អ្នកស្រីសោម វណ្ណសូដានី ជាតារាភាពយន្តល្បីឈ្មោះក្នុងប្រទេសកម្ពុជា កាលពីអំឡុងទសវត្សរ៍ទី៦០ និងដើមទសវត្សរ៍ទី៧០ ។ អ្នកស្រីសូដានី មានរូបសម្រស់ស្រស់សោភា ចរិតទន់ភ្លន់ សុភាពរាបសា ស្រគត់ស្រគំ និងពោរពេញទៅដោយទេពកោសល្យសម្ដែងល្អ ។
អ្នកស្រីសោម វណ្ណសូដានី មានឈ្មោះដើមសោម វណ្ណស៊ុក ប្រភពកំណើតភូមិក្នុងវាំង ឃុំវាំងចាស់ ស្រុកឧដុង្គ ខេត្តកំពង់ស្ពឺ ។ ឪពុកឈ្មោះសោម ផន ជាទាហានហ្លួង ម្តាយឈ្មោះព្រាប មុត ជាមេផ្ទះ ។ ម្ដាយអ្នកស្រីសោម វណ្ណសូដានី ជាបងប្អូនជីដូនមួយនឹងអ្នកអង្គម្ចាស់ស៊ីសុវត្ថិ ម៉ុងតាណា ។
អ្នកស្រីសោម វណ្ណសូដានី ជាកូនទី២ក្នុងចំណោមបងប្អូន៤នាក់គឺ៖ ១-សោម ស៊ីថាន់
២-សោម វណ្ណស៊ុក (សោម វណ្ណសូដានី) ៣-សោម វណ្ណធិន ៤-សោម វណ្ណសាយ។ ក្នុងចំណោមបងប្អូនបង្កើតទាំង៤នាក់របស់អ្នកស្រីសោម វណ្ណសូដានី សព្វថ្ងៃនេះនៅរស់តែម្នាក់គត់ គឺលោកសោម វណ្ណសាយ ជាប្អូនប្រុសពៅរស់នៅប្រទេសកាណាដា ។ មុនចូលប្រឡូកវិស័យសិល្បៈភាពយន្ត អ្នកស្រីសូដានីធ្លាប់ធ្វើជាគ្រូបង្រៀន ។
ប្រវត្តិចាប់អាជីពជាតារាភាពយន្ត និងស្នាដៃអ្នកស្រីសោម វណ្ណសូដានី បានចូលប្រឡូកសិល្បៈភាពយន្តនៅពាក់កណ្ដាលទសវត្សរ៍ទី៦០ ហើយបានសម្ដែងស្ទើរគ្រប់ផលិតកម្មដូចជា ផលិតកម្មបក្សីឋានសួគ៌ភាពយន្ដ របស់លោកអីុ វ៉ុងហែម,ផលិតកម្មឥន្ទ្រទេវីភាពយន្តរបស់លោកប៊ីវ ឆៃលាង, ផលិតកម្មហេមពាន្តភាពយន្ត របស់លោកលី យូស្រ៊ាង, ផលិតកម្មប្រាសាទមាសភាពយន្ត របស់លោកសារ៉ាវុធ, ផលិតកម្មកងចក្រភាពយន្ត របស់លោកអ៊ួង កន្ធន់, ផលិតកម្មពិស្ណុការភាពយន្ត របស់លោកវណ្ណ វណ្ណៈ, ផលិតកម្មអប្សរាភាពយន្តរបស់លោកលី សុងហេង ជាដើម ។
តួឯកប្រុសដែលអ្នកស្រីសោម វណ្ណសូដានី ធ្លាប់សម្ដែងជាមួយមានលោកគង់ សំអឿន និងលោកជា យុទ្ធថន ជាដើម ។
ចាប់តាំងពីចាប់ផ្តើមអាជីពរហូតដល់បញ្ចប់នៅពេលរបបប្រល័យពូជសាសន៍ ចូលមកដល់អ្នកស្រីសោម វណ្ណសូដានី បានចូលរួមសម្តែងក្នុងខ្សែភាពយន្តជាច្រើនរឿង ។ ក្នុងចំណោមខ្សែភាពយន្តទាំងនោះ ខ្សែភាពយន្តដ៏ល្បីរបស់អ្នកស្រីសោម វណ្ណសូដានី មានដូចជារឿង «អាប៊ុលកាសេម» , រឿង«សុវណ្ណហង្ស», រឿង«អុីណាវបុស្បា», និងរឿង«ថាវរីមាសបង»ជាដើម។ ទស្សនិកជនតែងតែកោតសរសើរចំពោះទេពកោសល្យសម្តែងដ៏ល្អរបស់អ្នកស្រីសូ ដានី ។
