កាន់លុយម្នាក់7.8$ មិនដឹងទៅណា មកនេះមកញ៉ាំប៊ូហ្វេ នៅហាង ប៊ូហ្វេហ្វឹស ថាម – FIRST TIME Buffet BBQ & Soup មកណាញ៉ាំម៉ាសេរី ញ៉ាំមិនកំណត់ម៉ោងដែរមានទាំងស៊ុប សាច់អាំង ថែមទាំងហ្វ្រីភេសជ្ជៈ និងបង្អែមថែមទៀត។

អ្វីដែលពិសេសនោះសាច់ប៊ូហ្វេហ្វឹស ថាម – FIRST TIME Buffet BBQ & Soup មានបន្លែ សាច់ជាច្រើនប្រភេទ រួមទាំងគ្រឿងសមុទ្រស្រស់ៗ និងថ្មីៗជានិច្ចដែលប្រកបដោយគុណភាព ធ្វើអោយមានរសជាតិកាន់តែឆ្ងាញ់នៅពេលយកមកអាំង និងដាក់ស៊ុប។ បន្ថែមពីនេះម្ហូបសាច់អាំង និងស៊ុប ក៏មានបង្អែមលាងមាត់ដូចជាផ្លែឈើ និងបង្អែមទឹកកកឈូសយ៉ាងឆ្ងាញ់ផងដែរ។ ហាង ប៊ូហ្វេហ្វឹស ថាម – FIRST TIME Buffet BBQ & Soup ក៏មានទីតាំងធំទូលាយសម្រាប់អតិថិជន រៀបចំកម្មវិធីខួបកំណើតផងដែរ។

តោះ នៅចាំអីទៀតកាន់លុយម្នាក់តែ7.8$ ញ៉ាំបានម៉ាសេរីបែបនេះមិនមកម៉េចបាន ទុកពោះអោយនៅទំនេរស្លៀកខោរលុងៗមកញ៉ាំមិនគិតម៉ោងផងដាក់ម៉ាតឹងពោះទៅចំណេញតិចអី៕

ហាង ប៊ូហ្វេហ្វឹស ថាម – FIRST TIME Buffet BBQ & Soup
លេខទូរសព្ទ៖ 010 33 15 38 / 012 23 23 15
ទីតាំង៖ ស្ថិតលើផ្លូវ456 សង្កាត់ទួលទំពូង១ ខណ្ឌចំការមន

វីដេអូ៖

តិចយប់ឡើងឃ្លានបបរក្តៅៗ អត់ដឹងថាទៅញ៊ាំនៅកន្លែងណាគេមានលក់អីទៅ! មកនេះបាន អត់ចេះខ្វះទេលក់ដល់ភ្លឺ ហាង បបរាត្រី ស្អីក៏មានដែរ រសជាតិក៏ឆ្ងាញ់ តម្លៃក៏សមរម្យ ហើយបើត្រជាក់ៗ ចឹងទៀត និយាយពីថាហុតបែកញើសខ្ចាយតែម្តង។

សម្រាប់លោកអ្នកដែលមិនទាន់បានស្គាល់ ហាង បបរាត្រី មកស្គាល់ឱ្យហើយមក ជឿជាក់ថា លែងមានបញ្ហានៅពេលឃ្លានញ៊ាំពេលយប់ទៀតហើយ ចឹង Admin សូមប្រាប់ត្រួសៗ មានដូចជា៖ ​បបរមាន់ ,បបរត្រី, បបរក្រួច, បបរពងទាខ្មៅ, បបរបង្គា, បបរក្តាម, បបរសាច់គោ, បបរសាច់ជ្រូក, បបរពងទាកូន, បបរខកង្កែប ហើយមិនត្រឹមតែមានបបរតែប៉ុណ្ណឹងទេ នៅមានសៀវម៉ៃ, គាវបង្គា, ហាកាវ, ស៊ុបខួរ, ស៊ុបប្រហិតត្រី, បាយសាច់ជ្រូក, បាយមាន់ ហើយនៅមានច្រើនមុខផ្សេងទៀត និយាយថាមិនខ្វះទេ អ្វីដែលសំខាន់ គឺរសជាតិឆ្ងាញ់ តម្លៃទទួលយកបាន លក់ទល់ភ្លឺ ។

