ធ្មិចបើកៗ ជិតដាច់ឆ្នាំចាស់ចូលឆ្នាំថ្មីហើយ គិតទៅលឿនមែនកើនអាយុ១ឆ្នាំទៀតហើយគ្នាយើង និយាយលេងទេ សូមនិយាយពីកម្មវិធី Facetaste យើងវិញម្តង ក្នុងរយៈ១ឆ្នាំ គិតត្រឹមឆ្នាំ២០១៧នេះ ចំនួនហាងដែលក្រុមការងាយើងយកមកបង្ហាញចែកជូនលោកអ្នកជាង៣០០ហាង។ សម្រាប់ហាងទាំងអស់មិនថាតែហាងតាមចិញ្ចើមផ្លូវ ឬក៏ហាងដែលប្រេនៗនោះទេ គឺសុទ្ធតែមានការគាំទ្រច្រើនពីសំណាក់អតិថិនជន រហូតអ្នកខ្លះក្លាយជាម៉ូយប្រចាំហាងក៏មានដែរ ដូចច្នេះថ្ងៃនេះយើងសូមលើកយកកំពូលហាង១០កន្លែងដែលមានការនិយមគាំទ្រ និងមានអ្នកទស្សនាវីដេអូច្រើនជាងគេក្នុងឆ្នាំ២០១៧នេះ តោះចឹងចង់ដឹងថាតើអ្នកណាជាfanប្រចាំហាងទាំង១០នោះ តោះតាមដានវីដេអូខាងក្រោមនេះទាំងអស់គ្នា៖
ហាង កាហ្វេដី
ហាង កាហ្វេដី គឺជាហាងដែលរក្សាភាពល្បីល្បាញ ដោយមេចុងភៅចំណានបានបង្កើតនូវមុខម្ហូបប្លែកៗ ជាពិសេសគឺមានរសជាតិឆ្ងាញ់តែម្តង។ ក្នុងចំណោមអាហារក្នុងបញ្ជីមុខម្ហូបទាំងអស់ ហាង កាហ្វេដី មានការពេញនិយមខ្លាំងពីភ្ញៀវ ដោយសារតែមានគន្លឹះពិសេសៗទៅតាមមុខម្ហូបនីមួយៗដែលកន្លងមកមានដូចជា ត្រីដុតបំពង់ឬស្សី សាច់គោបំពងឬស្សី មាន់លាក់ខ្លួន គុយទាវកូនកាត់បាយមាន់ស្រែចំហុយឡាំងសឹង ជាដើម។
កាហ្វេដី
កាហ្វេដី
ហាង កាហ្វេដី
ទូរស័ព្ទ៖ 016 267 626 / 095 267 626
ទីតាំង២៖ ស្ថិតនៅ ផ្ទះលេខ 64 ផ្លូវលេខ 430 ភូមិ១ ក្រុមទិ7 សង្កាត់ផ្សារដើមថ្កូវ ខណ្ឌចំការមន ភ្នំពេញ
ហាង បង្អែម ម៉ាក់អាកាំង
ហាងមួយដែលមានឈ្មោះថា ហាងបង្អែម ម៉ាក់អាកាំង បើនិយាយឈ្មោះចឹងមានមនុស្សជាច្រើនបានស្គាល់ព្រោះអី ហាងនេះលក់ដាច់ណាស់ទៅលើ បង្អែម និងពងទាកូនដ៏ឆ្ងាញ់ ប្រចាំហាងដោយ១ ថ្ងៃៗ អាចលក់ពងទាអស់លើសពី ១០០០គ្រាប់ សំរាប់សាខានីមួយៗ។
បង្អែមម៉ាក់អាកាំង
ពងទាកូន
ម៉ាក់អាកាំង
ហាង ម៉ាក់អាកាំងសាខាទី៤
Call: 011 78 30 55 | 016 95 88 19
ទីតាំង៖ ផ្ទះលេខ 01Eo, ផ្លូវលេខ169 កែងផ្លូវ118, សង្កាត់ មិត្តភាព, ខណ្ឌ 7មករា
ហាង ជំនោរត្រជាក់
