កញ្ញាលី ឌីណា កាលពីពេល ថ្មីៗកន្លងមកនិយាយថា នាងពិតជាឆ្ងល់មិនដឹងជាមានមូលហេតុអ្វីទេ រៀងរាល់ថ្ងៃសីលនាងទៅបន់នៅតាមទីអារាមណាមួយ ឬនៅព្រះអង្គដងកើ ដឹងតែមានអ្វីចម្លែកធ្វើឲ្យចេះតែចង់លើកដៃរាំពត់ពេនតាមចង្វាក់ភ្លេងពិណពាណ្យ ហើយញឹកញាប់សូម្បីតែទៅតំបន់ប្រាសាទនានាក្នុងខេត្តសៀមរាបក៏បារមីតាមចូលដែរ។ ទៅមុខទៀតមិនដឹងថារូបនាងក្លាយជាអ្វីទេ ។ រាល់ថ្ងៃមិនដែលឃើញអ្វីនៅពេលថ្ងៃទេ គ្រាន់តែចំណាំមើលរាល់ថ្ងៃសីល គឺយល់សប្តិឃើញព្រះនាងរាំស្លៀកពាក់បុរាណ ប្រដាប់គ្រឿងលម្អស្អាតទៀងពេលណាស់ ទើបគិតថាគេចង់មានបំណងជាមួយហើយ។
ក្រោយពេលឲ្យគ្រូមើលរួចមកគេឲ្យនាងឌី លីណា រៀបចំគ្រឿងតង្វាយសម្លៀកបំពាក់បុរាណ ដើម្បីថ្វាយបារមីទើបស្ងប់ ។ មូលហេតុទាំងអស់នេះហើយឲ្យតែនាងសម្តែងរឿងបែបបុរាណ មិត្តភក្តិច្រើនតែភ័យខ្លាចគ្រូចូល ធ្វើឲ្យនាងចេញក្បាច់រាំរហូតនាំគ្នាហៅនាងថា«ម៉ែគ្រូ»បារមីស្នង ។
លី ឌីណា និយាយថានាងមានវិញ្ញាណតាមថែតាំងពីមិនទាន់ប្រឡូកនៅក្នុងពិភពសិល្បៈសម្ដែងម្ល៉េះ ជាពិសេសនៅរាល់ថ្ងៃសីល និងថ្ងៃពេញបូណ៌មី ឲ្យតែនាងទៅកាន់ទីសក្ការបូជា ឬកន្លែងបន់ស្រន់ណាមួយ គឺតែងតែមានវិញ្ញាណសណ្ឋិតនៅក្នុងខ្លួននាង ធ្វើឲ្យ ម្នាក់ៗមានការភ្ញាក់ផ្អើលគ្រប់គ្នា ។ ជាក់ស្ដែងក្នុងពេលដែលនាងទៅបន់ស្រន់នៅទីសក្ការៈខាងមុខប្រាសាទអង្គរវត្ត និងនៅព្រះអង្គដង្កើ គឺមានវិញ្ញាណអ្នករបាំសណ្ឋិតក្នុងខ្លួននាងតែម្ដង។ ឲ្យតែចូលសណ្ឋិត ម្ដងៗគឺតម្រូវឲ្យនាងរាំពន់ពេននៅកណ្ដាលចំណោមមិនខ្មាសអ្នកណាទេ។ អ្វីដែលនាងក៏ចង់ស្រឡាំងកាំងចំពោះខ្លួនឯងផងដែរនោះ គឺឲ្យតែនាងចូលរួមពិធីក្រុងពលីចាប់ផ្តើមផលិតភាពយន្តដែលមានថ្វាយភ្លេងកងរំពង គឺតែងមានវិញ្ញាណអ្នករបាំសណ្ឋិតក្នុងខ្លួននាងជាប្រចាំ ។
កញ្ញាលី ឌីណា ទើបតែលេចមុខមាត់ក្នុងពិភពសិល្បៈសម្តែងចុងក្រោយនេះ ដោយនាងមានសម្រស់ល្អទាក់ទាញអ្នកដឹកនាំរឿង។ ឌីណាបានឱកាសចូលរួមសម្តែងភាពយន្តជាច្រើនរឿង ពិសេសស្នាដៃរឿងភាគលើកញ្ចក់ទូរទស្សន៍ភីអិនអិន , ស៊ីធីអិន និងប៉ុស្តិ៍លេខ៥ជាដើម ៕
ដំណឹងពីការសម្រាលកូនភ្លោះរបស់នាងលាភ ជាមួយនាយក្រឹមនាពេលនេះ មាន
ប្រិយមិត្តមួយចំនួន បានសម្តែងការសាទរ ប៉ុន្តែទន្ទឹមនោះ សម្លេងនៃការរិះគន់ក៏មានច្រើនផងដែរ។
