សូមណែនាំកែវទឹក៦ជ្រុងយ៉ាងស្រស់ស្អាតរបស់ DC – Justice League (3D) ដែលមានរូបតួអង្គធំៗ៦នាក់នៅលើកែវតែមួយ គឺតួអង្គ Cyborg, Wonder Woman, Batman, Aquaman, The Flash និងចុងក្រោយគឺ Superman នៅលើកែវតែមួយ តម្លៃគឺសមរម្យ និងមានជាឈុតថែមទៀតផង។
ចាំកាលទៀត ហ្វេនៗ DC ? បើចង់បាន ប្រញាប់រួសរាន់មកទិញឥលូវមក មានដាក់លក់ចាប់ពីថ្ងៃទី ១០ ខែវិច្ឆិកា នេះតទៅ នៅរោងភាពយន្តលេជេន គ្រប់សាខា។ រួសរាន់ឡើង ព្រោះថាចំនួនមានកំណត់!
ដោយមិនបង្ហាញអត្តសញ្ញាណ បុរសម្នាក់បានអះអាងប្រាប់កោះសន្តិភាពតាមទូរស័ព្ទដែលឪពុកម្តាយពេជ្រ ថៃ ធ្លាប់ប្រើថា ខ្លួនបានដឹងព័ត៌មាននោះដែរ ។ គេចុះផ្សាយពីពេជ្រ ថៃ ទាក់ទិនការលាក់អាយុពិតពី១៦ឆ្នាំមក១២ឆ្នាំវិញ ហើយការលាក់អាយុនេះដើម្បីមានសិទ្ធិបានចូលរួមប្រឡងក្នុងកម្មវិធី The Voice kid Cambodia ។
ប្រភពនោះនិយាយដោយខ្លីថា តាមពិតការលេចលឺនោះ គឺកើតចេញពីការច្រណែនឈ្នានីសចំពោះពេជ្រ ថៃ ក្នុងពេលដែលគេទើបតែមានភាពលូតលាស់បានបន្តិច ។ ទោះជាយ៉ាងណាក្តីបុរសរូបនោះបញ្ជាក់ថា រឿងរបស់ពេជ្រ ថៃ លោកហាក់មិនសូវបានដឹងច្រើនទេ ។
ការលេចលឺស្តីពីការលាក់អាយុពិតរបស់កុមារាពេជ្រ ថៃ បានកើតឡើងបន្ទាប់ពីម្ចាស់ពានរង្វាន់រដូវកាលទី១មានប្រភពមកពីខេត្តបាត់ដំបងរូបនេះ បង្ហាញខ្លួនជាលើកដំបូងលើឆាកតន្ត្រីហង្សមាសនាពេលបុណ្យអុំទូកកន្លងទៅ ។ កុមាររូបនេះបានបង្ហាញខ្លួន៣ថ្ងៃពេញនៅលើឆាកតន្ត្រីដ៏ធំនោះ ។
បន្ទាប់ពីនោះមកកុមារា ពេជ្រ ថៃ បានជួបប្រទះនឹងព័ត៌មានពីការលាក់អាយុពិតរបស់ខ្លួន ដែលការចុះផ្សាយនោះតាមការអះអាងប្រាប់ពីបណ្តាអ្នកភូមិផងរបងជាមួយគេផ្ទាល់តែម្តង ។
ប្រភពដែលចុះផ្សាយនោះអះអាងថា កុមារា ពេជ្រ ថៃ មិនមែនជាក្មេងអាយុ១២ឆ្នាំទេ ពោលគេគឺជាក្មេងវ័យជំទង់ដែលមានអាយុប្រហែល១៦ឆ្នាំ ព្រោះកុមារមួយចំនួនក្នុងភូមិដែលកើតក្រោយរូបគេភាគច្រើនមានវ័យ១៥ឆ្នាំអស់ហើយ ។ ប៉ុន្តែដោយសារតែគេជាមនុស្សក្រិន ទើបមើលមិនដឹង ហើយការលាក់អាយុនេះទៀតសោត គឺដើម្បីមានឱកាសអាចចូលរួមប្រឡងកម្មវិធី The Voice kid Cambodia ។
