រាជធានីភ្នំពេញ ៖ បន្ទាប់ពីចេញដីកាកោះហៅឲ្យចូលខ្លួនមកបំភ្លឺនៅតុលាការតារាសម្តែងនាង នី មុន្នីនាថ បានដាក់លិខិតស្នើសុំទៅកាន់ប្រធានសមាគមសិល្បករខ្មែរ ដើម្បីចាត់ចែងមេធាវី ជួយការពារក្តីសម្រាប់រូបនាងពីការប្តឹងរបស់អីតតគូដណ្តឹង។
លិខិតនោះបានមកដល់ដៃអ្នកនាង ចន ច័ន្ទលក្ខិណា ដែលជាប្រធានសមាគមរួចហើយ ដោយនៅក្នុងនោះសមាគមក៏ចាត់ចែងរកមេធាវីឲ្យ នី មុន្នីនាថ រួចហើយដែរ ដើម្បីការពារក្តីឲ្យតារារូបនាពេលនេះ។
បើយោងតាមពាក្យស្នើសុំរបស់ នី មុន្នីនាថ មកសមាគមសិល្បករខ្មែរបានឲ្យដឹងថា នាងសុំស្នើឱ្យជួយពឹងពាក់មេធាវីមួយរូបដើម្បីការពារក្តីឲ្យរូបនាងក្នុងវិវាទនៅតុលាការជាមួយឈ្មោះ អ៊ឹង សូឡាង។ លិខិតដដែលនោះបញ្ជាក់ថា ឈ្មោះ អ៊ឹង សូឡាង ជាអតីតគូដណ្តឹងបានប្តឹងនាងទៅកាន់សាលាដំបូងរាជធានីភ្នំពេញ ដោយអយុត្តិធម៌បំផុត តាមពាក្យបណ្តឹងចុះថ្ងៃទី២៨ កញ្ញា ឆ្នាំ២០១៧។ ហើយការស្នើសុំមេធាវីនាពេលនេះធ្វើឡើងដោយសារតែនាងមិនសូវយល់ពីបញ្ហាច្បាប់ និងនិតិវិធីនៅតុលាការ ដើម្បីការពារក្តី រួមនឹងការពារផលប្រយោជន៍ស្របច្បាប់ដល់រូបនាងលើសំណុំរឿងមួយនេះ។
តារាសម្ដែងទឹកភ្នែក នី មុន្នីនាថ ត្រូវបានសាលាដំបូងរាជធានីភ្នំពេញចេញលិខិតកោះហៅឲ្យចូលខ្លួនមកបំភ្លឺពាក់ព័ន្ធទៅនឹងពាក្យបណ្តឹងរបស់អតីតគូស្នេហ៍លោក អ៊ឹង សូឡាង តាមដីកាកោះរបស់ចៅក្រម អ៊ុក សុវណ្ណារិទ្ធ នៅម៉ោង២និង៣០រសៀល ថ្ងៃទី២២ ខែវិច្ឆិកា ឆ្នាំ២០១៧ ខាងមុខនេះ។ យ៉ាងណាក៏ដោយ យោងតាមលិខិតកោះហៅនោះបានឲ្យដឹងថា ការចូលខ្លួនតាមដីកាកោះហៅពី ចុងចម្លើយ នី មុន្នីនាថ នាពេលនេះគឺធ្វើទៅតាមនីតិវិធី ដើម្បីត្រៀមការទាញហេតុផលតាមបណ្តឹងទាមទារប្រាក់ពីដើមចម្លើយ។