ទាក់ទងបញ្ហានេះ កោះសន្តិភាពមិនអាចសុំការបកស្រាយណាមួយពីនាយក្រឹមបានឡើយ នាថ្ងៃទី២៤ វិច្ឆិកា នេះ ដោយសារទូរស័ព្ទខលចូល តែមិនមានអ្នកលើក ។
លោកសួស សងវាចា បានអះអាងប្រាប់កោះសន្តិភាពតាមទូរស័ព្ទកាលពីថ្ងៃទី២០ ខែវិច្ឆិកា ២០១៧ថា បច្ចុប្បន្នអាការជំងឺរបស់លោកនៅតែបន្តការព្យាបាលទៅតាមវេជ្ជបញ្ជានៅឡើយ ។ បើទោះបីជាពេលនេះលោកកំពុងសម្រាកព្យាបាលនៅគេហដ្ឋានក្នុងសង្កាត់ពងទឹក រាជធានីភ្នំពេញក៏ដោយ ប៉ុន្តែលោកនៅតែទៅជួបគ្រូពេទ្យតាមកាលកំណត់ នៅពេលដែលអាការជំងឺធ្វើទុក្ខ ម្តងៗ ។
លោកសួស សងវាចា ចាប់ផ្តើមពើបប្រទះជំងឺលើសជាតិស្ករ និងឈាម ក្នុងអំឡុងឆ្នាំ២០១៥ ដែលគិតមកដល់ពេលនេះមានរយៈពេលជាង២ឆ្នាំមកហើយ ។ ជំងឺមួយនេះធ្វើឲ្យលោកឃ្លាតឆ្ងាយទាំងស្រុងពីអាជីពចម្រៀង ។ជំងឺលើសឈាមបានធ្វើឲ្យលោកដួលសន្លប់ និងត្រូវក្រុមគ្រូសារដឹកយកទៅសង្គ្រោះបន្ទាន់ ។
បើទោះបីជាលោកអាចឆ្លងផុតពីគ្រោះថ្នាក់ដល់អាយុជីវិតក៏ដោយ ប៉ុន្តែលោកសួស សងវាចា បានបាត់បង់កាយសម្បទាមួយចំហៀងខ្លួន ពោលគឺមិនអាចកម្រើកបាន ក្នុងពេលដែលលោកអាចទៅណាបានលុះត្រាតែមានអ្នកគ្រា ឬរទេះរុញ ។
ក្នុងវ័យជាង៥០ឆ្នាំលោកសួស សងវាចា បានសម្តែងការតូចចិត្តដែលជំងឺដ៏កាចសាហាវយាយីដល់អាជីពរបស់លោក ដែលជាផ្នែកមួយដ៏សំខាន់នៃប្រភពចំណូលសម្រាប់ផ្គត់ផ្គង់គ្រួសារ ។
លោកសួស សងវាចា និយាយថា «ខ្ញុំពិតជាមានការសោកស្តាយយ៉ាងខ្លាំងដែលបាត់បង់អាជីពចម្រៀង ក្នុងពេលដែលខ្ញុំនៅមានកម្លាំងសម្រាប់បន្តអាជីពមួយនេះទៀត ។ បើទោះបីជាពេលនេះខ្ញុំអាចនិយាយបាន តែនៅតែគ្មានសង្ឃឹមនឹងបានវិលមកកាន់ក្បាលមេក្រូច្រៀងបន្តទៀតឡើយ ដោយសារតែអាការជំងឺរបស់ខ្ញុំគឺទាមទារឲ្យមានការសម្រាលព្យាបាលរយៈពេលយូរ »។
ក្នុងនាមជាអ្នកសិល្បៈមួយរូបលោកសួស សងវាចា មិនមានកូន ឬសាច់សាលោកហិតណាម្នាក់អាចទទួលបទពិសោធន៍ និងចំណេះដឹងផ្នែកចម្រៀងពីលោកទេ ខណៈពេលដែលលោកក៏មិនមានបំណងផ្ទេរចំណេះដឹងនេះទៅអ្នកណាម្នាក់ដែរ ។ កត្តានេះត្រូវលោកសួស សងវាចា បញ្ជាក់ថា ក្មេងៗយុវវ័យសម័យនេះហាក់ពេញនិយមខ្លាំងទៅលើបទចម្រៀង ថ្មីៗបែបទំនើប ចំណែកបទចម្រៀងពីដើមហាក់មិនសូវចាប់អារម្មណ៍ទេ ។
