ចំការម្រេចលាក់ខ្លូនក្បែរជើងភ្នំ ដែលមានចំងាយប្រហែលជា ១២គីឡូម៉ែត្រពីទីរួមខេត្តកំពត កំពុងតែទាក់ទាញអារម្មណ៍ភ្ញៀវទេសចរណ៍ជាតិ និងអន្តរជាតិមកទស្សនា ស្វែងយល់កាន់តែច្បាស់ពីដំណាំម្រេច មួយកន្លែងមានឈ្មោះថា ឡាផ្លេនថេសិន។​ លើសពីចំការម្រេច ឡាផ្លេនថេសិន ក៏ជាកន្លែងដើរកម្សាន្ត​ ញាំុអាហារ ទស្សនាទេសភាពដ៏ស្រស់ត្រកាល ដែលបានចាប់ផ្ដើមដំណើរការតាំងពីឆ្នាំ ២០១៤។

ចំការម្រេច ឡាផ្លេនថេសិន ដែលបើកពីម៉ោង ៩ព្រឹក ដល់ម៉ោង ៦ល្ងាច មានផ្ដល់ជូនភ្ញៀវទេសចរណ៍នូវ ការដើរទស្សនាចំការម្រេចជាមួយមគ្គទេសក៍ទេសចរណ៍ ការជិះរទេះក្របីទស្សនាវាលស្រែ ការរៀនធ្វើម្ហូប បទបង្ហាញពីដំណាំម្រេច និងទស្សនាចំការល្មៀត ជាមួយទេសភាពដ៏ស្រស់បំព្រង។ ​ឡាផ្លេនថេសិន ក៏មានភោជនីយដ្ឋានអាហារខ្មែរ​ និង អាហារបរទេស ជាមួយមុខម្ហូបដែលផ្សំចេញពីម្រេចដែលមាននៅក្នុងចំការផ្ទាល់ និង​ ភេសជ្ជៈជាច្រើនមុខទៀត។

ម្រេចស្រស់ៗថ្មីៗធម្មជាតិ ដែលបានបេះចេញពីចំការម្រេចត្រូវបានយកទៅវេចខ្ចប់ លក់ជូនភ្ងៀវមកទស្សនា និងនាំចេញយកទៅលក់ទីផ្សារក្នុងស្រុក​ និងក្រៅស្រុក។ សម្រាប់តម្លៃក្នុងការមកចូលទស្សនាមិនត្រូវបានយកថ្លៃឡើយ ចំពោះការជិះរទេះក្របីវិញ ៦ដុល្លា សម្រាប់មនុស្សធំ និង ៣ដុល្លាសម្រាប់កុមារ ដែលត្រូវការកក់ទុកជាមុន ១ថ្ងៃ ទៅ ១សប្ដាហ៍។ រីឯ ការរៀនធ្វើម្ហូបវិញគឺ ២០ដុល្លា ដើរផ្សារ ៥ដុល្លា ដែលតម្រូវអោយមានការកក់ទុកមុន​ ១ថ្ងៃទៅមួយសប្ដាហ៍ដូចគ្នា។

ក្រៅពីជាទីកន្លែងទស្សនាកម្សាន្ត ចំការម្រេច ឡាផ្លេនថេសិន​ បានដើរតួយ៉ាងសំខាន់ក្នុងការជួយទ្រទ្រង់ជីវភាពអ្នកភូមិដែលមានទីលំនៅក្បែរនោះតាមរយៈការផ្ដល់ការងារជាច្រើននៅក្នុងចំការ និងដំណើរការសាលារៀនមួយសម្រាប់ក្មេងៗ ដែលទទួលបានចំណូលតាមរយៈការលក់ម្រេច។

La Plantation ទូរស័ព្ទ៖ 017 84 25 05 ទីតាំង៖ ភូមិបុស្សាញិញ ឃុំកូនសត្វ ស្រុកទឹកឈូ ខេត្តកំពត ផែនទី៖ https://goo.gl/maps/Jy2SsuV3UMx វីដេអូ

ទៅដើរលេងម្តងៗ ភាគច្រើនហើយ ទាំងយើងទាំងគេ ចង់លំហែរកាយបន្ធូរអារម្មណ៍ អង្គុយថតរូបលេង ជាមួយទេសភាពស្អាតៗ ញ៉ាំអីជុំគ្រួសារ មិត្តភ័ក្ត គូរសង្សារ មិនចឹង។ ហើយសម្រាប់បងប្អូនមួយចំនួន ក៏មិនសូវជាមានពេលគ្រប់គ្រាន់ មិនចង់ហត់នឿយខ្លាំង ដើម្បីទៅដល់កន្លែងដែលខ្លួនចង់ទៅដល់ ត្រឹមគេង ១យប់១ថ្ងៃ ចឹងនេះ ខាងក្រោមនេះយើង សូមណែនាំកន្លែង សំណាក់សំរាកកាយមួយកន្លែង ក្បែរក្រុងកំពត នោះគឺ Natural Bungalows។

