​ម្នាក់ នៅ​ពេល​នោះ​ពិភពលោក​ក៏​ក្លាយទៅជា​ពណ៌​ផ្កាឈូក​តែ​ម្ដង ហើយ​រឿង​ស្នេហា​នោះ ក៏​អាច​មានរឿង​ពាក់ព័ន្ធ​ជា​ច្រើន​ដែរ​។ វា​អាច​ជា រឿង​លុយកាក់​មួយ​ដែរ ដែល​វា​ជា​រឿង​មួយ​ក្នុង​ចំណោម​រឿង​ទាំងនោះ​។ ទើប​ពេល​នេះ សូម​នាំ​លោក​អ្នក​ទៅ​ស្គាល់​គូ​តារា​ថៃ​ដែល​ខាង​ស្រី​មាន​ទ្រព្យធន​ច្រើន​ជាង​ខាង​ប្រុស​ទាំងអស់​គ្នា​!

7/. Jesdaporn Pholdee និង Sitamon Tangsuwan
Sitamon ជា​ភរិយា​របស់​តារា​សម្ដែង​រូប​សង្ហា​លោក Jesdaporn​។ Sitamon ជា​ម្ចាស់​ហាង​លក់​គ្រឿង​សង្ហា​រឹម​ខ្នាត​យក្ស​នៃ Q Concept Store និង​ជា​ម្ចាស់​ហាង​លក់​តុក្កតា​ប្រាយ​ត៍ ដែល​មាន​ភាគហ៊ុន​ជាមួយ​មិត្តភក្តិ គឺ ឈុ​ម​ភូ អា​រ៉ៈ​យ៉ា ផង​ដែរ​។

6/. Jack Tanapon និង Jah Rsiam
ពី​ដំបូង​ពួក​គេ​ស្រឡាញ់​គ្នា ដល់​ថ្នាក់​ឱ្យ​ចិញ្ចៀន និង​មាន​គម្រោង​រៀប​ការ​ជាមួយ​គ្នា​ទៀត​ផង តែ​នៅ​សុខ​ៗ​ក៏​បែក​គ្នា​វិញ ដោយសារ​អ្នក​ផ្ទះ​ខាង​ស្រី Jah Rsiam មិនសូវ​ចូល​ចិត្ត​លោក Jack ប៉ុន្មាន​ទេ ថែម​ទាំង​រឿង​ឋានៈ​ផង​ដែរ ដែល​ខាង​ស្រី​មាន​ជាង​ខាង​ប្រុស​។

5/. Dj Man និង Suteewan Taveesin (Baiteoy Rsiam)
ចុង​ក្រោយ​នេះ Dj Man បាន​សុំ​នាង Baitoey រៀប​ការ តែ​នាង​មិន​ទាន់​យល់ព្រម ព្រោះ​ចង់​ធ្វើការ​សិន​។ នាង​បានឱ្យ​ដឹង​ថា​ម្ដាយ​នាង​បាន​ទារ​ថ្លៃ​បណ្ណាការ ១០ លាន​បាត​ថៃ​ឯនោះ ដែល​នាង​គិត​ថា​ម្ដាយ​ខ្លួន​ចង់ឱ្យ​ពិធី​រៀប​មង្គលការ​នោះ​សម​នឹង​ឋានៈ​គ្រួសារ​អ្នកមាន​របស់​កូនស្រី​ក៏
អាច​ថា​បាន​។

4/.Apinya Sakuljaroensuk និង Nantawut Boonrubsup
សម្រាប់​គូស្នេហ៍​មួយគូ​នេះ​វិញ តារា​សម្ដែង​នាង Apinya ក៏​មាន​ប្រាក់​មិនធម្មតា​ស្រាប់​ហើយ ព្រោះ​នាង​ជានា​រី​ដែល​ឧស្សាហ៍​ធ្វើការ ដែល​រឿង​លុយកាក់​របស់​នាង ក៏​មិន​តិច​ជាង​លោក Nantawut ឡើយ​។