ភោជនីយដ្ឋាន ដែលល្បីមួយនៅទីរួមខេត្តមណ្ឌលគិរីជាងមួយទស្សវត្សមកហើយ ពេលនេះហាង បានពង្រីកខ្លួនមកបើកដំណើរការលក់នៅភ្នំពេញស្ថិតនៅម្តុំទួលស្វាយព្រៃ ដែលមានឈ្មោះថា ជំនោរត្រជាក់ ។ហាងនេះផ្តោត ជាពិសេសនូវសាច់គោអាំង, ពោះគោទឹកប្រហុក និងស្រាពាង រួមជាមួយនឹងម្ហូបពិសេសៗ ផ្សេងទៀតដូចជា៖ ១០០ស្រទាប់កោះកុង, គ្រលៀនចំហុយពិសេស, កំភួនស្រួយ, ប្រហិតត្រីឆ្លាត និងគ្រឿងក្លែមជាច្រើនមុខទៀត។
ជំនោរត្រជាក់
ជំនោរត្រជាក់
ជំនោរត្រជាក់
ហាង ជំនោរត្រជាក់
ទូរស័ព្ទ៖ 092 373 363 / 010 37 33 63
ទីតាំង៖ ផ្ទះលេខ 17 ផ្លូវ374 សង្កាត់ទួលស្វាយព្រៃទី1 ខណ្ឌចំការមន ភ្នំពេញ
ហាង ស៊ុបចង្កាក់ Volcano
មិនថាអ្នកមានមាឌតូច ឬក៏មាឌធំទេ (BIG “ឌឺមែនហ្នឹង Admin”) និយាយលែងទេ មែនហើយដូចដែលអ្នកបានឃើញចឹង មិនថាអតិថិជនថ្មីចាស់ លោក BIG ទេអោយតែ មានអ្នកបបួលទៅញ៉ាំស៊ុបចង្កាក់ Volcano ដឹងតែទៅហើយ អ្នកណាមិនល្បីរសជាតិឆ្ងាញ់នោះ បើកហាងថ្ងៃណាភ្ញៀវមកញ៉ាំពេញថ្ងៃនោះ។
ហាង ម្ជូរនិងក្តាមក្រឡុក
ក្រុមការងារថតម្ហូប យើងដែលដើរថតម្ហូបជាង២ឆ្នាំមកហើយ បាននិយាយប្រាប់ថា គាត់ហ៊ាននិយាយថា ហាងនេះ របស់ញ៉ាំឆ្ងាញ់គ្រប់មុខ ហើយគាត់ហ៊ាននិយាយទៀតថា “ធានាហ្មង ថាឆ្ងាញ់បស់គេមែន ឆ្ងាញ់ហូរទឹកភ្នែកហ្មង ក្តាមក្រឡុក និងម្ជូរក្រឡុកនៅទីនោះ”។
ម្ជូរនិងក្តាមក្រឡុក
ម្ជូរនិងក្តាមក្រឡុក
ម្ជូរនិងក្តាមក្រឡុក
ហាង ម្ជូរនិងក្តាមក្រឡុក
ទូរស័ព្ទ៖ 096 735 66 76
ទីតាំង៖ ផ្លូវ ១៨៤, ផ្ទះលេខ៣៦ (ផ្លូវមុខសាលាស៊ីសុវត្ថិ ឆ្ពោះទៅផ្លូវក្រោយវាំង)
វីដេអូTop 10
ហាង MotoCafe
Call: 098 80 97 89 | 010 93 22 38
ទីតាំង៖ ម្តុំក្រោយសាលាវ៉ាន់ដា ផ្លូវ ៤០២ កែង ផ្លូវ ១៨៥
លោកករុណា ពេជ្រ បង្ហោះសារតាមហ្វេសប៊ុកជុំវិញបញ្ហានេះថា ជម្លោះបុគ្គល ការអន់ចិត្តរវាងបុគ្គល និងបុគ្គល និយាយឲ្យចំ គឺការអន់ចិត្ត ជម្លោះរវាង អ្នកសារព័ត៌មានម្នាក់ និងអ្នកនិពន្ធម្នាក់សោះយករឿងឈ្នះចាញ់ទៅបុករុកដល់ថ្នាក់លើ…ហើយបើបានទៅចាក់រុកដល់ ពូៗទៅហើយ ម៉េចមិនគិតប្រាប់គាត់ឲ្យច្បាស់ថា សូមចេញជាលិខិតហាមមិនឲ្យចេញលក់បទនេះបានត្រូវ ព្រោះបទនេះមិនទាន់ចេញលក់ឯណា…រួចទៅប្រាប ់ពូៗ ដែលគាត់រវល់ការងារ ធំៗច្រើនណាស់ ហើយប្រាប់មិនច្បាស់ទៀត ចេញហាមមិនឲ្យចាក់បទនេះតាមវិទ្យុ…។