ហេតុនេះលោកចង់ឲ្យសាច់សាលោហិតរបស់លោកចាប់យកការសិក្សាចំណេះទូទៅឲ្យបានច្រើនជាងការចាប់យកអាជីពចម្រៀងបែបសម័យដើមដែលមិនសូវមានការពេញនិយម និងមិនសូវមានទីផ្សារសម្រាប់រកចំណូល ៕
លោកពេជ្រ កែវមុនី និងភរិយា បានជួបសំណះសំណាល សាកសួរសុខទុក្ខ តារាសម្តែង ពេជ្រ ចរណៃ ទាំងយប់ក្រោយពីទទួលដំណឹងថានាងបានធ្វើដំណើរវិលមកសម្រាកព្យាបាលជំងឺនៅប្រទេសកម្ពុជាវិញ។ លោកអភិបាលខណ្ឌ បានលើកទឹកចិត្ត និងជំរុញឲ្យនាង និងក្រុមគ្រួសារត្រូវតស៊ូព្យាយាមជម្នះរាល់ការលំបាកនានា និងថែរក្សាសុខភាពឲ្យបានល្អ ។
នៅថ្ងៃដដែលនោះដែរលោកអភិបាលខណ្ឌ មានជ័យ និងភរិយា បានជួបជាមួយអ្នកនាងប៉េងប៉ោង ដើម្បីផ្តាំសាកសួរសុខទុក្ខនាយវីតាមីនសេ ជាឪពុករបស់នាងដែលកំពុងសម្រាកព្យាបាលនៅប្រទេសថៃ ។
នាយវីតាមីនសេ មានជំងឺធ្វើទុក្ខច្រើនថ្ងៃមកហើយ គឺជំងឺដុះដុំសាច់ក្នុងថ្លើម និងមានជំងឺដំបៅក្រពះផង បន្ថែមពីលើជំងឺលើសឈាម និងទឹកនោមផ្អែម ។
លោកអភិបាលខណ្ឌបានផ្តាំផ្ញើសាកសួរសុខទុក្ខ ដល់នាយវីតាមីនសេ និងលើកទឹកចិត្តឲ្យក្រុមគ្រួសារបន្តព្យាយាមជួយនាយវីតាមីនសេឲ្យអស់ពីលទ្ធភាព ។
លោកពេជ្រ កែវមុន្នី និងភរិយា បានប្រគល់ជូនប្រាក់មួយចំនួនជូនដល់អ្នកនាងប៉េង ប៉ោង ដើម្បីបន្តជួយសម្រួលចំពោះបញ្ហាលំបាកចំពោះមុខ ហើយបើទោះបីជាមិនច្រើនក្តី ជាការរួមចំណែកលើកទឹកចិត្តដល់ក្រុមគ្រួសារសិល្បករ ពិសេសនាយវីតាមីនសេដែលកន្លងមកបានចូលរួមសកម្មភាពសិល្បៈជួយដល់សង្គមជាច្រើនដែរ ។
ក្រៅពីលោកអភិបាលខណ្ឌមានជ័យ មានសិល្បករមួយចំនួនដូចជាលោកអ៊ឹម ជីវ៉ា កញ្ញា នីតា តារាចម្រៀងត្រកូលឱក ជាដើម បានចូលរួមសាកសួរសុខទុក្ខ លើកទឹកចិត្ត និងផ្តល់ប្រាក់ផ្ទាល់ខ្លួនជាការចែករំលែកទុក្ខលំបាកអ្នកសិល្បៈដូចគ្នា ៕
ចំពោះពាក្យបណ្ដឹងពីលោកអ៊ឹង សូឡាង ដែលប្ដឹងទាមទារសំណងពីកូនក្ដីរបស់លោករហូតដល់១២ម៉ឺនដុល្លារនោះ លោកមេធាវីថាគឺជារឿងមួយមិនអាចទៅរួច ។ លោកមេធាវីរ៉ូ ប៊ីនណៃ ទទួលស្គាល់ថារយៈពេល៤ឆ្នាំក្នុងនាមជាគូដណ្ដឹងពិតជាមានការផ្ដល់ឱ្យគ្នាតិចតួចរឿងលុយកាក់ តែមិនដល់ថ្នាក់ជាង១២ម៉ឺនដុល្លារដូចការចោទ និងដាក់ពាក្យប្ដឹងទេ ។ លោកមានជំនឿលើតុលាការថានឹងផ្ដល់យុត្តិធម៌ជូនកូនក្ដីរបស់ខ្លួន ហើយប្រសិនបើតុលាការសម្រេចឱ្យកូនក្ដីលោកឈ្នះពិតមែន លោកនឹងប្ដឹងបកទៅកាន់អតីតគូដណ្ដឹងនាងវិញពីបទធ្វើឱ្យប៉ះពាល់ និងខូចកេរ្តិ៍ឈ្មោះកូនក្ដីរបស់ខ្លួន ។