សម្រាប់បងប្អូនដែលមានបំណងចង់ទៅលេងកម្សាន្តនៅទីរួមខេត្តកំពត ក្នុងចុងសប្តាហ៍នេះអី អាចជ្រើសយកកន្លែងនេះបាន ព្រោះថា Natural Bungalows ជាទីតាំងមួយ កៀកក្រុងមែនទែន មានចំងាយត្រឹមតែ ៥០០ម៉ែត្រប៉ុណ្ណោះ ងាយស្រួល សម្រាប់ការសម្រាក់លំហែរកាយ ដោយសារកន្លែងនេះ មានហេតុផល ដូចជា នៅជិតផ្សារកំពត ងាយរកគ្រឿងសមុទ្រញ៉ាំ ហើយបើចង់កុំម៉្មង់ផ្ទាល់ក៏ Natural Bungalows មានជាម៉ីនុយអោយជ្រើសរើសបានតាមការចូលចិត្ត ពិសេសអាចអង្គុយញ៉ាំក្បែរមាត់ទឹកព្រែក មើលថ្ងៃរៀបលិច ឬក៏អាចទៅជិះទូកនៅក្បែរនោះ លេងកម្សាន្តបានថែមទៀតផង។

ចំនុចពិសេសមួយទៀតនោះ គឺភាពស្ងប់ស្ងាត់ និងទេសភាពខៀវស្រងាត់ជុំវិញ Bungalows តុបតែងឡើងបែបធម្មជាតិពិតៗ អោយសមទៅតាមឈ្មោះរបស់ខ្លួន ហើយក៏តម្រូវអោយត្រូវសម្រាប់ភ្ញៀវដែលចូលចិត្តភាព ឯករាជ្យ ស្ងប់ស្ងាត់ បន្ធូរអារម្មណ៍តាមធម្មជាតិ។ បញ្ជាក់សម្រាប់បងប្អូនដែលចង់បាន ចង់ឃើញទេសភាព ពណ៌មេឃ ស្អាតប្លែក សូមព្យាយាមក្រោកពីព្រឹកព្រលឹម ឬចាំមើលថ្ងៃរៀបលិច អង្គុយនៅកញ្ចុះលើមាត់ទឹកព្រែក ធានាថត អ្នកនឹងបានរូបភាពប្លែកជាក់ជាមិនខានឡើយ។

Natural Bungalows Tel: 012 81 90 81 | 031 2 81 90 81 បើក៖ ៧ព្រឹក-១១យប់ ទីតាំង៖ ក្បែរគល់ស្ពានថ្មី ត្រើយខាងកើត ចំងាយ ១០០ម៉ែត្រ តម្លៃ៖ ខែ១១-ខែ៥ ចាប់ពី ៤០ដុល្លារ ដល់ ១១៥ដុល្លារ និង ខែ៦-ខែ១០ ចាប់ពី ៣០ដុល្លារ ដល់ ៩៩ដុល្លារ ម្ហូប៖ តម្លៃចាប់ពី ៥ដុល្លារ ដល់១០ដុល្លារ ភេសជ្ជៈ ចាប់ពី ១.៥ដុល្លារ ដល់ ៣ដុល្លារ ការកម្សាន្ត៖ មានឆ្នេរ សម្រាប់ក្មេងលេង, អាចងូតទឹកបាន ក្នុងខែប្រាំង, ជិះទូកលេងកម្សាន្តនៅក្បែរនោះ

វីដេអូ

ណាតាយ៉ា រីសតដែលស្ថិតនៅជើងភ្នំបូកគោ ធ្វើ​ដំណើរ​តាម​ផ្លូវ​ជាតិ​លេខ​ ៣ ពី​ទី​រួម​ខេត្ត​កំពត​ចម្ងាយ​ជាង ១៨ គីឡូម៉ែត្រគឺជាទីកម្សាន្តសម្រាប់ក្រុមគ្រួសារ មិត្តភក្តិ​ ជាពិសេសសម្រាប់គូស្នេហ៍ក្នុងការសម្រាកលំហែ សាងភាពរ៉ូមែនទិច ក្នុងបរិយាកាសស្រស់ស្រាយ បរិសុទ្ធ តាមបែបធម្មជាតិពិតៗ។