សួរតើបានបទនេះពីណាយកមកចាក់បាន បើអត់ទាន់ចេញលក់ផងហ្នឹង ទានម្ចាស់…! នៅសល់ប៉ុន្មាននាក់ទៀត អាម៉ាកហ្នឹងលោក…ទីបំផុតមកនាំរវល់ដល់អ្នកអត់ដឹងខ្លួនម៉ាគំនរ ថែមទាំងបានអ្នក តែៗស្ករៗ មកជាមួយផងដែរ ។
<
អាសូរបទថ្មីលោក នេះចេញ promotion ជិត៤ខែ ហើយមិនទាន់បានចេញលក់ផង… ឆ្ងល់អាពេលត្រូវគ្នា ហើយនៅក្នុងក្រុមជាមួយគ្នា មិនមានបញ្ហា ដល់ពេលឈ្លោះគ្នា បែកក្រុម ស្រាប់តែចេញមកអ៊ីចឹង…ដូច្នឹងផង ។
តែសូមផ្តាំអ្នកនិពន្ធថា ធ្វើអីមិនឈ្នះគេអ្នកសារព័ត៌មានទេ…តែអ្នកសារព័ត៌មានគេល្អច្រើនណាស់ តែប៉ុន្មានអ្នកហ្នឹងទេ ចាក់រុកឆ្កឹះឆ្កៀលនូវអ្វីដែលមិនចូលក្រុមសម្ពន្ធ័របស់ខ្លួនបន្ថែមពីលើនេះទៀត ។ កាលបទ«ពុកខ្ញុំជាប៉ូលីស»ចរាចរចេញដំបូងសុទ្ធតែដៀលគេកាន់ជើងប៉ូលិស កាន់ជើងខាងនេះ ខាងនោះ ដល់បទហ្នឹងមានការទទួលស្គាល់ខ្លាំង ក៏បាត់អស់ពួកមាត់ចាប មាត់ព្រាប »។
img src="https://kspg.tv/wp-content/uploads/2017/12/73f7634ab3f381fb40995f93740b3f8a-2.jpg" alt="" width="880" height="513" class="alignnone size-full wp-image-22873" />
ពាក់ព័ន្ធបញ្ហានោះដែរតារាចម្រៀងជើងចាស់លោកសុះ ម៉ាច អះអាងថា បើទោះបីជាលោកនៅមិនទាន់បានស្តាប់អត្ថន័យពេញនៃបទចម្រៀង គ្រូបង្រៀនស្រវឹងស្រា ប៉ុន្តែតាមរយៈចំណងជើងបទចម្រៀងនេះគឺហាក់ផ្ទុយស្រឡះទៅហើយ ។ ចំណងជើងបទចម្រៀងនោះគឺប្រាសចាកពីការណ៍ពិតនៃពាក្យគ្រូបង្រៀនដែលជាអ្នកផ្តល់ឱវាទ និងដំបូន្មាន ល្អៗសម្រាប់សិស្ស ។
ក្នុងនាមជាតារាចម្រៀងម្នាក់លោកសុះ ម៉ាច អំពាវនាវដល់អ្នកនិពន្ធបទចម្រៀងទាំងឡាយគួរនិពន្ធនូវអ្វីដែលផ្តល់ផលប្រយោជន៍ដល់សង្គមជាតិ បង្កប់ន័យអប់រំឲ្យបានច្រើន ចៀសវាងនូវអ្វីដែលប្រាសចាកពីការណ៍ពិតខុសក្រមសីលធម៌អ្នកនិពន្ធ ។
បើតាមលោកសុះ ម៉ាច អ្នកនិពន្ធសម័យនេះគួរយកគំរូពីកវីនិពន្ធជំនាន់ដើម ដែលបទចម្រៀងរបស់ពួកគាត់ នីមួយៗគឺបានរៀបរាប់ពីធម្មជាតិ ហើយបើន័យស្នេហាឈឺចាប់គឺបង្កប់ន័យមិនមានការគុំកួនអ្វីឡើយ ។
