រាជធានីភ្នំពេញ ៖ កាលពីយប់ថ្ងៃ១៩ ធ្នូ ឳពុកបង្កើតរបស់តារាចម្រៀង នាង មាស អាលីស បានទទួលមរណភាពយ៉ាងរន្ធត់វេលាម៉ោង៩ និង៣០នាទី ។ នេះជាការបាត់បង់សមាជិកដ៍សំខាន់ នៅក្នុងជីវិតរបស់តារាស្រីរូបនេះ ដោយអ្នកនាងប្រកាសថា រន្ធត់ណាស់ ក្នុងពេលឳពុកបង្កើត ស្រាប់តែត្រូវបាត់បង់ជីវិត យ៉ាងតក់ក្រហល់បែបនេះ។ តារាចម្រៀងបែបមនោសញ្ចេតនាសំឡេងពិរោះ ទើបមានគេចាប់អារម្មណ៍ មាស អាលីស បានជួបរឿងរន្ឋត់ក្នុងចិត្តរហូតស្ទើរតែទប់ចិត្តមិនបានគ្រា ដែលលោកឪពុកជាទីស្រឡាញ់ជាបង្គោលគ្រួសារម្នាក់ដែរបាន ទទួលមរណៈភាពបន្ទាប់មិនអាចតតាំងនឹងជំងឺធ្ងន់បាន។ ក្នុងពេលដែលលោកឪពុករងនូវជំងឺ គេឃើញតារាចម្រៀងស្រគត់ស្រគំ មាស អាលីស ចេញទៅណាមកណាអារម្មណ៍សែនចម្បែងមិននឹងនឡើយព្រោះនឹកបារម្មណ៍អ្នកមានគុណ។ អាលីសរមែងបន់ស្រន់សំពះទេវតាវត្ថុសាកសិទ្ឋិទាំងឡាយធ្វើយ៉ាងណា អោយអាយុជីវិតឪពុកបានបន្តរស់រានរឹងមាំមើលកូនចៅ។ ប៉ុន្តែទីបំផុតមច្ចរាជនៅតែផ្តាច់យកអ្នកមានគុណ ទៅបន្សល់នូវភាពសោកស្តាយអាឡោះអាឡ័យនិងសល់តែស្នាមអតីតកាលតែប៉ុណ្ណោះ។ អ្នកនាងនិយាយថា ឳពុករបស់នាងបានទទួលមរណភាព ដោយសារសម្ពាធឈាមឡើងខ្លាំង ហើយគាប់ជួនជាលោកក៍មាន បញ្ហាបេះដូង ធ្វើទុក្ខស្របគ្នានោះផង ទើបធ្វើឲ្យលោកត្រូវបាត់បង់ជីវិតយ៉ាងរន្ធត់ ដោយធ្វើឲ្យនាងក្ដុកក្ដួលយ៉ាងខ្លាំង។ អ្នកនាងថា ឳពុករបស់ខ្លួន គឺជាមនុស្សសំខាន់ និងជាជំហរគ្រួសារនាពេលកន្លងមក តែដោយសារតែលោកមានជំងឺប្រចាំកាយ ទើបបន្ទុកគ្រួសារត្រូវធ្លាក់លើនាង និងបងប្អូនផ្សេងទៀត។ ឳពុករបស់នាងមានឈ្មោះថា សុិន សេដា អាយុ៦៥ឆ្នាំ ដោយមុនទទួលមរណភាព ជំងឺរបស់លោក ក៍បានធ្វើទុក្ខហើយ ត្រូវបានបញ្ជូនទៅសង្គ្រោះបន្ទាន់ នៅក្នុងមន្ទីរពេទ្យប៉ុន្មានថ្ងៃដែរ ៕

រាជធានីភ្នំពេញ ៖ កញ្ញាដេនី ក្វាន់បានបង្ហោះសារមួយ ក្រោយពីតារាចម្រៀង កញ្ញា មាស សុខសោភាត្រូវបាន គេឃើញស្លៀកខ្លីនៅក្នុងវីដេអូ ដែលនោះជាសកម្មភាពថតវីដេអូចម្រៀងថ្មីគឺបទ “My Only Me” ។ ក្នុងវីដេអូដែលកញ្ញា មាស សុខសោភា បានបង្ហោះនោះឃើញថា កញ្ញា មាស សុខសោភា ស្លៀកឈុតបីគីនី បង្ហាញពីភាពសុិចសុីដែលធ្វើឲ្យ មហាជនភ្ញាក់ផ្អើលពីភាពសុិចសុីរបស់កញ្ញា ។ ហើយសារដែលកញ្ញាដេនី ក្វាន់បានសរសេរចូលក្នុងបណ្តាញសង្គមនោះថា ៖ «Idol របស់ខ្ញុំគាត់ស្លៀកប៉ុណ្ណឹង គឺវាមិនចំលែកនោះទេ ព្រោះគាត់ស្លៀកថតនៅសមុទ្រ ហើយក៏ជាសិល្បះក្នុងការសម្តែង យ៉ាងណាក៏ខ្ញុំនៅតែស្រលាញ់ ចូលចិត្ដគាត់ដដែល ព្រោះមិនអាចវាយតម្លៃមនុស្សត្រឹមតែការស្លៀកពាក់នោះទេ… តែបើសិនជាឈុតដែលគាត់ស្លៀក មកខ្ញុំជាអ្នកស្លៀកវិញ ច្បាស់ណាស់ប្រាកដជាត្រូវក្រសួងផ្អាកយ៉ាងតិចក៏មួយឆ្នាំទៀតដែរ!» ។ គួររម្លឹកផងដែរថា ដេនី ក្វាន់តារាសុិចសុី ដែលធ្លាប់ត្រូវបានក្រសួងវប្បធម៍​ និងវិចិត្រសិល្បៈ បានចេញវិធានការ៣ចំនុច លើនាងដោយទី​១-​គឺ​ហាម​មិន​ឱ្យ​​តារា​រូប​នេះ ​​​ដាច់ខាត​ក្នុង​ការ​ឈាន​ជើង​ចូល​ក្នុង​វិស័យ​សិ​ល្បៈ​រយៈពេល​១​ឆ្នាំ​។ ទី​២-​ក្នុង​ករណី​​ដែល​តារា​រូប​នេះ ​នៅ​មិនរាង​ចាល​ ក្រសួង​នឹង​​ស្នើ​សុំ​ទៅ​ដល់​ម្ចាស់​ផលិតកម្ម​នានា​ មិន​ឱ្យ​​ហៅ​តារា​រូប​នេះ ​យក​ទៅ​សម្តែង​បន្ត​ទៀត​ឡើយ ។ ទី​៣​-ហាម​ដាច់ខាត​ មិន​ឲ្យ​មានការ​ចាក់​ផ្សាយ​រាល់​ស្នាដៃ​របស់​នាង​ដេ​នី​ក្វា​ន់​ឡើយ​ ក្នុង​ពេល​ដែល​តារា​រូប​នេះ​កំពុង​​តែ​ជាប់​ក្នុង​ពិន័យ។ ក្រោយការពិន័យ តារាសុិចសុីរូបនេះបានអាជីវកម្មដែលជារបស់ខ្លួនឯង​ ហើយក៏ធ្លាប់ឃើញនាងបានយកពេលវេលាទំនេរ ទៅចូលរួមជាការងារសង្គមវិញ៕

រាជធានី​ភ្នំពេញ ៖ ចំណង​ស្នេហ៍​រវាង​តារា​កំប្លែង​វ័យក្មេង​កញ្ញា​នី​ឡា និង​គូ​ដណ្តឹង​ជា​កូនប្រុស​ថៅកែ​ល្ខោន​ភី សុ​គ​ន្ធី បង្ហាញ​កាន់តែ​ច្បាស់​ឡើង​ថា​ដល់​ផ្លូវបំបែក​ហើយ បន្ទាប់​ពី​កន្លង​មក​ស្ថិត​ក្នុង​មន្ទិល​បែក ឬ​មិន​បែក​នោះ ។ មិនមែន​ជា​រឿង​ថ្មី​ឡើយ​ជុំវិញ​ព័ត៌មាន​នៃ​ការ​បាក់បែក​ចំណង​ស្នេហ៍​រវាង​វ៉ា​ន់ នី​ឡា និង​គូ​ដណ្តឹង ដោយ​កន្លង​មក​នាង​ត្រូវ​គេ​សង្ស័យ​ថា សម្ព័ន្ធ​ស្នេហា​របស់​នាង​បាន​កាត់​ផ្តាច់​ជា​យូរ​មក​ហើយ គ្រាន់តែ​ចាស់ទុំ​ទាំង​សងខាង​ព្យាយាម​លាក់បាំង​ប៉ុណ្ណោះ ។ នៅ​ទីបំផុត​នី​ឡា ចេញ​មុខ​អះអាង​ជា​សាធារណៈ​ពី​ការ​បែកបាក់​ពី​គូ​ដណ្តឹង​បន្ទាប់​ពី​បាន​ភ្ជាប់ពាក្យ​ជា​ឱ​ឡា​រឹក​នា​ពេល​កន្លង​មក ។ មន្ទិល​នៃ​ការ​បាក់បែក​នេះ​ត្រូវ​នី​ឡា លាត​ត្រដាង​​តាម​រយៈ​វី​ដេ​អូ​ឃ្លី​ប​ដោយ​នាង​បាន​បង្ហោះ​កាលពី​ពេល ថ្មី​ៗ​កន្លង​មក បន្ទាប់​ពី​មាន​ព័ត៌មាន​លេចឮ​ថា នាង​កំពុង​តែ​មាន​ភាព​ល្អូកល្អិន​ជាមួយនឹង​គូស្នេហ៍​ថ្មី ។ តាម​រយៈ​វី​ដេ​អូ​ឃ្លី​ប​នោះ​នី​ឡា ហាក់​មិន​បាន​សង្កត់​ធ្ង​ន ់និង​សារភាព ត្រង់​ៗ​ពី​ការ​បែកបាក់​គូ​ដណ្តឹង​ទេ ប៉ុន្តែ​នាង​បាន​និយាយ​ដោយ​ប្រយោល​ថា «​មនុស្ស​ធ្លាប់​ស្រលាញ់​គ្នា ពេល​បែក​គ្នា​អ្នក​ណា​ក៏​ពិបាកចិត្ត​ដែរ តែ​គ្រាន់តែ​ថា​ជីវិត​គូ​យើង​មិន​អាច​កំណត់​បាន យើង​ស្រលាញ់​គ្នា បើ​យើង​អត់​ទុកចិត្ត​គ្នា វា​ពិបាក​នឹង​បន្ត​ទៅ​មុខ កុំ​ឲ្យ​កាន់តែ​ទៅ​មុខ​កាន់តែ​ពិបាក​» ។ នី​ឡា​ឱ្យ​ដឹង​ថា កន្លង​មក​គូ​ដណ្ដឹង​នាង មិនសូវ​ផ្ដល់​ភាព​កក់ក្ដៅ និង​យកចិត្តទុកដាក់​លើ​នាង​ប៉ុន្មាន​ទេ ដែល​រឿងរ៉ាវ​មួយ​នេះ​ទំនងជា​ហេតុផល​មួយ​ដែល​នាង និង​គូ​ដណ្តឹង​ឈាន​ដល់​ការ​ចែកផ្លូវ​គ្នា ។ នី​ឡា បង្ហាញ​ឲ្យ​អ្នកគាំទ្រ​ឃើញ​ថា​នាង​ហាក់​មិនសូវ​មាន​អារម្មណ៍​ពិបាកចិត្ត​ប៉ុន្មាន​ទេ​ចំពោះ​រឿង​នេះ ផ្ទុយ​ទៅ​វិញ​នាង​បញ្ចេញ​អាកប្បកិរិយា​ធម្មតា ប៉ុន្តែ​នាង​សារភាព​ថា​ហាក់​មាន​អារម្មណ៍​ច្របូកច្របល់​បន្តិច​នា​អំឡុង​ពេល​នេះ​។ ស្រប​ពេល​គ្នា​នោះ​ដែរ​នី​ឡា បាន​បដិសេធ​ចំពោះ​ព័ត៌មាន​ដែល​លេចលឺ​ថា នាង​មាន​គូស្នេហ៍​ថ្មី និង​កំពុង​តែ​ស្និទ្ធស្នាល​គ្នា​ខ្លាំង ។ នាង​បញ្ជាក់​ថា​នាង និង​បុរស​នោះ​មិន​លើស​ពី​មិត្តភក្តិ​ទេ ។ ចំពោះ​ហ្វេ​ស​ប៊ុ​ក​គូ​ដណ្តឹង​របស់​នី​ឡា គឺ​លោករ​ង្ស៊ី វិញ​បាន​បង្ហោះ​សារ​ជា​ប្រយោល​ដែរ​ថា «​ធ្វើ អ្វី​ៗ​គ្រប់យ៉ាង​មិន​ដែល​ត្អូញត្អែរ​ថា​លំបាក គឺ​ដើម្បី​…​។ លទ្ធផល​បាន​ត្រឹម​កក​ឈាម​។ ហត់នឿយ​ពេក​ហើយ ល្មម​ដល់​ពេល​ត្រូវ​តបស្នង​ចំពោះ​ខ្លួនឯង​វិញ​ម្តង ។ ខូចចិត្ត​បាន​អី​មក​វិញ​» ។ ពាក់ព័ន្ធ​ទៅ​នឹង​បញ្ហា​នេះ​ឪពុក​របស់​នី​ឡា លោក​សុវណ្ណ​រិ​ទ្ធី មិន​អាច​សុំ​ការ​បញ្ជាក់​បាន​ទេ ប៉ុន្តែ​កន្លង​មក​លោក​ធ្លាប់​អះអាង​ថា