គួររំលឹកថា យោងតាមពាក្យបណ្តឹងរបស់លោក អ៊ឹង សូឡាង បានស្នើសុំតុលាការបង្គាប់ឱ្យ នី មុន្នីនាថ សងប្រាក់ចំនួន៧ម៉ឺនដុល្លារ និងប្រាក់សងជំងឺចិត្តមកលោកចំនួន៥ម៉ឺនដុល្លារបន្ថែមទៀត ។ ពាក្យបណ្តឹងដែលចុះហត្ថលេខាដោយមេធាវីរបស់លោក អ៊ឹង សូឡាង កាលពីចុងខែកញ្ញា បានឲ្យដឹងទៀតថា មូលហេតុនៃការទាមទារខាងលើ ពីដើមចោទ (អ៊ឹង សូឡាង) គឺដោយសារការដែលបានស្គាល់គ្នា និងស្រឡាញ់គ្នាជាមួយចុងចម្លើយ (នី មុន្នីនាថ) នៅឆ្នាំ២០១៤ ដោយព្រមព្រៀងច្បាស់លាស់ថា នឹងយកគ្នាជាប្តីប្រពន្ធនៅថ្ងៃអនាគត ទើបដើមចោទបានរៀបចំធ្វើពិធីភ្ជាប់ពាក្យ ដោយមានឪពុកម្តាយទាំងសងខាងយ៉ាងត្រឹមត្រូវ ។ នៅថ្ងៃភ្ជាប់ពាក្យភាគីចុងចម្លើយបានទាមទារបំពាក់ជូននូវគ្រឿងអលង្ការដូចជា ខ្សែ.កពេជ្រ, ចិញ្ចៀនពេជ្រ និងក្រវិលពេជ្រ មានតម្លៃ៣ម៉ឺន៧ពាន់ដុល្លារ។
ម្យ៉ាងទៀត ដោយសារដើមចោទជាអាណិកជនរស់នៅសហរដ្ឋអាមេរិក ដើមចោទខិតខំព្យាយាមបំពេញបែបបទធានាយកចុងចម្លើយទៅរស់នៅសហរដ្ឋអាមេរិក ។ ប៉ុន្តែនៅថ្ងៃទី១៦ ខែមីនា ឆ្នាំ២០១៧ បន្ទាប់ពីចុងចម្លើយបានទទួលវីសាឲ្យទៅអាមេរិក បែរជាចុងចម្លើយមិនទៅ ថែមទាំងលុបចោលការភ្ជាប់ពាក្យរវាងដើមចោទថែមទៀតផង ដោយលើកហេតុផលថា ដើមចោទមិនចេះប្រើពាក្យផ្អែមជាមួយចុងចម្លើយ ដែលជាមូលហេតុមិនត្រឹមត្រូវនោះទេ៕
****តុលាការកោះហៅនី មុន្នីនាថ ឱ្យចូលខ្លួននាពេលខាងមុខនេះ*****
សាលាដំបូងរាជធានីភ្នំពេញបានចេញលិខិតកោះហៅកញ្ញានី មុន្នីនាថ ឲ្យចូលខ្លួនទៅបំភ្លឺពាក់ព័ន្ធនឹងពាក្យបណ្តឹងរបស់អតីតគូដណ្តឹងដែលជាអាណិកជនខ្មែរលោកអ៊ឹង សូឡាង នៅថ្ងៃទី២២ ខែវិច្ឆិកា ឆ្នាំ២០១៧ ។
យោងតាមហ្វេសប៊ុកមួយឈ្មោះចាត់ រតនា បានបង្ហោះលិខិតកោះហៅជាមួយខ្លឹមសារសរសេរថា «តារាសម្តែងទឹកភ្នែកនី មុន្នីនាថ ត្រូវចូលខ្លួនដោះស្រាយតាមដីកាកោះរបស់ចៅក្រមអ៊ុក សុវណ្ណារិទ្ធ នៃសាលាដំបូងរាជធានីភ្នំពេញ នៅម៉ោង២ និង៣០រសៀលថ្ងៃទី២២ ខែវិច្ឆកា ឆ្នាំ២០១៧ខាងមុខនេះ។ សម្រាប់កញ្ញានី មុន្នីនាថ ធ្លាប់និយាយថាមិនចាប់អារម្មណ៍នោះឡើយ ក៏ប៉ុន្តែកាលពីប៉ុន្មានថ្ងៃមុនមានព័ត៌មានលេចឮពីតុលាការថាមានឧកញ៉ាម្នាក់រត់ការឱ្យ ហើយឧកញ៉ាម្នាក់នោះចង់ទាក់ទងទៅចៅក្រមដើម្បីបិទសំណុំរឿងហ្នឹង ដោយតាមរយៈកញ្ញាពឹងពាក់ឱ្យជួយ ។ តែយ៉ាងណាចៅក្រមក៏មិនអាចបិទបានដែរ ព្រោះចៅក្រម គាត់នឹងដោះស្រាយរឿងក្តីនេះទៅតាមនីតិវិធីច្បាប់ »។