អ្នកស្រីសោម វណ្ណសូដានី គឺជាតារាស្រីមានប្រជាប្រិយភាពមួយរូប ក្នុងចំណោមតារាជាច្រើនរូបទៀត ក្នុងជំនាន់ជាមួយគ្នាដូចជាអ្នកស្រីគីម ណូវ៉ា, អ្នកស្រីទិត្យ វិជ្ជរ៉ាដានីជាដើម ។
ភស្តុតាងទេពកោសល្យរបស់អ្នកស្រីសោម វណ្ណសូដានី គេអាចមើលឃើញតាមរយៈខ្សែភាពយន្តរបស់អ្នកស្រីដែលបន្សល់ទុករហូតដល់បច្ចុប្បន្នដូចជារឿង «អាប៊ុលកាសេម», «សុវណ្ណហង្ស» , និងរឿង «ថាវរីមាសបង» ជាដើម ។ គិតពីឆ្នាំ១៩៦៣ ដល់ឆ្នាំ១៩៧៥ អ្នកស្រីសោម វណ្ណសូដានី សម្តែងភាពយន្តបានប្រមាណ៤៨រឿង ។
ខ្សែភាពយន្តដែលអ្នកស្រីសូដានីបានចូលរួមសម្ដែងទាំងនោះរួមមាន ៖ ១-រឿង«ចិត្តម្ដាយ» ឆ្នាំ១៩៦៣ ។ ២-រឿង«សូផាត» ឆ្នាំ១៩៦៣ ។ ៣-រឿង«ជាតិស្ត្រី» ឆ្នាំ១៩៦៤ ។ ៤-រឿង«ភពខ្មៅងងឹត» ឆ្នាំ១៩៦៤ ។ ៥-រឿង«កាលណាផ្ការីក» ឆ្នាំ១៩៦៥ ។ ៦-រឿង«នឹកឃើញជានិច្ច» ឆ្នាំ១៩៦៥ ។ ៧-រឿង«កំហុសអ្នកណា» ១៩៦៥ ។ ៨-រឿង«ម្ដាយខ្ញុំ» ១៩៦៥ ។ ៩-រឿង«សុបិនធីតា» ឆ្នាំ១៩៦៥ ។ ១០-រឿង«នាងសក់ក្រអូប» ឆ្នាំ១៩៦៦ ។ ១១-រឿង«នាងកែវណាម៉ា» ឆ្នាំ១៩៦៧ ។ ១២-រឿង«សុវណ្ណហង្ស» ឆ្នាំ១៩៦៧ ។ ១៣-រឿង«ជ័យសូរវង្ស» ឆ្នាំ១៩៦៧ ។ ១៤-រឿង«ក្នុងលោកនេះបើគ្មានបង»ឆ្នាំ១៩៦៧។ ១៥-រឿង«ព្រះច័ន្ទគោរព» ឆ្នាំ១៩៦៧ ។
១៦-រឿង«ស្នេហាស្រុកស្រែ» ឆ្នាំ១៩៦៧ ។ ១៧-រឿង«អីុណាវបុស្បា» ១៩៦៨ ។ ១៨-រឿង«នាងពិម្ពាសរជាតិ»ឆ្នាំ១៩៦៨ ។ ១៩-រឿង«អាប៊ុលកាសេម» ឆ្នាំ១៩៦៩ ។ ២០-រឿង«ច័ន្ទគ្រឿហ្វា» ឆ្នាំ១៩៦៩ ។ ២១-រឿង«ថាវរីមាសបង» ឆ្នាំ១៩៦៩ ។ ២២-រឿង«ភោគកុលកុមារ» ឆ្នាំ១៩៦៩ ។ ២៣-រឿង«រតនាវង្ស» ឆ្នាំ១៩៧០។ ២៤-រឿង«ភិនសុវណ្ណ» ឆ្នាំ១៩៧០ ។ ២៥-រឿង«ព្រះមហោសថ» ឆ្នាំ១៩៧០ ។ ២៦-រឿង«ផ្កាអង្គាបុស្ស» ឆ្នាំ១៩៧០។ ២៧-រឿង«ព្រះកំចាយទេព» ឆ្នាំ១៩៧១ ។ ២៨-រឿង«អ្នកកាត់សក់ដៃឯក»ឆ្នាំ១៩៧១។ ២៩-រឿង«នាងព្រាយកន្ទោងខៀវ» ១៩៧១ ។ ៣០-រឿង«សុរិយាល្ងាចថ្ងៃ» ឆ្នាំ១៩៧១ ។ ៣១-រឿង«ដំរីចុះប្រេង» ឆ្នាំ១៩៧១ ។
