តិចអត់ស្គាល់បង្គាកែវយិតអីទៅ តាមពិតទៅកំពឹសហ្នឹងណា៎ សម្រាប់បងប្អូនមួយចំនួនប្រហែលជាធ្លាប់ធ្វើញ៊ាំរួចហើយ ចឹងអាចមើលតើរូបមន្តដូចគ្នាទេ ហើយសម្រាប់បងប្អូនដែលមិនទាន់ចេះ ហើយចង់ចេះអាចសាកល្បងធ្វើតាមរូបមន្តនេះបានណា៎។

គ្រឿងផ្សំ

កំពិស ម្ទេស ស្លឹកខ្ទឹម ក្រូចឆ្មារ ទឹកត្រី

វិធីធ្វើ

១- កំពិសស្រស់ ២០០ក្រាម, ដើមខ្ទឹមហាន់ ៣ស្លាបព្រាបាយ, ជីរបារាំងហាន់ល្អិត ២ស្លាបព្រាបាយ, ម្ទេសម៉ដ្ឋ ២ស្លាបព្រាកាហ្វេ, ទឹកត្រី ១ស្លាបព្រាបាយ, ទឹកក្រូចឆ្មារ ២ស្លាបព្រាបាយ
២- លាងកំពិសអោយស្អាត ដាក់អោយស្រស់ទឹក
៣- យកកំពិសមកច្របល់ជាមួយទឹកក្រូចឆ្មារអោយសព្វ ទើបដាក់ម្ទេស ខ្ទឹមហាន់ ទឹកត្រី ជីរបារាំងច្របល់វាអោយចូលជាតិ ហើយដួសដាក់ចានទទួលទានជាមួយបន្លែស្រស់៕

គ្រឿងផ្សំម្សៅនំប៉ាវ

– ម្សៅមី ៥០០ក្រាម
– ស្ករស ១០០ ក្រាម
– ម្សៅនំដុត (baking powder) ២ស្លាបព្រាកាហ្វេ
– ម្សៅឡើង (Yeast) ២ ស្លាបព្រាកាហ្វេ
– អំបិល កន្លះស្លាបព្រាបាយ
– ទឹកដោះគោ ៤០០មីលីលីត្រ
– ប្រេងឆា ១ ស្លាបព្រាបាយ
– ទឹក ១៥០មីលីលីត្រ

គ្រឿងផ្សំស្នូលនំប៉ាវ

– បិះគក់ ២ផ្លែ
– ការ៉ុត ៣០០ក្រាម
– ផ្សិតស្លឹកត្រចៀកកណ្តុរ ១០០ក្រាម
– ផ្សិតកំប៉ុង ១កំប៉ុង
– សាច់ជ្រូកចិព្រាាំ ៤០០ក្រាម
– អំបិល ស្ករស ប្រេងឆា ទឹកសុីអុីវ