លោកសុះ ម៉ាច បានកោតសសើរដល់អ្នកនិពន្ធសម័យនេះមួយចំនួនមានទឹកដៃល្អ ហើយអត្ថន័យនៃបទចម្រៀងរបស់ពួកគេមានន័យអប់រំ និងការបង្ហាញសេចក្តីស្នេហាដ៏ផ្អែមល្ហែមចាក់ដោតដល់បេះដូងអ្នកស្តាប់ ៕
មរណភាពរបស់លោកយាយព្រឹទ្ធាចារ្យស៊ិន សាម៉ាដឹកឆូ បានធ្វើឲ្យកូនសិស្សល្ខោនខោលរបស់លោកយាយក្តុកក្តួល និងសម្តែងក្តីអាឡោះអាល័យយ៉ាងខ្លាំង ។ ពួកគេបានចាត់ទុកមរណភាពរបស់លោកយាយ គឺជាការបាត់បង់ធនធានមនុស្សយ៉ាងសំខាន់ ក្នុងផ្នែកល្ខោនខោល ។
ជាគ្រូ និងអ្នកសម្តែងល្ខោនខោលម្នាក់លោកហង់ ភូមិរ៉ា បានសម្តែងការសោកស្តាយនៅពេលដែលលោកបានទទួលដំណឹងពីមរណភាពរបស់ព្រឹទ្ធាចារ្យស៊ិន សាម៉ាដឹកឆូ នាពេលនេះ ។
បើតាមលោកហង់ ភូមិរ៉ា ថាព្រឹទ្ធាចារ្យស៊ិន សាម៉ាដឹកឆូ ជាសិល្បការិនីល្ខោនព្រះរាជទ្រព្យ តាំងពីរជ្ជកាលហ្លួងស៊ីសុវត្ថិ មុនីវង្ស ដោយបានសិក្សាពីឃុន ចាស់ៗក្នុងវាំង និងជាគ្រូបង្ហាត់ល្ខោនខោលឯកទេសស្វា នាង នាយរោង យក្ស ហើយលោកយាយបានជួយបណ្តុះបណ្តាលសិល្បៈបុរាណមួយនេះដល់ក្មេងៗជំនាន់ក្រោយរាប់ពាន់នាក់ ។
អំឡុងពេលមានជំងឺក្រោកពីកន្ទេលមិនរួច និងជួបការខ្វះខាតនោះ ព្រឹទ្ធាចារ្យសិល្បៈបុរាណវ័យ៧៧ឆ្នាំស៊ិន សាម៉ាដឹកឆូ មិនហ៊ានសុំជំនួយពីផ្នែកណាមួយឡើយ ព្រោះយល់ថាលោកយាយមិនមានស្គាល់នរណាទាំងអស់ ។ លោកយាយធ្លាប់ឲ្យដឹងថាគាត់ធ្លាប់បានទទួលប្រាក់ឧបត្ថម្ភតិចតួចពីអតីតកូនសិស្ស និងសប្បុរសជនមួយចំនួន ។ ដោយឡែកប្រាក់ចូលនិវត្សរបស់គាត់ត្រឹមតែ៥០ដុល្លារ មិនអាចទ្រទ្រង់ការចំណាយបានទេ ។
ស្ថានភាពជំងឺពុកឆ្អឹង និងឈឺសន្លាក់របស់លោកយាយស៊ិន សាម៉ាដឹកឆូមានសភាពធ្ងន់ មិនអាចក្រោកពីកន្ទេលបាន ហើយគាត់ព្យាបាលដោយថ្នាំនៅគេហដ្ឋានរបស់គាត់ ក្នុងដង្ហើមជីវិតចុងក្រោយ ។
ព្រឹទ្ធាចារ្យសិល្បៈស៊ិន សាម៉ាដឹកឆូ បានចាប់ផ្ដើមបង្រៀនសិស្សនៅសាលាវិចិត្រសិល្បៈតាំងពីមានវ័យ៣៤ ឆ្នាំ លើឯកទេសរបាំព្រះរាជទ្រព្យ តួនាង ស្វា នាយរោង យក្ស និង ចម្រៀងបុរាណ ជាដើម ។ ក្រោយមកគាត់បានផ្លាស់ប្ដូរបង្ហាត់ល្ខោនខោលវិញ ដោយគាត់អះអាងថា មិនសូវមានអ្នកយល់ពីគន្លឹះបង្ហាត់ទេ ធ្វើឱ្យសិស្សចេះមិនអស់ ។ កាលពីនៅរស់លោកយាយធ្លាប់បានពោលពាក្យសោកស្ដាយ ដ្បិតមនុស្សជំនាន់ក្រោយមិនសូវមានការចាប់អារម្មណ៍ពីទម្រង់សិល្បៈទាំងនេះ ៕