តែប៉ុណ្ណឹងអស់បារម្ភរឿង ដើរលេងជ្រុលម៉ោងយប់ជ្រៅ រកអីញ៊ាំក្តៅៗមិនបាន ស្គាល់ហាង បបរាត្រី រួចហើយ ទៅម៉ោងណាក៏មាន សម្រាប់ហាង បបរាត្រីចាប់បើកលក់ចាប់ពីម៉ោង ៥ល្ងាច ដល់ម៉ោង៤ភ្លឺ ដូចនេះកុំភ្លេចណា រកអាហារញ៊ាំក្តៅៗ ពេលយប់ជ្រៅមកហាង បបរាត្រី។

ហាង បបររាត្រី
ទីតាំង៖ ផ្ទះលេខ310 ផ្លូវ240 ជាប់ហាងសៀវម៉ៃរាត្រី
លេខទូរសព្ទ៖ 016 490000 / 086 60 69 69

វីដេអូ

អ្នកណាខ្លះចូលចិត្តញ៉ាំម្ហូបរសជាតិបែបចិន? ចុះចូលចិត្តបែបនេះបានស្គាល់ Ming Yang Malatang និងធ្លាប់បានមកញ៉ាំហើយរឺនៅ? Admin សុំនិយាយថាអ្នកដែលចូលចិត្ត គួរតែមកមិនអាចរំលងបានទេណា ព្រោះថានៅទីនេះមានស៊ុបដ៏ឈ្ងុយ​ឆ្ងាញ់ រសជាតិមានតែមួយគ្មានពីរ ដែរគ្រប់គ្នាគួរតែមកសាក?។

Ming Yang Malatang គ្រប់មុខម្ហូបទាំងឆា និងស៊ុបគឺមានរសជាតិឆ្ងាញ់ក៏ដោយសារតែចុងភៅដ៏ជំនាញប្រចាំហាងបានចេញទៅសិក្សារូបមន្តពីក្រៅប្រទេស បូករួមជាមួយកាច្នៃប្រឌិតបន្ថែមដែរធ្វើរសជាតិម្ហូបឆា និងស៊ុបឆ្ងាញ់ប្លែកដែលអាចនិយាយបានថាមានតែមួយគ្មានពីរ។ កាន់តែពិសេសថែមទៀតនោះ Ming Yang Malatang មានមីធម្មជាតិចំនួន ៥មុខដូចជា មីដំឡូង មីល្ពៅ មីដំឡូងពណ៌ស្វាយ មីស្ពៃ និងមីការ៉ុត ដែលគ្រប់គ្នាអាចធ្វើការជ្រើសរើសបានតាមចំណូលចិត្ត។ បន្ថែមពីនេះទៀតនោះ សម្រាប់អតិថិជនដែលមកញ៉ាំនៅហាងផ្ទាល់ គឺអាចចាប់យកបន្លែសាច់ ដោយខ្លួនឯងបានជាមួយតម្លៃសមរម្យ និងសម្រាប់អតិថិជនដែលចង់ញ៉ាំនៅផ្ទះក៏អាចធ្វើការកុម្ម៉ង់បានផងដែរ។

រសជាតិឆ្ងាញ់ប្លែក បូករួមជាមួយតម្លៃសមរម្យបែបនេះហើយរំលងម៉េចបាន នឹកឃ្លានចង់ញ៉ាំស៊ុបរសជាតិបែបចិនឆ្ងាញ់ពិសេស Ming Yang Malatang ជាជម្រើសទី១សម្រាប់លោកអ្នក។ សម្រាប់អ្នកដែលចង់មកញ៉ាំនៅហាងផ្ទាល់អាចមកបានដែលមានទីតាំងស្ថិតនៅបណ្ដោយផ្លូវ៥២៨ កែងផ្លូវ៣៣៥ និងអាចទាក់ទងបានតាមរយៈលេខទូរសព្ទ 076​​ 77 77 677 ៕

Ming Yang Malatang
លេខទូរសព្ទ៖ 076​​ 77 77 677
ទីតាំង៖ ស្ថិតនៅបណ្ដោយផ្លូវ៥២៨ កែងផ្លូវ៣៣៥
ផែនទី​៖ ចុចទីនេះ
(ចាប់បើកពីម៉ោង១០ព្រឹក ដល់ម៉ោង ១០យប់)

