រាជធានីភ្នំពេញ ៖ តារាខ្មែរមួយចំនួនធ្លាប់បានចាកចេញទៅរស់នៅបរទេស ដោយពីដំបូងហាក់ដូចជាចង់រស់នៅជាអចិន្ត្រៃយ៍ តែគោលបំណងនេះខ្លះបានសម្រេច ខ្លះមិនវិលរស់នៅស្រុកវិញដោយសារមូលហេតុ ផ្សេងៗ ។
បើតាមការរំលឹកពីតារាជើងចាស់ម្នាក់ កាលពីពេល ថ្មីៗកន្លងមកឲ្យដឹងថា តារាមួយចំនួនដែលធ្លាប់ចេញទៅរស់នៅបរទេសមួយរយៈ ហើយត្រឡប់មកស្រុកវិញនោះមានដូចជា អ្នកនាងអឿន ស្រីមុំ អ្នកនាងព្រំ រដ្ឋា តារាកំប្លែងនាយក្រឹម លោកសុវណ្ណ មករា លោកសាន ផានិត លោកពេជ្រ ពន្លឺ និងអតីតពិធីករស្ថានីយទូរទស្សន៍ប៉ុស្តិ៍លេខ៥លោកលាន អាព្រីលគីនីន ជាដើម ។
បើនិយាយពីតារាចម្រៀងដែលមានដើមកំណើតពីខេត្តសៀមរាប អ្នកនាងអឿន ស្រីមុំ បានលែងលះជាស្វាមីដោយស្របច្បាប់ និងបានចេញទៅរស់នៅប្រទេសកាណាដា។
គោលបំណងលើកទីមួយនៃការចង់រស់នៅប្រទេសដ៏ទាន់សម័យមួយនេះរបស់នាងមិនបានសម្រេចឡើយ ប៉ុន្តែគោលបំណងចង់រស់នៅក្រៅប្រទេសពីតារារូបនេះនៅទាន់បានបញ្ចប់ឡើយ ។ នាងបានភ្ជាប់និស្ស័យស្នេហ៍ជាមួយបុរសម្នាក់ជាអាណិកជនខ្មែរនៅបារាំង ជាអ្នកបើកតាក់ស៊ី ហើយបានរស់នៅប្រទេសនោះបានមួយរយៈ ក៏ត្រឡប់មកស្រុកខ្មែរវិញ ដោយសាររស់នៅមិនស្របច្បាប់ ។
អឿន ស្រីមុំ ចុងក្រោយបានវិលមករស់នៅប្រទេសកំណើតវិញ បន្ទាប់ពីបានបែកបាក់ស្វាមីនៅក្នុងប្រទេសបារាំង ក្រោមហេតុផលរស់នៅមិនចុះសម្រុងគ្នា ។
អតីតារាសម្តែង និងពិធីការិនីសំឡេងស្រទន់អ្នកនាងព្រំ រដ្ឋា ធ្លាប់ចេញទៅរស់នៅអាមេរិករយៈពេល៦ឆ្នាំ បន្ទាប់ពីរៀបការកាលពីឆ្នាំ២០០៣ និងមានកូនស្រីម្នាក់ ។ ក្រោយមកបានត្រឡប់មកស្រុកវិញបន្ទាប់ពីបែកបាក់គ្នាដោយសារការរស់នៅមិនចុះសម្រង់ ។
បច្ចុប្បន្នអ្នកនាងព្រំ រដ្ឋា មិនបានរស់នៅឆ្ងាយពីវិស័យសិល្បៈទេ ពោលនាងជាថៅកែផលិតកម្មដែលបានផលិតរឿងភាគចាក់បញ្ចាំងតាមកញ្ចក់ទូរទស្សន៍នានា ។