៣២-រឿង«លាអូនទៅច្បាំង» ឆ្នាំ១៩៧២។ ៣៣-រឿង«អណ្ដើកស៊ីត្រកួន»ឆ្នាំ១៩៧២ ។ ៣៤-រឿង«នាងផាត់ជាយ» ឆ្នាំ១៩៧២ ៣៥-រឿង«បិសាចស្រមោលខ្មៅ» ឆ្នាំ១៩៧៣ ។ ៣៦-រឿង«ជីវិតក្នុងភ្លើងសង្គ្រាម» ឆ្នាំ១៩៧៣ ។ ៣៧-រឿង«ឆ្អែតចិត្ត» ឆ្នាំ១៩៧៣ ។ ៣៨-រឿង«ខ្លែងសខ្លែងខ្មៅ» ឆ្នាំ១៩៧៣ ។ ៣៩-រឿង«ចន្ទន៍ក្រស្នា» ឆ្នាំ១៩៧៣ ។ ៤០-រឿង«ផ្គរលាន់ដើមឆ្នាំ» ឆ្នាំ១៩៧៣ ។ ៤១-រឿង«សំនៀងស្នេហ៍កម្ម»ឆ្នាំ១៩៧៣ ។ ៤២-រឿង«ស្នាមស្នេហ៍ព្រៃគប់» ឆ្នាំ ១៩៧៣ ។
៤៣-រឿង«ស្នេហ៍មកពីណា» ឆ្នាំ១៩៧៣ ។ ៤៤-រឿង«ឆ្នាំអូន១៦» ឆ្នាំ១៩៧៤ ។ ៤៥-រឿង«អង្គុលីមាល» ឆ្នាំ១៩៧៤ ។ ៤៦-រឿង«ឈាមឥន្ទ្រីខ្មៅ» ឆ្នាំ១៩៧៤ ។ ៤៧-រឿង«ក្រមុំចូលម្លប់» ឆ្នាំ១៩៧៤ ។ ៤៨-រឿង«អ្នកប្រដាល់១៣ស្រុក» ។
ស្នេហា ៖ តារាភាពយន្តលោកជា យុទ្ធថន មានភរិយាដំបូងគឺអ្នកស្រីវណ្ណ ភូមី ។ ក្រោយមកលោកជា យុទ្ធថន បានក្លាយជាគូស្វាមី-ភរិយានឹងអ្នកស្រីសោម វណ្ណសូដានី ដែលជាតារាភាពយន្តដូច គ្នា ។ អ្នកស្រីសោម វណ្ណសូដានី ជានារីមានចរិតសុភាពរាបសាសក្តិសមនឹងសម្រស់ស្រស់ស្រទន់របស់អ្នកស្រី ។ មុនពេលក្លាយជាតារាភាពយន្តអ្នកស្រីសោម វណ្ណសូដានី ជាគ្រូបង្រៀននៅខេត្តកំពង់ស្ពឺ ដែលជាស្រុកកំណើតរបស់អ្នកស្រី ។
អ្នកស្នងត្រកូល ៖ គូស្វាមី-ភរិយាលោកជា យុទ្ធថន និងអ្នកស្រីសោម វណ្ណសូដានី នៅសល់កូនប្រុសម្នាក់នាពេលបច្ចុប្បន្នគឺលោកថន ថារិទ្ធ ហៅសៅ ភី។ លោកថន ថារិទ្ធ មានប្រវត្តិជីវិតកម្សត់ណាស់ តែលោកបានកសាងជីវិតក្លាយជាសាស្ត្រាចារ្យ។ លើសពីនេះទៅទៀត លោកថន ថារិទ្ធ ជាស្លឹកឈើជ្រុះមិនឆ្ងាយពីគល់ គឺលោកបានក្លាយជាតារាសម្តែងភាពយន្តម្នាក់ដែរ ស្នងមរតកសិល្បៈភាពយន្តពីឪពុកនិងម្តាយរបស់លោក។
ស្នាដៃភាពយន្តដែលលោកថន ថារិទ្ធ បានសម្តែងជាតួឯក គឺរឿង«ឈាមអនាថា» និងរឿង«កែវភ្នែកសំណព្វចិត្ត» ។ ក្នុងនាមជាកូនកំព្រា លោកថន ថារិទ្ធ បានប្រមូលក្មេងកំព្រាជាច្រើននាក់មកចិញ្ចឹម និងគ្រប់គ្រង ។