វីដេអូ៖

មកដល់ហើយ! អ្នកណាខ្លះកំពុងតែស្វែងរកហាងអាហារ សម្បូរបែប និងមានរសជាតិបែបម៉ាឡេស៊ី មកស្គាល់ទាំងអស់គ្នា ជាមួយ HO KEE Bak Kut Teh ហាងស៊ុបឆ្អឹងជំនី រសជាតិពិតជាប្លែកមាត់ ហើយផ្តល់ជម្រើសច្រើនថែមទៀតផង។

HO KEE Bak Kut Teh ហាងស៊ុបឆ្អឹងជំនី ជាហាងអាហារដែលទទួលបានការពេញនិយមនៅក្រៅប្រទេស ដូចជា៖ សិង្ហបុរី និងម៉ាឡេស៊ី ។ បច្ចុប្បន្ននេះ ក្នុងរាជធានីភ្នំពេញរបស់យើងមាន ចំនួន ២សាខារួចមកហើយ ពិតជាពិសេសណាស់ សម្រាប់អតិថិជន ដែលនិយមទទួលទានអាហារ​បែប សិង្ហបុរី និងម៉ាឡេស៊ី ដឹងតែមិនខកបំណងនោះឡើយ មុខម្ហូបមានដូចជា៖ Dry Bak ku teh ជាប្រភេទឆា 2. Malaysia Bak ku teh ជាប្រភេទស៊ុបឆ្អឹងជំនីថ្នាំចិន 3.Kamhiong lala ជាលៀសសឆាបែបម៉ាឡេ 4.Singapore bak ku teh ជាប្រភេទស៊ុបឆ្អឹងជំនីហិរម្រេចនឹងខ្ទឹម 5. ឆាសាឡាត់បារាំង ។

ជឿជាក់ថាការទទួលទានអាហារពេលល្ងាចនេះ ជម្រើសល្អសម្រាប់លោកអ្នក ក្នុងការជួបជុំគ្រួសារ ការណាត់ជួបពិភាក្សា ទាំងទីតាំង និងបរិយាស ផ្តល់នូវផាសុកភាព អនាម័យ នោះមាននៅ HO KEE Bak Kut Teh។

HO KEE Bak Kut Teh ហាងស៊ុបឆ្អឹងជំនី
ទីតាំង៖ ផ្លូវរដ្ឋសភា សង្កាត់ទន្លេបាសាក់ ខណ្ខចំការមន ភ្នំពេញ 
លេខទូរសព្ទ៖ 098 822 002 

វីដេអូ

នឹកចង់រំលឹកអនុស្សវរីយ៍ជំនាន់៩០មែនទេ? នេះន៎ែណាត់មិត្តចាស់ៗ មក90’s Pub មកណាធានាថាបរិយាកាសអ៊ែម មានការរៀបចំដូចជំនាន់៩០ចឹង ឈានជើងចូលក្នុងហាងភ្លាមច្បាស់ជាមានអារម្មណ៍ប្លែកប្រៀបបាននៅក្នុងជំនាន់នោះពិតៗតែម្ដង។ ណ្ហើយ ចង់ដឹងថាពិសេសប៉ុណ្ណាមានតែមកខ្លួនឯងផ្ទាល់មកណា កុំអោយថាAdmin ចេះតែថា?។

90’s Pub មានលក់ម្ហូបឆ្ងាញ់ៗប្លែកៗ ជាពិសេសក៏មាន​ម្ហូបគ្រឿងក្លែមជាច្រើនមុខ ថែមទាំងមានភេសជ្ជៈជាច្រើនប្រភេទ ដែលលោកអ្នកអាចមកញ៉ាំបានយ៉ាងរីករាយ អ្វីដែលកាន់តែពិសេសថែមទៀតនោះនៅទីនេះក៏មានតន្ត្រីកំដរអារម្មណ៍ដែលធ្វើអោយលោកអ្នករំសាយបាត់អស់ទុកកង្វល់ ជាមួយបទចម្រៀងនៅជំនាន់៩០ និងបច្ចុប្បន្ន ដែលមានទាំងបទចម្រៀង ខ្មែរ ថៃ និងចិន។