មានការលើកឡើងមួយចំនួនទៀតថា ប្រសិនបើក្នុងករណីដែលអុ្នករៀបចំកម្មវិធីបានពិនិត្យឃើញថា ពេជ្រ ថៃ ពិតជាមានអាយុ១៦ឆ្នាំមែននោះ គេអាចនឹងប្រឈមការដកហូតពានរង្វាន់វិញ ព្រោះខុសលក្ខន្តិកៈដែលតម្រូវឲ្យកុមារមាន១៤ឆ្នាំចុះទើបមានសិទ្ធិដាក់ពាក្យប្រឡងបាន ។
ពាក់ព័ន្ធទៅនឹងបញ្ហានេះ កាលពីថ្ងៃទី៧ ខែវិច្ឆិកា ២០១៧ កោះសន្តិភាពមិនអាចស្វែងរកការបកស្រាយណាមួយបានទេ ពីស្ថានីយទូរទស្សន៍ហង្សមាស ៕
បន្ទាប់ពីមានការលេចឮពីការលាក់អាយុពិតរបស់ម្ចាស់ពាន TheVoice Kid រដូវកាលទីមួយ ពេជ្រ ថៃ គឺមកដល់ពេលនេះ សំបុត្រកំណើតរបស់កុមាររូបនេះ ត្រូវបានគេបង្ហោះតាមបណ្តាញសង្គមហ្វេសប៊ុក បញ្ជាក់ពីអាយុពិត ខណៈពេលដែលហង្សមាសបដិសេធមិនមានបំណងដកហូតពានពី ពេជ្រ ថៃ តាមការទាមទារពីអ្នករិះគន់ ដែលមិនសមហេតុផលនោះឡើយ ។
សារព័ត៌មាននៅក្នុងស្រុកមួយ ធ្វើការចុះផ្សាយពីការលាក់អាយុពិតរបស់កុមារ ពេជ្រ ថៃ ដែលអះអាងថា កុមាររូបនេះ មិនមែនមានអាយុ១២ឆ្នាំឡើយ ពោលគឺមានអាយុប្រហាក់ប្រហែលជា១៦ឆ្នាំ ។
ព័ត៌មាននេះ បានធ្វើឱ្យមហាជនដែលនិយមគាំទ្រដ៏កុមារ ពេជ្រ ថៃ បានសម្តែងការភ្ញាក់ផ្អើលយ៉ាងខ្លាំង ក្នុងពេលដែលមានមហាជនមួយចំនួនទៀត បានស្នើឲ្យមានការស៊ើបអង្កេតឡើងវិញ អំពីបញ្ហានេះ ។
យ៉ាងណាក៏ដោយ បន្ទាប់ពីព័ត៌មានដ៏ក្តៅគគុកនេះ ត្រូវបានគេចាប់អារម្មណ៍មានគណនីហ្វេសប៊ុកមួយ បានធ្វើការបង្ហោះនូវសំបុត្រកំណើតរបស់ ពេជ្រ ថៃ ដើម្បីស្រាយមន្ទិលទាំងឡាយចំពោះមហាជន ។ តាមរយៈសំបុត្រកំណើតនោះ បានបញ្ជាក់ថា ពេជ្រ ថៃ បានចាប់កំណើតនៅក្នុងឆ្នាំ២០០៤ ដែលគិតរហូតមកដល់ពេលបច្ចុប្បន្នកុមាររូបនេះទើបតែមានអាយុ១៣ឆ្នាំប៉ុណ្ណោះ ។