មរណភាព ៖ របបកម្ពុជាប្រជាធិបតេយ្យ ឬរបបខ្មែរក្រហមរយៈពេល៣ឆ្នាំ ៨ខែ ២០ថ្ងៃបានបំផ្លិចបំផ្លាញសង្គមកម្ពុជាទាំងមូល ហើយសូម្បីតែសិល្បករក៏បង់ជីវិតក្នុងរបបនោះច្រើននាក់ដែរ។ ចំពោះតារាភាពយន្តលោកជា យុទ្ធថន បានស្លាប់ក្នុងរបបខ្មែរក្រហម នាឆ្នាំ១៩៧៦ នៅខេត្តបាត់ដំបង ។ ចំណែកភរិយារបស់លោកជា យុទ្ធថន គឺអ្នកស្រីសោម វណ្ណសូដានី បានស្លាប់ក្នុងរបបខ្មែរក្រហមដែរ ប៉ុន្តែនៅកន្លែងផ្សេងគ្នាក្នុងខេត្តកំពត ៕
តារាកំប្លែងនាយ ចេក បានលើកឡើងថា «មានបងប្អូនជាច្រើនចេះតែសួរ ដោយគេនិយាយថា ពូជាអ្នកមានឡានទំនើប មានផ្ទះក្បឿងធំ ចុះម៉េចក៏មកលក់ដូរតាមផ្លូវអ៊ីចឹង។ ហើយខ្លះក៏និយាថា បើគាត់មានមែនមិនលក់អ៊ីចឹងទេ ។ ខ្លះទៀតក៏ថា បើពូមិនមាន ក៏គេមិននិយាយដែរ ។ ខ្ញុំអគុណបងប្អូនដែលបានជួយទិញទឹកភេសជ្ជៈរាល់ថ្ងៃ សូមកុំយល់ច្រឡំតទៅទៀតអី ការណ៍ពិតការរស់នៅខ្ញុំសព្វថ្ងៃមានជីវភាពសមរម្យ និងមានផ្ទះ៥ម៉ែត្រ បណ្តោយ៧ម៉ែត្រ ប្រក់ស័ង្កសី ហើយក៏គ្មានឡានទំនើបអីដែរ មានតែដីសង់ផ្ទះប៉ុណ្ណោះ ។
សូមកុំយល់ច្រឡំតទៅទៀត ហើយបើចង់ដឹងពីស្ថានភាពពិតរបស់ខ្ញុំ អាចមកមើលបាន កុំឲ្យថា ខ្ញុំចេះតែថា អរគុណបងប្អូនដែលឲ្យពរថា ជាអ្នកមានៗ »។
ហើយតារាកំប្លែងលោក ឈុំ ប៊ុនឈឿន ហៅនាយចេក មានវ័យ៦៣ឆ្នាំ បានចាប់អាជីពកំប្លែងក្នុងក្រុមនាយកុយជាច្រើនឆ្នាំមកហើយ ក្នុងនោះក្រៅពីកំប្លែងតាមឆាកតន្ត្រី នាយចេកក៏ទទួលកាត់សក់ក្នុងពិធីមង្គលការ ដើម្បីបានកម្រៃខ្លះមកផ្គត់ផ្គង់គ្រួសារ ប៉ុន្តែរដូវវស្សាចូលដល់ធ្វើឲ្យចំណូលពីការកាត់សក់តាមរោងការត្រូវខ្សត់ខ្សោយ ដូច្នេះនាយចេក និងប្រពន្ធក៏សម្រេចចិត្តអូសរទេះ ដាក់លក់ភេសជ្ជៈបន្តិចបន្តួច គ្រាន់ដោះស្រាយ មួយគ្រាៗ នៅម្តុំផ្លូវជាតិលេខ២ ពីរង្វង់មូលកួរស្រូវ ប្រមាណ១០០ម៉ែត្រ ។
កន្លងមកការខ្វះខាត និងទុក្ខលំបាករបស់នាយចេក គេសង្កេតឃើញមានសិល្បករមួយចំនួនបានជួយជាប្រាក់ និងរបស់របរប្រើប្រាស់ ចំណែកកាកបាទក្រហមកម្ពុជា ក៏បានជួយឧបត្ថម្ភដល់តារាកំប្លែងនេះផងដែរ ។ ទោះជាយ៉ាងណាក្តី ជីវភាពរបស់នាយចេកនៅតែលំបាកដដែល គឺត្រូវខិតខំលក់ដូរនៅផ្ទះ ដើម្បីចិញ្ចឹមកូនៗចំនួន៨នាក់ ៕