កំពូលតារាកំប្លែងជើងចាស់លោកអ៊ូ ប៊ុណ្ណារ៉ាត់ ហៅនាយក្រឹម ធ្លាប់ទៅរស់នៅអាមេរិក ពេលដែលលោកបានចេញទៅសម្តែងនៅប្រទេសនោះតាំងពីឆ្នាំ១៩៩២ និង២០០៤។តារាកំប្លែងរូបនេះបានវិលត្រឡប់មករស់នៅប្រទេសកម្ពុជាវិញ ក្នុងអំឡុងឆ្នាំ២០០៨ ដោយបានចូលប្រឡូកក្នុងវិស័យសិល្បៈសាជាថ្មី ។ មូលហេតុនាំឲ្យតារាកំប្លែងរូបនេះវិលមកកាន់ប្រទេសកម្ពុជាវិញនោះមិនត្រូវបានគេទម្លាយឲ្យដឹងឡើយ ប៉ុន្តែដំបូងនាយក្រឹមបានត្រឡប់មកតែម្នាក់ឯងប៉ុណ្ណោះ ចំណែកប្រពន្ធកូនរបស់នាយបន្តរស់នៅអាមេរិក ។
អតីតតារាសម្តែងលោកសុវណ្ណ មករា ធ្លាប់រស់នៅជាមួយភរិយារបស់លោកនៅប្រទេសហ្វាំងឡង់។ លោកសុវណ្ណ មករា បានវិលកាន់ប្រទេសកម្ពុជាវិញ និងបានចូលរួមថតខ្សែភាពយន្តថ្មីមួយគឺរឿង«ភ្លើងព្យាបាទ»បន្ទាប់ពីលោកបានសម្តែងឲ្យស្ថានីយទូរទស្សន៍កងយោធពលខេមរភូមិន្ទប៉ុស្តិ៍លេខ៥រឿង«កំលោះឡឺកឺ» កាលពីចុងឆ្នាំ២០១០ រួចត្រឡប់ទៅនៅជាមួយភរិយានៅប្រទេសហ្វាំងឡង់វិញ ។ ប៉ុន្តែក្រោយមកតារារូបនេះក៏បានវិលត្រឡប់មករស់នៅប្រទេសកម្ពុជាវិញ ក្រោមពាក្យលេចលឺថា ដោយសារតែលោកបានកាត់ផ្តាច់ចំណងស្នេហាជាមួយភរិយានៅប្រទេសហ្វាំងឡង់ ។
ចំណែកអតីតតារាចម្រៀងលោកលាន អាព្រីលគីនីន វិញ ត្រូវប្រភពអះអាងថា លោកក៏ធ្លាប់ចេញទៅរស់នៅអាមេរិកបានមួយរយៈដែរ ហើយក៏បានវិលត្រឡប់មកវិញ ប៉ុន្តែមិនត្រូវបាននរណាម្នាក់ទម្លាយពីហេតុផលនៃការវិលត្រឡប់ពីអាមេរិកពីតារារូបនេះឡើយ។ បច្ចុប្បន្នលោកលាន អាព្រីលគីនីន មានជំនួញផ្ទាល់ខ្លួន ក្រៅពីអាជីពសិល្បៈ៕
តារាចម្រៀងដ៏ល្បីអ្នកនាងម៉េង កែវពេជ្ជតា មួយរយៈនេះត្រូវគេមើលឃើញថា បានយកវេទិកាហ្វេសប៊ុកវាយបកទៅវិញទៅមកជុំវិញការចោទប្រកាន់មួយចំនួនដែលបានកើតចំពោះអ្នកនាង ។ កាលពីពេល ថ្មីៗកន្លងមកអ្នកនាងពេជ្ជតាបានវាយប្រហារយ៉ាងចាស់ដៃទៅកាន់នារីអាណិកជនខ្មែរមួយរូបដែលបានប្រមាថមើលងាយមកលើនាងជុំវិញការគាំទ្រគណបក្សនយោបាយ ក្នុងពេលដែលនាងក៏បានវាយប្រហារទៅកាន់បុរសអាណិកជនខ្មែរមួយរូបផងដែរ ជុំវិញការប្រឌិតរឿងចោទប្រកាន់មកលើនាងដោយគ្មានមូលដ្ឋានច្បាស់លាស់ ។
អ្នកនាងម៉េង កែវពេជ្ជតា បានប្រើប្រាស់បណ្តាញសង្គមហ្វេសប៊ុកប្រតិកម្មទៅលើអ្នកសិល្បៈដូចគ្នាផងដែរកាលពីពេលកន្លងទៅ បន្ទាប់ពីមានការចោទប្រកាន់ និងការប៉ះសំដីគ្នា ។
