រាជធានីភ្នំពេញ ៖ តារាសម្តែងលោកសាវីន ហ្វីលីព និងចាងហ្វាងផលិតកម្មមហាហង្សលោកអ៊ិន សុភិន បានខ្វែងគំនិតគ្នាជុំវិញការដាក់បញ្ចូលខ្សែភាពយន្តខ្មែរដែលដឹកនាំដោយបរទេសដើម្បីប្រកួតប្រជែងក្នុងមហោស្រពភាពយន្តជាតិលើកទី៥ ឆ្នាំ២០១៧ ។
ការខ្វែងគំនិតគ្នានេះកើតឡើងបន្ទាប់ពីខ្សែភាពយន្តចំនួន៣រឿងដែលជាស្នាដៃដឹកនាំថតដោយផលិតករបរទេស ហើយកំពុងតែទទួលបានគាំទ្រច្រើនពីអ្នកទស្សនា ខណៈពេលដែលក្នុងចំណោមភាពយន្តទាំងបីនេះទំនងក្លាយជាម្ចាស់ពាន ។
ខ្សែភាពយន្តទាំងបីនោះ គឺរឿង «ការពារឧក្រិដ្ឋជន» «មុនពេលដួលរលំ» និងរឿង«តម្លៃស្នេហ៍» ដែលរឿងទាំងនោះដឹកនាំដោយផលិត ករបរទេស បើទោះបីជាមានចូលរួមដោយតារាភាពយន្តខ្មែរក៏ដោយ ។
ផលិតករមួយចំនួនសម្តែងការមិនពេញចិត្តចំពោះក្រសួងដែលអនុញ្ញាតឲ្យភាពយន្តទាំងនោះចូលរួមប្រកូតប្រជែង ក្នុងពេលខ្សែភាពយន្តខ្មែរដែលដឹកនាំដោយជនជាតិខ្មែរនៅមានកម្រិតនៅឡើយ ។
ពាក់ព័ន្ធទៅនឹងការរិះគន់នេះ ថ្មីៗកន្លងមកតារាសម្តែងលោកសាវីន ហ្វីលីព លើកឡើងថា «អ្នករិះគន់ភាគច្រើនប្រហែលមិនបានអានលក្ខខណ្ឌថ្មីនានារបស់នាយកដ្ឋានភាពយន្តថាតើភាពយន្តដែលផលិតដោយផលិតករបរទេសនៅស្រុកខ្មែរបែបណាដែលអាចមានសិទ្ធិចូលរួមប្រកួតជាមួយព្រឹត្តិការណ៍មហោស្រពភាពយន្តជាតិឆ្នាំនេះបាន ? តាមយោបល់ខ្ញុំ បើគេធ្វើបានល្អជាងអបអរគេទៅកុំច្រណែនគេអី កុំលាបពណ៌គេអី យ៉ាងហោចណាស់តួសម្ដែង និងក្រុមផលិត៩៩%សុទ្ធតែជាខ្មែរ ។ ខ្ញុំនិយាយនេះមិនមែនដោយសាររឿង« Jail Breakការពារឧក្រិដ្ធជន» និងរឿង «តម្លៃស្នេហ៍ » សុទ្ធតែមានខ្ញុំសម្ដែងទេ »។
ចំណែកចាងហ្វាងផលិតកម្មមហាហង្សលោកអុិន សុភិន យល់ឃើញផ្ទុយពីការលើកឡើងរបស់លោកសាវីន ហ្វីលីព ដោយលោកលើកឡើងថា «ពាក្យថាមហោស្រពភាពយន្តជាតិ គឺអ្វីៗកូនខ្មែរជាអ្នកផលិតដើម្បីបង្ហាញពីស្នាដៃកូនខ្មែរ និងអត្តសញ្ញាណជាតិខ្មែរ ។ ផលិតករខ្មែរទាំងអស់ខំប្រឹងណាស់រហូតដល់មានការរីកចម្រើនវិស័យភាពយន្តគួរឲ្យកត់សម្គាល់ ផលិតករខ្លះរហូតដល់ខ្ចីលុយគេទៀតមកផលិតភាពយន្តព្រោះតែចង់លើកស្ទួយវិស័យមួយនេះ ។ ការប្រកួតប្រជែងចាញ់ ឬឈ្នះជារឿងធម្មតា ប៉ុន្តែត្រូវសុក្រឹត និងយុត្តិធម៌ ។