ការសាយភាយរឿងមួយនេះ បន្ទាប់ពីបានរួមការងារជាមួយគ្នាបានមួយរយៈក៏ក្លាយជាទំនាក់ទំនងស្និតស្នាល ដោយរវាងកូនចៅ និងមេកើយមួយគូនេះកំពុងតែឆេះឆួលឡើងជាបន្តបន្ទាប់។ ប៉ុន្តែគេនៅមិនទាន់ដឹងថា រវាងស្រីស្អាត លី ឈី និងលោកប៊ុត រតនាដែលជាអ្នកធ្វើការនៅថោនតំណែងធំមួយដែរ គិតគ្នាបែបណាទៀតនោះទេ ស្របពេលដែលភាពផ្អែមល្ហែមកាន់តែពុះឡើង។
សូម្បីតែនៅលើបណ្តាញសង្គមក៏ម្នាក់ៗបង្ហោះជុំគ្នាបង្ហាញស្នាមញញឹមគួរឱ្យចាប់អារម្មណ៍ផងដែរ។ ដោយឡែកកញ្ញា លី ឈី វិញ យើងនៅមិនទាន់បានធ្វើការបញ្ជាក់ឱ្យលម្អិតនៅឡើយថា តើនាងក្នុងចិត្តគិតដល់លោករតនាក្នុងផ្លូវបែបណាឡើយ ក្រោយពេលបង្ហាញនូវស្នាមរូបភាពដ៏ស្រស់សោភាតែ២នាក់បែបនេះ។
នៅក្នុងវីដេអូបានបង្ហោះអ្នកទាំង២នាក់ស្ទុះទៅឱបគ្នាយ៉ាងណែនពេញអង្គប្រាណជាមួយភាពរំជើបរំជួលរលីងរលោងទឹកភ្នែកបំផុត និងមិននឹកស្មានថា មិត្តភក្តិដ៏ជាទីស្រឡាញ់របស់ ទូច ស្រីលក្ខណ៍ មានក្តីសង្ឃឹមត្រឡប់មកវិញជាមួយសភាពស្រស់ថ្លា។
នាគ្រានោះបើមើលទៅលើស្ថានភាពកាយវិការរបស់លោកយូឌីស្កូ ដ្បិតបិទម៉ាស់មិនឃើញមុខពេញក៏ដោយ តែលោកហាក់មានភាពរហ័សរហួនមាំទាំ កាយវិការរឹងពឹងមិនបាក់កម្លាំងដូចពេលចេញទៅព្យាបាលនោះទេ។ នេះជាដំណឹងដ៏ល្អមួយសម្រាប់អ្នកសិល្បៈទាំងឡាយ ក៏ដូចជាមហាជនក្នុង និងក្រៅប្រទេសដែលរំភើបក្រោយដឹងថាលោកយូឌីស្កូ វិលរកសភាពដើមជិត១០០%។
គួរបញ្ជាក់ថា លោកយូឌីស្កូ បានធ្លាក់ខ្លួនឈឺជាទម្ងន់ដោយសារមានជំងឺទឹកនោមប្រៃនិងក្រលៀនខ្សោយយ៉ាងខ្លាំង ហើយត្រូវចំណាយប្រាក់ជាប្រចាំដើម្បីផ្លាស់ប្តូរឈាមញឹកញាប់។ ជំងឺលោកចូលដល់ដំណាក់កាលហៅថា ជំងឺអ្នកមាន បើសិនជាខ្វះថវិកាទេ ពិតជាប្រឈមខ្លាំងណាស់។ ម្ល៉ោះហើយទើបអ្នកណាៗក៏យល់ថា លោកពិតជាមានអាយុថ្លៃបំផុត។ ហើយនៅមុនពេលចាកចេញទៅព្យាបាលនៅប្រទេសឥណ្ឌា ជាមួយទឹកប្រាក់រាប់សិបពាន់ដុល្លារ ដែលសាធារណជនជាច្រើនសុទ្ធតែដឹងថា គាត់ទទួលបានការអាណិតអាសូរពីសប្បុរសជនគ្រប់គ្នាបានចូលរួមលើកទឹកចិត្ត និងជួយជាថវិកាបន្តបន្ទាប់រហូតធ្វើឱ្យផ្លូវចិត្តអ្នកជំងឺមានសភាពប្រសើរឡើង ហើយព្យាយាមបន្តស្មារតីសមាធិរឹងពឹងដើម្បីយកឈ្នះជំងឺ។