អ្នកនាងម៉េង កែវពេជ្ជតាបានយកវេទិកាហ្វេសប៊ុកមកប្រើប្រាស់ច្រើនសម្រាប់ការបកស្រាយទៅលើបញ្ហា ផ្សេងៗ ក្នុងពេលដែលមួយរយៈចុងក្រោយនេះអ្នកនាងហាក់មិនសូវជាបានផ្តល់កិច្ចសម្ភាសន៍ណាមួយទៅកាន់អ្នកសារព័ត៌មានទេ ។
តារាសម្តែងជើងចាស់ និងបច្ចុប្បន្នជាប្រធានសមាគមសិល្បករខ្មែរអ្នកនាងចន ច័ន្ទលក្ខិណា ក៏ត្រូវបានគេមើលឃើញថា ប្រើប្រាស់បណ្តាញសង្គមហ្វេសប៊ុកដើម្បីឆ្លើយតប និងវាយបកទៅកាន់មនុស្សមួយចំនួនដែលបានជេរប្រមាថ និងរិះគន់លើរូបនាងផងដែរ ។
ជារឿយៗប្រធានសមាគមសិល្បកររូបនេះតែងតែបង្ហោះសារ និងចេញជាវីដេអូឃ្លីបឆ្លើយតបវិញ ភ្លាមៗទៅកាន់បុគ្គលណាមួយដែលបានវាយប្រហារមកលើរូបនាងតាមរូបភាព ផ្សេងៗ ។ អ្នកនាងលក្ខិណា បានធ្លាប់វាយប្រហារយ៉ាងចាស់ដៃទៅលើបុរសខ្មែរអាណិកជនមួយរូបដែលបានចោទប្រកាន់រូបនាងដោយគ្មានមូលដ្ឋានច្បាស់លាស់ពាក់ព័ន្ធទៅនឹងចំណងស្នេហ៍ជាមួយលោកហេង ឡុង និងការទាក់ទងជាមួយមន្ត្រីថ្នាក់ធំ ។
ការវាយបកតាមហ្វេសប៊ុករបស់តារារូបនេះបានកើតឡើងជាបន្តបន្ទាប់ មិនថាបុគ្គលដែលរស់នៅក្រៅប្រទេស ឬក៏ជាអ្នកសិល្បៈដូចគ្នានោះឡើយ ប្រសិនបើករណីនោះត្រូវបានអ្នកនាងយល់ថា មិនមានភាពត្រឹមត្រូវ និងអយុត្តិធម៌ចំពោះរូបនាង ។
តារាសម្តែងនាងដេននី ក្វាន់ ក៏បានប្រើប្រាស់បណ្តាញសង្គមហ្វេសប៊ុកដើម្បីវាយបក ភ្លាមៗទៅកាន់បុគ្គលណាមួយ ដែលតែងតែរិះគន់ចំពោះបញ្ហសិចស៊ីរបស់នាង ។ ដេននី ក្វាន់ តែងតែបង្ហោះសារ និងចេញជាវីដេអូឃ្លីបជាបន្តបន្ទាប់វាយប្រហារដោយពាក្យសម្តីមិនសំចៃមាត់ ចំពោះការរិះគន់នានាពីទស្សនិកជន ដែលតែងតែរិះគន់រូបនាងចំពោះការចូលចិត្តសម្ញែងភាពសិចស៊ី ។ ដេននី ក្វាន់ ហាក់មិនខ្លាចរអាណាមួយ ចំពោះការប្រើប្រាស់ពាក្យសម្តីយ៉ាងអសុរោះវាយប្រហារចំពោះបុគ្គលណាមួយតាមបណ្តាញសង្គមហ្វេសប៊ុកនេះឡើយ ក្នុងពេលដែលនាងគឺជាតារាមួយរូបដែលមិនសូវមានទីផ្សារក្នុងសិល្បៈច្រើនជាងការធ្វើមុខជំនួញនោះឡើយ ។