ភាព​រកាំរកូស​របស់​កូនស្រី​លោក និង​គូ​ដណ្តឹង​គឺ​កើតឡើង​ដោយសារ​តែ​ភាព​ប្រច័ណ្ឌ​ប៉ុណ្ណោះ ។ លោក​ថា​ហាក់​មិនសូវ​បានដឹង​ច្រើន ប៉ុន្តែ​លោក​ទទួលស្គាល់​ពី​ភាព​រកាំរកូស​ដែល​បាន​កើតឡើង​នា​ពេល​កន្លង​មក តែ​រឿង​នេះ​អ្នក​ទាំង​ពីរ​ជា​ម្ចាស់ខ្លួន​អាច​ដោះស្រាយ​គ្នា ចំណែក ចាស់​ៗ​មិន​លូកលាន់​ទេ ។ តារា​កំប្លែង​នាង​វ៉ា​ន់ នី​ឡា បាន​ភ្ជាប់ពាក្យ​ជាមួយ​លោក​ផ​ន រង្សី វ័យ​២៤​ឆ្នាំ​ដែល​ជា​កូន​ប្រុស​ថៅកែ​ចាងហ្វាង​ផលិតកម្ម និង​ល្ខោនបាសាក់​ភី សុ​គ​ន្ធី កាលពី​ថ្ងៃ​ទី​១៩ ខែឧសភា ឆ្នាំ​២០១៦ ។ ក្រោយ​ពី​រៀបចំ​ពិធី​ភ្ជាប់ពាក្យ​រួច ចាស់​ៗ​ទាំង​សងខាង​គ្រោង​នឹង​រៀបចំ​មង្គលការ​នៅ​រយៈពេល​៣​ឆ្នាំ​បន្ទាប់ ៕

រាជធានី​ភ្នំពេញ ៖ នៅ​រសៀល​ថ្ងៃ​ទី​២០ ខែធ្នូ ឆ្នាំ​២០១៧ នេះ​តាម​ប្រភព​ពី​បណ្តាញ​សង្គម​ហ្វេ​ស​ប៊ុ​ក​ផ្លូវការ​របស់​ក្រសួង​ព័ត៌មាន​បាន​ចេញ​សេចក្តីជូនដំណឹង​ដែល​បាន​ចុះ​នៅ​ថ្ងៃ​ទី​១៩ ខែធ្នូ ឆ្នាំ​២០១៧ ស្តី​ពី​បម្រាម​ចាក់​ផ្សាយ​បទ​ចម្រៀង​មាន​ចំណងជើង​ថា​«​គ្រូបង្រៀន​ស្រវឹងស្រា​» របស់​ក្រុមហ៊ុន​ផលិតកម្ម​ថោ​ន ដែល​មាន​ចែងសេចក្តីលម្អិត​ដូច​ខាងក្រោម ៖ នៅទីបំផុតបទចម្រៀង “គ្រូបង្រៀនស្រវឹងស្រា” របស់ផលិតកម្មថោន ច្រៀងដោយអ្នកនាង ចេន សែចៃ និងនិពន្ឋដោយលោក យឹម តាស្រង់ ត្រូវបានក្រសួងព័ត៌មានចេញលិខិតប្រកាស ឈប់អោយចាក់ផ្សាយជាសាធារណៈបន្ទាប់ពីមានការរិះគន់ពីប្រិយមិត្តអ្នកស្តាប់ ពិសេសស្ថាប័នគ្រឹះស្ថានសិក្សារដ្ឋ និងឯកជន។ បើទោះនោះជាការចង់អោយគ្រូមានការផ្ចិតផ្ចង់ស្មារតីបង្រៀនសិស្សជៀសវាងការសេពគ្រឿងស្រវឹង ក៍ចំនុចតូចនេះមិនត្រូវយកមកផ្សាយចំអកឡកលើយឡើយ។ នោះត្រូវបានគេសន្និដ្ឋានថាអោយសិស្សនិស្សិតមានគំនិតស្អប់គ្រូ។ ដូចនេះហើយគ្រូជាមាតាបិតាទី២ហើយសព្វថ្ងៃវិស័យអប់រំកំពុងតែកែទម្រង់ទាំងសិស្ស និងគ្រូនាំគ្នាសហការបង្រៀនស្រាវជ្រាវផ្ទេរចំនេះដឹង។ ម្យ៉ាងសម្រាំងយកគុណភាពអ្នកចេះគឺជាប់ រួមទាំងបាក់ឌុបប៉ុន្មានឆ្នាំនេះសិស្សប្រឡងជាប់សុទ្ឋតែប្រឹងពីចំនេះពិតដែលចេះចាំពីគ្រូផ្តល់ជូននិងការខិតខំរៀនបន្ថែមខ្លួនឯង ៕