យោងតាមលិខិតកោះហៅនោះឲ្យដឹងថា ការចូលខ្លួនតាមដីកាកោះហៅពីចុងចម្លើយ នី មុន្នីនាថ នាពេលនេះគឺធ្វើទៅតាមនីតិវិធី ដើម្បីត្រៀមការទាញហេតុផលតាមបណ្តឹងទាមទារប្រាក់ពីដើមចម្លើយ ។ ពាក់ព័ន្ធបញ្ហានេះ នី មុន្នីនាថ នៅមិនទាន់ប្រតិកម្ម ឬឆ្លើយតបយ៉ាងណានៅឡើយទេ ប៉ុន្តែនាងធ្លាប់អះអាងកន្លងមកថា នាងនឹងចូលខ្លួនទៅបំភ្លឺ ប្រសិនបើមានដីកាកោះហៅពីតុលាការមែននោះ ។
កាលពីពេល ថ្មីៗកន្លងមកនៅលើហ្វេសប៊ុករបស់នី មុន្នីនាថ បានបង្ហោះសារគួរឲ្យចាប់អារម្មណ៍ថា «ចង់និយាយច្រើនណាស់តាមចិត្តខឹងតាមចិត្តក្ដៅ ប៉ុនែ្តពាក្យចាស់ពោលថាបើចង់ឈ្នះសត្រូវត្រូវធ្វើចិត្តឱ្យត្រជាក់» ។
អតីតគូដណ្តឹងតារាសម្តែងនាងនី មុន្នីនាថ លោកអ៊ឹង សូឡាង បានដាក់ពាក្យបណ្តឹងដោយទាមទារឱ្យនាងសងជំងឺចិត្តដល់ខ្លួនចំនួន៥ម៉ឺនដុល្លារ បន្ទាប់ពីអ្នកទាំងពីរកាត់ផ្តាច់ការទាក់ទងគ្នា ។ លោកអុឹង សូឡាង បានចាត់ទុកនី មុន្នីនាថ ថាបោកយកប្រាក់របស់ខ្លួនក្នុងពេលទាក់ទងជាមួយគ្នា ដោយនៅក្នុងនោះលោកបានទិញរបស់របរមានតម្លៃមួយចំនួនឱ្យនាង តែដល់ពេលធ្លាក់វីសាទៅនៅអាមេរិកជាមួយគ្នានោះ ត្រូវនាងបដិសេធទៅវិញ ។
យោងតាមពាក្យបណ្តឹងរបស់លោកអ៊ឹង សូឡាង បញ្ជាក់ថា លោកបានស្នើសុំតុលាការបង្គាប់ឱ្យនី មុន្នីនាថ សងប្រាក់ចំនួន៧ម៉ឺនដុល្លារ និងប្រាក់សងជំងឺចិត្តមកលោកចំនួន៥ម៉ឺនដុល្លារបន្ថែមទៀត ។