វិធីធ្វើ

១ – យកម្ស៉ៅមី មកលាយនឹងគ្រឿងផ្សំសម្រាប់ធ្វើម្សៅ : លាយជាមួយម្ស៉ៅនំដុត ម្សៅឡើង ស្ករស អំបិល ប្រេងឆា ទឹកដោះគោ និងទឹក ។ លាយម្សៅ រួចច្របាច់អោយសប់ ។ ច្របាច់រហូតដល់ម្សៅដូចរូបខាងក្រោម ។ យកក្រណាត់សើមគ្របទុក ១ម៉ោង ។ ការគ្របនេះដើម្បើអោយម្ស៉ៅ និងមេម្ស៉ៅវាឡើងល្អ ។ ពេលម្ស៉ៅឡើងល្អ វាមានពពុះដូចពងបែកលើផ្នែកខាងលើម្សៅ នេះបព្ជាាក់ថាម្សៅគឺអាចយកមករុំបានហើយ ។
២ – ត្រាំផ្សិតស្លឹកត្រចៀកកណ្តុរ ១០នាទី រហូតដល់ផ្សិតរីក
ហាន់ ឬឈូសការ៉ុត បិះគក់ និងហាន់ផ្សិតកំប៉ុង និងផ្សិតស្លឹកត្រចៀកកណ្តុរអោយម៉ត់
៣ – ចិញ្រាំសាច់ជ្រូកអោយម៉ត់
យកសាច់ជ្រូកចិញ្រាំ មកលាយជាមួយបន្លែដែលចិញ្រាំរួច រួចលាយជាមួយគ្រឿងអោយល្មមតាមរសជាតិចូលចិត្ត
៤ – ស្ងោរពងទា ៦គ្រាប់ ដើម្បើដាក់លាយជាមួយស្នូល នំប៉ាវ
៥ – ពេលម្សៅនំប៉ាវទុក ១ម៉ោងក្រោយមក យកមកច្របាច់វា២នាទីទៀតអោយវាហាប់ល្អ
៦ – លុញម្សៅជារាងទ្រវែង ហើយកាត់ជាពីរ រួចកាត់កំណាត់ម្សៅជាពីរៗរហូតដល់វាតូចល្មម ប៉ុនកណ្តាប់ដៃរ ។
៧ – យកម្សៅប៉ុនកណ្តាប់ដៃនោះមកលុញ កិនអោយវាសំប៉ែត ។ អាចយកសម្រាប់កិន ឬដបស្រា មកកិនក៏បាន ។ ពេលកិនដើម្បីកុំអោយជាប់ ត្រូវរោយម្សៅមីទទេ លើកំរាល ។
៨ – យកស្នូលដែលលាយគ្រឿងរួចមកដាក់កណ្តាល រួចកាត់ពងទា ១កំណាត់ដាក់ជាមួយ ។ រួចរុំម្សៅជារាងជាយៗ រួចវេញចុងម្សៅ ដើម្បីបិតវាអោយជិត ។ កាត់ក្រដាស់ទ្រនាប់នំប៉ាវរាងការេ ប៉ុនបាតដៃទ្រាប់ ។ រំុម្សៅនំរហូតអស់ ។
យកម្សៅមកចំអិន ក្នុងឡាំងសុឹង រយះពេល ១ម៉ោងជាការស្រេច ។

អ្នកខ្លះប្រហែលជាមិនទាន់បានស្គាល់ទេ​ និងអ្នកខ្លះទៀតច្បាស់ជាបានស្គាល់ហើយក៏ប្រហែលជាម៉ូយប្រចាំផងក៏មិនដឹង បាញ់ស្រ៊ុងឆ្ងាញ់ល្បីយូរណាស់ហើយ លក់ដាច់ខ្លាំង​ពេលខ្លះសឹងតែរកកន្លែងអង្គុយគ្មានផង ទាំងនេះបើនិយាយពីរសជាតិវិញ បាញ់ស្រ៊ុង បាញ់ឆាវ បាញ់ហ៊យ ញ៉ាំឆ្ងាញ់ត្រូវមាត់ណាស់។

លឺល្បីថាឆ្ងាញ់ លក់ដាច់ចឹងច្បាស់ជាមានអារម្មណ៍ចង់ស្គាល់ចង់មកញ៊ាំហើយមើលទៅ មិនបាច់បារម្ភទេកន្លែងឆ្ងាញ់កន្លែងពិសេសបែបហ្នឹង Admin មិនលាក់ទេគឺហាងដែលល្បីនេះមានឈ្មោះថា ហាង ចែស្រីបាញ់ស៊្រុង បាញ់ឆែវឆ្ងាញ់។ អ្វីដែលជាចំណុចពិសេសដែលធ្វើអោយហាងមួយនេះល្បីឈ្មោះ និងមានម៉ូយមិនដែលចេះស្ងាត់បែបនេះក៏ព្រោះតែទឹកត្រី មានរសជាតិឆ្ងាញ់ដែលធ្វើឡើងដោយម្ចាស់ហាងផ្ទាល់ជាមួយរូបមន្តពិសេស ដែលធ្វើអោយស្រូបជាមួយបាញ់ស្រ៊ុង បាញ់ឆាវ បាញ់ហ៊យ ត្រូវជាតិគ្នាខ្លាំង។