ផ្ទុយពីការលើកឡើងថា គេមានអាយុប្រហែល១៦ឆ្នាំ។ ពេជ្រ ថៃ ពិតជាមានដើមដំណើតពីខេត្តបាត់ដំបង ដែលមានឪពុកឈ្មោះ ពេជ្រ សារ៉ាត់ និងម្តាយឈ្មោះ សាំ គង់។
ក្រោយពេលបង្ហាញមុខគូស្នេហ៍មកត្រូវមនុស្សមួយចំនួនថាមិនសក្តិសមនឹងគ្នាទេ ដូច្នេះហើយទើបធ្វើឲ្យដេនី ក្វាន់ ឆ្លើយតបទៅវិញភ្លាម ដោយនាងបញ្ជាក់ដោយគ្មានលាក់លៀមពីសម្ព័ន្ធស្នេហ៍ដ៏ផ្អែមល្ហែមរបស់ខ្លួននេះ ។
តាមរយៈហ្វេសប៊ុកតារាសម្តែងដែលជាប់បម្រាមប្រឡូកអាជីពសិល្បៈរយៈពេលមួយឆ្នាំពីក្រសួងវប្បធម៌ នាងដេនី ក្វាន់ បានសរសេរសារបង្ហោះថា «មានមនុស្សជាច្រើនសួរខ្ញុំថាហេតុអីខ្ញុំរើសយកម្នាក់ហ្នឹង ខ្ញុំក៏មិនដឹងឡើយថារើសខុស ឬក៏រើសទៅត្រូវ តែបើឱ្យ
រើសថ្មីម្តងទៀតខ្ញុំនៅតែរើសយកម្នាក់ហ្នឹងដដែល.. ព្រោះស្នេហារបស់ខ្ញុំទាំងពីរមិនមែនស្ថិតលើមាត់អ្នកដទៃ ខ្ញុំសុខចិត្តធ្វើព្រះនាងរបស់ប្តីអ្នកក្រ ប្រសើរជាងធ្វើទាសករប្តីអ្នកមាន ។
គ្មានពាក្យស្តាយក្រោយដែលមានបងជាសង្សាររបស់អូន ទោះអ្នកដទៃមើលមកបង មិនល្អ មិនស្អាត មិនសង្ហា មិនមែនជាឧកញ៉ា ឬឯកឧត្តម តែសម្រាប់នារីម្នាក់នេះតែងតែមើលឃើញចំណុចល្អរបស់បងកើនឡើងពីមួយថ្ងៃទៅមួយថ្ងៃ ដោយអំពើ និងចិត្តស្មោះត្រង់របស់បង ។ ពិភពលោកនេះធំណាស់តែយើងអាចរកគ្នាឃើញ នេះបញ្ជាក់ថានិស្សយ័បណ្តាឱ្យយើងទាំងពីរនាក់បានស្គាល់គ្នា បានកាន់ដៃគ្នា ផ្តល់ភាពស្និទ្ធស្នាល និងស្នាមញញឹមចំពោះគ្នា ទាំងដែលយើងបានឆ្លងកាត់ឧបសគ្គ ជាច្រើន ។ ពាក្យគេច្រណែន ពាក្យគេចង់បំបែកយើង ពាក្យគេថាយើងមិនសមនឹងគ្នា កែវភ្នែកគេមើលមកយើងទាំងពីរនាក់គ្រាន់តែជាមនុស្សធម្មតាមិនស្មើគេ ។ យើងបែកបាក់គ្នាជាច្រើនលើក តែចុងក្រោយយើងក៏អាចត្រលប់មកដូចដើម ដោយសារក្តីស្រលាញ់ និងអាណិតរវាងបង និងអូន ទោះជាស្ថានភាពពេលខ្លះហាក់ដូចជាគួរឱ្យភយ័ខ្លាច គេសម្លឹងមកយើងទាំងពីរនាក់ក្នុងផ្លូវមិនល្អ តែយើងបានបង្ហាញប្រាប់ពួកគេពីភាពបរិសុទ្ធរបស់យើងទាំងពីរនាក់ឱ្យគេបានឃើញ ។ សម្រាប់់ពេលវេលាដែលនៅសល់មកដល់ពេលនេះ អូនចង់ឱ្យបងបន្តកាន់ដៃអូនរហូតដល់វិនាទីចុងក្រោយ »។