កញ្ញានី មុន្នីនាថ ត្រូវចៅក្រមឈ្មោះអ៊ុក សុវណ្ណារិទ្ធ ចេញដីកាកោះហៅឲ្យចូលខ្លួនបំភ្លឺនៅសាលាដំបូងរាជធានីភ្នំពេញ នាថ្ងៃទី២២ ខែវិច្ឆិកា ឆ្នាំ២០១៧ លើករណីប្តឹងពីអតីតគូដណ្តឹងលោក អ៊ឹង សូឡាង ។ លោកអ៊ឹង សូឡាង បានប្តឹងទាមទារសំណងសរុបចំនួន១២ម៉ឺនដុល្លារ ពីកញ្ញានី មុន្នីនាថ ក្នុងនោះលោកបានទាមទារឲ្យនី មុន្នីនាថ សងប្រាក់ចំនួន៧ម៉ឺនដុល្លារ និងសំណងជំងឺចិត្តចំនួន៥ម៉ឺនដុល្លារ ៕
ការប្រកួតMiss Global International 2017 ដែលបានធ្វើឡើងនៅក្នុងប្រទេសកម្ពុជា គឺកញ្ញាតំណាងឲ្យប្រទេសកម្ពុជាបានឡើងដល់វគ្គជម្រុះសល់១១នាក់តាមរយៈការបោះឆ្នោតគាំទ្រពីអ្នកប្រើប្រព័ន្ធទូរស័ព្ទសែលខាត ។ ចុងក្រោយបំផុតនាងបានគ្រងតំណែងកិត្តិយសជា«កញ្ញាឯករបស់ក្រុមហ៊ុនហ្គេងស៍ប៊ឺក» ខណ:ដែលបេក្ខនារីតំណាងប្រទេសប្រេស៊ីល បានក្លាយជាម្ចាស់មកុដMiss Global International 2017 ។ កញ្ញាប្រេស៊ីលបានឆ្លងកាត់វគ្គជម្រុះ៦០នាក់ យក២០នាក់ មក១១នាក់ចុងក្រោយ និងជាប់ក្នុងចំណោម៥នាក់នាវគ្គផ្តាច់ព្រ័ត្រ ហើយក្លាយជាអ្នកគ្រងមកុដថ្នាក់ពិភពលោកតែម្តង ។
ម្ចាស់ជ័យលាភីបានឆ្លងសំណួរពីរដំណាក់កាល ។ វគ្គទី១វគ្គត្រឹម១១នាក់ នាងបានឆ្លើយថា ស្ត្រីក៏អាចបំពេញភារកិច្ចជូនពិភពលោក ស្ត្រីអាចមានជីវិត និងចេះដឹងដើម្បីជួយពិភពលោក ។ ចំណែកចម្លើយវគ្គទី២ក្នុងដំណាក់កាល៥នាក់ចុងក្រោយនាងបានឆ្លើយថាដើម្បីជួយបរិស្ថានគឺនាងនឹងជួយដល់ព្រៃអាម៉ាហ្សូនមុនគេដែលជាប្រទេសនាងគ្រាដែលយល់ថាព្រៃមួយនេះខូចខាតច្រើន ។
ម្ចាស់ជ័យលាភីទាំង៥នាក់រួមមាន៖ ចំណាត់ថ្នាក់លេខ១បានទៅបេក្ខនារីប្រេស៊ីល ។ លេខ២ ប្រទេសបាហាម៉ា ។ លេខ៣ប្រទេសអាឡឺម៉ង់ ។ លេខ៤ ប្រទេសសូម៉ាលីលែន។ លេខ៥ប្រទេសចិន ។
