Christipher Columbus (អ្នកដែលរកឃើញទ្វីបអាមេរិកមុនដំបូងគេបង្អស់) ចូលចិត្តញ៉ាំល្ហុងណាស់។ ហើយបើក្រឡេកមើលសារប្រយោជន៍វិញ វាជួយដល់រាងកាយមនុស្សបានច្រើនណាស់។ វាមានរសជាតិឆ្ងាញ់ បើញ៉ាំម្តងក្នុង ១ សប្តាហ៍ទៀត រឹតតែល្អចំពោះសុខភាព។
១. ជួយបញ្ចុះកូលេស្តេរ៉ុល
ល្ហុងសម្បូរជាតិកាកសរសៃ ដែលជួយបញ្ចុះកូលេស្តេរ៉ុល ក្រៅពីនេះ សារធាតុប្រឆាំងអុកស៊ីតកម្ម និង វីតាមីនរបស់វា ជួយការពារជំងឺបេះដូងបាន។
២. ជួយកម្ចាត់សត្វល្អិត និងបារ៉ាសិត
សត្វល្អិត និងបារ៉ាសិតអាចបង្កគ្រោះថ្នាក់ដល់រាងកាយយើងបាន។ ល្ហុងអាចសម្លាប់ពពួកបារ៉ាសិត ពីរាងកាយយើងបានដោយកម្ទេចពងរបស់វា។ គ្រាប់ល្ហុងក៏ជួយបានច្រើនដែរ។
៣. កាត់បន្ថយការរលាក
ល្ហុងមានសារធាតុប្រឆាំងនឹងការរលាក។ វាពិតជាមានប្រយោជន៍ណាស់ ក្នុងការប្រឆាំងនឹងស្បែករលាក និងរលាកសន្លាក់ជាដើម។
៤. ជួយពង្រឹងប្រព័ន្ធភាពស៊ាំ
ផ្លែឈើទាំងនេះមានវីតាមីន A និង C ដែលជាសារធាតុចិញ្ចឹមដែលប្រព័ន្ធភាពស៊ាំត្រូវការ។ វាល្អសម្រាប់រាងកាយ និងជួយឲ្យប្រព័ន្ធការពារដំណើរការល្អ។
៥. ការពារភាពចាស់
សារធាតុចិញ្ចឹមក្នុងល្ហុងដែលយើងបានបញ្ជាក់ពីដំបូង អាចជួយការពារភាពចាស់បាន ដូចជាវីតាមីន C និង E និងសារធាតុប្រឆាំងអុកស៊ីតកម្ម។ វាការពារស្បែកពីរ៉ាឌីកាល់សេរី ការបំផ្លាញពីព្រះអាទិត្យ និង ស្នាមជ្រួញ។
៦. ជាជួយកាត់បន្ថយសម្ពាធក្នុងឈាម
រឿងនេះអាចកើតឡើងបាន ត្រូវអរគុណដល់សារធាតុ Carpanine ក្នុងល្ហុង ដែលជួយកាត់បន្ថយសម្ពាធឈាម។
៧. កាត់បន្ថយស្ត្រេស
វីតាមីន C ក្នុងល្ហុង អាចកាត់បន្ថយស្ត្រេសបាន យោងតាមការស្រាវជ្រាវ បានធ្វើឡើងក្នុង សាកលវិទ្យាល័យ Alabama។