ថ្វីត្បិតហាងគុយទាវមានច្រើនជាហូរហែរពិតមែននៅក្នុងរាជធានីភ្នំពេញ  ក៏ប៉ុន្តែហាងដែលអាចថែរក្សាភ្ញៀវទៅពិសា បានគឺសុទ្ធតែមានចំនុចសំខាន់រៀងៗខ្លួន។

សំរាប់ហាងគុយទាវ វាប្រាកដជាផ្តោតសំខាន់ទៅលើរសជាតិជាចំបងហើយ អោយតែមានរសជាតិឆ្ងាញ់ ពិតណាស់អ្នកពិសានឹងទៅពិសាជាក់ជាមិនខាន ។​ តួយ៉ាង សំរាប់ថ្ងៃនេះ KSPG.TV សូមណែនាំហាងគុយទាវមួយកន្លែងដែលមានអាយុកាលប្រហែល ៣០ ឆ្នាំ​ទៅហើយ តែគាត់នៅតែមានភ្ញៀវគាំទ្រសំរាប់រសជាតិរបស់គាត់ដដែល។

ហាងគាត់ស្ថិតនៅម្តុំ សន្ធរមុខ មានឈ្មោះថា ម៉ាក់អាកាំងសាខាទី​២ ។ ហាងនេះ មានបំរើជូនអាហារ ពេលព្រឹកនិងពេលល្ងាច សំរាប់ពេលព្រឹក មានគុយទាវស៊ុប ជាពិសេស​ មានក្រចកជើងគោ ខគោ បាយសាច់ជ្រូក បាយសាច់មាន់ និងអាហារពេលព្រឹកជាច្រើនមុខទៀត ។

ចំណែកពេលល្ងាច​ មានបំរើគុយទាវដដែលនិងបន្ថែម​ទៀតនោះមាន ពងទាកូនស្រែ នំបុ័ងសាច់​ ទឹកក្រឡុក ជាពិសេសដែលអ្នកពិសាភាគច្រើនស្គាល់ច្បាស់បន្ថែមទៀតនោះ គឺបង្អែម ជាច្រើនមុខ​ ច្រើនជំរើស សំរាប់លោកអ្នកជ្រើសរើសបានតាមចំណង់ចំណូលចិត្ត។

ហាង ម៉ាក់អាកាំងសាខាទី ២ ទូរស័ព្ទ៖ ០១១​​ ៧៧៧ ៩២៧ / ០៨១ ៨៦ ៨៦ ៧៣ តម្លៃអាហារមូយចំនួន ៖ បង្អែម ចាប់ពី ១៥០០៛ ដល់ ៣០០០៛, ពងទាកូនស្រែ ១គ្រាប់ ១៧០០៛, ទឹកក្រឡុក ១កែវ ៤០០០៛ …….. ទីតាំង៖ #២៧ ផ្លូវ ២៥៣ កែងផ្លូវ ១៥០ សង្កាត់ទឹកល្អក់ទី២ ខណ្ឌ​ ទួលគោក​ ជិតសាលាវិទ្យាល័យ សន្ធរមុខ ។ ផែនទី

វីដេអូ

សព្វថ្ងៃកាន់តែសំបូរបែប​ជាមួយម្ហូបអាហារសម្រន់នៅតាមបណ្តាហាងនានាដោយសារម្ចាស់ហាងនីមួយៗចេះតែបង្កើតអាហារប្លែកៗជានិច្ច ។ សំរាប់ថ្ងៃនេះយើងខ្ញុំសូមលើកយកម្ហូបកែច្នៃមួយបែប​ធានាថាប្លែក និងពិតជាទំនងណាស់ ។

បើនិយាយទៅ​ទោះជា​អ្នក​កំពុងតែ​តម​អាហារ​សម្រក​ទម្ងន់​ក៏ពិតមែន ប៉ុន្តែ​ពេលដែល​បានប្រទះ​ភ្នែក​ឃើញរូបភាព ដែលមានខាងក្រោម​នេះដែលហាងមួយមានឈ្មោះថា​ ហាង Dim Sum Steam Food បានដាក់ឈ្មោះថា​ មឹកបំពងអំបិល ៥ រសជាតិ  និងបង្គារុំមី សាយភាពក្លិន​យ៉ាង​ឈ្ងុយ​នោះ គម្រោង​ថែរាង​អាច​នឹងត្រូវ​ផ្អាក​មួយពេល​មិនខាន។