ពិសេសបែបនេះកុំភ្លេចណាចង់រំសាយអស់ទុកកង្វល់ ញ៉ាំម្ហូបឆ្ងាញ់ៗ នឹងរំលឹកអនុស្សវរីយ៍ជំនាន់៩០ 90’s Pub ជាជម្រើសដ៏សាកសមបំផុតសម្រាប់លោកអ្នក។ ហើយសម្រាប់លោកអ្នដែលចង់រៀបចំកម្មវិធី ខួបកំណើត កម្មវិធីជប់លៀងផ្សេងៗ 90’s Pub ក៏មានទទួលរៀបចំជូនផងដែរ ដោយលោកអ្នកអាចធ្វើការទាក់ទងបានតាមរយៈហ្វេសប៊ុកផេក 90’s Pub រឺតាមរយៈលេខទូរសព្ទ 095 699 908 ៕

90’s Pub
លេខទូរសព្ទ៖ 095 699 908
ទីតាំង៖ ស្ថិតលើផ្លូវ៤៦០ សង្កាត់ទូលទំពូង១(ជិតផ្សារទូលទំពូង)
(ចាប់បើកពីម៉ោង ៦ល្ងាច ដល់ម៉ោង ១២យប់)

វីដេអូ៖

ធានាថាមិនខកបំណងទេជាមួយហាង Ta Num Pang – តានំបុ័ង ដាក់មួយដើមដឹងតែឆ្អែត តម្លៃ១ដើមតែ ៥០០០៛ ប៉ុណ្ណោះ តិចឃើញចឹងថាតូចមែន តែតាន់ក្នុងសាច់នំបុ័ងណែនល្អ ញ៊ាំឆាប់ឆ្អែត ចង់កុម្មង់រសជាតិអ្វីក៏បាន តម្លៃមិនលើសពី៥០០០៛ ហ្នឹងទេ?!

ហាង Ta Num Pang – តានំបុ័ង មានលក់អាហារសម្រន់ជាប្រភេទនំបុ័ង ដែលមានរសជាតិដូចជា៖ នំបុ័ងជ្រូកខ្វៃ នំបុ័ងប៉ាតេ នំបុ័ងប្រហិត តម្លៃក្នុង១ដើមតែ ៥០០០៛ អតិថិជនអាចកុម្មង់លាយគ្នាបានថែមទៀតផង តម្លៃដដែល ហើយអ្វីដែលជាចំនុចពិសេសមួយទៀតនោះ គឺរសជាតិហ្នឹងតែម្តង គឺឆ្ងាញ់គ្រប់រសជាតិ ដោយសារតែគ្រឿងផ្សំ សាច់ចិញ្រ្ចាំ ជ្រូកខ្វៃ ជ្រក់ត្រសក់ រួមទាំងនំបុ័ងត្រូវបានធ្វើដោយម្ចាស់ហាងផ្ទាល់តែម្តង ដែលធានាបាននៅរសជាតិឆ្ងាញ់ និងអនាម័យ។

ហើយបើនិយាយពីជ្រក់ត្រសក់វិញ គឺអតិថិជនសរសើរថាឆ្ងាញ់គ្រប់គ្នា ដោយសារតែរសជាតិឆ្ងាញ់ប្លែក គឺ ម្ចាស់ហាងគាត់ប្រើទឹកត្នោត មកជំនួសទឹកខ្មេះ ទើបបង្កើតរសជាតិកាត់តែឆ្ងាញ់ ហើយមិនប៉ះពាល់ដល់សុខភាពអ្នកពិសា ចំនុចមួយទៀតគឺនំបុ័ង វាមានរាងតូចបន្តិចមែន តែបើនិយាយពីសាច់ខាងក្នុងវិញគឺណែនល្អណាស់ ញ៊ាំតែ ១ដើម ដឹងតែឆ្អែតតែម្តង ហើយក្នុង១ថ្ងៃៗ លក់មិនក្រោម ៣០០ដើម ទៅ៥០០ដើមនោះទេ ។