ផលិតករខ្មែរមិនមានគំនិតថោកទាបទៅច្រណែននឹងរឿងបរទេសជាអ្នកផលិត ចូលរួមប្រកួតប្រជែង ដូចជនអគតិមួយចំនួនគិតនោះទេ គ្រាន់តែចង់ចែកឱ្យច្បាស់រវាងពាក្យជាតិ និងអន្តរជាតិ ។
បើសិនមិនការវែកញែកច្បាស់លាស់នៅមហោស្រពលើកក្រោយផលិតករខ្មែរនឹងមានការថយចុះក្នុងការយករឿងទៅប្រកួតប្រជែង ពេលនោះមហោស្រពជាតិមានតែរឿងផលិតដោយផលិតករបរទេសចូលរួមប្រកួតប្រជែង តើឯណាទៅពាក្យថាជាតិខ្មែរចង់លើកស្ទួយស្នាដៃខ្មែរជាអ្នកផលិត ។
ផលិតករខ្មែរនឹងបាក់ទឹកចិត្តវិស័យភាពយន្តនិងធ្លាក់ចុះវិញជាមិនខាន កូនខ្មែរមួយចំនួននឹងអត់ការងារធ្វើ ព្រោះផលិតករដែលមានលុយច្រើននឹងរត់ទៅជួលបរទេសមកផលិតរឿងដើម្បីដាក់ប្រកួតប្រជែង យកឈ្មោះ ពេលនោះហើយកូនខ្មែរនឹងអស់ឱកាសក្នុងការបញ្ចញស្នាដៃក្នុងការប្រកួតប្រជែងថ្នាក់ជាតិ » ។
ប្រធានស្តីទីនាយកដ្ឋានភាពយន្ត និងផ្សព្វផ្សាយវប្បធម៌លោកប៉ុក បូរក្ស អះអាងថា«ការប្រកួតប្រជែងនេះធ្វើទៅតាមគោលការណ៍ គឺភាពយន្តណាផលិតនៅកម្ពុជាដែលមានទិដ្ឋាការផលិតពីក្រសួង និងមានការចូលរួមសម្តែងដោយជនជាតិខ្មែរមិនថាផលិតដោយជនបរទេសនោះទេ សុទ្ធតែមានសិទ្ធិចូលរួមប្រកួតក្នុងមហោស្រពភាពភាពយន្តជាតិលើកទី៥ ។ មហោស្រពភាពយន្តជាតិលើកទី៥ខុសពីពេលកន្លងទៅ ដោយបានបើកទូលាយរាល់ភាពយន្តដែលផលិតក្នុងប្រទេសកម្ពុជាឱ្យចូលរួមប្រកួត ដើម្បីឱ្យការប្រកួតប្រជែងកាន់តែខ្លាំងជាងមុន» ៕
តើតារាណាខ្លះចាក់សាក់ ?
កញ្ញានិយមភាពសិចស៊ីពេជ្រ អាវីហ្សា បានរំលេចស្នាមសាក់ផ្នែកខាងក្រោយនៃស្មារបស់ខ្លួនដោយមើលទៅជាប្រភេទសាក់បែបខ្មែរ។ មិនដឹងថានាងទ្រាំការឈឺចាប់ប៉ុនណាទេនៅពេលរងម្ជុលចាក់ដោតរាងកាយសាច់សបែបនេះ។ អាវីហ្សាតាំងពីចាក់សាក់មករមែងរំលេចឱ្យគេឃើញគ្រប់សកម្មភាពទៅណាមកណា ។
អ្នកនាងទូច ស្រីលក្ខណ៍ បង្ហាញស្នាមសាក់ស្រស់ស្អាតគួរឱ្យចង់គយគន់ ។
កញ្ញាសឿន ផានផាភួង បានរំលេចឈ្មោះរបស់នាងនៅលើស្មាខាងក្រោយ តាមរយៈការសាក់ដែរ ។ តារាស្រីម្នាក់នេះតាំងពីឡើងកូដមកលេងខ្លួនគួរឲ្យទាក់ទាញខុសពី ដំបូងៗ ។ ផាភួង និយាយថានាងសាក់នេះគ្រាន់តែមើលទៅឲ្យប្លែក ណាមួយនេះជាឈ្មោះត្រកូលរបស់នាងទើបគិតថាមិនខុសអ្វី ណាមួយសមស្របតាមការពេញនិយមនាពេលបច្ចុប្បន្នផងដែរ ។
ក្រៅពីតារាទាំងបីដួងនេះគេឃើញតារាល្បីមួយចំនួនទៀតដែរបានសាក់លើដងខ្លួនដូចជាសូដា នីតា, ទឹម រដ្ឋា, ញឹម ចាន់ថន និងតូតា ជាដើម ៕