ពាក្យបណ្តឹងដែលចុះហត្ថលេខាដោយមេធាវីរបស់លោកអ៊ឹង សូឡាង កាលពីចុងខែកញ្ញា ឲ្យដឹងទៀតថា «មូលហេតុនៃការទាមទារពីដើមចោទ (អ៊ឹង សូឡាង)គឺដោយសារការ ដែលបានស្គាល់គ្នា និងស្រឡាញ់គ្នាជាមួយចុងចម្លើយ (នី មុន្នីនាថ) នៅឆ្នាំ២០១៤ ដោយព្រមព្រៀងដោយច្បាស់លាស់ថា នឹងយកគ្នាជាប្តីប្រពន្ធនៅថ្ងៃអនាគត ទើបដើមចោទបានរៀបចំធ្វើពិធីភ្ជាប់ពាក្យ ដោយមានឪពុកម្តាយទាំងសងខាងយ៉ាងត្រឹមត្រូវ ។ នៅថ្ងៃភ្ជាប់ពាក្យភាគីចុងចម្លើយបានទាមទារបំពាក់ជូនចុងចម្លើយនូវគ្រឿងអលង្ការដូចជាខ្សែ.កពេជ្រ, ចិញ្ចៀនពេជ្រ និងក្រវិលពេជ្រ មានតម្លៃ៣ម៉ឺន៧ពាន់ដុល្លារ ។
ម្យ៉ាងទៀតដោយសារដើមចោទជាអាណិកជនរស់នៅសហរដ្ឋអាមេរិក ដើមចោទខិតខំព្យាយាមបំពេញបែបបទធានាយកចុងចម្លើយទៅរស់នៅសហរដ្ឋអាមេរិក ។ ប៉ុន្តែនៅថ្ងៃទី១៦ ខែមីនា ឆ្នាំ២០១៧ បន្ទាប់ពីចុងចម្លើយបានទទួលវីសាឲ្យទៅអាមេរិក បែរជាមិនទៅថែមទាំងលុបចោលការភ្ជាប់ពាក្យរវាងដើមចោទថែមទៀតផង ដោយលើកហេតុផលថា ដើមចោទមិនចេះប្រើពាក្យផ្អែមជាមួយចុងចម្លើយ ដែលជាមូលហេតុមិនត្រឹមត្រូវនោះទេ »៕
បើតាមអ្នកនាង ប៉េង ប៉ោង ទាំងរូបនាង និងលោក វីតាមីនសេ បានបន្តស្នាក់នៅក្នុងប្រទេសថៃនៅឡើយ រហូតចាំទទួលលទ្ធផល ដោយសារតែនាងមិនអាចឲ្យឪពុករបស់ខ្លួនទៅមកច្រើនដងឡើយ ព្រោះអាចបណ្តាលឲ្យមានការហត់នឿយខ្លាំង។
ដោយឡែក ក្នុងពេលដែលតារាកំប្លែង នាយ វិតាមីសេ បាននឹងកំពុងសម្រាកព្យាបាលនៅប្រទេសថៃនោះ អ្នកនាង ប៉េងប៉ោង បានប្រាប់ឲ្យដឹងថា ក្រុមគ្រួសារអ្នកនាងបានទទួលថវិកាឧបត្ថម្ភចំនួន៥,០០០ដុល្លារ ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា កាលពីថ្ងៃទី២០ វិច្ឆិកា នេះ តាមរយៈលោកជំទាវ ម៉ែន នារីសុភ័ក្ត អគ្គលេខាធិការរងទី១ កាកបាទក្រហមកម្ពុជា ។
អ្នកនាងបានចាត់ទុកការជួយឧបត្ថម្ភពីសម្តេចប្រធានកាកបាទក្រហមកម្ពុជា នាពេលនេះ គឺជាការយកចិត្តទុកដាក់ និងអាណិតស្រលាញ់ពីសំណាក់ថ្នាក់ដឹកនាំ ចំពោះប្រជាពលរដ្ឋក្រីក្រខ្វះខាត ចាស់ជរា កុមារកំព្រា មានជំងឺ ជាពិសេសសិល្បករសិល្បការិនីដែលមានទុក្ខ និងមានជំងឺ ដែលសម្តេចប្រធានតែងតែបានធ្វើជាបន្តបន្ទាប់ ៕