ដោយឡែក សំរាប់មឹកបំពងអំបិលនោះមានដល់ទៅ៥រសជាតសំរាប់អ្នកពិសាជ្រើសរើស មានដូចជារសជាតិ  សារ៉ាយ BBQ តុងយាុំ ឈីស និង Hot&Spicy។

• តំលៃ ៖
• មឹកបំពង៥រសជាតិមួយចង្កាក់ ៖ ៨០០០៛
• ​បង្គាររុំមី ៖ ៣០០០៛

ផែនទី

ហាង Dim Sum Steam Food Tel៖ 012 44 77 10 | 070 24 83 44 ទីតាំង៖ ផ្ទះលេខ 140C, ផ្លូវលេខ ២៥៣, សង្កាត់ទឹកល្អក់1, ខ័ណ្ឌទួលគោក ជិតសាលាសន្ធរម៉ុក (ផ្លូវចុះពីទល់មុខសាលាតិកណូ មករកសាលាវិទ្យាល័យសន្ធរម៉ុក ហាងជាប់នឹងសាលាខ្មែរជំនាន់ថ្មី) វីដេអូ

ភោជនីយដ្ឋាន Shabu King ជាហាងស៊ុបបែបបូហ្វេ ហើយសំរាប់ពេលនេះដែរហាងក៏មានការផ្តល់ជូនពិសេសដែលមិនធ្លាប់មានពីមុនមក ដោយ លោកអ្នកអាចញ៉ាំម៉ាប៉ោងពោះហើយ ថែមទាំងទទួលបានការបញ្ចុះតម្លៃ ៥ដុល្លារទៀត ដោយគ្រាន់តែ Share វីដេអូម្ហូបនេះ ហើយ Mention ឈ្មោះហាង Shabu King នៅលើ Facebook របស់អ្នកជាការស្រេច។

ជាធម្មតាតម្លៃបូហ្វេក្នុងម្នាក់មាន ៣ជម្រើស ដោយមានតម្លៃក្នុងម្នាក់ ៨.៩០ដុល្លារ (៥នាក់ Free ១នាក់), ១០.៩០ដុល្លារ (៤នាក់ Free ១ម្នាក់) និង១៣.៩០ដុល្លារ ហើយចំពោះជម្រើសតម្លៃ ១៣.៩០ដុល្លារនេះហើយដែរលោកអ្នកអាចញ៉ាំបានអាហារ ភេសជ្ជៈ គ្រប់ប្រភេទគ្រប់មុខក្នុងហាងបានម៉ាស៊េរី។ តែជម្រើសនេះអ៊ែមខុស ពីជម្រើសដទៃដោយខុសត្រង់ថា ជម្រើសនេះនឹងទទួលបានការបញ្ចុះតម្លៃ ៥ដុល្លារ ដោយម្នាក់ចំណាយត្រឹមតែ ៨.៩០ដុល្លារប៉ុណ្ណោះ គ្រាន់តែគោរពតាមលក្ខខណ្ឌខាងលើ។

នៅចាំអីទៀតល្ងាចនេះ ថ្ងៃឈប់សំរាកផងកុំភ្លេចណានាំក្រុមគ្រួសារទៅញ៉ាំអីជុំគ្នាម្តងទៅនៅ Shabu King តោះ!… អូ៎ភ្លេចខាងហាងក៏មានជម្រើសមួយទៀតដែលកាន់តែពិសេសមួយទៀតគឺ ថាតម្លៃក្នុងម្នាក់ត្រឹមតែ ៥.៩០ដុល្លារប៉ុណ្ណោះ ដោយតម្លៃនេះគឺសំរាប់តែ ម៉ោង ១១ព្រឹក ដល់ ៥ល្ងាច ហើយចាប់ពីថ្ងៃច័ន្ទ ដល់ សុក្រ ប៉ុណ្ណោះ។

ភោជនីយដ្ឋាន Shabu King ទូរស័ព្ទ៖ 088 38 33 330 / 096 464 8207 ទីតាំង៖ #10A ផ្លូវ315 ជិតនឹង TK Avenue Supermarket ផែនទី