3/. Sarunrat Visutthithada (Lydia) និង Matthew Deane Chanthavanij
ជា​គូស្នេហ៍​តារា​មួយគូ​ទៀត​សម្រាប់​នាង Lydia និង​លោក Matthew ដែល​ពេល​នេះ​មានកូន​ប្រុស​ម្នាក់ ហើយ​ក្ដី​ស្នេហ៍​របស់​ពួក​គេ​ក៏​ត្រូវ​បាន​បំពេញ​ឱ្យ​គ្នា​រហូត អ្នក​ទាំង​ពីរ​តែង​ផ្ដល់​កម្លាំងចិត្ត​ឱ្យ ផ្ដល់​ការ​ប្រឹក្សា​យោបល់​គ្នា​នូវ​គ្រប់​រឿង ធ្វើ​ឱ្យ​ពួក​គេ​ក្លាយជា​គូស្នេហ៍​ដែល​ដ៏​មាន​សុភមង្គល និង​កក់ក្ដៅ​ជា​ខ្លាំង​។

2/. Saithip Montrikul Na Ayudhaya និង S Worarit
សម្រាប់​ឌី​ជេ​ស្រី Saithip និង​តារា​សម្ដែង​សិស្ស​ប្អូន​លោក S Worarit បាន​ចេញ​មក​ទទួលស្គាល់​ថា​ពួក​គេ​មាន​ទំនាក់ទំនង​ស្នេហា​នឹង​គ្នា​មែន ហើយ​ខាង​ស្រី​ក៏​មាន​ឋានៈ មាន​ជាង​ខាង​ប្រុស​តែ​ម្ដង​។

1/. Passavee Payacaboot (Numwan) និង Nawin Yaowapholkul
អ្នក​ណា​ៗ​ក៏​ច្រណែន​ដែរ​នៅ​ពេល​ដែល Numwan និង​លោក Nawin ជា​សង្សារ​នឹង​គ្នា​។ ក្រោយ​ពី​បាន​រៀប​ការ និង​ចុះ​សំបុត្រ​អាពាហ៍ពិពាហ៍​នឹង​គ្នា​ហើយ​នោះ ដែល​និយាយ​បាន​ថា​ប្រូ​ហ្វា​ល់​ខាង​ស្រី​គឺ​មិនធម្មតា​ឡើយ ដោយ​នាង​មាន​ជំនួញ​ខាង​សម្ផស្ស​គឺ iDDNA Clinic Thailand និង Filorga Clinic ដែល​គេ​គ្រប់​គ្នា​ស្គាល់​យ៉ាងច្រើន​នៅ​ប្រទេស​ថៃ​៕

ប្រភព​៖ tvpoolonline , កែសម្រួល​ដោយ ៖ សំណាង

បន្ទាប់​ពី​រស់នៅ​ក្រោម​ដំបូលផ្ទះ​តែ​មួយ អស់​មួយ​រយៈពេល​មក​នោះ​តារា​កំប្លែង​អ្នក​នាង ស្រែង សុ​កាន់​ដា ហៅ​ខ្ញុង បាន​ប្រកាស​ចូល​រោងការ​ជា​ផ្លូវការ​ជាមួយ​នាយ កៃ​ដ នៅ​ក្នុង​អំឡុង​ខែសីហា​ខាង​មុខ​នេះ ។

ធៀប​ការ​ស្តី​ពី​កាល​បរិ​ច្ឆេ​ត​ថ្ងៃ​មង្គល​ត្រូវ​បាន​គេ​ឃើញ​តារា​កំប្លែង​រូប​នេះ​បង្ហោះ​តាម​បណ្តាញ​សង្គម​ហ្វេ​ស​ប៊ុ​ក កាលពី​ថ្ងៃ​ទី​១៦ ខែកក្កដា​កន្លង​ទៅ ។ យ៉ាងណា បើ​ទោះបីជា​នៅ​លើ​ធៀប​ការ​នោះ​ត្រូវ​បាន​អ្នក​នាង ខ្ញុង បាន​បិទ​បាំង​នៅ​ថ្ងៃ​កំណត់​ក៏​ដោយ ប៉ុន្តែ​ពិធី​មង្គល​របស់​នាង​ត្រូវ​បាន​គេ​ដឹង​ថា នឹង​ប្រព្រឹត្ត​ទៅ​នៅ​អំឡុង​ខែសីហា ឆ្នាំ​២០១៩​ខាង​មុខ​នេះ ។ ការ​បង្ហាញ​នូវ​ថ្ងៃ​មង្គល​ចូល​មក​ដល់​ពី​តារា​កំប្លែង​រូប​នេះ ត្រូវ​មិត្តភក្តិ និង​ប្រិ​យ​មិត្ត​គាំទ្រ​បាន​នាំ​គ្នា​ចូលរួម​អបអរសាទរ​ក្នុង​ពេល​នាង​បាន​ស្វែងរក​សុភមង្គល​ពិតប្រាកដ​នៃ​គ្រួសារ​នា​ពេល​នេះ ។