បន្ទាប់ពីឆ្លងការប្រកួតអស់ជាច្រើនវគ្គ ក្នុងកម្មវិធី Miss Global ២០១៧ ដែលមានកម្ពុជាជាម្ចាស់ផ្ទះ កាលពីថ្ងៃទី១៧ វិច្ឆិកា ក៏បានឈានចូលមកដល់វគ្គផ្ដាច់ព្រ័ត្រ ។ កញ្ញាឯកប្រេស៊ីល បានឆ្លងកាត់វគ្គជម្រុះ៦០រូប យក២០រូប មក១១រូប ។ ចុងក្រោយសល់៥នាក់ហើយនាទីចុងក្រោយ នារីកំពូលសម្រស់រូបនេះ ជាអ្នកគ្រងមកុដថ្នាក់ពិភពលោកដាច់គេបំផុត ។
ម្ចាស់ជ័យលាភីរូបនេះ បានឆ្លងសំណួរពីរដំណាក់កាល ។ សំណួរ ទី១-វគ្គត្រឹម១១នាក់នាងបានបញ្ជាក់ប្រាប់ថា ស្ត្រីក៏អាចបំពេញភារកិច្ចជូនពិភពលោកស្ត្រីអាចមានជីវិតនិងចេះដឹង ដើម្បីជួយពិភពលោក ។ ចំណែកចម្លើយទី២-ក្នុងដំណាក់កាល៥រូបចុងក្រោយនាងបានឆ្លើយថា ដើម្បីជួយបរិស្ថាន គឺនាងនិងជូយដល់ព្រៃអាម៉ាហ្សូនមុនគេដែលជាប្រទេសនាងគ្រាដែលយល់ថាព្រៃមួយនេះខូចខាតច្រើន។
៥រូបចុងក្រោយ ចំណាត់ថ្នាក់លេខ១ ប្រេស៊ីល លេខ២ ប្រទេសបាហាម៉ា លេខ៣ប្រទេសអាឡឺម៉ង់ លេខ៤ ប្រទេសសុម៉ាលី និងលេខ៥ ប្រទេសចិន ។ ដោយឡែកចំណាត់ថ្នាក់ ពានថតរូបស្អាត បានលើប្រទេសវៀតណាម ពានមិត្តភាព ប្រទេសកុងហ្គោ ពានប្រជាប្រិយ ប្រទេសឥណ្ឌូនេស៊ី ។ តំណាងខ្មែរ បានកញ្ញាឯកស្រាបៀហ្គេនបឺត ចំណាត់ថ្នាក់លេខ៣ អន្តរជាតិប្រចាំឆ្នាំ២០១៧ ។
ប្រភពក្រៅផ្លូវការមួយបង្ហើបឲ្យដឹងថា មង្គលការរវាង សុគន្ធ នីសា និងបុរសអ្នកជំនួញមានទ្រព្យស្តុកស្តម្ភនោះអាចនៅអំឡុងចុងខែធ្នូ ឆ្នាំ២០១៧ ដោយសារអ្វីៗបានរៀបចំរួចរាល់អស់ហើយ ។
មង្គលការនោះនឹងធ្វើរៀបចំនៅសណ្ឋាគារលំដាប់ផ្កាយ៥ ក្នុងរាជធានីភ្នំពេញ ជាមួយនឹងការចំណាយរាប់ម៉ឺនដុល្លារ ។ ចំពោះភ្ញៀវចូលរួមភាគច្រើន គឺជាអ្នកសិល្បៈ និងអ្នកមានមុខមាត់ក្នុងសង្គម ព្រោះទាំង សុគន្ធ នីសា ទាំងអនាគតស្វាមីរបស់នាងជាអ្នកមានមុខមាត់ក្នុងសង្គមដូចគ្នា ។
ដំណឹងស្តីពីការចូលរោងការរបស់តារាចម្រៀង សុគន្ធ នីសា នាពេលនេះធ្វើឲ្យអ្នកគាំទ្ររបស់នាងសម្តែងការអបអរសាទរ ៕