ចំពោះពានរង្វាន់ថតរូបស្អាតបានលើប្រទេសវៀតណាម ពានរង្វាន់មិត្តភាព ប្រទេសកុងហ្គោ ពានរង្វាន់ប្រជាប្រិយប្រទេសឥណ្ឌូណេស៊ី ។ បេក្ខនារីកម្ពុជាបានតំណែង«កញ្ញាឯកស្រាបៀហ្គេងស៍ប៊ឺត ។ បវរកញ្ញាចក្កវាឡកម្ពុជាគ្រងឈុតតំណាងជាតិឈ្មោះថា«មហាហង្សបាពួន» ដ៏ប្រណីតត្រៀមប្រកួតបវរកញ្ញាចក្រវាលកម្ពុជាឆ្នាំ២០១៧ កញ្ញាប៊ី សុធារី គឺជានារីកំពូលសម្រស់កម្ពុជាដំបូងគេបង្អស់ដែលបានចូលរួមការប្រកួតបវរកញ្ញាចក្រវាល ឬហៅថា Miss Universe 2017 ដែលកម្មវិធីនេះនឹងឈានដល់វគ្គផ្តាច់ព្រ័ត្រនារាត្រីថ្ងៃទី២៦ វិច្ឆិកានៅ ទីក្រុងឡាសវេហ្គាស សហរដ្ឋអាមេរិក ។
កម្មវិធី Miss Universe នេះគឺជាកម្មវិធីប្រកួតប្រជែងកំពូលសម្រស់ដ៏មានកិត្យានុភាពបំផុតរបស់ពិភពលោក ហើយវាគឺជាឱកាសដ៏សំខាន់មួយដែលកញ្ញាប៊ី សុធារី ក្លាយជានារីទីមួយរបស់កម្ពុជា ដែលនឹងមានឱកាសនាំជូនប្រទេសរបស់ខ្លួននូវកេរ្តិ៍ឈ្មោះដែលនាងចង់បានបំផុត នោះគឺជាបវរកញ្ញាចក្រវាល ។
ឈុតតំណាងជាតិដែលកញ្ញាប៊ី សុធារី នឹងគ្រងបង្ហាញលើឆាកអន្តរជាតិនេះរចនាឡើងយ៉ាងស្រស់ស្អាត ទាក់ទាញ និយាយរួមគឺស្អាតកប់តែម្តង ។ ឈុតតំណាងជាតិកម្ពុជាសម្រាប់ការប្រកួតបវរកញ្ញាចក្រវាលនេះមានឈ្មោះថា «មហាហង្សបាពួន» ។
«មហាហង្ស» គឺជាឈ្មោះបក្សីមាសដ៏ពិសិដ្ឋដែលតំណាងឱ្យទ្រព្យសម្បត្តិ មាសពេជ្រកែវពិទូសូរ្យកាន ឬក៏រតនវត្ថុដែលមនុស្សគ្រប់គ្នាប្រាថ្នា ។ ប្រាសាទបាពួន គឺជាឈ្មោះប្រាសាទខ្មែរដ៏ល្បីល្បាញដែលបានកសាងឡើងនៅពាក់កណ្តាលសតវត្សទី១១ ក្នុងរជ្ជកាលព្រះបាទឧទយាទិត្យវរ្ម័នទី២ និងត្រូវបានឧទ្ទិសដល់សាសនាហិណ្ឌូ ។ សម្រាប់ការរចនាសំពត់នេះត្រូវបានបំផុសគំនិតពីសំណាកទេពអប្សរា នៃប្រាសាទនេះដោយរចនាឡើងរបៀបទំនើបកម្មនាសម័យបច្ចុប្បន្ន ។
កញ្ញាសុធារី ធ្លាប់បានធ្វើដំណើរទៅប្រទេសហ្វ៊ីលីពីន ដើម្បីហ្វឹកហាត់ជាមួយអ្នកជំនាញដើរបង្ហាញម៉ូដ អ្នកជំនាញផាត់មុខ អ្នកជំនាញនិយាយជាសាធារណៈ ដើម្បីរៀបចំរូបរាងកាយ និងអត្តចរិតរបស់នាងត្រៀមសម្រាប់សកម្មភាពរយៈពេលបីសប្ដាហ៍រហូតឈានដល់វគ្គផ្ដាច់ព្រ័ត្រនារាត្រីថ្ងៃទី២៦ វិច្ឆិកា ឆ្នាំ២០១៧នេះ ។ ផ្ទាំងទស្សនីយភាពដ៏ចែងចាំងនេះនឹងត្រូវប្រារព្ធធ្វើនៅសណ្ឋាគារ Planet Hollywood Resort & Casino នៅទីក្រុងឡាសវេហ្គាស សហរដ្ឋអាមេរិក ដែលការប្រឡងបវរកញ្ញានេះនឹងបញ្ចាំងនៅទូទាំងពិភពលោកជាមួយនឹងទស្សនិកជនទស្សនាសរុបប្រមាណ៦០០លាននាក់។
តើកញ្ញាប៊ី សុធារី ដែលតំណាងកម្ពុជា នឹងក្លាយជាបវរកញ្ញាដែលគ្រងមកុដ Miss Universe 2017 ឬទេ ?
