ថ្ងៃឆ្លងឆ្នាំចាស់ ចូលឆ្នាំថ្មីឆ្នាំ ២០១៧ ជិតឈានចូលមកដល់តាមបណ្តាខេត្តក្រុងមួយចំនួន តែងមានការប្រារព្ធពិធីដើម្បីអបអរឆ្នាំថ្មី ឆ្នាំសកលឆ្នាំ២០១៧។ ហើយថ្ងៃនេះដែរ ក៏ជាថ្ងៃដែល បងប្អូនយើងចេញដំណើរកំសាន្តតាមបណ្តាខេត្តក្រុងណាមួយដែលខ្លួនចូលចិត្ត។ ហើយយើងក៏សូមជូនពរ ក្នុងឪកាសឆ្នាំថ្មីនេះ អោយអ្នកទាំងអស់គ្នារកស៊ីទទួលទានមានបាន សុខសុភមង្គលគ្រប់ក្រុមគ្រួសារ និងបើមានដំណើរកំសាន្តទៅទីណាសូមអោយជួបតែសេចក្តីសុខសប្បាយ។ ជាមួយគ្នានេះដែរប្រសិនបើ លោកអ្នកបានទៅលេងសៀមរាប យើងសូមណែនាំម្ហូប និងភេសជ្ជៈចំនួន៥មុខ ជូនលោកអ្នក។

នំគ្រកដូងស្នូលផ្អែម ជាជំរើសទី១ ដែលមាននៅក្នុងវីដេអូខាងក្រោមគឺជា នំគ្រកដែលមានស្នូល ច្រើនប្រភេទហើយមានរសជាតិផ្អែម មិនប្រើទឹកជ្រលក់ទេ។ ហើយស្នូលវាមានដូចជា ពោត, ចេក, ខ្នុរ ជាមួយតម្លៃមួយប្រអប់ ត្រឹមតែ ១ដុល្លារប៉ុណ្ណោះ សំរាប់ទីតាំងលក់ អ្នកលក់វ័យក្មេងម្នាក់នេះជាក្មេងស្រីដែរ លក់ម៉ោងសំរាប់ពីការរៀនសូត្ររបស់ខ្លួនដើម្បីបានកំរៃផ្គូតផ្គូងការសិក្សារបស់ខ្លួន ដោយរទះរបស់គាត់ចល័ត ចឹងអ្នកត្រូវដើររកមើលមិនបន្តិចហើយ។

ងាកពីប្រភេទនំមក មើលអាហារសាច់ម្តង ហាងនេះជាហាងអាហារដ៏ពេញនិយម មានភ្ញៀវពេញៗហាង រកកន្លែងអង្គុយសឹងគ្មាន នេះក៏ព្រោះតែតម្លៃ និងរសជាតិ។ Seven Corner នេះមានទីតាំងជាប់នឹងផ្លូវបំបែកជាបី ហើយហាងនេះមានម្ហូបអាហារជាច្រើនសំរាប់ជ្រើសរើស។ សាកហាងមួយនេះបានណា ដើម្បីសន្សំលុយ ព្រោះតម្លៃអាហារនៅទីនោះសមរម្យទទួលយកបាន។ ហើយបើរកមិនឃើញអាចទាក់ទងតាមលេខទូរស័ព្ទ៖ 010 318 381។

ដល់អាហារទី៣នេះ រៀងផ្អែមបន្តិចហើយនោះគឺ ការ៉េមឆាដ៏ពេញនិយម ទល់មុខហាង Seven Corner តែម្តង ពេលចេញពីញ៉ាំបាយហើយ មកលាងមាត់ជាមួយការ៉េមឆាតាហ្មង កុំទុកយូរឆ្ងាញ់ណាស់ រសជាតិសូកូឡា។

បញ្ចប់ម្ហូបទី៣ ចូលដល់ទី៤ យើងសុំបង្ហាញកន្លែងមួយដែលជាទីពេញនិយមរបស់ជនបរទេស មកលេងសៀមរាបតែងចូលញ៉ាំនៅទីនេះ នោះគឺហាង Brick House ហើយដែលពិសេសដែលយើងយកមកបង្ហាញនោះគឺ សាច់អាំង BBQ ហើយកាន់តែអ៊ែមទៀតហើយ បើបានផឹកភេសជ្ជៈឆ្ងាញ់ៗ នៅទីនោះ ជាមួយនឹងសូរតន្ត្រី យ៉ាងពិរោះចាំកំដរថែមទៀតផង។