ការធ្វើដំណើរចាប់តាំងពីផ្លូវចូលទៅកាន់ ណាតាយ៉ា អមទៅដោយ ផ្ទះប្រជាជន ដែលនឹងបង្កើតនូវ អារម្មណ៍ប្លែកម៉្យាងជាមួយនឹងការទស្សនា ទិដ្ឋភាពរស់នៅប្រចាំថ្ងៃ របស់អ្នកស្រុកជនបទ ក៏ដូចជាព្រៃព្រឹក្សាព័ទ្ធជុំវិញ។ រីសតនេះលាតសន្ធឹង លើផ្ទៃដីដ៏ធំល្វឹងល្វើយ  ឆ្ងាយដាច់កន្ទុយភ្នែក​ ជាមួយទេសភាពភ្នំ​ និងសមុទ្រ បង្កើតបានជារូបភាពដ៏ស្រស់ស្អាត។

នៅ​តាម​ដង​ផ្លូវ​មាន​ឆ្នេរ​ខ្សាច់​តិច​ៗ​អម​ដោយ​ដើម​ស្រល់​ និង​ដើម​ដូង​ដុះ​ជា​ជួរៗ​​។ ទីកន្លែងនេះ​ហើយ​ជា​ទី​កន្លែង​ដ៏​ល្អ​សម្រាប់​ការ​ជួប​ជុំ​មិត្ដ​ភក្ដិ​ ពិសា​អាហារ គយគន់ទេសភាពថ្ងៃរៀបលិច និងស្រូបយកខ្យល់អាកាសដ៏បរិសុទ្ធ អមជាមួយសម្លេងរលក​ទឹក​តិច​ៗ​ និង​សំឡេង​ខ្យល់​បក់​រហឹម​ៗ​ធ្វើ​ឲ្យ​ ​រសាយ​អស់​ទុក្ខ​កង្វល់​ពី​ទីក្រុងអស់​រលីង​។ ទីនេះក៏មានបម្រើជូននូវសេវាកម្ម​អាហារ​​ពេល​ល្ងាច​ ជាមួយមុខម្ហូប និងភេសជ្ជៈយ៉ាងច្រើនសម្បូរបែប ដែលចម្អិនដោយចុងភៅចំណានប្រចាំទីនេះផ្ទាល់។

ណាតាយ៉ាក៏មានជាកន្លែងស្នាក់នៅជាប្រភេទបឹងហ្គាឡួ ផ្ទះមូលដែលបែងចែកជាច្រើនប្រភេទដូចជា​ Superior Bungalow, Deluxe Garden View, Deluxe Sea View, និង​​ Pavilion Suite ដែលមានបន្ទប់ខ្លះអាចគយគន់ទេសភាពភ្នំ​ សមុទ្រ សួនច្បារពីខាងក្នុងបន្ទប់បាន។ សម្រាប់តម្លៃមានចាប់ពី 150$ ក៏ដូចជាមាននូវប្រូម៉ូសិនបញ្ចុះតម្លៃពិសេស និងមានការប្រែប្រួលទៅតាមរដូវកាល និងថ្ងៃបុុណ្យផ្សេងៗ។ ចំពោះភ្ញៀវដែលចូលកម្សាន្តចាប់ពីអាយុ១២ឆ្នាំឡើងទៅ​ តម្រូវអោយទិញសំបុត្រដែលមានតម្លៃ 5$ ដោយសំបុត្រអាចប្ដូរមកទិញជារបស់ញាំុក្នុងរីសតបាន។

នៅក្នុងបរិវេណដ៏ធំទួលាយអាចរៀបចំជាពិធីជប់លៀង ខួបកំណើត ការប្រជុំតូច ធំ  និងរៀបចំពិធីផ្សេងៗបានផងដែរ។​​ ជាមួយអាងហែល​ទឹកជាប់ជាមួយសមុទ្រសម្រាប់ភ្ថៀវដែលមកស្នាក់នៅ​ ដែលពោលពេញទៅដោយទេសភាព ដើម​ដូង​យោល​តាម​កម្លាំង​ខ្យល់​បក់​បោក ​​ភ្នំ​បូក​គោ​ក្រោម​ពន្លឺ​ព្រះ​អាទិត្យ​ដ៏ ​ស្រស់​បំព្រង​ កាន់តែពិសេសក្នុងការគយគន់ថ្ងៃរះ និងថ្ងៃលិចពីអាងហែលទឹក។

រីសត ណាតាយ៉ា រ៉ោនហោស ខ៍ររ៉លបេ ទូរស័ព្ទ៖ 088​​ 402 8944/ 012 902 823/ 016 226 471 ទីតាំង៖​​ ភូមិព្រែកអំបិល ខេត្ត​ កំពត ផែនទី៖ https://goo.gl/maps/QTr3nAARpJR2 វីដេអូ