មួយវិញទៀតកាន់តែពិសេសសម្រាប់អតិថិជន រាល់ការតេកុម្មង់ផ្ទាល់ជាមួយហាង រៀងរាល់ថ្ងៃសៅរ៍ និងថ្ងៃអាទិត្យ អតិថិជនកុម្មង់ទិញ ៥ដើម ថែមជូ​ន Sprite ១កំប៉ុង ទិញ ១០ដើម ថែមជូន Sprite ២កំប៉ុង និងទឹកសុទ្ធ ១ដប ។ ហើយសម្រាប់ហាង ក៏មានទទួលកុម្មង់ធ្វើតាមកម្មវិធីផ្សេងៗ ផងដែរ។ តោះដូចនេះ ទំនេរពេលណា ទៅញ៊ាំផ្ទាល់ឬ កុម្មង់ ជាមួយ Ta Num Pang – តានំបុ័ង? ។

ហាង Ta Num Pang – តានំបុ័ង
ទីតាំង៖ នៅលេីផ្លូវ​ ៩៥​ ខាងក្រោយ​ Master Sukisoup(អតីតរោងកុនបូកគោ) ជិតស្តុប​បូកគោ
លេខទូរសព្ទ៖ 098 688 576 / 017 588​ 576​ / 098 588 576
បើកលក់ចាប់ពីម៉ោង ៦ព្រឹក ដល់ម៉ោង ៨យប់
ផែនទី៖ https://goo.gl/maps/eQpNqqJL6JbW4Sb38

វីដេអូ

ចូលចិត្តញ៉ាំសាច់អាំងជាមួយរសជាតិច្រើនមុខច្រើនជម្រើសមែនទេ? ចូលចិត្តបែបនេះAdmin គិតថាមិនអាចរំលងហាង GrillHouse BBQ & Beer បានទេណាព្រោះថាឆ្ងាញ់ទាំងរសជាតិ ល្អទាំងបរិយាកាស និងសេវាកម្ម។ ជាពិសេសហាងមានកាដូរប្រូម៉ូសិនជូនអតិថិជនបញ្ចុះតម្លៃរហូតដល់៥០% ចាប់ពីថ្ងៃនេះរហូតដល់ថ្ងៃទី៣១​ ខែមករា ឆ្នាំ២០២១។

សាច់អាំង ៣ រសជាតិ ជាចំនុចពិសេសមិនអាចខ្វះបានរបស់ហាងសាច់អាំងនេះ ហើយទឹកជ្រលក់ ៣ជម្រើសនេះសុទ្ធតែ មហាត្រូវគ្នាហើយជាមួយសាច់អាំង ដូចជា ទឹកកាពិ ទឹកតៅហ៊ូ និងទឹកត្រីកោះកុងនេះ និយាយរួមមួយកំប្លេរហ្មង មិនអោយភ្ញៀវណាទើសចិត្តឡើយ ចូលចិត្តមួយណាយកមួយនឹងតាមចំណូលចិត្ត។ បើនិយាយពីសាច់ និងគ្រឿងសមុទ្រគឺស្រស់ៗល្អ សម្រាប់សាច់គឺមានសាច់គោខ្មែរ សាច់គោអាមេរិក សាច់គោជប៉ុន និងសាច់គោអូស្ត្រាលី រីឯគ្រឿងសមុទ្រក៏មានកាំប្រម៉ាសមុទ្រដែលគេកំពុងពេញនិយមកផងដែរ ហើយចំនុចពិសេសមួយទៀតនោះ គឺបរិយាកាសជុំវិញហាងតែម្តង ត្រូវណាស់សម្រាប់ការជួបជុំ។

ពេលនិយាយរឿងញ៊ាំសាច់អាំងនេះច្បាស់ជានឹកគិតថាខ្លាចមានផ្សែងហុយខ្លាំងមានក្លិនមិនល្អជាប់ខ្លួនហើយមែនអត់ កុំបារម្ភព្រោះថានៅខាងក្នុងនៃជាន់ផ្ទាល់ដី គឺហាងបានបំពាក់ម៉ាស៊ីនបឺតផ្សែង ដែលមិនធ្វើអោយប៉ះពាល់ ក៏ដូចជារំខានដល់ការទទួលទានរបស់លោកអ្នកឡើយ៕

ហាង GrillHouse BBQ & Beer
ទូរសព្ទ៖ 077 868 768 / 086 868 768
ទីតាំង៖ ទល់មុខសួនវត្តបទុមវត្តី