គួ​រំលឹក​ថា​ខ្ញុង និង​នាយ​កៃ​ដ បាន​សែនព្រេន​ជាមួយ​គ្នា កាលពី​ថ្ងៃ​ទី​៣០ ខែសីហា ឆ្នាំ​២០១៧ កន្លង​ទៅ​នៅ​មុខ​ចាស់ទុំ​ទាំង​សងខាង ហើយ​បច្ចុប្បន្ន​កំពុង​តែ​រស់នៅ​ជា​ប្ដី​ប្រពន្ធ​តែ​ម្ដង ។ ខ្ញុង​ធ្លាប់​អះអាង​ថា នាង និង​នាយ​កៃ​ដ ដំបូង​ឡើយ គឺ​រាប់អាន​គ្នា​ធម្មតា​ទេ ដែល​កាលនោះ​នាយ​កៃ​ដ មិន​បាន​ជាប់​នៃ​ការ​ប្រឡង​ឡើយ ។

ខ្ញុង​បាន​បន្ត​ថា ក្រោយ​ពី​នាង​ក្លាយជា​តារា​កំប្លែង​មក នាយ​កៃ​ដ ក៏​បាត់​ទំនាក់ទំនង​នឹង​គ្នា​ជាង​២​ឆ្នាំ គឺ​ទើបតែ​ខាង CTN ហៅ​អតីត​អ្នក​ដែល​មាន​សមត្ថភាព​ដែល​ធ្លាប់​ចូល​ប្រឡង​មក​ចូល​លេង​កំប្លែង​ដោយ​ពង្រីក​ក្រុម​ថ្មី ទើបបាន​ជួប​គ្នា​ម្ដងទៀត ហើយ​ក៏​ចាប់ផ្ដើម​មាន​ទំនាក់ទំនង​គ្នា​ស៊ីជម្រៅ​តែ​ម្តង ៕ កែសម្រួល​ដោយ ៖ សុ​ឃា​ក់

កូរ៉េ​៖ បើ​តាម​គេហទំព័រ​សិល្បៈ​កម្សាន្ត​នៅ​កូរ៉េ Koreaboo បាន​ផ្សាយ​ព័ត៌មាន​ពី ការិយាល័យ​ព័ត៌មាន​ល្បី Hankyung កាលពី​ថ្ងៃ​ទី​១៨ កក្កដា ថា បច្ចុប្បន្ន​តារា​សម្ដែង​ល្បី​នៅ​កូរ៉េ លោក សុង ជុង​គិ និង​នាង សុង ហេ​ក្យូ ឥឡូវនេះ​ទៅ​ដល់​ណា​ហើយ ក្រោយ​ពី​ប្រកាស​លែងលះ​គ្នា​មក ៣ ស​ប្ដា​ហ៍​ហើយ​នោះ ។