កញ្ញាប៊ី សុធារី ដែលកំពុងស្ថិតនៅទឹកដីប្រទេសមហាអំណាចអាមេរិកបាននិយាយថានាងមានអារម្មណ៍រំភើបដែលអាចពាក់ឆៀងមានឈ្មោះថា Miss Universe Cambodia សម្រាប់ការប្រកួតកំពូលសម្រស់លើឆាកអន្តរជាតិមួយនេះ ។
កញ្ញាប៊ី សុធារី និយាយថា៖ «នៅទីបំផុតខ្ញុំបានពាក់ឆៀងបវរកញ្ញចក្រវាលផ្លូវការ ដែលមានឈ្មោះថាកម្ពុជា ។ វាជាកិត្តិយសណាស់សម្រាប់រូបនាងខ្ញុំ ដែលតំណាងឱ្យប្រទេសរបស់ខ្ញុំក្នុងការប្រកួតបវរកញ្ញាចក្រវាល (Miss Universe) ជាលើកដំបូង ។ ប៉ុន្តែវាជាកិត្ដិយសដ៏ធំធេងមួយ ក្នុងការឈរបង្ហាញខ្លួននៅលើឆាកបវរកញ្ញាចក្រវាល ដោយដឹងថាប្រទេសទាំងមូលកំពុងអបអរសាទររូបខ្ញុំ» ។
នារីឥណ្ឌាគ្រងតំណែងបវរកញ្ញាពិភពលោក2017
សារព័ត៌មានបរទេស កាលពីពេល ថ្មីៗកន្លងមកបានបង្ហាញលទ្ធផលការប្រកួតបវរកញ្ញាពិភពលោក ឬMiss World លើកទី៦៧ប្រចាំឆ្នាំ២០១៧ នៅទីក្រុងSanya ខេត្តហាយណាន ប្រទេសចិន កាលពីយប់ថ្ងៃទី១៨ វិច្ឆិកា ដោយមានបេក្ខនារីចូលរួមចំនួន១៣០ ប្រទេស ។
កញ្ញា Manushi Chhillar បវរកញ្ញាពីឥណ្ឌា អាយុ២០ឆ្នាំ ជានិស្សិតពេទ្យ នៅមហាវិទ្យាល័យក្នុងរដ្ឋ Haryana និងជាអ្នកចូលចិត្តរាំបែបប្រពៃណីជាអ្នកឈ្នះបានគ្រងមកុដបវរកញ្ញាពិភពលោកប្រចាំឆ្នាំ២០១៧ ។
ចំណែកចំណាត់ ថ្នាក់ទី២បានទៅនាង Andrea Meza ជនជាតិម៉ិកស៊ិក ។ ចំណាត់ថ្នាក់ទី៣គឺនាង Stephanie Hill ជនជាតិអង់គ្លេស ។
ជ័យជម្នះនៅឆ្នាំ២០១៧នេះធ្វើឱ្យប្រទេសឥណ្ឌាមានបវរកញ្ញាពិភពលោកដល់ទៅ៦នាក់ ស្មើនឹងប្រទេសវ៉េណេស៊ុយអេឡា ។
បវរកញ្ញាឥណ្ឌាដែលទទួលពានរង្វាន់នេះនៅក្នុងឆ្នាំ២០០០ គឺនាង Priyanka Chopra ។
ស្រីស្អាតឥណ្ឌូណេស៊ីគ្រងមកុដបវរកញ្ញាអន្តរជាតិ២០១៧ AFP កាលពីពេល ថ្មីៗកន្លងមកផ្សាយថា នាង Kevin Lilliana បវរកញ្ញាឥណ្ឌូណេស៊ីបានគ្រងមកុដបវរកញ្ញាអន្តរជាតិ ២០១៧ ឬ «Miss International 2017 » ក្នុងចំណោមបេក្ខនារីពី៧១ប្រទេសនៅលើពិភពលោកចូលរួមប្រកួត ។ ពិធីនេះបានរៀបចំឡើងជាលើកទី៥៧ នៅក្រុងតូក្យូ ប្រទេសជប៉ុន កាលពីល្ងាចថ្ងៃទី១៤ វិច្ឆិកា ២០១៧ ។
ចំណាត់ថ្នាក់ទី២ បានទៅលើបវរកញ្ញា Chanelle Wilhelmina ពីកោះគូរ៉ាកៅ ។ លំដាប់ទី៣ បានទៅស្រីស្អាតវ៉េណេស៊ុយអេឡា។ លំដាប់ទី៤ ស្រីស្អាតអូស្ត្រាលី ។ ទី៥ បានទៅលើនាង Natsuk: Tsutsui ប្រទេសជប៉ុន ។
កញ្ញា Kevin Lilliana ជាអ្នកក្រុងបានឌុង ជ្វាខាងលិច ។ នាងមានឈ្មោះ Kevin ដូចឈ្មោះបុរស ព្រោះពេលនៅក្នុងពោះឳពុកម្តាយគិតថាជាកូនប្រុស ក៏ត្រៀមដាក់ឈ្មោះបែបប្រុស ប៉ុន្តែនៅពេលសម្រាលបែរជាកូនស្រីទៅវិញ ទើបបន្ថែមឈ្មោះ Lilliana ឱ្យសមឈ្មោះជាស្រី ៕
