តែ គឺជាភេសជ្ជៈដែលមានអាយុកាលដ៏យូរលង់ និងពេញនិយមបំផុតនៅជុំវិញពិភពលោក។ តែខ្មៅ មានចំនួនប្រហែល៧៥ភាគរយនៃការប្រើប្រាស់តែនៅលើពិភពលោក ។ នៅក្នុងសហរដ្ឋអាមេរិក ចក្រភពអង់គ្លេស និងអឺរ៉ុប តែខ្មៅ គឺជាភេសជ្ជៈដែលគេនិយមពិសាបំផុត តែបៃតងពេញនិយមបំផុតនៅប្រទេសជប៉ុន និងប្រទេសចិន ។ ចំណែកឯតែអ៊ូឡុង និងតែ.សមានបរិមាណតិចតួចប៉ុណ្ណោះនៅជុំវិញពិភពលោក ។ ក្នុងចំណោមសកម្មភាពជីវសាស្ត្រជាច្រើនដែលមានក្នុងតែ សារជាតិPolyphenols ដែលមានក្នុងតែបៃតងដូចជា សារជាតិEGOG  EGC EOG និង EC និងសារធាតុ Theaflavins និង Thearubigins នៅក្នុងតែខ្មៅ មានសកម្មភាពប្រឆាំងនឹងអុកស៊ីតកម្ម ។ សារធាតុគីមីទាំងនេះ ជាពិសេសសារធាតុ EGOG និង EOG មានសកម្មភាពបំផ្លាញរ៉ាឌីកាល់សេរី និងអាចការពារកោសិកាពីការខូចខាត DNA ដែលបង្កឡើងដោយប្រភេទអុកស៊ីសែនដែលមានសកម្មភាពខ្លាំង ។ សារជាតិ Polyphenols ក៏អាចទប់ស្កាត់ការរីកលូតលាស់នៃកោសិកាដុំសាច់ និងនាំឱ្យមានការសម្លាប់កោសិកានៅក្នុងមន្ទីរពិសោធន៍ និងការសិក្សាលើសត្វ ។ ក្នុងការការសិក្សាលើសត្វ និងការពិសោធន៍ផ្សេងទៀត សារជាតិCatechins ដែលមានក្នុងតែ អាចរារាំងការបង្កើតសរសៃឈាមថ្មី និងការឈ្លានពាននៃដុំសាច់ទៅកន្លែងផ្សេងទៀតក្នុងរាងកាយ ។ លើសពីនេះទៅទៀត សារជាតិ Polyphenolsក្នុងតែ អាចការពារប្រឆាំងនឹងការខូចខាតដែលបង្កឡើងដោយអ៊ុលត្រា UV (កាំរស្មី UV) វិទ្យុសកម្ម B ដែលវាអាចធ្វើការផ្លាស់ប្តូរមុខងារប្រព័ន្ធភាពស៊ាំ ។ លើសពីនេះទៅទៀត តែបៃតង អាចភ្ញោចអង់ស៊ីមបន្សាបជាតិពុលនៅក្នុងរាងកាយដូចជា Glutathione Glutathione Stransferase និង Quinone ដែលអាចជួយការពារប្រឆាំងនឹងការលូតលាស់របស់ដុំសាច់ ។ ទោះបីជាផលប្រយោជន៍ដ៏មានសក្តានុពលនៃតែមានច្រើនដោយសារសកម្មភាពប្រឆាំងអុកស៊ីតកម្មខ្លាំងនៃសារធាតុ Polyphenols តែយន្តការដែលតែអាចជួយទប់ស្កាត់ជំងឺមហារីកមិនទាន់ត្រូវបានគេរកឃើញនៅឡើយ ៕ បើចឹងមកពីរបៀបធ្វើតែបៃតងទាំងអស់គ្នា! ប្រភព៖ YouTube Channel pinkmacprincess

នេះជាដំណឹងល្អមួយសម្រាប់អ្នកដែលចូលចិត្តកាហ្វេ។ ក្រុមអ្នកវិទ្យាសាស្ដ្របានរកឃើញពីទំនាក់ទំនងនៃការទទួលទានកាហ្វេទៀងទាត់ជាមួយនឹងការថយចុះហានិភ័យនៃជំងឺក្រិនថ្លើម។ ការទទួលទានកាហ្វេពីរពែងក្នុងមួយថ្ងៃអាចកាត់បន្ថយឱកាសនៃការវិវឌ្ឍទៅជាជំងឺនេះបាន44ភាគរយ ដោយផ្អែកលើទិន្នន័យដែលបានមកពីមនុស្សចំនួន430.000នាក់ នៅលើការសិក្សាចំនួនប្រាំបួន ។ អ្នកដឹកនាំការស្រាវជ្រាវលោក Oliver Kennedy មកពីសាកលវិទ្យាល័យ Southampton ក្នុងប្រទេសអង់គ្លេស បានប្រាប់កាសែត The Washington Postថា ជំងឺក្រិនថ្លើមអាចបង្កឲ្យមានបញ្ហាយ៉ាងធ្ងន់ធ្ងរ និងមិនមានការព្យាបាលសម្រាប់ជំងឺនេះទេ ។ ដូច្នេះវាជាការសំខាន់ ដែលហានិភ័យនៃការវិវឌ្ឍទៅជាជំងឺក្រិនថ្លើម អាចត្រូវបានកាត់បន្ថយដោយការទទួលទានកាហ្វេដែលមានតម្លៃថោក