បន្ទាប់ពីរ៉ាំរ៉ៃក្នុងករណីប្ដឹងផ្ដល់នៅតុលាការអស់ជាច្រើនឆ្នាំ ហើយមិនទទួលបានយុត្តិធម៌មកទល់ពេលនេះ គ្រួសារតារាចម្រៀង លោក ជុំ លីណូ ដែលរួមមានឪពុកមា និងរូបលោកផ្ទាល់ បានចេញមុខថ្កោលទោសដល់ប្រព័ន្ធតុលាការនៅកម្ពុជាតែម្ដង ដោយមានភាពលម្អៀងទៅលើជនល្មើសដែលបានបង្កការឈឺចាប់ដល់គ្រួសាររបស់ខ្លួន ព្រោះតែឲ្យយុត្តិធម៌ត្រឹមតែលើក្រដាស ហើយការអនុវត្តក្រៅពីមិនមាន គឺផ្ដល់ឱកាសឲ្យពិរុទ្ធជនរស់នៅខាងក្រៅមានសេរីភាពយ៉ាងព្រងើយ។
គ្រួសារតារាចម្រៀងរូបនេះ បន្តទៀតថា ក្រៅពីមិនមានដំណោះស្រាយឲ្យស្របនឹងការប្រកាសរបស់សាលក្រមនៅសាលាដំបូងរាជធានីភ្នំពេញកាលពីពេលកន្លងទៅ គឺលោក ភុំ មុនីរ័ត្ន អតីតព្រះសង្ឈមានឥទ្ធិពល បច្ចុប្បន្នជាទីប្រឹក្សាប្រធានរដ្ឋសភា ដែលត្រូវបានតុលាការប្រកាសឲ្យជាប់គុក២ឆ្នាំ និងផ្ដល់សំណង១២លានរៀលឲ្យខ្លួន ពីបទប្រើប្រាស់អំពើហិង្សាលើកូនចុងរបស់ខ្លួននោះ ក៏នៅតែមានសេរីភាព និងឥទ្ធិពលមិនដូចជា ជនល្មើសដែលត្រូវបានតុលាការប្រកាសឡើងនោះផង។
លោក មាស ឡេង ជាឪពុកមារបង្កើតរបស់តារាចម្រៀងលោក ជុំ លីណូ បានថ្លែងប្រាប់មុននេះថា ករណីប្ដឹងប្តដល់របស់លោកមិនមានពន្លឺក្នុងការដោះស្រាយនោះទេ ស្របគ្នាដែលជនល្មើសក្រៅពីមិនព្រមផ្ដល់សំណង១២លានរៀល និងមិនត្រូវបានចាប់ដាក់គុកតាំងពីតុលាការចេញសាលក្រមកាលពីថ្ងៃទី៩ មិថុនា ឆ្នាំ២០១៧ ។ ហើយក៏បានទាំងដាក់បណ្ដឹងទៅកាន់សាលាឧទ្ទរណ៍ ដើម្បីជំទាស់ការកាត់ក្ដីកន្លងមក ដែលសាលាឧទ្ធរណ៍គ្រោងជំនុំជម្រះនៅថ្ងៃទី ២៧ ខែវិច្ឆិកា ឆ្នាំ២០១៧នេះ។
លោកបន្តថា ជារឿងអយុត្តិធម៌ណាស់ ដែលករណីហិង្សាលើកូនស្រីរបស់លោកត្រូវបានផ្ទុះឡើងតាំងពីអំឡុងឆ្នាំ២០១៥ ហើយរហូតដល់ថ្ងៃទី៩ ខែមិថុនា ឆ្នាំ២០១៧ ទើបមានការប្រកាសសាលក្រមឲ្យលោក ភុំ មុនីរ័ត្ន ជាប់គុក២ឆ្នាំ និងបង់ជំងឺចិត្ត១២លានរៀល ប៉ុន្តែមកទល់ពេលនេះ គឺមិនមានការអនុវត្តសាលក្រម ហើយថែមទាំងឃើញបុគ្គលឈ្មោះ ភុំ មុន្នីរ័ត្ន ឡើងប្ដឹងឧទ្ធរណ៍ក្រោយពីផុតកំណត់រយ:ពេលតវ៉ា។