តារាប្រុសស្រីមួយគូនេះសម្រុកផលិតចម្រៀងថ្មី ពីរោះបង្កប់ន័យគួរឲ្យទាក់ចិត្ត ។ ជួបជាមួយអ្នកយកព័ត៌មានកាលពីពេល ថ្មីៗកន្លងមកលោកឆឹម សក្កដា ដៃគូផ្អែមល្ហែមរបស់ពេជ្រ សោភា ទាំងក្រៅឆាក និងពេលសម្តែងបានឲ្យដឹងថា បើទោះជាលោកមានការពិបាកបែបណាក្តីក៏លោកគ្មានចិត្តចង់ងាកចេញ ឬដកថយឈប់ផលិតចម្រៀងថ្មី ព្រោះជាការលើកមុខមាត់ស្នាដៃចម្រៀងខ្មែរយើងកុំឲ្យប្រទេសជិតខាងគេមើលស្រាល។ ទោះជាយើងផលិតបានតិច ឬច្រើន បំណងរបស់ខ្ញុំចង់ឲ្យស្នាដៃដែលចេញដោយគំនិតកូនខ្មែរ យុវជនខ្មែរមានអ្នកគាំទ្រលើកស្ទួយ រិះគន់ស្ថាបនាកុំបង្អាប់ នោះហើយចេះតែមានទឹកចិត្តរុលទៅមុខបន្តទៀត ។ រហូតមកទល់ពេលនេះខ្ញុំ និងអ្នកនាងពេជ្រ សោភា បានរួមគ្នាផលិតចម្រៀងបានច្រើនបទមកហើយ ដោយ ថ្មីៗនេះទៀតនៅមានចម្រៀងស្នាដៃកូនខ្មែរយើងមួយចំនួនទៀតកំពុងតែត្រៀមបង្ហាញស្របពេលឥឡូវនេះចម្រៀងខ្មែរផលិតដោយកូនខ្មែរកំពុងតែពេញនិយមបើយើងចម្លងគេច្បាស់ជាយុវវ័យតាមបណ្តាញសង្គមគេតិះដៀលផ្កាប់មុខជាមិនខាន» ។
ចំណែកអ្នកនាងទូច ស្រីលក្ខណ៍និយាយថា«លំបាកណាស់ទម្រាំបានចេញផ្សាយចម្រៀងមួយបទៗ គឺត្រូវដេកទ្រាំនៅក្នុងបន្ទប់ផ្សាយបន្ទប់ថតបាត់ពេលវេលាខកខានជួបកូនជួបប្តីក៏មាន ។ ប៉ុន្តែអ្វីទាំងនេះគឺនាងខ្ញុំសប្បាយចិត្តព្រោះក្នុងនាមអ្នកសិល្បៈដែលប្រឡូកដើម្បីប្រជាជនខ្មែរត្រូវតែមានអ្វីដែលជាស្នាដៃជូនអ្នកគាំទ្របានប្លែកចិត្ត ប្លែកភ្នែកប្លែកអារម្មណ៍ ។ ជាក់ស្តែងនាងមានកម្លាំងចិត្តបានបង្កើតស្នាដៃចម្រៀងបានមួយបទទៅមួយបទពេលនេះក៏ព្រោះតែបានពុកម៉ែ បងប្អូនជាអ្នកជួយគាំទ្រស្រឡាញ់រួមគ្នាស្តាប់ ព្រោះក្រោយបង្ហាញបទនាងខ្ញុំនៅលើបណ្តាញហ្វេសប៊ុក ឬយូធូប គឺផ្ទុះការគាំទ្រតាំងពីបទទី១មក ទាំងនេះជាមូលហេតុសំខាន់ដែលខ្មែរគួរតែលើកទឹកចិត្តអ្វីដែលជារបស់ខ្មែរឲ្យបរទេសបានដឹងបន្តទៀត »។
អ្នកនាងទូច ស្រីលក្ខណ៍ បានចេញចម្រៀងនៅលើទីផ្សារ៣បទមកហើយដែលសុទ្ធសឹងតែមានការគាំទ្រ ។ បទទី១របស់នាងគឺ«សុភមង្គលមិនមែនស្ថិតនៅលើលុយតែមួយមុខ» «ភ្ជុំបិណ្ឌឆ្នាំនេះ» និងបទ«ទៅលេងបុណ្យអុំទូក» ។ ចុងក្រោយនេះទូច ស្រីលក្ខណ៍ មានបទថ្មី២ទៅ៣បទទៀតត្រៀមបង្ហាញនាពេល ឆាប់ៗខាងមុខ ៕