ដោយឡែកបើក្រឡេកមើលទៅលើហ្វេសប៊ុករបស់លោកចាន់ មករា វិញក៏បានបង្ហោះសារបញ្ជាក់ពីទឹកចិត្តរបស់ខ្លួនលើដេនី ក្វាន់ វិញថា «យើងបានឆ្លងកាត់នូវបញ្ហាជាច្រើនពីអតីតកាល យើងនឹងដើរនៅមុខដើម្បីស្វែងរកភាពជោគជ័យ ។
សព្វថ្ងៃនេះខ្ញុំមិនមែនជាបុរសដែលមានជាងគេបំផុតទេ ប៉ុន្តែនៅថ្ងៃស្អែក ឬនៅពេលអនាគតមិនដូចគ្នាទេ ។ សូមអរគុណសម្រាប់ក្ដីស្រឡាញ់របស់អ្នក ! ខ្ញុំក៏ស្រឡាញ់អ្នកដែរ»៕
ក្នុងជំនួបសំណេះសំណាល និងថតរូបជាមួយតារាកម្ពុជាកាលពីថ្ងៃទី៥ វិច្ឆិកា ២០១៧ កញ្ញាតំណាងឱ្យ Miss Global ពីប្រទេសដែលចូលប្រកួតនៅក្នុងប្រទេសកម្ពុជា សុទ្ធតែបានបង្ហាញសម្រស់ និងភាពរួសរាយរាក់ទាក់ មុនការប្រលងចាប់ផ្ដើម ។ បេក្ខភាព នីមួយៗបង្ហាញភាពជឿជាក់ចំពោះជ័យលាភីរបស់ខ្លួនសម្រាប់ការប្រលងដែលនឹងចាប់ផ្ដើមនៅពេលដ៏ខ្លីខាងមុខនេះ ។ ដោយឡែកតែបេក្ខនារីរបស់កម្ពុជា ដែលរស់នៅ និងធំធាត់នៅរដ្ឋកាលីហ្វ៊័រនីញ៉ា សហរដ្ឋអាមេរិក និយាយថានាងមិនសូវមានទំនុកចិត្តសម្រាប់តំណែងម្ចាស់មកុដទេ ថ្វីដ្បិតនាងគឺជាបេក្ខនារីតំណាងម្ចាស់ផ្ទះក្តី ។
ដោយការដាក់ខ្លួនកញ្ញាយស ប៉ូលីណា និយាយថា«បានត្រឹមតែចូលរួមប្រកួតតំណាងឱ្យប្រទេសកម្ពុជា គឺនាងខ្ញុំមានមោទនភាពណាស់ទៅហើយ ។ ប៉ុន្តែបើឈានដល់ការកាន់ពាន គឺពិតជាធ្វើឱ្យនាងខ្ញុំកាន់តែមានក្ដីរំភើបខ្លាំងទៅទៀត ដោយនាងខ្ញុំនឹងគ្រោងផ្សព្វផ្សាយពីប្រទេសកម្ពុជាឱ្យកាន់តែទូលំទូលាយលើឆាកអន្តរជាតិ ជាពិសេសក្នុងក្រសែភ្នែកអ្នកទេសចរខ្មែរនៅក្រៅប្រទេស និងជនបរទេស ដើម្បីឱ្យផ្ដោតការចាប់អារម្មណ៍បន្ថែមទៀតចំពោះប្រទេសកម្ពុជា ។