កញ្ញាពេជ្រ អាវីហ្សា ទើបតែសម្តែងចប់ពីររឿងដោយរង់ចាំការសម្ពោធនាពេលខាងមុខ។ វាមិនរីករាយទេដែលបានសម្តែងត្រឹមតែពីរបីរឿង គឺវីហ្សាចង់ក្រសោបការសម្តែងភាពយន្តឱ្យបានច្រើនបន្តទៀត ។ «នាងខ្ញុំចង់ឱ្យផលិតករគាត់ផ្តល់ការសម្តែងជូនច្រើនជាងនេះ មិនចង់បាន១ឆ្នាំ២ទៅ៣រឿងប៉ុណ្ណោះទេ ។ នាងខ្ញុំច្បាមបានច្រើនផ្នែកការសម្តែងចម្រៀងកាយវិការខារ៉ាអូខេច្រើនបទណាស់ សុទ្ធតែជាតួអង្គ សំខាន់ៗដូចជាសម្តែងនៅផលិតកម្មហង្សមាស ,ថោន និងសាន់ដេ ។ អ៊ីចឹងហើយទើបគិតថា ចង់ទទួលជម្រើសងាកមកបង្ហាញសមត្ថភាពលើទីផ្សារភាពយន្តឲ្យច្រើនដូចចម្រៀងខារ៉ាអូខេតែម្តង ។
ការស្ងាត់សម្តែងរឿងប្រហែលមកពីមុននាងខ្ញុំមមាញឹក ហើយមិនសូវបានចេញថតទើបផលិតករគាត់យល់ថាប្រហែលជាផ្អាក តាមការណ៍ពិតមិនបានផ្អាកអ្វីទេនៅតែសម្តែង។ ជីវិតនាងខ្ញុំមានតែសិល្បៈហ្នឹងហើយជួយបំពេញកម្រិតជីវភាពគ្រាដើមទុនមិនគ្រប់គ្រាន់ក្នុងការបើករបរផ្សេង ហើយនាងខ្ញុំមានអាជីពក្រៅសិល្បៈក៏មិនចោលដែរ ។
ដូចនេះក៏រំពឹងថាបងប្អូនផលិតករនឹងផ្តល់ទីផ្សារជាបន្តទៀតសម្រាប់រូបនាងខ្ញុំ ហើយក៏អរគុណដែលកន្លងមករមែងជូនការងារនាងខ្ញុំបង្ហាញស្នាដៃ » ។
កញ្ញាពេជ្រ អាវីហ្សា បញ្ជាក់ថា បច្ចុប្បន្ននាងកំពុងថតMVខារ៉ាអូខេ ថតស្ប៉ត ព្រមទាំងទទួលថតកុនរឿង «មិនសាកមិនដឹង» សម្តែងជាមួយតួស្រីម្នាក់ទៀតគឺកញ្ញា ដួង ម៉ានិច និងតួប្រុសដែលពូកែខាងក្បាច់គុន និងជាអ្នកលេងសាច់ដុំ ៕
អាចទៅរួចបានប៉ុណ្ណាជាមួយសិរីមន្តដែលជាតារាចម្រៀង មានទឹកដមសំឡេងខ្ពស់ពិបាករកគូប្រៀប ប្រសិនបើនាយចឺម ជើងថ្មីសុទ្ឋតែចេញកាលបរិច្ឆេទល្បីអោយដូចសិរីមន្តមិនអោយផុតឆ្នាំក្រោយ ។ ទស្សនិកជនភាគច្រើនបានគិតថានេះជាការប្រៀបធៀបជ្រុល ប្រសិនបើនោះជាសំដីចេញពីនាយចឺមមែន ដោយសារតែទីផ្សារសិល្បៈរមែងមិនទៀងទាត់ឡើយអាចងើបអាចឡើងមើលមិនឃើញ ។ ដូចនេះអ្វីៗមានតែពឹងលើសមត្ថភាព ការព្យាយាមរំលេចអ្វីថ្មីៗ ហើយនឹងប្រជាប្រិយភាពត្រូវរក្សាដោយចរិកលក្ខណៈនៅខាងក្រៅផងដែរ។
គួរបញ្ជាក់ផងដែរនាយចឺមតាំងពីខេមរៈ សិរីមន្តលាឈប់ជាតារាសាន់ដេមកខាងក្រុមហ៊ុននេះបានចេញចម្រៀងលំដាប់យុវវ័យជាច្រើនអោយតារាកំប្លែងរលកក្រោយនាយចឺមច្រៀងជាប្រចាំរហូតមានការគាំទ្រយ៉ាងពេញទំហឹងពីអ្នកស្តាប់ទើបសម្រេចរក្សានាយចឺមទុកធ្វើជាគ្រាប់ពេជ្រនៅសាន់ដេរ៕