តាមការលើកឡើងរបស់អ្នកនាង ទូច ស្រីលក្ខណ៍ ធ្លាប់បាននិយាយថា អ្នកនាងទ្រាំទទួលពាក្យផ្តាំរបស់លោកយូឌីស្កូថា មិនទម្លាយជុំវិញរឿងលោកមានសភាពបែបណាឡើយ ក្នុងពេលកំពុងសម្រាកព្យាបាលនៅប្រទេសឥណ្ឌា។ មានសំណួរ និងចម្ងល់ទាំងអ្នកសិល្បៈ និងបណ្តាសារព័ត៌មានមួយចំនួនសួរនាំអ្នកនាងដែរ តែអ្នកនាងសុំត្រឹមតែបដិសេធប៉ុណ្ណោះ។
អ្នកនាងស្រីលក្ខណ៍បន្តថា ហេតុផលគឺលោកយូឌីស្កូ គាត់សុំចិត្តលាក់គ្រប់រឿង ដើម្បីកុំឱ្យអ្នកម្តាយរបស់គាត់ដឹង ព្រោះម្តាយក៏មិនសូវជានាច្រើន ហើយកាលណាខ្ចរខ្ចាយព័ត៌មានឭទៅខ្លាចអ្នកមានគុណទៅជាគិតច្រើន ហើយឈឺមួយទៀតរិឹតតែពិបាក។ អ៊ីចឹងហើយ ទើបគ្រាព្យាបាលនៅក្រៅស្រុកពិតជាបារម្ភព្រួយចិត្ត ហើយតែងតែអុជធូបសំពះបួងសួងសុំពរពីវត្ថុស័ក្ដិសិទ្ធិជួយឃុំគ្រងឆាប់បានជាសះស្បើយ។
យ៉ាងណាម៉ិញ ទស្សនិកជនរំពឹងថា ឆាប់ៗខាងមុខនេះ យូឌីស្កូនឹងបង្ហាញមុខបកស្រាយឱ្យលម្អិតជុំវិញការចេញទៅសម្រាកព្យាបាលនៅឥណ្ឌា ដើម្បីនិយាយពីអារម្មណ៍ពិតឱ្យអ្នកគាំទ្របានជ្រាប៕
ការព្រមានប្តឹងពីខេមរៈសិរីមន្ត បានធ្វើឡើងបន្ទាប់ពីលោកម៉ៃ សុគន្ធ បានបង្ហោះសាររិះគន់ជាថ្មី ក្នុងពេលដែលលោកសិរីមន្តបានជិះឧទ្ធម្ភាចក្រទៅចូលរួមសម្ពោធការបើកលក់ដីឡូតិ៍ដែលមានភាគហ៊ុនលោកផងដែរ ។ តារាចម្រៀងដែលពូកែទើសគេគ្រប់រឿងលោក ម៉ៃ សុគន្ធ បានចាត់ទុកសកម្មភាពរបស់លោក ខេមរៈ សិរីមន្ត នាពេលនោះថា ជាអ្នកមានជាន់ថ្មីដែលមានចរិតដូចក្ងោកដែលគិតថាផ្លូវស្រុកខ្មែរជិះឡានលែងកើត ។
លោកម៉ៃ សុគន្ធ បានបង្ហោះសាររិះគន់ថា «ត្រឹមតែទៅលក់ដីនៅម្តុំវាលស្រែមួយរយសោះ ជិះសុទ្ធតែអេលីកូកទែរ(ឧទ្ធម្ភាចក្រ) មើលតែទៅលក់ពេជ្រនៅឌូបៃ ។ ថ្មីជានិច្ចអ្នកមានជាន់ថ្មីជាន់ដីរលាក់ហើយ ឃើញថាឧកញ៉ា ល្បីៗមួយចំនួនធំ ដែលមានរបរបើកលក់ដី ឬបុរី គាត់នៅតែរក្សាជំហរដដែល មិនសម្បើមដូចអ៊ីចឹងសោះ ចម្លែកអីតែអ្នកចម្រៀងយើងបានអ៊ីចឹងគេប្រៀបធៀបទៅនឹងក្ងោកមិនខុសមែន »។