ខ្ញុំមិនសូវចេះនិយាយភាសាខ្មែរទេ បើទោះជានាងខ្ញុំមានឪពុក និងម្ដាយជាជនជាតខ្មែរដែលបានចេញទៅរស់នៅក្នុងប្រទេសថ្មីនោះនៅមុនថ្ងៃរំដោះក្តី តែនាងខ្ញុំបានឈ្វេងយល់ពីវប្បធម៌ និងអត្តសញ្ញាណរបស់ប្រទេសកំណើតច្រើន ទើបនាងខ្ញុំទទួលបានសិទ្ធិមកប្រឡងតំណាងឱ្យបេក្ខនារីកម្ពុជានៅក្នុងព្រឹត្តិការណ៍ Miss Global International ដែលរៀបចំឡើងនៅក្នុងប្រទេសកម្ពុជានេះ» ។
នៅក្នុងព្រឹត្តិការណ៍នេះបេក្ខនារីសរុបទាំងអស់៦៤ប្រទេស តែដោយសារតែមានការបោះបង់ចំនួន៤ប្រទេសទើបសល់តែ៦០ ប្រទេស។ បេក្ខនារីទាំងអស់ចាប់ផ្តើមមានសកម្មភាពតាំងពីដំណាក់កាលនេះតទៅរហូតដល់ថ្ងៃទី១៧ វិច្ឆិកា ដែលជាវគ្គប្រកួតផ្ដាច់ព្រ័ត្រ ។ ជាក់ស្តែងកាលពីថ្ងៃទី៦ ខែវិច្ឆិកា បេក្ខនារីទាំងអស់បានចូលរួមដាំកូនឈើសម្រាប់«បេសកកម្មក្នុងកិច្ចគាំពារបរិស្ថាន ដោយការយកកូនឈើសរុប១ម៉ឺនដើមទៅដាំ និងជួយទ្រទ្រង់បរិស្ថាន នៅស្រុកអូររាំងឳ ខេត្តត្បូងឃ្មុំ » ដែលជាបេសកកម្មលើកដំបូង។ នាឱកាសនោះក្រុមនារីស្អាតបានជួបប្រាស្រ័យរាក់ទាក់ជាមួយមន្ត្រីអាជ្ញាធរ អ្នកភូមិ ព្រមទាំង ក្មេងៗ។ ពួកនាងនឹងមានបេសកកម្មបន្តបន្ទាប់ទៀតនៅលើទឹកដីកម្ពុជាដែលមានកិត្តិយសរៀបចំការប្រកួតសម្រស់នារីជាលក្ខណៈអន្តរជាតិជាលើកដំបូងនេះ។
មុនពេលធ្វើដំណើរទៅចូលរួមដាំកូនឈើនៅខេត្តត្បូងឃ្មុំនោះ បេក្ខនារីទាំង៦០នាក់បានជួបសម្តែងភាពស្និទ្ធស្នាល និងថតរូបអនុស្សាវរីយ៍ជាមួយតារាកម្ពុជា នៅរាជធានីភ្នំពេញ ៕
ក្រោយពេលរួមរស់ជាមួយគ្នាជាប្តី-ប្រពន្ធខ្ញុង និងនាយកៃដ បានបន្តការងារសិល្បៈកំប្លែង រួមទាំងពង្រីកការងារទាក់ទិននឹងសិល្បៈមួយចំនួនទៀត ទាំងពង្រីកក្រុមតន្ត្រីសម័យ និងទទួលរៀបចំធ្វើម្ហូបក្នុងពិធី ផ្សេងៗ ។ ចំណងស្នេហ៍នេះអ្នកទាំង២ប្រកាសមិនរំលឹក និងមិនប្រកាន់រឿងអតីតកាលរបស់ពួកគេរៀងខ្លួន ។