ណា តាហ្សា ឲ្យដឹងថា ក្រោយពេលបញ្ចប់រឿង «កំណត់ហេតុនាងនាថ» មក ផលិតកម្មមហាហង្សបានទាក់ទងឲ្យនាងសម្តែងជាតួឯកក្នុងខ្សែភាពយន្តពីររឿងជាប់គ្នាដែលជាប្រភេទរឿងដុំសម្រាប់បញ្ចាំងតាមរោង ។ ដោយសារតែទឹកចិត្តស្រឡាញ់ការងារសម្តែង នាងព្យាយាមពង្រឹងសមត្ថភាពខ្លួនឯងក្នុងន័យឈោងចាប់ឱ្យបានជាតារាលេចធ្លោក្នុងដួងចិត្តមហាជន ។ «អុីចឹងហើយបានសម្រេចចិត្តថារាល់ផលិតកម្មនានាដែលមានបំណងទាក់ទងហៅនាងខ្ញុំសម្តែងគឺនាងខ្ញុំដាក់តម្លៃខ្លួនសម្តែង២៥០០ដុល្លារ ។ ខ្ញុំមិនដឹងថា ផលិតករមួយចំនួនមានការអាក់អន់ចិត្តបែបណានោះទេ ហើយរំពឹងថាពិតជាយល់ដល់នាងខ្ញុំវិញ ប្រសិនបើតួលេខកំណត់ ឆៅៗពេលចង់បាននាងខ្ញុំទៅសម្តែងបែបនេះ ។ យ៉ាងណាក៏អាចពិចារណាផងដែរប្រសិនបើមានការនិយាយគ្នាមុនពេលដំណើរការចាប់ផ្តើម» ។
កញ្ញាណា តាហ្សា ជាប្រធានគ្រប់គ្រង ចាត់ចែងក្រុមតារាដែលបណ្តាក្រុមហ៊ុននានាត្រូវការតួថ្មីបង្ហាញម៉ូដ និងសម្តែង ។
ចំពោះរឿងស្នេហាជាមួយកីឡាករបាល់ទាត់ជាជនបរទេសនោះ ណា តាហ្សា ឱ្យដឹងថា នៅតែមានភាពល្អូកល្អិនដូចដើម តែពួកនាងមិនទាន់មានគម្រោងរៀបការទេ ៕
អ្នកនាងផ្កាយ វលក្ខណ៍ ត្រូវស្វាមីរៀបចំ ពិធីខួបកំណើតជូនយ៉ាងឱឡារិកក្នុងវ័យ៣៥ឆ្នាំដែលមើលទៅនៅតែស្រស់ស្អាត ។ ពិធីខួបកំណើតនោះរៀបចំនៅសណ្ឋាគារលំដាប់ខ្ពស់គឺសណ្ឋាគារ«ហ៊ីម៉ាវ៉ារីភ្នំពេញ»កាលពីយប់ថ្ងៃទី១១ វិចិ្ឆកា ឆ្នាំ២០១៧ ។ វត្តមានភ្ញៀវចូលរួមភាគច្រើនជាឯកឧត្តម ឧត្តមសេនីយ៍ ឧកញ៉ា និងលោកជំទាវ ព្រមទាំងតារាសម្តែងមួយចំនួនដូចជាអ្នកនាងចន ច័ន្ទលក្ខិណា និងអ្នកនាងឈិន សុធារី ជាដើម ។
អ្នកនាងផ្កាយ វលក្ខណ៍ បានថ្លែងថា «ថ្ងៃពិសេសនេះនាងខ្ញុំចង់ធ្វើបែបតូចតាចក្នុងគ្រួសារដូចរាល់ដង ប៉ុន្តែស្វាមីចង់រៀបចំធ្វើឱ្យធំ ក្នុងនោះមានកម្មវិធីពិសេសដែលគាត់រៀបពញ្ញាក់អារម្មណ៍នាងខ្ញុំ។ មានអីស្រាប់តែគាត់បានសាងភាពភ្ញាក់ផ្អើលជូនកាដូគ្រឿងពេជ្រមួយឈុតជិត៤ម៉ឺនដុល្លារ ហើយមានកាដូទូរស័ព្ទដៃIphonexមិនដឹងទៅកុម្មង់ពីពេលណាទេយកមកជូនឱ្យបានសប្បាយចិត្តថ្ងៃសំខាន់ ។ ទាំងអស់នេះនាងខ្ញុំកាន់តែមានភាពពេញចិត្តនៅពេលក្រោយបញ្ចប់ការងារសិល្បៈរយៈពេលប៉ុន្មានឆ្នាំនេះ យកពេលមកមើលថែគ្រួសារពិតជាមានសុភមង្គលមែន» ។
អ្នកនាងផ្កាយ វលក្ខណ៍ ជាអតីតតារាដែលលេចធ្លោមួយដួងធ្លាប់សាងស្នាដៃសម្តែងខារ៉ាអូខេឱ្យផលិតកម្មជាច្រើនកាលពីជិត១០ឆ្នាំមុន ។ នាងល្បីទាំងក្នុង និងក្រៅប្រទេស ហើយធ្លាប់ជាសមាជិកក្រុមកំប្លែងនាយក្រឹមព្រមទាំងចេះច្រៀងទៀតផង ។
អ្នកនាងផ្កាយ វលក្ខណ៍ មានកូនពីរនាក់ប្រុស១ ស្រី១ ។ នាងបានត្រៀមខ្លួនចូលសិល្បៈវិញក្រោយពិភាក្សាសុំការឯកភាពពីស្វាមីរួចមក។ នាងបញ្ជាក់ថា«ការចង់ចូលសិល្បៈវិញនេះមិនមែនប្រជែងយកឈ្នះអ្នកក្រោយទេ គ្រាន់តែយើងធ្វើតាមសមត្ថភាពដែលខ្លួនមានប៉ុណ្ណោះ។ ចំពោះរឿងថាចូលសិល្បៈវិញថតសម្តែងមានតួប្រុសប៉ះសាច់នោះនាងខ្ញុំក៏គិតដែរ ប្រសិនបើស្វាមីហាមបន្តទៀតនាងខ្ញុំនឹងពិចារណាដើម្បីកុំឲ្យប៉ះពាល់សុភមង្គលគ្រួសារ» ៕
លោកយាង វណ្ឌី ឲ្យដឹងថា«ពួកយើងជាយុវជន បានរៀបចំកម្មវិធីនេះដើម្បីឲ្យបងប្អូនទាំងអស់បានទស្សនាភាពយន្តក្នុងទិដ្ឋភាពមួយដ៏អស្ចារ្យ ដែលមិនធ្លាប់មានសោះចាប់តាំងពីព្រះរាជាណាចក្រកម្ពុជា មានសុខសន្តិភាព ក្រោមម្លប់នៃអង្គព្រះមហាក្សត្រ ។
លោកយាយលោកតាដែលនៅរស់រាន និងយុវជនជំនាន់ថ្មីអាចមកស្គាល់ទស្សនាជាមួយតារាសម្តែងដ៏ឆ្នើមបំផុតនៃយុគមាសនៃភាពយន្តខ្មែរ មានពីររសជាតិនៃការសម្តែង គឺតួសម្តែងទឹកភ្នែកលោកស្រីឌី សាវ៉េត និងតួសម្តែងកាចឆ្នាសឆ្នើម លោកស្រីសាក់ ស៊ីស្បោង លោកស្រីទាំងពីរនឹងបង្ហាញខ្លួនជូនសាធារណជន នៅថ្ងៃទី១៨ ខែវិច្ឆិកា ឆ្នាំ២០១៧ វេលាម៉ោង៣រសៀលដល់មោង៦ល្ងាច នាមជ្ឈមណ្ឌលសហប្រតិបត្តិការកម្ពុជាជប៉ុន CJCC ស្ថិតក្នុងបរិវេណសាកលវិទ្យាល័យភូមិន្ទភ្នំពេញ ។ សម្រាប់សំបុត្រអាចរកទិញនៅទីតាំងខាងលើតម្លៃ១០ដុល្លារ ហើយសម្រាប់សិស្សនិស្សិត៥ដុល្លារ ដោយគ្រាន់តែបង្ហាញកាតសម្គាល់ខ្លួន » ។