ជាការឆ្លើយតបទៅកាន់រិះគន់ពីលោកម៉ៃ សុគន្ធ បែបនោះលោកខេមរៈ សិរីមន្ត បានបង្ហោះសារតាមហ្វេសប៊ុករបស់លោកថា«មេធាវីរបស់ខ្ញុំបានរៀបចំសំណុំបែបបទរួចអស់ហើយបទល្មើស និងភស្តុតាងមានគ្រប់គ្រាន់អស់ហើយ ពីបទចោទញុះញង់មានជាអាទិ៍ និងបទធ្វើឲ្យប៉ះពាល់សិទ្ធិ និងផលប្រយោជន៍បុគ្គល ។ ខ្ញុំមិនដែលគិតចង់មានបញ្ហាជាមួយបុគ្គលម្នាក់នេះឡើយ តែគាត់ចង់បានបែបនេះ ដូច្នេះទទួលយកអ្វីដែលខ្លួនបានសាងបទល្មើសនេះចុះ»។
ពាក់ព័ន្ធទៅនឹងការត្រៀមប្តឹងពីលោកខេមរៈ សិរីមន្ត នេះកោះសន្តិភាពមិនទាន់អាចស្វែករកការបញ្ជាក់ណាមួយពីតារាចម្រៀងរូបនេះបាននៅឡើយទេ ខណៈពេលបងប្រុសរបស់លោក គឺលោកខេមរៈ ភារុណ បានអះអាងដោយខ្លីថា «សូមចាំមើលទាំងអស់គ្នា»។
ចំណែកតារាចម្រៀងលោកម៉ៃ សុគន្ធ ក៏មិនទាន់មានការឆ្លើយតបណាមួយនៅឡើយដែរនៅពេលមានការសាកសួរកាលពីថ្ងៃទី៩ ខែសីហា ក៏ប៉ុន្តែនៅលើគណនេយ្យហ្វេសប៊ុករបស់លោកបានបញ្ជាក់ដោយខ្លីថា «ដោយក្តីរីករាយស្គាល់ពាក្យប្រយោលទេ ចាស្ទីនកូពី(សម្តៅលើលោក ខេមរៈ សិរីមន្ត) »។
នេះមិនមែនជាលើកទីមួយទេដែលលោក ម៉ៃ សុគន្ធ បានរិះគន់តារាចម្រៀងលោកខេមរៈ សិរីមន្ត ។ កន្លងមកលោកក៏ធ្លាប់រិះគន់ដែរចំពោះការតុបតែងខ្លួនរបស់ខេមរៈ សិរីមន្ត ថាបានចម្លងពីតារាចម្រៀងចាស្ទីន របស់អាមេរិក និងការចេញបទ«រាំក្បាច់ក្ងោក» ក្នុងពេលដែលប្រទេសឡាវបានដាក់បញ្ចូលក្បាច់រាំវង់ជាបេតិភណ្ឌពិភពលោក៕
បើតាមលោក ប៉ុក បូរក្ស ភាពយន្តឯកសារនេះក៏នឹងបង្ហាញពីដំណើរការនៃការថតខ្សែភាពយន្តរឿង«នរក៩ជាន់» កាលពីអំឡុងឆ្នាំ១៩៨៥ ដែលមានការចូលរួមសម្តែងពីអតីតតារាភាពយន្តខ្មែរអ្នកនាងអ៊ុំ សុវណ្ណនី ផងដែរ ។ ផលិតករនៃប្រទេសឆេក បានដាក់សំណើទៅកាន់អ្នកនាងអ៊ុំ សុវណ្ណនី រួច ហើយៗនាងបានទទួលយកសំណើរនេះ ។
តាមគម្រោងផលិតករឆេកគ្រោងនឹងអញ្ជើញអ្នកនាងអ៊ុំ សុវណ្ណនី និងតួឯកប្រុសដែលជាជនជាតិឆេកនៅក្នុងរឿង«នរក៩ជាន់» ដើម្បីមកសម្ភាសន៍ស្តីពីអនុស្សាវរីយ៍នៃការផលិតខ្សែភាពយន្តនេះ។ លោក ប៉ុក បូរក្ស បានឲ្យដឹងបន្ថែមថា ភាពយន្តឯកសារនេះនឹងបង្ហាញការវិវឌ្ឍរបស់ប្រទេសកម្ពុជា តាំងពីអំឡុងឆ្នាំ១៩៨៥ រហូតមកដល់ពេលបច្ចុប្បន្ន ដោយនៅក្នុងនោះក៏បង្ហាញពីការវិវឌ្ឍនៃវិស័យភាពយន្តនៅកម្ពុជាផងដែរ ។