នាយកៃដអះអាងថា«ខ្ញុំស្រឡាញ់ខ្ញុងយ៉ាងពិតប្រាកដទើបសម្រេចចិត្តចាប់ដៃកសាងសុភមង្គលរួមគ្នា ហើយមិនត្រឹមតែខ្ញុំគ្រោងរៀបការជាទ្រង់ទ្រាយធំនាពេលខាងមុខទៀតផង។ ពេលនេះខ្ញុំ និងភរិយាកំពុងដុតដៃដុតជើងរកលុយសិន បើទោះបីជាមានជម្រករួមគ្នាទៅហើយក្តី ហើយ ឆាប់ៗនេះខ្ញុំ និងភរិយាក៏គ្រោងចេញទៅសម្តែងរួមគ្នាលើកដំបូងនៅលើទឹកដីនៃសហរដ្ឋអាមេរិកផងដែរ ។ ចំណែករឿងមង្គលការធំដុំអាចនឹងធ្វើក្រោយពេលវិលពីអាមេរិកវិញ» ។
ចំណងស្នេហារវាងនាយកៃដ និងនាងខ្ញុងបានបង្កើតឲ្យមានការភ្ញាក់ផ្អើលក្រោយពីពួកគេបានទម្លាយរឿងសែនព្រេនទទួលយកគ្នាជាប្តីប្រពន្ធ ។ ការទទួលយកគ្នានេះក្រោយពេលនាយកៃដ បែកបាក់ភរិយារយៈពេលជាង២ឆ្នាំ ។
បុរសមួយចំនួនទាំងនៅក្នុង និងក្រៅស្រុកពិតជាខកចិត្តដោយសារចែចង់ខ្ញុងមិនបាន ហើយនាងធ្លាក់ទៅលើនាយកៃដ ដែលរួមអាជីពកំប្លែងជាមួយគ្នា ៕
កម្មវិធី Miss Global នឹងប្រកួតផ្តាច់ព្រ័ត្រនៅថ្ងៃទី១៧ ខែវិច្ឆិកា ឆ្នាំ២០១៧ ។ ចំពោះកញ្ញាយស ប៉ូលីណា ជាបវរកញ្ញាតំណាងឲ្យប្រទេសកម្ពុជាក្នុងការប្រកួតនេះ។ នាងមានអាយុ២៥ឆ្នាំ ជាកូនកាត់ខ្មែរ-អាមេរិក មានទីលំនៅបច្ចុប្បន្ននៅទីក្រុងសាន់ហ្វ្រាន់ស៊ីស្កូ សហរដ្ឋអាមេរិក ។
កញ្ញាយស ប៉ូលីណា មានទស្សនវិស័យទៅលើការលើកកម្ពស់ស្ត្រីគ្រប់រូបឱ្យមានភាពក្លាហាន ហ៊ានបញ្ចេញមតិរបស់ខ្លួន ព្រមទាំងហ៊ានជម្នះទៅលើការរៀនសូត្រ ។
ទាក់ទិនបេក្ខនារីកម្ពុជាយើង អ្នកដឹកនាំសម្តែងប្រចាំផលិតកម្មហង្សមាសលោកកៅ សីហា បានសរសេរលើហ្វេសប៊ុករបស់ខ្លួនកាលពីពេល ថ្មីៗកន្លងមកថា «ឮថានេះជាឈុតតំណាងជាតិ ទុកសម្រាប់ឱ្យ Miss Global cambodia 2017 ដែលខ្មែរជាម្ចាស់ផ្ទះ ពាក់សម្រាប់ប្រឡង។ ឈុតនេះជារបស់ហាងប៉ារ៉ាឌី ហើយបងមុំចនច័ន្ទ ធ្លាប់ពាក់បង្ហាញរួចហើយកាលពីប៉ុន្មានឆ្នាំមុនក្នុងកម្មវិធីដើរម៉ូដរបស់ហាងប៉ារ៉ាឌីនៅកោះពេជ្រ ។ ឈុតនេះក៏ស្អាតប្លែក ពោរពេញដោយការច្នៃប្រឌិត និងបង្កប់អត្ថន័យជាខ្មែរច្រើនដែរតែសង្ឈឹមថានឹងមានអ្វីដែលថ្មីសម្រាប់នាង ខណៈនាងជាអ្នកតំណាងក្នុងនាមជាម្ចាស់ផ្ទះទៅចុះ» ។