អតីត​សា្វ​មី​ភរិយា​គូ​នេះ បាន​នៅផ្ទះ​ផ្សេង​គ្នា​តាំងពី​ដើមឆ្នាំ ២០១៩ ម្ល៉េះ ដោយ​ម្នាក់​ៗ​បាន​យក​អីវ៉ាន់​ចាក​ចេញពីផ្ទះ​ដើម​ស្ថិត​នៅ​ខណ្ឌ​យ៉ង​សាន ក្រុង​សេ​អ៊ូ​ល មុន​នឹង​ខាង​ប្រុស​ប្រកា​សថាបាន​ដាក់​ស្នើ​សុំ​លែងលះ​ជាមួយ​ខាង​ស្រី​រួចរាល់​តាំងពី​ថ្ងៃ​ទី ២៧ ឧសភា កន្លង​មក ។អ្នក​ជិតខាង​ម្នាក់​បាន​និយាយ​ថា​អតីត​គូស្នេហ៍​តារា​មួយគូ​នេះ អាច ទាយ​ដឹង​ហើយ​ថា​មាន​អ្វី​ម្យ៉ាង​កើតឡើង​រវាង​អ្នក​ទាំង​ពីរ ព្រោះ​មាន​សញ្ញាណ​ថា​តារា​សម្ដែង ជុង​គិ វ័យ ៣៣ ឆ្នាំ សឹងតែ​មិន​បាន​មក​ក្បែរ​ផ្ទះ​របស់​ពួក​គាត់​ឡើយ ។

តាំងពី​បាន​ចាក​ចេញពី​ទ្រនំ​ដែល​ធ្លាប់​រស់នៅ​ជាមួយ​គ្នា​បាន ១ ឆ្នាំ ៨ ខែ​មក តារា​ស្រី ហេ​ក្យូ វ័យ ៣៧ ឆ្នាំ បាន​មក​ស្នាក់​នៅ​បុរី UN Village Mansion ដែល​ជាទី​កន្លែង​មួយ​ក្នុង​ចំណោម​ទីកន្លែង​ដែល​មាន​បំផុត​នៅ​កូរ៉េ ។ ទោះជា​យ៉ាងណា ពេល​នេះ​នាង​មិន​ទាន់​បាន​ត្រឡប​មក​វិញ​ទេ ព្រោះ​ដោយសារ​ជាប់រវល់​ថត​នៅ​ក្រៅប្រទេស​។

មនុស្ស​ជា​ច្រើន​អាច​នឹង​ចាប់ផ្ដើម​សង្ស័យ​ថា សុង ជុង​គិ ទៅ​នៅឯណា? តែ​មាន​ដំណឹង​មួយ​ថា លោក​កំពុង​រស់នៅ​ជាមួយ​សាច់ញាតិ​របស់​លោក​ម្នាក់​នៅ​ក្រុង​សេ​អ៊ូ​ល​ដូច​គ្នា​ដែរ ៕

ប្រភព ៖ siamdara , កែសម្រួល​ដោយ ៖ សំណាង

ថៃ​៖ គូស្នេហ៍​តារា​៨​គូ​របស់​ថៃ​ដែល​បាន​ជួប​ឧបសគ្គ​លំបាក​បំផុត​សម្រាប់​ជីវិត​គូ​របស់​ពួក​គេ​នោះ​គឺ ការ​ដែល​មានការ​មិន​ពេញចិត្ត​ពី​ខាង​គ្រួសារ ។ ស្នេហា​ក៏​មិន​ប្រាកដ​ថា ជា​ការ​ស្រឡាញ់​ពេញចិត្ត​តែ​សម្រាប់​មនុស្ស​ពីរ​នាក់​នោះ​ដែរ ព្រោះ​វា​ក៏​អាច​ពាក់ព័ន្ធ​នឹង​មិត្តភក្តិ ញាតិ​មិត្ត និង​មនុស្ស​នៅ​ក្នុង​គ្រួសារ​ទៀត​ដែរ ដែល​វា​ជា​រឿង​ធ្វើ​ឱ្យ​មានការ​ពិបាកចិត្ត​ខ្លាំង​ជាក់ស្ដែង​ដូច​តារា​ថៃ​៨​គូ​ខាងក្រោម​នេះ ៖

8/. Sarunrat Visutthithada និង Matthew Deane
គូស្នេហ៍​តារាចម្រៀង​រវាង​នាង លី​ឌា និង​លោក មែ​ទធិ​វ មុន​នឹង​មានគ្រួសារ​ដែល​កក់ក្ដៅ​រាល់​ថ្ងៃនេះ ទាំង​ពីរ​នាក​ត្រូវ​ពិសោធ​នូវ​ក្ដី​ស្នេហ៍​ពិត​ដែល​មាន​ឱ្យ​គ្នា ឱ្យ​គ្រួសារ​បានឃើញ​។ ដោយ​ពី​មុន​ខាង​ប្រុស​ធ្លាប់​មាន​ព័ត៌មាន​ថា​ជា​ព្រាននារី ឬ​ជា​ប្រុស​ស្រឡាញ់​ប្រុស​ជាដើម ទើប​ធ្វើ​ឱ្យ​គ្រួសារ​ខាង​ស្រី​មិនសូវ​ពេញចិត្ត​ប៉ុន្មាន​ឡើយ​។

7/. Dome Pakorn និង Metal
មានកូន​ស្រី​ស្អាត​ដូច​នាង Metal ធ្វើ​ឱ្យ​ឪពុក​នាង​មានការ​ហួងហែង​ជា​រឿង​ធម្មតា​។ មុន​នឹង​កំលោះ Dome តារាចម្រៀង​មក​ដល់​ដំណាក់កាល​នេះ​បាន ខាង​ឪពុក​ខាង​ស្រី​ក៏​មិនសូវ​ពេញចិត្ត​នឹង​លោក​ដែរ ទើង​ធ្វើ​ឱ្យ​ខាង​ប្រុស​ត្រូវ​ប្រើ​ពេលវេលា​ដើម្បី​ពិសោធ​ក្ដី​ស្នេហ៍​ពួក​គេ ព្រោះ​កន្លង​មក​ខាង​ប្រុស​ក៏​ធ្លាប់​មានរឿង​អាស្រូវ​ជា​ច្រើន តែ​ចុង​ក្រោយ​ស្នេហ៍​ពិត​និង​អំពើ​ល្អ​ក៏​ឈ្នះ​អ្វី​ៗ​គ្រប់យ៉ាង​។

6/. Worrawech Danuwong និង Ungsumalynn Sirapatsakmetha
សម្រាប់​រូប​លោក Worrawech ជា​តារា​សម្ដែង​និង​ជា​អ្នកដឹកនាំ ធ្លាប់​ត្រូវ​បាន​គ្រួសារ​ខាង​ស្រី មិន​ពេញ​មក​ដែរ ព្រោះ​ដោយសារ​ពេល​មុន​លោក​ធ្លាប់​មាន​ព័ត៌មាន​ជាមួយ​មនុស្ស​ស្រី​ជា​ច្រើន តែ​រូប​លោក​បាន​ពិសោធ​ឱ្យ​ខាង​គ្រួសារ​ខាង​ស្រី​ឃើញ​ថា​លោក​ស្រឡាញ់ Ungsumalynn ពិតមែន​។

5/. Pornchita na Songkhla និង Baromwut Hiranyatsathiti
មនុស្ស​ជា​ច្រើន​បាន​គិត​ថា​គូស្នេហ៍​មួយគូ​នេះ​មិន​អាច​ទៅ​រួច​ផង​ដែរ ព្រោះ​ខាង​ស្រី នាង Pornchita ជាតា​រា​ជួរ​មុខ​នោះ​។ គ្រួសារ​ខាង​ស្រី​ក៏​មិនសូវ​ពេញចិត្ត​នឹង​លោក Baromwut ដែរ ដែល​ភាព​ជា​ព្រាននារី​របស់​លោក​ក៏​ជា​បញ្ហា​មួយ​ដែរ តែ​ពួក​គេ​ក៏​អាច​ឆ្លងកាត់​មក​បាន ហើយ​បច្ចុប្បន្ន​ពួក​គេ​មានកូន ២ នាក់​ផង​ដែរ​។

4/. Suvanant Kongying និង Danuporn Punnakanta
កាលពីមុន​អ្នក​ម្ដាយ​របស់​ខាង​ប្រុស Danuporn មិន​ចូល​ចិត្ត​នាង Suvanant ឡើយ ព្រោះ​ធ្វើខ្លួន​ជា​មនុស្ស​ល្បី អំនួត និង​មិន​គោរព​ចាស់ទុំ រហូត​ដល់​ពេក​មុន​រៀប​ការ ខាង​ស្រី​បាន​ចូល​ទៅ​ក្រាប​សុំ​ទោស​នូវ​រឿង​ដែល​ធ្វើ​ខុស ហើយ​ម្ដាយ​ខាង​ប្រុស​ក៏​ធ្លាប់​ដាស់តឿន​ដែរ និង​មិន​ព្រម​ចូលរួម​ពិធី​មង្គល​ទៀត​ផង​។