វីដេអូ

ក្រុមការងារ KSPG.TV តែងតែមិនភ្លេចទេ ក្នុងការស្វែងរកនូវមុខម្ហូបថ្មីៗប្លែកៗស្ទើរតែរៀងរាល់ថ្ងៃទៅហើយដើម្បីណែនាំអោយអ្នកពិសាទាំងអស់មានជំរើសក្នុងការទទួលទានប្រចាំថ្ងៃ។

សំរាប់ថ្ងៃនេះ ក៏បន្តនូវម្ហូបថ្មីទៀតហើយ ដែលមាននៅក្នុងហាងមួយកន្លែងដែលកន្លងមកធ្លាប់មានមុខម្ហូបប្លែកៗជានិច្ចគឺហាង Volcano Meatball King ជិត IFL យើងនេះ។

ដើម្បីតំរូវចិត្តអ្នកពិសារលើកនេះ​ ម្ចាស់ហាងសូមបង្ហាញនូវស៊ុបមីក្តៅអ៊ុនៗ ដែកមានឈ្មោះថា មីSeoulទឹកដោះគោ ដែលមានតំលៃសមរម្យ សំរាប់ប៉ុន្មានមុខទៀតមានឈ្មោះថា មី Seoulស៊ុបទឹកដោះគោឈីស និង មី Seoulគោក។ រសជាតិ ហឹរ ជូរ ផ្អែម មាននៅក្នុងចានតែមួយ ចង់ដឹងរសជាត់យ៉ាងណា ទាល់តែទៅសាកភ្លក្ស ទាំងអស់គ្នាណា ។

ហាង Volcano Meatball King ទូរស័ព្ទ៖ 070 53 55 33 / 010 62 62 06 ទីតាំង៖ ខាងមុខ IFL ខាងក្រោយ Domino’s Pizza ស្ថិតនៅលើផ្លូវ 118 នៅចំពីក្រោយ KOI ផែនទី

វីដេអូ

បច្ចុប្បន្ននេះនៅទីក្រុងភ្នំពេញ ហាងអាហារដ្ឋានកាន់តែមានច្រើ់នឡើងៗ ធ្វើឲ្យរាជធានីភ្នំពេញសំបូរទៅដោយអាហារប្លែកៗ ផ្គាប់ផ្សំជាមួយសម្រស់អាហារ និងការបង្ហើរក្លិនដ៏ឈ្ងុយ ធ្វើឲ្យយើងកាន់តែចង់ភ្លក្សរសជាតិរបស់វា។

ថ្ងៃនេះដែរ ក្រុមការងារយើងសូមណែនាំអាហារ២ប្រភេទ ដែលធូរថ្លៃ អ្នកមានជីវភាពមធ្យមក៏អាចញាំុអាហារទាំង២ប្រភេទនេះបាន “យិនតាហ្វូតុងយ៉ាំ និងស៊ុបគ្រឿងសមុទ្រ” តម្លៃត្រឹមខ្ទង់ ២០០០០៛  និង២៥០០០៛ ប៉ុណ្ណោះ សំរាប់គ្នា២ ទៅ៣នាក់ គិតទៅម្នាក់ ប្រាំពីរ ប្រាំបីពាន់ប៉ុណ្ណោះ។ ហើយ បើចង់ដឹងថាអាហារទាំងនេះមានរសជាតិបែបណានោះលោកអ្នកអាចទៅធ្វើសាកល្បងភ្លក្សទាំងអស់គ្នា នៅហាងដែលមានឈ្មោះថា ផ្ទះយាំុមីម៉ាម៉ា បាន។

ហាង ផ្ទះយ៉ាំមីម៉ាម៉ា មានទីតាំងស្ថិតនៅ នៅជិត Pizza Company ផ្លូវកម្ពុជាក្រោម តែឈប់សិន ភ្លេចប្រាប់ថា ហាងនេះ ក៏មានលក់ស៊ុប និងអាហារជាច្រើនទៀត…ហើយហាងផ្ទះយាំុមីម៉ាម៉ា លក់ជារៀងរាល់ថ្ងៃចាប់ពីម៉ោង ១២ថ្ងៃត្រង់ ដល់ម៉ោង១០យប់ ។

ហាង ផ្ទះយាំុមីម៉ាម៉ា Tel: 015 999 299 / 070 870 800 ទីតាំង៖ នៅជិត Pizza Company ផ្លូវកម្ពុជាក្រោម វីដេអូ