ហត់ហើយមើលទៅ គ្រាន់តែអានដើរញ៉ាំបាន៤មុខហើយ ចឹងមុនត្រឡប់ទៅកន្លែងសំរាកវិញ កុំភ្លេចសាកនំរបស់ ម៉ិចស៊ីកូ កំដរមាត់តាមផ្លូវផងណា ត្រឹមតែ ២ដុល្លារប៉ុណ្ណោះ ទីតាំងទល់មុខ Island Bar។ Tel: 098 25 26 07 វីដេអូ

សៀមរាប៖ តាមបណ្តាខេត្ត ស្រុក ភូមិ នីមួយៗតែងមានកន្លែងពេញនិយមខុសៗប្លែកពី ហើយថ្ងៃនេះក្រុមការងារកោះសន្តិភាព TV សូមលើកយកកន្លែងលក់បាយព្រឹកមួយកន្លែង ដែលស្ថិតនៅខាងខេត្តសៀមរាប ក្បែរវត្តពោធិ៍លង្កា។

កន្លែងលក់បាយនេះ ពេញនិយមខ្លាំងដ៏ថ្នាក់អ្នកញ៉ាំទាល់តែក្រោកពីព្រឹកបន្តិចព្រោះអីម៉ោង ត្រឹម៨ព្រឹកអីលក់ហើយ។ លក់អស់មាន់ទាំងធុងៗ បាយទាំងឆ្នាំងៗ មនុស្សម្នាលក់ចាំទិញផង អង្គុយចាំញ៉ាំផង អ្នកលក់ដួសបាយ កាប់មាន់សឹងមិនទាន់។ ការលក់ដាច់ នេះក៏ព្រោះតែតម្លៃធូរថ្លៃ ត្រឹម៥០០០៛ ហើយច្រើន ឆ្ងាញ់ មិនចាញ់ហាងធំៗ នោះទេ។

សំរាប់អ្នកដែលមិនមែនជាអ្នកខេត្តសៀមរាប បើចង់សាកស្របពេលខ្លួនទៅលេងសៀមរាបពេលឆ្លងឆ្នាំនេះ ពិបាករកកន្លែងបន្តិចហើយ ទាល់តែសួរអ្នកនៅទីនោះអោយគេប្រាប់ ឬសួរបងៗតុកតុក អីទៅព្រោះពួកគាត់ភាគច្រើនស្គាល់ទីនោះ។ ហើយនេះជាទីតាំង៖ ហាងទល់មុខភោជនីយដ្ឋានម្រុំ កែងនឹងវត្តពោធិ៍លង្កា ឬអ្នកអាចទំនាក់ទំនងលេខនេះ ប្រសិនបើរកមិនឃើញ៖ 017 34 74 92។ បាយមាន់ឆ្ងាញ់ វត្តពោធិ៍លង្កា ទូរស័ព្ទ៖ 017 34 74 92 ទីតាំង៖ ហាងទល់មុខភោជនីយដ្ឋានម្រុំ កែងនឹងវត្តពោធិ៍លង្កា វីដេអូ

ថ្ងៃឆ្លងឆ្នាំចាស់ ចូលឆ្នាំថ្មីឆ្នាំ ២០១៧ ជិតឈានចូលមកដល់តាមបណ្តាខេត្តក្រុងមួយចំនួន តែងមានការប្រារព្ធពិធីដើម្បីអបអរឆ្នាំថ្មី ឆ្នាំសកលឆ្នាំ២០១៧។ ហើយថ្ងៃនេះដែរ ក៏ជាថ្ងៃដែល បងប្អូនយើងចេញដំណើរកំសាន្តតាមបណ្តាខេត្តក្រុងណាមួយដែលខ្លួនចូលចិត្ត។

ហើយយើងក៏សូមជូនពរ ក្នុងឪកាសឆ្នាំថ្មីនេះ អោយអ្នកទាំងអស់គ្នារកស៊ីទទួលទានមានបាន សុខសុភមង្គលគ្រប់ក្រុមគ្រួសារ និងបើមានដំណើរកំសាន្តទៅទីណាសូមអោយជួបតែសេចក្តីសុខសប្បាយ។ ជាមួយគ្នានេះដែរប្រសិនបើ លោកអ្នកបានទៅលេងសៀមរាប យើងសូមណែនាំម្ហូប និងភេសជ្ជៈចំនួន៥មុខ ជូនលោកអ្នក។