3/. Warattha Imraporn និង Rit Kachai
ពួក​គេ​ទាំង​ពីរ​បាន​ទាក់ទង​គ្នា​បាន​មួយ​រយៈ​ហើយ ដែល​ក្ដី​ស្នេហ៍​របស់​ពួក​គេ​មើលទៅ​ល្អូក​ល្អឺ​ន​ណាស់ រហូត​ខាង​ប្រុស​គឺ​លោក Rit Kachai បាន​លុតជង្គង់​សុំ​រៀប​ការ​ទៀត​ផង​។ តែ​មង្គលការ​អ្នក​ទាំង​ពីរ​អាច​នឹង​មិន​ទាន់​បាន​ទេ ព្រោះ​មាន​ព័ត៌មាន​ថា​ម្ដាយ​ខាង​ប្រុស​មិនសូវ​ពេញចិត្ត​នឹង​នាង Warattha ប៉ុន្មាន​ឡើយ ដល់​ថ្នាក់​មាន​ពាក្យ​សម្ដី​ថាបើ​មិន​បែក​គ្នា គឺ​អាច​នឹង​កាត់​ចេញពី​កេរ​មរតក​ទៀត​ផង​។

2/. Panthorthong Boonthong និង Nut
សម្រាប់​តារា​សម្ដែង​ស្រី​នាង Panthorthong ដែល​ពេល​ជួប​គ្នា​ដំបូង​ជាមួយនឹង​លោក Nut មេបញ្ជាការ​ទ័ពអាកាស នោះ គឺ​គ្រួសារ​ខាង​ស្រី​បាន​បើកភ្លើង​ខៀវ​ឱ្យ តែ​ក្រោយមក​មិនយូរ​ប៉ុន្មាន ម្ដាយ​របស់​ខាង​ស្រី​មិន​យល់ព្រម​ទទួល​ដោយ​កូនស្រី​ខ្លួន​បាន​មាន​ផ្ទៃពោះ និង​មិន​ត្រឡប់​មក​ផ្ទះ ៨ ខែ ហើយ​គិត​ថា​អ្វី​ៗ​នឹង​ល្អ​ឡើង​វិញ​។ តែ​ចុង​ក្រោយ ទាំង​សងខាង​នៅ​តែ​មិន​យលចិត្ត​គ្នា ធ្វើ​ឱ្យ​ឪពុក​របស់​ខាង​ស្រី​ចាញ​មក​កាត់​ផ្ដាច់ទំនាក់ទំនង​នឹង​នាង រួច​ព្រមឱ្យ​កូនស្រី​ដូរ​ឈ្មោះ​និង​នាមត្រកូល​ទៀត​ផង​។

1/. Songkran និង Peranee Kongthai
សម្រាប់​តារា​សម្ដែង​ស្រី Peranee និង​កំលោះ​ពោះម៉ាយ​លោក Songkran អ្នកជំនួញ​ល្បីឈ្មោះ ដែល​គ្រួសារ​ខាង​ប្រុស​មិនជា​ពេញចិត្ត​នឹង​ខាង​ស្រី​នោះ​ទេ រហូត​ដល់​ឈប់​តាមដាន​អ៊ិ​ន​ស្តា​ក្រាម​ផ្ទាល់ខ្លួន​រវាង​គ្នា​ទៀត​ផង​៕