អ្នកនាងម៉ាយ៉ាវី ដែលមិនធ្លាប់មានទំនាក់ទំនងណាមួយជិតដិតជាមួយតារាចម្រៀងអភ័ព្ទ សាន ស្រីឡៃ បែរជាយល់សុបិន្តឃើញស្រីឡៃរត់មកឱបនាងញញឹមទឹកមុខស្រពោន ។
ម៉ាយ៉ាវីនបានអះអាងថា នាងមិនធ្លាប់ជួបអ្នកនាងសាន ស្រីឡៃនៅខាងក្រៅទេ ។ប៉ុន្តែភាពអាណិតតក់ស្លុតក្រោយ នាងត្រូវស្វាមីបាញ់សម្លាប់នាងបានទៅចូលបុណ្យ៧ថ្ងៃ នាវត្តទួលទំពូង។ លុះក្រោយមកស្រាប់តែប៉ុន្មានថ្ងៃមកយល់សុបិន្តដល់ទៅបីបួនថ្ងៃជាប់គ្នា ឃើញស្រីឡៃចេះតែមកឱបញញឹមហាក់ដូចជា មកអរគុណដែលមកចូលរួមបុណ្យរបស់នាង ។
យ៉ាវីនថានាងមិនតក់ស្លុតពេកឡើយ ដោយគ្រាន់តែឆ្ងល់ហេតុអ្វីនាងចេះតែមកយល់សុបិន្តចឹង បើយើងទាំង២មិនដែលស្គាល់គ្នាឬជួបនៅខាងក្រៅម្តងឡើយ ។
យ៉ាងណាមិញ នាងគ្មានអ្វីក្រៅពីឧទ្ទិសកុសលជូនវិញ្ញាក្ខន្ឋស្រីឡៃទៅកាន់សុគតិភពឡើយ ។ គួរបញ្ជាក់ដែរថា៖ ម៉ាយ៉ាវីន បានបាត់មុខយូរខែដោយនាងក៍ជាតារាចម្រៀងលេចធ្លោមួយដូងដែរ ។ យ៉ាវីននឹងវិលមកកាន់សិល្បៈវិញ នៅដើមឆ្នាំ២០១៨ ខាងមុខក្រោយអះអាងថា ជីវិតនាងមានតែសិល្បៈជាមុខរបរ៕
ស្ទើតែពាក់កណ្ដាលជីវិតទៅហើយ តើជីវិតខ្ញុំទទួលបានអីខ្លះ ទទួលបានតែកម្មមកដាក់ខ្លួន យប់ព្រឹកៗដើរដូចមាន់ ទោះជាហត់នឿយក៏ទ្រាំ អោយតែទទួលបាននៅអ្វី ដែលល្អដែលជោគជ័យ ចុះពេលដែលខ្ញុំមិនសប្បាយចិត្ត ខ្ញុំពិបាកចិត្ត ខ្ញុំុគិតច្រើន ស្ទើរឆ្កួត ស្ទើរតែគ្មានច្រកចេញ មានអ្នកណាម្នាក់យល់ពីអារម្មណ៏ ពីចិត្តខ្លះទេ ខ្ញុំជឿថាណាស់ហើយ ទោះជាខ្ញុំគិតច្រើនតទៅទៀត ក៏អត់តំលៃ យ៉ាងណាៗក៏អត់ន័យ គ្មានថ្ងៃយល់ មានតែចិត្តខ្ញុំទេ ហើយខ្ញុំយល់ ចឹងហើយបានថាការស្រលាញ់ ការទ្រាំ ការស៊ូ របស់មនុស្សម្នាក់ៗ មានកំណត់ ។
ទោះបីជាយ៉ាងណា មិត្តភក្តិអ្នកគាំទ្រចង់អោយ នាងអុីត ធ្វើការដោយសប្បាយចិត្ត ហើយត្រឡប់មកផ្តល់ស្នាមញញឹមជាថ្មី គ្រាដែលនាងកំពុងត្រូវបានមហាជនស្រឡាញ់គាំទ្រ ៕
យោងតា Daradaily បានឱ្យដឹងថា រឿងភាគទូរទស្សន៍ថ្មីដែលបវរកញ្ញាចក្រវាលថៃ ២០១៦ នឹងសម្តែងនោះគឺមានចំណងជើងថា «Saab Krasue»ដែលផលិតនិងដឹកនាំដោយអ្នកដឹកនាំដ៏ល្បីប្រចាំប្រទេសថៃគឺ Ea Isariya ហើយនឹងចាក់បញ្ចាំងក្នុងកញ្ចក់ទូរទស្សន៍ប៉ុស្តិ៍លេខ ៣ របស់ថៃ ៕