តារាចម្រៀងដែលត្រូវបានគេផ្តល់រហស្សនាមថា តារាពូកែទើសលោកម៉ៃ សុគន្ធ បានប្រើប្រាស់បណ្តាញសង្គមហ្វេសប៊ុករិះគន់ វាយប្រហារ ដោយមិនរើសមុខ ដោយមិនថា អ្នកនោះជាតារា ឬក៏ជាទស្សនិកជនឡើយ ។ ភាគច្រើននៃការរិះគន់របស់លោកម៉ៃ សុគន្ធ គឺសម្តៅតែទៅលើតារាដូចគ្នា ក្នុងពេលដែលតារាទាំងនោះបានធ្វើរឿង ផ្សេងៗ ដែលលោកគិតថា មិនសក្តិសមគឺលោកនឹងបញ្ចេញសារ ឬជាវីដេអូឃ្លីបរិះគន់ភ្លាម ។
លោកម៉ៃ សុគន្ធ បានវាយប្រហារមិនត្រឹមតែតារា ថ្មីៗនោះទេ ប៉ុន្តែលោកក៏បានវាយប្រហារតារា ល្បីៗមួយចំនួនតួយ៉ាងដូចជាលោកខេមរៈ សិរីមន្ត ដែលលោកបានវាយប្រហារថាបានយកស្ទីលតាមតារាបរទេស។
លោកម៉ៃ សុគន្ធ តែងតែបន្តការរិះគន់ជាបន្តបន្ទាប់តាមបណ្តាញសង្គមហ្វេសប៊ុក ក្នុងពេលដែលមានតារាចម្រៀងណាមួយបានយកបទចម្រៀងពីបរទេសមកច្រៀង ហើយអះអាងថា ជាបទនិពន្ធដោយស្នាដៃខ្លួនឯង ។
អាចារ្យធំក៏ត្រូវបានគេចាត់ទុកថា ជាតារាមួយរូបដែលចូលចិត្តយកវេទិកានៃបណ្តាញហ្វេសប៊ុកមកវាយប្រហារ និងរិះគន់ទៅកាន់បុគ្គលមួយចំនួន និងអ្នកសិល្បៈដូចគ្នាផងដែរ។ អាចារ្យធំត្រូវបានគេចាត់ទុកថា ជាអ្នករិះគន់ដោយគ្មានញញើត ដោយលោកតែងតែចេញមុខរិះគន់ ចំៗតែម្តង ក្នុងករណីណាដែលបានកើតឡើង ដែលលោកយល់ថា ជារឿងមិនសក្តិសម ។
តារារូបនេះបានយកវេទិកាហ្វេសប៊ុកចេញជាវីដេអូឃ្លីប ឬបង្ហោះសារ ផ្សេងៗរិះគន់ និងបកស្រាយពីបញ្ហាសង្គមនានា ដោយមិនសូវជាខ្លាចញញើតចំពោះបុគ្គលនោះថា ជាអ្នកណាឡើយ ។ ជា រឿយៗលោកតែងតែសហការគ្នាជាមួយលោកតាន់ គឹមសួរ ដែលត្រូវបានគេចាត់ទុកថា ជាអ្នកពូកែខាងរិះគន់ម្នាក់ដែរនោះ រិះគន់មិនសំចៃមាត់ទៅកាន់បុគ្គលនានាដែលបានចោទប្រកាន់មកលើរូបលោក ហើយក្នុងនោះក៏មានអ្នកសិល្បៈដូចគ្នាផងដែរ ។
អាចារ្យធំភាគច្រើនតែងតែរិះគន់បញ្ហានានានៅក្នុងសង្គមដែលអសកម្ម ក្នុងន័យចូលរួមដោះស្រាយ និងស្ថាបនា ជាជាងការវាយប្រហារគ្នាជាលក្ខណៈបុគ្គល និងបុគ្គល។
តារាដែលបានប្រើប្រាស់បណ្តាញសង្គមហ្វេសប៊ុកធ្វើជាវេទិកាឆ្លើយឆ្លងគ្នាមិនមែនតែប៉ុន្មាននាក់នោះទេ ពោលក៏មានតារាមួយចំនួនទៀតផងដែរ ប៉ុន្តែគ្រាន់តែតារាខ្លះមិនសូវមានរឿងអ្វីលេចធ្លោប៉ុណ្ណោះ ៕
