និយាយដល់បង្កងយក្ស ក្ដាមយក្ស មិនថាតែអ្នកដែលចូលចិត្តញ៊ាំគ្រឿងសមុទ្រទេ ដែលរំជើបរំជួលអារម្មណ៍ចង់ញ៊ាំ សូម្បីតែអ្នកមិនចូលចិត្តញ៊ាំក៏ក្នុងចិត្តនឹកចង់ភ្លក្សអោយបានស្គាល់រសជាតិដែរផងមិនដឹង ព្រោះថាធំៗមើលទៅសែនទំនងសឹងអីហ្នឹង អ្នកខ្លះគ្រាន់តែឃើញញ្ញាណស្រមើសមៃនឹកដល់រសជាតិផងមិនដឹង។

មិនបាច់និយាយអីវែងឆ្ងាយទេ ព្រោះថារាល់ដងគ្រាន់តែយើងញ៊ាំគ្រឿងសមុទ្រតូចៗធម្មតាផង ឆ្ងាញ់សឹងអីចុះទម្រាំតែខ្នាតយក្សបែបនេះទៀត រសជាតិកប់យ៉ាងណាទៅ។ Admin ភ្លក្សបានម្ដងហើយនៅហាង BEST FOOD​(ទីតាំងចុចទីនេះ) ទាំងអាំង ទាំងចំហុយ គឺថាពិតជាឆ្ងាញ់ពិតមែនសាច់បង្កង និងក្ដាមឡើងណែនហ្មងហើយ ជាពិសេសជ្រលក់ជាមួយទឹកត្រីកោះកុងហិរៗប្រចាំហាងទៀត រសជាតិពិតជាពិបាកនឹងថ្លែងឆ្ងាញ់ហួសការគិត។

ណ្ហើយ របស់ឆ្ងាញ់បែបនេះគួរតែសន្សំលុយសាកអោយបានស្គាល់រសជាតិម្ដងមែនតើ ថ្វីត្បិតតែថ្លៃបន្តិចមែន ប៉ុន្តែសាកសមនឹងរសជាតិក៏ដូចជារសជាតិរបស់វាណាស់ ម៉ោះបើសិនជាចាប់អារម្មណ៍អាចខលកុម្ម៉ងតាមរយៈលេខ 069 41 41 44 / 061 41 41 44 ចង់អាំងចង់ចំហុយមួយណាក៏បានBEST FOOD​ រៀបចំអោយបានមួយកំប្លេ៕

របៀបធ្វើជ្រកត្រកួន​ចំណាយអស់លុយតិចមែន គ្រឿងផ្សំមិនច្រើនទេ ហើយអាចទុកញ៊ាំបានយូរទៀតផង សម្រាប់បងៗដែលតែងតែខ្ចប់បាយយកទៅញ៊ាំកន្លែងធ្វើការ គួរសាកល្បងរៀនធ្វើ អាចយកទៅញ៊ាំបានម្តងម្កាល មិនសូវចំណាយលុយទិញគេ។

គ្រឿងផ្សំ

– ត្រកួនស្រស់ ៣០០ ក្រាម
– ការ៉ុតមួយមើមតូច
– អំបិល​មួយចុង​ស្លា​ព្រា​កាហ្វេ
– ក្រូច​ឆ្មា
– ខ្ទឹម​ក្រហម ២មើម
– ខ្ទឹម​ស ៣ទៅ៤កម្ពឹស
– ប៊ីចេង​កន្លះស្លាព្រាកា្វហ្វេ
– ស្ករសមួយស្លា​ព្រាកា​ហ្វេ