ម្ចាស់ហ្វេសប៊ុកដដែលទទូចឱ្យអ្នករៀបចំម៉ូដសម្លៀកបំពាក់សម្រាប់តំណាងកម្ពុជាគ្រងគួរតែសម្រេចប្តូរឈុតចាស់នោះចេញ ហើយរចនាថ្មីជូននាងដើម្បីមុខមាត់កម្ពុជា ពិសេស ដើម្បីទាក់ទាញចំណាប់អារម្មណ៍ឈានទៅចាប់យកជ័យជម្នះ ៕
លោកពៅ គីសាន់ ហៅនាយឆើត អះអាងថា អ្នកដឹកនាំរឿងមួយចំនួនយកតែតួ ក្មេងៗជំនាន់ក្រោយថត មើលរំលងតួចាស់ដែលមិនមានកម្លាំងទៅរកកាងារអ្វីផ្សេងធ្វើបាន ក្រៅពីអាជីពសិល្បៈ ។
លោកពៅ គីសាន់ បញ្ជាក់ថា «ប្រឡូកក្នុងវិស័យសិល្បៈជិតមួយជិវិតហើយ មិនទាន់មានអ្វីសល់អ្វីជាដុំកំភួនដូចគេឡើយ ដោយសារស្រលាញ់សិល្បៈ និងជីវភាព ទោះបីជាអ្នកដឹកនាំរឿងឱ្យដើរតួឆ្កួត ជាខ្ទើយគ្រប់បែបបទយ៉ាងណាក៏ខំប្រឹងដើម្បីបម្រើអារម្មណ៍ទស្សនិកជន ។ ដូច្នេះគ្មានអ្វីក្រៅពីសុំឱ្យបងប្អូនទស្សនិកជនទាំងអស់ឱ្យកម្លាំងចិត្ត និងគាំទ្រខ្ញុំបាទ និងអ្នកសិល្បៈដទៃផង ។
រយៈពេលជាច្រើនឆ្នាំមកហើយដែលរូបខ្ញុំបានប្រឡូកក្នុងវិស័យសិល្បៈ ហេតុនេះខ្ញុំគ្មានអ្វីក្រៅពីសុំឱ្យបងប្អូនទាំងអស់នៅបន្តគាំទ្ររូបខ្ញុំឱ្យមានឈ្មោះក្នុងសង្គម និងសង្គមសិល្បៈ សម្រាប់បម្រើអារម្មណ៍បងប្អូនទស្សនិកជនទាំងអស់គ្នា »។
ទស្សនិកជនធ្លាប់តែឃើញការសម្តែងជាច្រើនរបស់នាយឆើត ដោយក្នុងរឿងលោកតែងតែសម្តែងជាអ្នកមានជីវភាពធូរធារ ជើងកាង សាហាវឃោរឃៅ ចរិតច្រងេងច្រងាង មានកូនចៅឆ្វេងស្តាំ ។ ការសម្តែងរបស់លោកត្រូវទស្សនិកជនភាគច្រើនសរសើរថា លោកសម្តែងសម មើលទៅដូច ពិតៗ ។ មានទស្សនិកជនខ្លះទៀតលើកឡើងថា ការសម្តែងសម ដោយសារតែជីវិត និងអត្តចរិតខាងក្រៅរបស់លោក គឺមិនខុសពីការសម្តែងឡើយ ។ ផ្ទុយទៅវិញជីវិតពិតរបស់នាយឆើតលំបាកណាស់ ចំណូលពីអាជីពសិល្បៈមិនអាចផ្គត់ផ្គង់ជីវភាពបានឡើយ ហេតុដូច្នេះលោកត្រូវខំប្រឹងធ្វើការទ្វេដង ទាំងយប់ទាំងថ្ងៃ រកលុយមកចិញ្ចឹមកូន៤នាក់ ។
បច្ចុប្បន្នកូនប្រុសម្នាក់របស់នាយឆើតកំពុងតែប្រឡូកក្នុងវិស័យសិល្បៈសម្តែងផងដែរ គឺតារាសម្តែងលោកគីសាន់ រ៉ៃយ៉ា ៕