និងមាននៅគ្រប់ទីកន្លែង ។ ក្រុមអ្នកស្រាវជ្រាវ បានធ្វើការវិភាគលើការសិក្សាចំនួនប្រាំជំនាន់ និងការសិក្សាគ្រប់គ្រងចំនួនបួនករណី ដែលពាក់ព័ន្ធនឹង1.990ករណី និងមានអ្នកចូលរួម432.133នាក់ ហើយបានរកឃើញថា ការសិក្សាចំនួនប្រាំបីក្នុងចំណោមការសិក្សាចំនួនប្រាំបួន បានបង្ហាញថា ហានិភ័យនៃជំងឺក្រិនថ្លើមបន្តធ្លាក់ចុះ នៅពេលដែលបរិមាណនៃការទទួលទានកាហ្វេបន្តកើនឡើង នាំឱ្យពួកគេសន្មតថា ការបង្កើនការទទួលទានកាហ្វេអាចកាត់បន្ថយហានិភ័យនៃជំងឺក្រិនថ្លើមបានយ៉ាងច្រើន ។ ប៉ុន្តែក្រុមអ្នកស្រាវជ្រាវមិនអាចបែងចែករវាងប្រភេទផ្សេងគ្នានៃកាហ្វេ និងវិធីសាស្ត្រនៃការឆុងកាហ្វេបានទេ ។ លោក Oliver Kennedy បានថ្លែងនៅក្នុងសេចក្តីថ្លែងការណ៍មួយថា នេះអាចជាការរកឃើញដ៏សំខាន់សម្រាប់អ្នកជំងឺ ដែលមានហានិភ័យនៃជំងឺក្រិនថ្លើម ដើម្បីអាចធ្វើឲ្យសុខភាពរបស់ពួកគេមានភាពប្រសើរឡើង ។ ទោះជាយ៉ាង យើងត្រូវការធ្វើតេស្តតាមបែបគ្លីនិក ដើម្បីសិក្សាពីផលប្រយោជន៍ និងប៉ះពាល់នៃកាហ្វេ ដើម្បីអាចឲ្យគ្រូពេទ្យធ្វើការណែនាំជាក់លាក់ដល់អ្នកជំងឺរបស់ពួកគេ ៕ កាហ្វេក៏អាចធ្វើជានំ cake បានដែរ តោះមើលវីដេអូទាំងអស់គ្នា! ប្រភព៖ YouTube Channel Titlis Busy Kitchen  

ក្រុមអ្នកជំនាញបាននិយាយថា ការគេងយប់មិនបានគ្រប់គ្រាន់ អាចបង្កើនហានិភ័យនៃការវិវឌ្ឍទៅរកជំងឺទឹកនោមផ្អែមប្រភេទ២ ។ អ្នកដែលគេងមិនបានគ្រប់គ្រាន់ ទំនងជាទទួលទានជាតិកាហ្វេអីុន និងភេសជ្ជៈមានជាតិស្ករខ្ពស់ជាងអ្នកដែលគេងបានគ្រប់គ្រាន់ ។ ខណៈដែលអ្នកគេងបានប្រាំមួយម៉ោងក្នុងមួយយប់ ទទួលទានភេសជ្ជៈទាំងនោះច្រើនជាងអ្នកដែលគេងបានប្រាំបីម៉ោង ។ លទ្ធផលធ្វើឲ្យក្រុមអ្នកស្រាវជ្រាវមានការយល់ច្រឡំថា តើការទទួលទានភេសជ្ជៈមានជាតិស្ករ ទទួលខុសត្រូវចំពោះការរំខានដល់ការគេង ឬការគេងមិនបានគ្រប់គ្រាន់ ធ្វើឲ្យពួកគេរឹតតែបង្កើនបរិមាណក្នុងការទទួលទានភេសជ្ជៈទាំងនេះ។ ក្រុមអ្នកវិទ្យាសាស្ត្រពីសាកលវិទ្យាល័យកាលីហ្វញ៉ា ក្នុងទីក្រុងសាន់ហ្វ្រាន់ស៊ីស្កូបាននិយាយថា ការសិក្សាពីមុនបានបង្ហាញថា វាអាចមកពីការរួមបញ្ចូលនៃបញ្ហាទាំងពីរនេះ ។ លោកសាស្ត្រាចារ្យ Prather អ្នកដឹកនាំការស្រាវជ្រាវបាននិយាយថា ការទទួលទានដំណេកតិចពេក និងការទទួលទានភេសជ្ជៈមានជាតិស្ករច្រើនពេក មានទំនាក់ទំនងទៅនឹងបញ្ហាអវិជ្ជមាននៃការរំលាយអាហារ រួមទាំងជំងឺធាត់ ។ ការស្រាវជ្រាវដទៃទៀតបានបង្ហាញថា កុមារដែលគេងមិនបានគ្រប់គ្រាន់ បណ្តាលមកពីទទួលទានភេសជ្ជៈដែលមានជាតិស្ករ និងភេសជ្ជៈប៉ូវកម្លាំងក្នុងអំឡុងពេលថ្ងៃ ។ លោកសាស្ត្រាចារ្យ Prather បានបន្ថែមថា ការសិក្សាពីមុនក៏បានបង្ហាញថា ការគេងមិនគ្រប់គ្រាន់នឹងបង្កើនភាពឃ្លានជាពិសេសការឃ្លានអាហារដែលមានជាតិស្ករ និងខ្លាញ់ច្រើន ៕ តើយើងគួរដេកប៉ុន្មានម៉ោងក្នុងមួយថ្ងៃ? មើលវីដេអូទាំងអស់គ្នា ប្រភព៖ YouTube Channel AsapSCIENCE