វីដេអូ៖

អស់ត្រឹម១មុឺន ទៅ២មុឺនរៀល ទៅញ៊ាំស្តេកមីដុត ធានាថាប្លែកមាត់ ប្លែករសជាតិ ជាមួយស្តេកមីដុត រសជាតិថ្មី មីនុយថ្មី ប្រចាំហាង BEST FOOD គឺ ស្តេកមីដុតរសជាតិសាច់មាន់ ស្តេកមីដុតរសជាតិសាច់គោ ហើយបន្ថែមជូន២ជម្រើស រសជាតិហិរ និងធម្មតា អ្វីដែលពិសេសនោះ គឺថា ញ៊ាំក្តៅបានយូរ ហើយមិនទ្រលាន់ទៀត។

គិតចង់ញ៊ាំស្តេក អាហារថ្ងៃត្រង់បើមិនដឹងថាទៅញ៊ាំទីណាល្អ ហើយប្លែកមាត់ អស់ត្រឹម១មុឺន ទៅ២មុឺនរៀល មកទីនេះ ហាង BEST FOOD ទីតាំង បឹងកក់ ក្នុងតារាងបាល់ Central Park ញ៊ាំដឹងតែប្លែកមាត់ ប្លែកអណ្តាត ចង់ហិរក៏បាន អត់ក៏បាន​ តាមចំណង់ចំណូលចិត្ត។ ដូចដែលលោកអ្នកបានស្គាល់រួចមកហើយ និយាយដល់ ហាង BEST FOOD នឹកដល់ស្មងគោ លក់រាប់តោន ល្បីខ្លាំងណាស់ សម្រាប់មុខម្ហូបថ្មីនេះ ជឿងជាក់ថាលោកអ្នកប្រាកដជាពេញចិត្ត ទាំងរសជាតិ និងតម្លៃ ។

ចង់ញ៊ាំម្ហូបដែលប្លែកៗ លែងជារឿងកង្វល់ មកហាង BEST FOOD ដឹងតែត្រូវចិត្តហើយ សម្រាប់ទីតាំង​ធំទូលាយ ងាយស្រួលជួបជុំគ្រួសារ មិត្តភក្តិ ក្រុមការងារ គឺធានាម៉ាអ៉េម ដូចនេះកុំមើលរំលងអី ហាង BEST FOOD ទីតាំង បឹងកក់ ក្នុងតារាងបាល់ Central Park៕

ហាង BEST FOOD
ទីតាំង៖ បឹងកក់ ក្នុងតារាងបាល់ Central Park
លេខទូរសព្ទ៖ 069 414 144 / 061 520 505

វីដេអូ៖

បន្ទាប់ពីចប់ម៉ោងបំពេញការងាររួច មុនសម្រេចណាត់គ្នារកកន្លែងញ៊ាំអីល្ងាចនេះ គួរចូលមកមើលទីនេះបណ្តើរសិនទៅ ហាង តុង តុង សាច់អាំង សម្រាប់Admin គឺសាករួចរាល់ហើយ រសជាតិឆ្ងាញ់ប្លែកមែន ហើយជម្រើសក៏មានច្រើនទៀតផង។

បើនិយាយពីគ្រឿងក្លែមវិញ ដឹងតែពេញចិត្តស្តូកហើយ ជម្រើសមានច្រើនមុខណាស់ ចឹងចាំ Admin ប្រាប់ខ្លះ មានដូចជា៖​ ងាវឆាអំពិលទុំ មឹកឆាម្រេចខ្ចី ត្រីឈ្លូញបំពងអំពិលខ្ចី កន្សោមកូនគោឆាអង្រ្កងកញ្ឆែត លឹងគោទឹកប្រហុក សាច់គោលើជ្រុញ អន្ទង់អប់ត្រយូងចេក កង្កែបស្រែបំពងស្បែក ជើងមាន់បំពង ខ្ចឹមសរ ងៀតគោ មឹកអាំងអំបិលម្ទេស បបែលអាំងអំបិលម្ទេស សរសៃកែងឆាក្តៅ អន្ទង់ឆាម្ទេស… នៅមានច្រើនមុខទៀត ជាង ៩០មុខ ឯណោះ ហើយតម្លៃវិញគឺសមរម្យអាចទទួលយកបាន ។