ក្រៅពីបាញ់ស្រ៊ុង បាញ់ឆាវ បាញ់ហ៊យ ហាងក៏មានលក់គុយទាវកាត់ គួង ឆៃយ៉ យ៉ាងឈ្ងុយឆ្ងាញ់ផងដែរ។ សម្រាប់អ្នកដែលមកញ៊ាំកុំរំលងបាញ់ស្រ៊ុង បាញ់ឆាវអោយសោះ ព្រោះពីរមុខនេះគឺលក់ដាច់ជាងគេប្រចាំហាងហើយអ្នកណាៗមកក៏ញ៊ាំ ២មុខនេះដែរ។ ក្នុងមួយថ្ងៃគាត់លក់បាញ់ស្រ៊ុង អស់៤០គីឡូឯណោះ បើបាញ់ឆែវវិញម្សៅអស់៣ធុង មិនតិចឯណា ចឹង ពេលបានមកហើយតែមិនបានញ៊ាំប្រយ័ត្នស្ដាយក្រោយ?៕

ហាង ចែស្រីបាញ់ស៊្រុង បាញ់ឆែវឆ្ងាញ់
លេខទូរសព្ទ៖ 012 23 75 89 / 070 88 10 18
ទីតាំង៖ ផ្ទះលេខ៩៤ ផ្លូវ១០៧ ផ្លូវសុកហុក

វីដេអូ៖

គ្រឿងផ្សំ

គ្រឿងបុក កន្ទុយហេស ចង់ចេះធ្វើទេ ងាយស្រួលណាស់ ÷
– ត្រីឆ្អើរ (៤ចង្កាក់)
– ស្ករត្នោត (១ស្លាបព្រាបាយ)
– ប្រហុកគ្មានជាតិគីមី – ធម្មជាតិ (ត្រី៧ចង្វារ)
– ម្ទេសក្រហម (៥០គ្រាប់) បើមិនចេះហិរ ដាក់តាមយើងញ៉ាំបាន
– ស្លឹកក្រូចសើច (២០សន្លឹក)
– ខ្ទឹម (៣ដុំ)
– រំដេង (១ដុំ)
– ម្សៅស៊ុប ជំនួសប៊ីចេង (១ស្លាបព្រាកាហ្វេកន្លះ)

របៀបធ្វើ

– បុកត្រីឆ្អើអោយម៉ត់ ទុកមួយឡែក
– ចិញ្ច្រាំប្រហុកអោយម៉ត់ រួចឆាជាមួយប្រេង អោយហួតទឹក
– ម្ទេស ស្លឹកក្រូចសើច បំពងអោយស្រគាំ
– បកខ្ទឹមសរតិចៗកុំអោយអស់សំបង រួចបុកជាមួយម្ទេស ដែលបំពងរួច បុកម៉ត់ហើយ ដាក់ត្រីឆ្អើ ដែលបុករួច ចូលក្នុងត្បាល់ បុកប្រហុកឆា អំពិលទាំងគ្រាប់ បន្ទាប់មកទៀតដាក់គ្រឿង ស្ករត្នោត រំដេងហាន់អោយល្អិត និង ម្សៅស៊ុប១ស្លាបព្រាកាហ្វេកន្លះ ជាចុងក្រោយ បំពងស្លឹកក្រូចសើចស្រគាំ ដាក់ចូលជាមួយគ្នា រួចជាស្រេច ។

មិនសាកប្រហែលជាគេងនៅផ្ទះមិនសុខទេ បើទំនងម្លឹងៗ ទឹកកកឈូសផ្លែប័រ ផ្លែធុរេន Menu ប្រចាំ ហាង ម៉ូតូកាហ្វេ ដែលលក់ដាច់បំផុតក៏ព្រោះតម្លៃ រសជាតិ ពិសេសនោះគឺស៊េរីភាពក្នុងការញ៉ាំជុំគ្នា ដោយអ្នកអាចញ៉ាំមួយជុំគ្នាបាន ៣ ទៅ៤នាក់ឯណោះ។