កាលពីអំឡុងពេលនោះខ្សែភាពយន្តរឿង«នរក៩ជាន់» ផលិតឡើងបង្ហាញពីសោកនាដកម្មពីរបបប៉ុលពត ហើយខ្សែវីដេអូឯកសារនេះនឹងបង្ហាញការវិវឌ្ឍថ្មី ក្រោយពីរបបដ៏ខ្មៅងងឹតនោះ ។ នៅពេលដែលវីដេអូឯកសារបានផលិតចប់ វីដេអូនេះនឹងចាក់ផ្សាយនៅក្នុងប្រទេសឆេក ដែលជាប្រទេសមួយនៅក្នុងទ្វីបអឺរុ៉ប ហើយប្រជាជននៅក្នុងតំបន់នោះនឹងបានដឹងព័ត៌មានកាន់តែច្បាស់ពីភាពរីកចម្រើននៃប្រទេសកម្ពុជានាពេលបច្ចុប្បន្ន ក្នុងពេលដែលកន្លងមកព័ត៌មានពីប្រទេសកម្ពុជានៅក្នុងទ្វីបអឺរ៉ុបមិនត្រូវបានផ្សព្វផ្សាយទូលំទូលាយនោះឡើយ ។ ការផ្សព្វផ្សាយនូវភាពយន្តឯកសារនេះត្រូវបានរំពឹងថា នឹងមានឥទ្ធិពលជាមួយនឹងការទាក់ទាញភ្ញៀវទេសចរនៅទ្វីបអ៊ឺរ៉ុប និងនៅក្នុងពិភពលោកមកប្រទេសកម្ពុជាកាន់តែច្រើនឡើងថែមទៀត។
រាជរដ្ឋាភិបាលកម្ពុជាតាមរយៈក្រសួងវប្បធម៌ បានស្នើសុំក៏ដូចជាការលើកទឹកចិត្តទៅលើផ្នែកនានា ដើម្បីឲ្យផលិតករនៃប្រទេសឆេកមកថតខ្សែភាពយន្ត ថ្មីៗបន្ថែមទៀតក្នុងប្រទេសកម្ពុជា ។
តារាឯកស្រីក្នុងរឿង«នរក៩ជាន់»អ្នកនាង អ៊ុំ សុវណ្ណនី បច្ចុប្បន្នកំពុងតែរស់នៅក្នុងទីក្រុងឡុងប៊ិច សហរដ្ឋអាមេរិក ជាមួយនឹងកូនប្រុសស្រីរបស់អ្នកនាងចំនួន៣នាក់ និងម្តាយចាស់ជរាផងដែរ ។ បើទោះបីជាបានចាកឆ្ងាយពីប្រទេសកម្ពុជា និងឃ្លាតឆ្ងាយពីការសម្តែងភាពយន្តក៏ដោយ ប៉ុន្តែនៅលើទឹកដីថ្មីដែលអ្នកនាងសុវណ្ណនីកំពុងតែផ្ញើវាសនានាពេលបច្ចុប្បន្ន អ្នកនាងហាក់ទៅណាមិនឆ្ងាយពីសិល្បៈទេ ពោលគេតែងតែឃើញវត្តមាននៃការរាំច្រៀងរបស់អ្នកនាងជាមួយអតីតតារាភាពយន្តលោកយស បូវណ្ណៈ ជា រឿយៗ ៕
ហាង ស៊ុបចង្កាក់Volcano ដូចដែលលោកអ្នកធ្លាប់បានស្គាល់ហើយ មិនថាបើកដំណើរពេលណានោះទេ ភ្ញៀវចូលពេញៗតែម្តង ហើយអ្វីដែល នរណាៗ ក៏ទ្រាំមិនទៅញ៉ាំស៊ុបចង្កាក់បាន ព្រោះតែក្លិនឈ្ងុយសាច់អាំង និងក្លិនតាមផ្សែងរបស់ទឹកស៊ុបសាច់ចង្កាក់ បើរសជាតិសាច់ចង្កាក់វិញ ញាុំជាមួយទឹកជ្រលក់គឺថារសជាតិឆ្ងាញ់ប្លែកមាត់ចឹងហ្មង។