មោះមើលប៉ុណ្ណឹង សម្រេចចិត្តបានហើយថាជម្រើសនៅទីណានោះមែនអត់? ចឹងល្ងាចនេះ ហាង តុង តុង សាច់អាំង ទីតាំង ផ្លូវលេខ101​ កែងនឹងផ្លូវ466 សង្កាត់បឹងត្របែក​ ចំការមន​ នៅជិតនឹងផ្សារបឹងត្របែក​ ផ្ទះ​លេខ10A ។

ហាង តុង តុង សាច់អាំង
ទីតាំង៖ ផ្លូវលេខ101​ កែងនឹងផ្លូវ466 ជិតនឹងផ្សារបឹងត្របែក​
លេខទូរសព្ទ៖ 010737838 / 0899009

វីដេអូ៖

អ្នកដែលចូលចិត្តញ៉ាំមាន់បំពងដែរស្រួយឆ្ងាញ់ មកនេះមកហាង F Chicken ធានាថាពេញចិត្តស្ដូកជាមួយម្សៅបំពងដ៏ស្រួយញ៉ាំភ្លាមៗក៏ស្រួយ ទិញយកទៅញ៉ាំនៅផ្ទះក៏នៅតែស្រួយឆ្ងាញ់?។ អ្វីដែរពិសេសមិនត្រឹមតែស្រួយឆ្ងាញ់ប៉ុណ្ណោះទេ គឺថាតម្លៃក៏សមរម្យថែមទៀតដោយលោកអ្នកមានត្រឹមតែ៥០០រៀល រឺ១០០០រៀលក៏អាចភ្លក្សរសជាតិដ៏ឈ្ងុយឆ្ងាញ់របស់ F Chicken បានដែរ។

F Chicken គឺមានបីរសជាតិសម្រាប់លោកអ្នកធ្វើការជ្រើសរើសដោយមានរសជាតិដើម រសជាតិតុងយ៉ាំ និងរសជាតិម៉ាឡា។ សម្រាប់រសជាតិតុងយ៉ាំ មានរសជាតិហិរ និងរសជាតិម៉ាឡា រសជាតិគឺហិរខ្លាំង អាចនិយាយបានថាជារសជាតិដែរអាចឆក់យកបេះដូងអ្នកចូលចិត្តញ៉ាំហិរតែម្ដង។ អ្វីដែលសំខាន់នោះគឺ ម្សៅបំពងដ៏ស្រួយបំពងជាមួយនឹង ស្លាបកណ្តាល គល់ស្លាប ចុងស្លាប បូករួមនិងផ្នែកជាច្រើនទៀតនៃមាន់ និយាយពីថាឆ្ងាញ់ៗសាហាវដែរគ្រប់គ្នាគួរតែមកភ្លក្សជាមួយរសជាតិដ៏ពិសេសនេះ។

ក្រៅពីគ្រប់ផ្នែកនៃមាន់ ក៏មានប្រហិតសាច់គោ កន្សោមដោះក្រឡុកគ្រឿង ដំឡូងបារាំងក្រឡុកគ្រឿង និងមានឈុតបាយស្លាប និងឈុតបាយមាន់គីមឈី ដែរលោកអ្នកអាចធ្វើការកុម្ម៉ង់ញ៉ាំបានសម្រាប់អាហារថ្ងៃត្រង់ផងដែរ។ តោះៗ បបួលគ្នាមកលឿនៗមកណា នៅចាំអីទៀតស្រួយឆ្ងាញ់ តម្លៃសមរម្យបែបនេះទៀតសប្បាយញ៉ាំតិចអី ដែរហាង F Chicken មានពីរសាខាគឺសាខាផ្សារកណ្តាល (ផែនទីចុចទីនេះ) និងសាខាស៊ីសុវត្ថិ(ផែនទីចុចទីនេះ)៕

ហាង F Chicken
ទីតាំងសាខាផ្សារកណ្តាល៖ https://goo.gl/maps/aWtXUqw8xaWxyTQ69
លេខទូរសព្ទ៖ 010 39 39 68
ទីតាំងសាខាស៊ីសុវត្ថិ៖ https://goo.gl/maps/4JGzVYV53oSkHkFDA
លេខទូរសព្ទ៖ 087 29 29 68

វីដេអូ៖