ណ្ហើយ មិនមកកើតដែរហ៎ បើផ្លែប័រមានរសជាតិឆ្ងាញ់ សាច់លឿងល្អ ដូចផ្លែល្ពៅអញ្ជឹង គឺថាស្អិតល្មួតតែម្តង ហើយយកមកដាក់ជាមួយទឹកកកឈូសត្រជាក់ រួចស្រោចទឹកស្ករត្នោតខ្មែរដ៏ឈ្ងុយ ប្រចាំហាងទៀតនោះ និយាយពីឆ្ងាញ់តិចអី។ ឯធុរេន ក៏ពិសេសមិនធម្មតាបានញ៊ាំហើយដឹងតែលិឍមាត់ជក់មាត់ជីបៗហ្មង។

បើពិសេសចឹងៗហើយ នៅចាំអីទៀត បបួលគ្នាមកលឿនមកណា បន្ថែមពីលើនេះទៅទៀត សម្រាប់ហាងម៉ូតូកាហ្វេក៏បានបន្ថែមនូវ មុខម្ហូប ជាអាហារសម្រន់ ជាច្រើនមុខថែមទៀតផង សម្រាប់បំពេញតម្រូវការអតិថិជនរបស់ខ្លួន៕

ហាង ម៉ូតូកាហ្វេ
លេខទូរសព្ទ៖ 023 217 453
ទីតាំង៖ ផ្លូវ៤០២កែង ផ្លូវ១៨៥ ទល់មុខសាលាAISអាគារពណ៌ស ក្បែរ វិទ្យាស្ថានវ៉ាន់ដាគណនេយ្យ

វីដេអូ៖

គ្រឿងផ្សំ

– សណ្ដែកខៀវ(យកសំបកចេញ)កន្លះគីឡូ
-ខ្ទិះដូង (យកទាំងក្បាលខ្ទិះ និង ចុងខ្ទិះ ១,៥លីត្រ
-ស្លឹកតើយ ១៥សន្លឹក (កិនលាយជាមួយនឹងទឹក​ រួចពូតត្រងយកទឹក១,៥លីត្រ។
-ស្ករស ៥ខាំ , អំបិល១,៥ស្លាបព្រាកាហ្វេ។
(បើបងប្អូនមិនចូលចិត្តផ្អែមដាក់ស្ករសតែ ៣ខាំបានហើយ)

វិធីធ្វើ

១. យកសណ្តែកបាយ ត្រាំទឹកចោលឱ្យរីក(រយៈពេលត្រាំប្រហែល៣ម៉) រួចលាងឱ្យស្អាត បន្ទាប់មកយកវាមកចំហុយ ឬ ដាំឱ្យឆ្អិន(ទុកវាឱ្យត្រជាក់)។
២. យកទឹកដែលចម្រាញ់ចេញពីស្លឹកតើយ ឬ ខ្ទិះដូងក៏បានលាយជាមួយនឹងសណ្ដែកឆ្អិន កិនក្រឡុកវាកុំឱ្យម៉ត់ខ្លាំងពេក។
៣. ចាក់ល្បាយទាំងអស់លាយបញ្ចូលគ្នាទៅក្នុងឆ្នាំង បន្ទាប់មកបេីកភ្លេីង​មធ្យម រួចកូរអេាយសព្វ​ រហូតទាល់តែពុះ​។
ទុកវាឱ្យត្រជាក់ល្មម ទើបដួសដាក់កែវឬ ច្រកចូលដបជាការស្រេច៕
ប្រិយមិត្តអាចបន្ថែម ឬ បន្ថយគ្រឿងផ្សំរសជាតិទៅតាមចំណង់ ចំណូលចិត្តរៀងៗខ្លួន។
៚ដោយបំណងល្អពី ម៉ែអូនរាជ