ហាង KEBAP House ម្ហូបទី១ ដែលមាននៅក្នុងវីដេអូខាងក្រោមគឺជា ម្ហូបដែលមានប្រភពដើមពី តូគី គេអោយឈ្មោះថា Kebap ហើយម្ហូបនេះ មានស្នូលសាច់គោ និងសាច់មាន់ តម្លៃ ចាប់ពី ២ដុល្លារ ដល់ ៤ដុល្លារតាមទំហំ។ ងាកពីប្រភេទសាច់មក មើលប្រភេទស្រាក្រឡុក តាមតូបលើផ្លូវ Pub Street វិញម្តង ដោយស្រាក្រឡុកនេះ ពិតជារញ្ជួយអារម្មណ៍អ្នកញ៉ាំណាស់ មានភ្លេងកំដរអារម្មណ៍ឡើងញាក់សាច់ ហើយតម្លៃរឹតតែអ៊ែម ១កែវត្រឹមតែ ១.៥ដុល្លារ ពីតូបឈ្មោះ Happy Drinks។

ដល់ម្ហូបទី៣ រៀងសាមញ្ញបន្តិចនោះគឺ មីឆាដ៏ពេញនិយមរបស់បរុសម្នាក់ ដែលគាត់ជាចុងភៅដ៏ចំណាន មានអនាម័យ ហើយមានអ្នកមកញ៉ាំពេញៗតុ នៅក្បែរសួនច្បារ តាព្រហ្មណ៍ជិតមាត់ស្ទឹង ជាមួយតម្លៃ១ចាន ១.២៥ដុល្លារ ចាប់បើកលក់ពីម៉ោង ៤ ដល់ម៉ោង១២យប់។ តូប អីនាងបាយឆាមីឆា ទូរស័ព្ទ៖ 098 81 32 84…

បញ្ចប់ម្ហូបទី៣ ចូលដល់ទី៤ យើងសុំបង្ហាញកន្លែងមួយដែលគ្រប់គ្នាពេលទៅលេង Pub Street មិនសូវរំលងនោះគឺ ក្លឹប Temple។ ក្លឹបនេះមានមនុស្សពេញៗ ហើយអ្វីដែលពិសេសមួយទៀតនោះគឺ តម្លៃតែម្តង សំរាប់តម្លៃយើងគិតថា សមរម្យសំរាប់ការកំសាន្តក្នុងរាត្រីថ្ងៃឆ្លងឆ្នាំនេះ ហើយកាន់តែអ៊ែមទៀតហើយ ជាមួយបរិយាសលើដំបូលក្លឹបនេះ ដេកមើលផ្កាយស្តាប់ភ្លេងយ៉ាងពិរោះថែមទៀតផង។

ហត់ហើយមើលទៅ គ្រាន់តែអានដើរញ៉ាំបាន៤មុខហើយ ចឹងមុនត្រឡប់ទៅកន្លែងសំរាកវិញ ដើរកាត់រទះលក់ទឹកផ្លែឈើក្រឡុក ដាក់មួយកែវទៅណា ត្រឹមតែ ១ដុល្លារប៉ុណ្ណោះគ្រប់ប្រភេទផ្លែឈើ។

វីដេអូ

សាមញ្ញៗ ពីភេសជ្ជៈតាមផ្លូវ លើរទះរុញពេលខ្លះក៏អាចកំដរមាត់របស់អ្នកបានយ៉ាងឆ្ងាញ់ផងដែរ ជាពិសេសគឺ វេលាពេលបាយថ្ងៃត្រង់រួច ផ្អែមៗលាងមាត់ជាមួយផាសសិនទឹកដោះគោ ពីតូបលក់កាហ្វេមណ្ឌលគីរី ទល់មុខក្រុមហ៊ុន Seatel ស្ថិតនៅលើផ្លូវ ៤៣២ កែងផ្លូវ ៩៩។

អ្នកមានលុយត្រឹមតែ ៣០០០៛ ទៅ៤០០០៛ លោកអ្នកអាចជ្រើសរើសភេសជ្ជៈបានគ្រប់ប្រភេទ ហើយថែមទាំងអាចកែតម្រូវរសជាតិទៅតាមអ្វីដែលអ្នកចង់បាន ចូលចិត្តញ៉ាំបានថែមទៀតផង។ បើចូលចិត្តទឹកដោះគោស្រស់ អាចថែមបាន បើចូលចិត្តផ្អែម អាចថែមបាន អ៊ែមម៉្យាងដែរតើ តោះ! បាយរួចសាកទៅញ៉ាំទាំងអស់គ្នា… ខាងក្រោមនេះជាផែនទីហាងរបស់បងស្រី កាហ្វេមណ្ឌលគីរី តូបលក់កាហ្វេមណ្ឌលគីរី ទូរស័ព្ទ៖ 096 24 23 216 ទីតាំង៖ ទល់មុខក្រុមហ៊ុន Seatel ស្ថិតនៅលើផ្លូវ ៤៣២ កែងផ្លូវ ៩៩ វីដេអូ