វិធីធ្វើ

១. ជា​ដំ​បូង​អ្នក​ត្រូវ​យក​ត្រកួន​មក​ស្រុះ​វា​ឱ្យ​ទន់​ជាមុន​សិន​​បន្ទាប់​មក​ធ្វើ​ការ​កាត់​រឺ​សាប់​វា​ឱ្យ​ទៅ​ជា​សរសៃ​ក៏បាន​។ បន្ទាប់​​មក​ទៀត​ត្រូវ​កោស​សំបក​ការ៉ុត នឹង​លាង​ទឹក​ឱ្យ​ស្អាត បន្ទាប់​​មក​​កាត់​វា​ជា​កង់​ៗ ​ប្រវែង ២ ទៅ ៣ ត្នាំងដៃ រួច​ហើយធ្វើ​ការ​​ឈូស​វាជា​​សរសៃ​ទុក​មួយ​អន្លើ។
២. ជា​បន្តរ​មក​ទៀត​អ្នក​ត្រូវ​ហាន់​ខ្ទឹមក្រហម​ជា​បន្ទះ​ស្តើង​ៗ​នឹង​ចិញ្ច្រាំ​ខ្ទឹម​ស។
៣. យក​ត្រ​កួន​​ការ៉ុត​ ខ្ទឹម​ស​ចិញ្ច្រាំ​​នឹង​ខ្ទឹម​ក្រហម​មក​​​លាយ​​​បញ្ចូល​​គ្នា​រួច​​​បន្ថែម​អំបិល​​មួយចុង​ស្លា​ព្រា​កាហ្វេ,ប៊ីចេង​​កន្លះ​​ស្លា​ព្រាកាហ្វេ, ស្ករសមួយស្លា​ព្រាកា​ហ្វេ​,ច្រ​បល់​គ្នា​​ឱ្យ​សព្វ​ចូល​គ្នា​​ជា​បន្ត​​មកទៀត​​បន្ថែម​ក្រូច​ឆ្មា​ចូល​កូរ​ឱ្យ​សព្វ​ភ្លក់​មើល​​ជួ​ល្មមតាម​​ចំណូលចិត្ត​អ្នក​។​
៤. អ្នក​​អាច​ទុក​​មួយ​ស្របក់​ដើម្បី​ឱ្យ​ជាតិ​​ជូ​ចូល​​គ្នា​សព្វ​រឺ​អាច​ដាក់​ក្នុង​​កែវ​​គ្រប​​ឱ្យ​ជិត​ទុក​ក្នុង​ទូ​ទឹក​កក​​ទុក​បាន​​យូ៕

ប្រភព៖ Lalinn like Cooking & Share

សម្រាប់បងប្អូនដែលមិនទាន់រកម្ហូបញ៊ាំបាយឃើញ ហើយមិនទាន់ចេះចម្អិនម្ហូបឆារថ្លើមខ្ទឹមលីង អាចសាកល្បងបាន។

គ្រឿងផ្សំ

_ ថ្លើម500ក្រាមលាងទឹកអោយស្អាតល្អហាន់ស្ដើងៗ
_ ខ្ទឹមស ចិញ្រ្ចាំអោយម៉ដ្ឋ១កូនចាន
_ ស្ករស
_ ប្រេងខ្យង
_ ទឹកត្រី
_ ម្រេចម៉ដ្ឋ ២ស្លាបព្រាកាហ្វេ
_ ស្លឹកខ្ទឹម2ដើម
_ អំបិលម៉ដ្ឋ១ចិប
_ ប្រេងឆារ
អាចប្រើម្សៅរ៉តឌីក៍បាន

វិធីធ្វើ

_ ដាក់ខ្ទះចាក់ប្រេងឆារបំពងខ្ទឹមអោយក្រហមល្អ ដួសទុកមួយអន្លើសិន។
_ ដាក់អំបិល១ចិបចូល សិមចាក់ថ្លើមចូល ធ្វើដូចនេះអត់ផ្ទុះខ្ទាតខ្លាញ់ បន្ទាប់មកចាប់ផ្ដើមបង់គ្រឿងចូល ប្រេងខ្យង, ទឹកត្រី, ស្ករស ឬ ប្រើម្សៅរ៉តឌីក៍បាន ឆារល្មមថ្លើមឆ្អិនល្អហើយ ដួសដាក់ចាន រោយខ្ទឹមបំពងនិងស្លឹកខ្ទឹម ជាការស្រេច។

ជារៀងរាល់ចុងសប្ដាហ៍អ្នកណាខ្លះ តែងតែមានគម្រោងនាំគ្រួសារ រឺណាត់មិត្តភក្ដិចេញទៅញ៊ាំអាហារនៅខាងក្រៅ? សម្រាប់អ្នកដែលចូលចិត្តបែបនេះច្បាស់ជាចង់ស្គាល់កន្លែងដែលមានបរិយាកាសល្អ មានការរចនាដែលប្លែកទាក់ភ្នែកប្លែកអារម្មណ៍ និងផ្ដោតសំខាន់ខ្លាំងជាងគេនោះគឺសេវាកម្ម និងរសជាតិម្ហូបហើយមែនអត់ ព្រោះថាមានអ្វីទាំងអស់នេះល្អទើបបានទៅហើយមិនស្ដាយលុយ។