មានការភ្ញាក់ផ្អើលយ៉ាងខ្លាំង បន្ទាប់ពីតារាចម្រៀងរូបនេះ ដែលត្រូវគេស្គាល់ថាជាម្ចាស់ផលិតកម្មផង ស្រាប់តែបានគោរមងារជាឧកញ៉ាបាត់ទៅហើយ ដោយគោរមងារនឹងត្រូវប្រកាសឡើងជាផ្លូវការក្នុងពេលដ៏ខ្លី។ តារាសិល្បៈច្រើននាក់បានបង្ហាញពីការភ្ញាក់ផ្អើល ជាពិសេសក្នុងពេលដែលលោកគឺជា តារាសិល្បៈតែម្នាក់នៅក្នុងពិភពចម្រៀង ដែលទទួលបានតំណែងយ៉ាងកាលីបមួយនេះ។ យោងតាមការប្រកាសរបស់លោក ហ៊ុន ម៉ាណែត កូនប្រុសនាយករដ្ឋមន្ត្រី នៅក្នុងកម្មវិធីខួប១០ឆ្នាំនៃប្រព័ន្ធអនុញាតិ EPS បានទទួលស្គាល់លោក ឡេង ណាវ៉ាត់ត្រា ដែលជាតារាចម្រៀង និងជាអតីតពលករនៅក្នុងប្រទេសកូរ៉េបានក្លាយជាឧកញ៉ាហើយ ដោយលោកបានទាំងអបអរដល់តារាចម្រៀងរូបនេះ និងថាលោកជាតារាសិល្បៈវ័យក្មេងមួយរូប ដែលបានវិវត្តន៍ខ្លួនក្លាយជាអ្នកជំនួន និងក្លាយជាឧកញ៉ាតាមរយៈការរួមចំណែកជួយដល់សង្គមផងនោះ។
ការប្រកាសរបស់លោកហ៊ុន ម៉ាណែត បានធ្វើអោយម្នាក់ៗភ្ញាក់ព្រឺតយ៉ាងខ្លាំង ក្នុងពេលដែលពេលកន្លងមក គេដឹងត្រឹមតែលោក ឡេង ណាវ៉ាត់ត្រា គ្រាន់តែមានសំណង់បុរីផ្ទះល្វែង និងវីឡាកូនកាត់ អមដោយមុខជំនួញពុះដីឡូតិ៍លក់ និងមានការរួមចំណែកជួយដល់សង្គមជាច្រើន តែមិនបានដឹងថាលោកបានងារជាឧកញ៉ា ដែលនឹងប្រកាសឡើងដោយព្រះមហាក្សត្រនោះឡើយ។ ប្រភពផ្លូវការបានអះអាងថាគោរមងាររបស់លោកនឹងធ្លាក់ជាផ្លូវការក្នុងពេលឆាប់ៗ អ៊ីចឹងហើយទើបអ្នកមុខអ្នកការដែលបានដឹងពីគម្រោងនៃការប្រកាសនោះបានហៅលោកថា លោកឧកញ៉ារួចជាស្រេច ជាពិសេសគឺការប្រកាសរបស់លោក ហ៊ុន ម៉ាណែត តែម្ដង។ លោកគឺជាអ្នកសិល្បៈទី២ ដែលបានទទួលងារជាលោកឧកញ៉ា បន្ទាប់ពីតារាកំប្លែង នាយឃ្លោក ដែលមានគុណបំណាច់ជាច្រើនក្នុងការរួមចំណែកជួយដល់សង្គម ក៏បានទទួលគោរមងារមួយនេះផងដែរ។ លោកឡេង ណាវ៉ាត់ត្រា បានអះអាងថា លោកពិតជាត្រូវបានស្នើអោយឡើងជាឧកញ៉ាប្រាកដមែន ប៉ុន្តែមិនទាន់ច្បាស់ថានឹងធ្លាក់លិខិតប្រកាសនោះក្នុងពេលណានោះទេ។
យ៉ាងណាមិញ លោកថាសម្រាប់ថ្នាក់ៗដែលបានមើលឃើញពីសកម្មភាពរបស់លោក បានទទួលស្គាល់ពីការតែងតាំងនោះរួចអស់ហើយ បន្ទាប់ពីលោកបានរួមចំណែកជួយដល់សង្គមនាមួយរយៈចុងក្រោយ ដែលរួមមានជួយសមាគមសិល្បករខ្មែរ ជួយដល់មន្ទីរពេទ្យគន្ធបុប្ផា និងជួយដល់កាកបាទក្រហមកម្ពុជាជាដើម៕