ប្រភព ៖ tvpoolonline , កែសម្រួល​ដោយ ៖ សំណាង

រាជធានីភ្នំពេញ ៖ តារាចម្រៀងនិយមតែងកាយភេទទី៣រ៉ូលីន ដែលមានឈ្មោះពិតថា ជួប ច័ន្ទកក្កដា
កំពុងតែទទួលបានកេរ្តិ៍ឈ្មោះក្នុងសិល្បៈ ក្រោយពេលតស៊ូជាមួយអាជីពនេះអស់ជាច្រើនឆ្នាំ ។ តារា ដែលជោគជ័យលើចម្រៀងរូបនេះ ធ្លាប់ប្រកាសថា ត្រៀមខ្លួនយកប្រពន្ធ ដើម្បីតកូនតវង្សត្រកូល ។ យ៉ាងណាមិញ ពេលនេះ លោករ៉ូលីននៅមិនទាន់ច្បាស់ការ ទាំងស្រុងឡើយក្នុងពេល អារម្មណ៍ក្នុង​ចិត្ត ពិបាកអាកាត់ ។

រ៉ូលីនដែលនិយមនិយាយញែកៗកាយវិការ អេនអន តុបតែងជាមនុស្សស្រីសុទ្ធគ្រប់វេទិកាចម្រៀង សុ​​ទ្ធ​រុញច្រានអោយមនុស្សជាច្រើន មើលមកលោកនិងអារម្មណ៍របស់លោកប្រហែលជាមនុស្សស្រី១០០%
ស្របពេលគ្រប់ចម្រៀងដែលច្រៀងជាសំឡេងស្រី ។

គ្មានអ្នកណាគិតថា លោករ៉ូលីនងាកចិត្តចង់បានប្រពន្ឋកូននោះទេ បន្ទាប់ពីឃើញនាង​ចូលចិត្តនិយាយ​លេប​ខាយជាមួយបុរសរូបសង្ហារទាំងឡាយនៅតាមវេទិកាផ្សេងៗ។ អុីចឹងហើយទើបការដែលរ៉ូលីនប្រកាសថា ខ្លួនយកប្រពន្ធធ្វើអោយម្នាក់ៗស្រឡាំងកាំង ហើយស្ទើរតែមិនជឿក្រោយ​ពេលឭបែបនេះ និងនាំគ្នាចាំអ៊ុត មើលថា តើពេលណារ៉ូលីនរៀបការអោយផ្អើលសិល្បៈនោះ ។

តារានិយមកាច់ស្ទាយសំឡេង និងកាយវិការតាមប៉ែន រ៉ន លោករ៉ូ​លីនអោយដឹងថា មកទល់ពេលនេះ លោក​​នៅតែមានគម្រោងចង់រៀបការហើយគិតថាអាពាហ៍ពិពាហ៍ដែលកើតឡើងទាល់​តែអារម្មណ៍ ត្រូវ​ចិត្តយើងទើបទៅរួច ។ ក្នុងពេលកន្លងមកលោកធ្លាប់និយាយថា ចង់រៀបការមែនដោយ​សារតែស្រឡាញ់ ក្មេងតែបើនិស្ស័យរុញឲពេញចិត្តនារីណាបាក់ចិត្តបាក់អារម្មណ៍ លោកនឹងសម្រេចចិត្តតែម្តង។ រ៉ូលីនបន្តថា បើយើងបណ្តោយឲជីវិតនៅម្នាក់ឯងក៏ពិបានបើមានគ្នីគ្នាក៏ល្អសម្រាប់ថែគ្នា ។

និយាយរួមអារម្មណ៍ ពេលនេះពិតជាមិនច្បាស់អាចថា ទៅតាមនិស្ស័យសិន បើឱកាសល្អលោកទទួល​យក តែ​ម្តង។ រ៉ូលីនជាអ្នកខេត្តកំពង់ស្ពឺ អតីតមីសហ្វូតូសុីតធីបានបោះជំហាន​សិល្បៈតាមរយៈ​មិត្តរួមសិល្បៈ ហៅ ចូល ព្រោះមានទេពកោសល្យពីធម្មជាតិពិសេសផ្នែកសំឡេងតែម្តង ។ រ៉ូលីនក៏ជាតារាចម្រៀង​នៅថោន ដោយ លោកបានចេញបទបែបសប្បាយៗមួយចំនួនរួចហើយ។ លោកក៏ជាដៃគូកំប្លែងជាមួយកាតុ ហើយធ្លាប់ដឹកដៃគ្នាចេញទៅច្រៀងនៅអាមេរិកបារាំងអូស្ត្រាលីជាដើម។​ (សម្រួលដោយ៖ ស្រីណា​)