ម៉ោះ សម្រាប់អ្នកមិនចង់ទៅណាឆ្ងាយ សាកសម្លឹងមកមើលហាងថ្មីមួយនៅលើដីទីក្រុងរណបជ្រោយចង្វារបន្តិចមើល៎នោះគឺហាង ស៊ុបគោខ្មែរ ស៊ុបម្រះសៀមរាប (ទីតាំងចុចទីនេះ)ព្រោះថាហាងនេះមានទីតាំងធំទូលាយ ទាំងខាងក្នុង និងខាងក្រៅ មានខ្យល់ធម្មជាតិបក់មករំភើយៗនាពេលរសៀល ធ្វើអោយអ្នកដែលអង្គុយទទួលទានអាហារមានអារម្មណ៍ថាស្រស់ស្រាយ។ រីឯការរចនាក៏ក្នុងហាងក៏មានលក្ខណៈបែបខ្មែរ ខុសប្លែកពីហាងគេដ៏ទៃដោយមានការច្នៃដំបូលប្រក់ស្លឹក ជួយកាត់បន្ថយកម្ដៅបានមួយកម្រិតទៀត។

ចំពោះអ្នកដែលធ្លាប់បានមកញ៊ាំច្បាស់ជាបានដឹងជាមួយសេវាកម្មដ៏ល្អ ផ្គាប់ចិត្តអតិថិជនមិនអោយទាស់ចិត្ត រួមជាមួយរសជាតិម្ហូបដ៏មានរសជាតិជាពិសេសមុខម្ហូបប្រចាំហាងនោះគឺ ស៊ុបគោខ្មែរ, ស៊ុបម្រះសៀមរាប និងសាច់អាំងថ្មភ្នំភ្លើង ដែលមុខម្ហូបទាំង៣នេះអ្នកទាំងអស់គ្នាគួរតែសាក។ ចាប់អារម្មណ៍អ្វីទាំងអស់នេះកុំភ្លេចមកសាកទាំងអស់គ្នាណា ទីតាំងល្អកៀកក្រុងផងនៅចាំអីទៀត៕

លតឆា និងនំគូឆាយរសជាតិ ដើម តាំងពីឆ្នាំ ១៩៩៣ ធ្វើឡើងពីអង្ករខ្សាយសុទ្ធ លក្ខណះគ្រួសារ មិនមានបន្ថែមសារជាតិគីមី មិនផ្ទុកសារធាតុរក្សាទុក បានយូរ ឬស្វិត ហើយថែមទាំង មានរសជាតិឆ្ងាញ់ ផ្ដោតសំខាន់លើសុខភាពអ្នកញ៉ាំជាចម្បងថែមទៀតផង។

សម្រាប់អ្នកនៅម្ដុំដេអិន ច្បាស់ជាបានស្គាល់ច្បាស់ណាស់នៅកន្លែងលក់លតឆា នំគូឆាយមួយកន្លែងនេះ មិនត្រឹមតែផ្ដល់ជូននូវលតឆា នំគូឆាយមានរសជាតិឆ្ងាញ់ប៉ុណ្ណោះទេ ថែមទាំងគិតគូពីសុខភាពរបស់អ្នកញ៉ាំទៀតផង ព្រោះអីលតឆារបស់ផ្ទះលតឆា នំគូឆាយ តែងតែធ្វើលតថ្មីៗជារៀងរាល់ថ្ងៃដោយអង្ករខ្សាយសុទ្ធ ១០០% មិនមានផ្ទុកសារធាតុគីមី សម្រាប់ទុកអោយបានយូរ ឫស្វិតនោះទេ។

ដើម្បីបន្ថែមរសជាតិ ផ្ទះលតឆា នំគូឆាយ បានបង្កើតរូបមន្តទឹកត្រីពិសេស ប្រើប្រាស់ស្ករត្នោត និងគ្រឿងទេសក្នុងស្រុកមិនប្រើ មេទឹកខ្មេះ ជំនួសមកវិញដោយ ទឹកខ្មេះ ស្តរត្នោត ដែលធ្វើខ្លួនឯង ជាហេតុដែលធ្វើអោយទឹកជ្រលក់មានលក្ខណៈខាប់ខុសពីគេ។ នៅទីនោះក៏មានលតឆាបន្លែ លតឆាលាយ ពងមាន់ សាច់គោ ប៉ាត់តេ នំគូឆាយ តាមការកម្មង់របស់លោកអ្នក។ មិនចាំបាច់ចាំដល់ល្ងាចទេ ព្រោះអីនៅទីនេះមានលក់តាំងពីម៉ោង ១១ថ្ងៃ ដល់ ម៉ោង ៩​ យប់ ចឹងចាំអង្កាលទៀត?

ហាង ផ្ទះលតឆា នំគូឆាយ
លេខទូរសព្ទ៖ 096 83 49 472 | 012 542 562
ទីតាំង៖​ផ្លូវ ១១២ ផ្ទះលេខ ១១C សង្កាត់ផ្សារដេប៉ូ២ ខណ្ឌទួលគោក ជិតសាលាបញ្ញាសាស្រ្តដេអិន

វីដេអូ៖