ក្មេងកំសត់អាយុ ៨ ឆ្នាំ ដែលត្រូវបានឡានធន់ធ្ងន់បើកកិនពីលើជើង បណ្តាលឲ្យរងរបួសធ្ងន់ រហូតត្រូវខាងមន្ទីរពេទ្យសំរេចកាត់ជើងរបស់ប្អូនចោល ហើយពេលនេះប្អូនកំពុងតែសង្គ្រោះបន្ទាន់នៅឯមន្ទីរពេទ្យមួយក្នុងប្រទេសវៀតណាម។ ដោយសារតែក្រុមគ្រួសាររបស់ប្អូនមានជីវភាពខ្វះខាត មិនមានថវិការគ្រប់គ្រាន់ក្នុងការព្យាបាលរបួសដ៏ធ្ងន់ធ្ងររបស់ប្អូន បានធ្វើឲ្យមហាជនជាច្រើនមិនអាចមើលនិងភ្នែកបានទេ ក៏បាននាំគ្នាជួយរកការឧបត្ថម ពីសប្បុរសនានា ជាបន្តបន្ទាប់។ ទោះបីជាយ៉ាងណា មកដល់ពេលនេះ ក្មេងប្រុសកម្សត់ឈ្មោះ លី ហេង អាយុ ៨ឆ្នាំ មិនទាន់បានធូស្រាលនៅឡើយទេ គឺកាន់តែមានអការៈគួរឲ្យបារម្ភ ដោយសារតែពេលនេះប្អូនមិនត្រឹមតែត្រូវបាត់បងជើងមួយជំហៀងទេ តែត្រូវកាត់ប្រដាប់ភេទរបស់ប្អូនប្រុសចោលទៀត ព្រមទាំងត្រៀមវះកាត់តំរងនោមម្តងទៀតផងដែរ។
សភាពរបស់ក្មួយប្រុស លី ហេង ធ្ងន់ធ្ងរខ្លាំងដោយក្មួយប្រុសឈឺគ្រប់នៅស្នាមរបួសគួរអោយសង្វេគនិងអាណិតក្មួយប្រុសណាស់ ហើយប្រដាប់ភេទរបស់ក្មួយក៏ត្រូវបានកាត់ចោលអស់ហើយមិនមានទៀតទេ និងថ្ងៃខាងមុខនេះក្មួយប្រុសនឹងអាចត្រូវវះកាត់នៅផ្នែកតំរោងនោមម្តងទៀត។ សូមបងប្អូនសប្បុរសជនមេត្តាជួយដល់ក្មួយប្រុសដ៏គួរអោយអាណិតម្នាក់នេះតាមលទ្ធផងចុះព្រោះឥឡូវនេះក្មួយប្រុសនិងក្រុមគ្រួសារពិតជាត្រូវការជំនួយពីបងប្អូនសប្បុរសជនទាំងអស់ខ្លាំងណាស់។
តារាកំប្លែងស្រីដែលមានឈាមជ័រឪពុកជាតារាកំប្លែងដូចគ្នាអ្នកនាងប៉េងប៉ោង គឺជាតារាកំប្លែងស្រីដែលមានមាឌធំ និងមានទាក់ទាញផងដែរ ទៅលើមាឌរបស់នាងជាមួយទេពកោសល្យសម្តែង ។ ប៉េងប៉ោង ជាកូនស្រីបង្កើតរបស់នាយវីតាមីនសេ ដែលទើបតែបានទទួលមរណភាពកាលពីពេល ថ្មីៗកន្លងមក ។ នាងក៏ជាតារាកំប្លែងមួយរូបស្ថិតនៅក្នុងក្រុមឪពុករបស់នាងផងដែរ ។ យ៉ាងណាក៏ដោយបន្ទាប់ពីឪពុករបស់នាងបានទទួលមរណភាពនោះ គេមិនទាន់ដឹងថា ប៉េងប៉ោងនឹងចូលរួមសម្តែងនៅក្នុងក្រុមមួយណាច្បាស់លាស់នៅឡើយទេ ប៉ុន្តែទំនងជានាងអាចសម្តែងចល័ត ។
ក្រៅអំពីអាជីពសម្តែងកំប្លែង ប៉េងប៉ោង ក៏មានទីផ្សារខ្ពស់ផងដែរក្នុងការសម្តែងខ្សែភាពយន្តខ្នាតធំ និងរឿងភាគទូរទស្សន៍ ហើយនាងក៏ជាតារាចម្រៀងប្រចាំកងអង្គរក្សសម្តេចតេជោផងដែរ ។