លោកយាង វណ្ឌី រំពឹងថា នាឱកាសនោះមានមហាជនចូលរូមច្រើនតាមការគិតទុកដើម្បីបានសាកសួរសុខទុក្ខអ្នកស្រី សាក់ ស៊ីស្បោង ដែលបែកពីស្រុកខ្មែរជិត៤០ឆ្នាំមកហើយ។ ជំនួយការកម្មវិធីលោកវីរៈ ឱ្យដឹងថា «មិនមែនជាការងាយស្រួលប៉ុន្មាននោះទេដែលពួកយើងតាមបញ្ចុះបញ្ចូលតារាសម្តែងលោកស្រី សាក់ ស៊ីស្បោង បានរហូតគាត់សម្រេចចិត្តទទួលកម្មវិធីពួកយើង ។ យើងទាំងអស់គ្នាជាយុវជនជំនាន់ក្រោយបានរំលេចអ្វីជាច្រើនជូនដល់លោកស្រីបានឃើញជាតឹកតាងទើបចុងក្រោយបានការឯកភាព ហើយបងប្អូនគួរតែមកជួបផ្ទាល់តារាបាត់មុខជិត៤០ឆ្នាំនេះ »៕
តារាចម្រៀងវ៉ាន់ នីឡា ឱ្យដឹងកាលពីពេល ថ្មីៗកន្លងមកថា ការបើកមុខជំនួញលើកដំបូងរបស់នាងនាពេលនេះគឺជាការបោះទុនតែម្នាក់ឯងប៉ុណ្ណោះ គ្មានដៃគូភាគហ៊ុនណាមួយឡើយ។ ការសម្រេចបើកការរកស៊ីនៅទីតាំងនោះដោយសារនាងមើលឃើញអាជីវកម្មមួយនេះអាចមានផលចំណេញច្រើន ។
បើតាមវ៉ាន់ នីឡា ទីតាំងហាងរបស់នាង ក្នុងមួយខែតម្លៃជាង៥០០ដុល្លារ ខណៈពេលដែលមុខរបរមួយនេះនាងមិនសូវប្រើដើមទុនច្រើនប៉ុន្មានទេ ។ អាជីវកម្មដែលនាងនឹងដំណើរការនេះមិនដឹងអាចមានលទ្ធផលល្អ ឬអាក្រក់យ៉ាងណានោះ ប៉ុន្តែដោយសារតែមិត្តភក្តិដែលមានបទពិសោធន៍លើផ្នែកនេះណែនាំទើបនាងហ៊ានបើក ។
ហាងរបស់វ៉ាន់ នីឡា នឹងបើកដំណើរការទទួលភ្ញៀវជា បណ្តើរៗចាប់ពីពេលនេះតទៅ ប៉ុន្តែនាងមិនទាន់កំណត់ថ្ងៃដើម្បីបើកសម្ពោធនៅឡើយទេ ព្រោះត្រូវរៀបចំសម្ភារ ផ្សេងៗមួយចំនួនបន្ថែមទៀត ។
ពាក់ព័ន្ធទៅនឹងសុវត្ថិភាពផ្ទាល់ខ្លួនចំពោះទំនាស់ជាមួយអតីតគូស្នេហ៍របស់នាងដែលគេបន្តនៅក្រៅឃុំ និងនៅតែតាមរំខាននាងឥតដាច់នោះ វ៉ាន់ នីឡា អះអាងថា នាងមិនខ្លាចទេ បើទោះបីជានាងត្រូវបំពេញភារកិច្ចនៅគ្រប់គ្រងហាងជារៀងរាល់យប់ក៏ដោយ៕