ទន្ទឹមនោះលោកចង់ចាប់ដៃគូច្រៀងជាមួយពេជ្រ សោភា ដើម្បីទាញសំឡេងគាំទ្រ ខណៈអ្នកគាំទ្រជាច្រើនចង់ឲ្យពួកគេចេញបទចម្រៀងឆ្លងឆ្លើយរួមគ្នា ។ លោកឆឹម សក្កដានិយាយថា «បើហង្សមាស បើកភ្លើងខៀវ ខ្ញុំ និងអ្នកនាងពេជ្រ សោភា នឹងធ្វើបទ Original song បំបែកទីផ្សារ ហើយខ្ញុំរំពឹងថា នឹងដណ្ដើមបានការគាំទ្រខ្លាំងទៀតផង ។ ចាប់តាំងពីសម្ដែងឈុតខារ៉ាអូខេ ថតភាពយន្ត និងចាប់ដៃគូច្រៀងជាមួយអ្នកនាងសោភា តាមកម្មវិធីមួយចំនួនកន្លងមកនេះ គឺស៊ីចង្វាក់គ្នាល្អ និងទទួលបានគាំទ្រគួរឲ្យកត់សម្គាល់ ដូច្នេះបើបានចេញបទស្នាដៃថ្មីរួមគ្នារួមគ្នាទៀតនោះច្បាស់ជាជួយឲ្យទីផ្សារសិល្បៈរបស់ខ្ញុំកាន់តែស្ទុះឡើងបន្ថែមទៀត» ។
ចាប់តាំងពីអ្នកនាងពេជ្រ សោភា ប្រកាសថា រវាងនាង និងលោកឆឹម សក្កដា ពិសោធន៍ចិត្តគ្នាជាគូស្នេហ៍មក គេសង្កេតឃើញទីផ្សារសិល្បៈរបស់លោកសក្កដា ស្ទុះឡើងគួរឲ្យកត់សម្គាល់ ទាំងផ្នែកសម្ដែង និងចម្រៀង ជាដើម ។ មិនត្រឹមតែប៉ុណ្ណោះ មួយរយៈចុងក្រោយនេះ គេឃើញលោកសក្កដា ឧស្សាហ៍លេចមុខច្រៀងរួមគ្នាជាមួយអ្នកនាងពេជ្រ សោភា នៅក្នុងកម្មវិធីមួយចំនួនជាបន្តបន្ទាប់ ៕
អ្នកដឹកនាំកម្មវិធីកម្សាន្ត និងជាអ្នកដឹកនាំក្រុមកំប្លែងនៅស្ថានីយទូរទស្សន៍ស៊ីធីអិនលោកសុវណ្ណ រិទ្ធី ហៅលោកតា វិចទ័រ បានទទួលស្គាល់ពីដំណឹងនៃការចាកចេញពីក្រុមកំប្លែងរបស់នាយចឺមនេះ ។ នាពេល ថ្មីៗកន្លងមកលោកបានលើកឡើងថា ការដកខ្លួនពីក្រុមកំប្លែងពីនាយចឺម នាពេលនេះគឺមិនមែនកើតឡើងដោយសារមានបញ្ហានៅក្នុងក្រុមនោះឡើយ ពោលគឺមួយរយៈនេះនាយរវល់លើការងារចម្រៀងច្រើនជាង ។
បើតាមលោកតាវិចទ័រ រហូតមកដល់ពេលនេះលោកនៅមិនទាន់ទទួលដំណឹងច្បាស់លាស់ណាមួយពីតារាកំប្លែងនាយចឺម នៅឡើយទេ ។
នាយចឺម លើកឡើងកាលពីពេល ថ្មីៗកន្លងមកថា ការចាកចេញពីក្រុមកំប្លែងនាពេលនេះ មិនមែននាយឈប់ទាំងស្រុងឡើយ ប៉ុន្តែដោយសារនាយចង់ពង្រឹងអាជីពចម្រៀងឲ្យបានរឹងមាំក្នុងផលិតកម្មសាន់ដេប៉ុណ្ណោះ ។
នាយមានថ្ងៃនេះដោយសារតែការលេងកំប្លែង ដូច្នេះនាយនឹងមិនភ្លេចកំណើតដើមនោះឡើយ ហើយបើមានឱកាសច្រើននាយនឹងនៅតែចូលរួមលេងកំប្លែងជូនទស្សនិកជនបានទស្សនាដូចមុនដដែល ។
មួយរយៈចុងក្រោយនេះកេរ្តិ៍ឈ្មោះរបស់តារាកំប្លែងដែលវិវឍ្ឍខ្លួនជាតារាចម្រៀងនាយចឺម បានសាងកេរ្តិ៍ឈ្មោះល្បីគួសមតាមរយៈបទចម្រៀងដែលកំពុងតែពេញនិយមពីយុវវ័យក្នុងផលិតកម្មសាន់ដេ ។
ទឹកដមសំឡេងរបស់នាយចឺមត្រូវបានគេវាយតម្លៃថា ល្អជាមួយនឹងបទចម្រៀងដែលត្រូវចិត្តយុវវ័យថែមទៀត ខណៈពេលដែលនាយចឺម ទំនងជាអាចជំនួសតំណែងលោកខេមរៈ សិរីមន្ត ដែលបានចាកចេញពីសាន់ដេ ទៅនៅផលិតកម្មហង្សមាសនោះ ៕