តារាមាឌធំភេទទីបីនាងយេយេ ក៏ជាតារាកំប្លែងដែលកំពុងមានទីផ្សារខ្ពស់ផងដែរនាពេលបច្ចុប្បន្ន ក្នុងពេលដែលតារារូបនេះបានលេចវត្តមានស្ទើរមិនដាច់សូរតាមកញ្ចក់ទូរទស្សន៍ ។ យេយេ បានបង្កើតក្រុមកំប្លែងភេទទីបីរបស់ខ្លួន ដែលបានសម្តែងជាប្រចាំឲ្យស្ថានីយទូរទស្សន៍ខ្មែរប៉ុស្តិ៍លេខ៩រៀងរាល់ចុងសប្តាហ៍ ក្នុងនោះនាងក៏ជាពិធីករមួយរូបក្នុងកម្មវិធីភ្លក់មុខម្ហូបនៅស្ថានីយទូរទស្សន៍បាយ័នផងដែរ។
តារាកំប្លែងដែលកំពុងតែលេចធ្លោម្នាក់ផងដែរនាយធុង បានបង្ហាញខ្លួនចូលរួមសម្តែងជាមួយក្រុមកំប្លែងនាយក្រឹម ក្នុងកម្មវិធីសំណើចចុងសប្តាហ៍របស់ស្ថានីយទូរទស្សន៍បាយ័ន ។ តារាកំប្លែងរូបនេះក៏បានបង្ហាញវត្តមានសម្តែងនៅលើកញ្ចក់ទូរទស្សន៍នានាផងដែរ ជាពិសេសនាយក៏បានចូលរួមក្នុងវង្សតន្ត្រីសប្បុរសធម៌ស្វែងរកប្រាក់សម្រាប់ជួយដល់មន្ទីរពេទ្យគន្ធបុប្ផា ក្មេងកំព្រា និងចាស់ជរាផងដែរ ។
បច្ចុប្បន្ននាយធុង ជាតារាកំប្លែងមួយរូបនៅក្នុងក្រុមកំប្លែងលោកខាត់ ចំរើន ហៅនាយកន្តេះឡង់ និងនាយស្វិត ៕
សមត្ថកិច្ចមូលដ្ឋានដែលទៅកន្លែងកើតហេតុឲ្យដឹងថាអ្នកបើកបរដែលរងរបួសត្រូវគេបញ្ជូនទៅមន្ទីរពេទ្យ មុនពេលសមត្ថកិច្ចទៅដល់ ។ ប៉ូលិសចរាចរណ៍ក្រុងបានទៅវាស់វែង និងស្ទូចរថយន្តយកទៅរក្សាទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ រង់ចាំម្ចាស់រថយន្តចូលខ្លួនដោះស្រាយសំណងខូចខាតទ្រព្យសម្បត្តិរដ្ឋ ។
បើតាមអ្នករត់ម៉ូតូកង់បីដែលឈប់ចតនៅចំណុចនោះឱ្យដឹងថា ក្រោយពេលបុករួច លោកញ៉ែម សុគន្ធ បានបើកទ្វាររថយន្តចេញក្រៅ ហើយហៅរថយន្តមួយគ្រឿងមកទទួលលោកចេញទៅបាត់ បន្សល់ទុកតែរថយន្តរបស់លោកដែលខូចខាតនៅនឹងកន្លែងកើតហេតុ ។
មិនទាន់មានការបំភ្លឺពីលោកញ៉ែម សុគន្ធ ទាក់ទិនគ្រោះថ្នាក់នោះទេ ។ ទន្ទឹមនេះក៏មិនមានប្រភពបញ្ជាក់ពីអាការរបួសរបស់លោកញ៉ែម សុគន្ធ ដែរ ។
កាលពីប៉ុន្មានខែមុនលោកញ៉ែម សុគន្ធ រងការវាយប្រហារពីយុវជនម្នាក់ថាលោកជាមនុស្សស្រលាញ់ភេទដូចគ្នា ហើយរូបគេជាគូស្នេហ៍ដែលលោកក្បត់ចិត្ត ។ ទោះជាយ៉ាងណាក្តី មិនបានប៉ុន្មានផងលោកសុគន្ធ បានភ្ជាប់ពាក្យជាមួយនារីម្នាក់ ៕
