រាជធានីភ្នំពេញ ៖ អ្នកនាងអ៊ុំ គន្ធា បានការយកចិត្តទុកដាក់ពីលោកចា រិទ្ធី ផ្តល់ឱកាសឱ្យនាងឡើងច្រៀងនៅលើឆាកតន្ត្រីទូរទស្សន៍ ខណៈជីវិតស្ថិតក្នុងសភាពដុនដាប ។
កាលពីពេល ថ្មីៗកន្លងមកនាងអ៊ុំ គន្ធា ត្រូវកូនប្រុសឌុបតាមម៉ូតូទៅដល់ឆាកតន្ដ្រីមុនម៉ោងឡើងសម្តែងកន្លះម៉ោង ដើម្បីសមបទចម្រៀង៣បទ ដែលនាងច្រៀង គឺបទ «ថ្ងៃលិចអូនស្រណោះ» «ខ្ញុំខឹងនឹងបងហើយ» និងបទ«ស្រឡាញ់បានត្រឹមតែនឹក» ។
លោកចា រិទ្ធី លើកឡើងថា «ខ្ញុំសូមសរសើរសមត្ថភាពរបស់នាងអ៊ុំ គន្ធា ដែលគាត់នៅតែច្រៀងពីរោះដដែល មិនងាយទេសំឡងគាត់នៅតែល្អហ្នឹង ។ ខ្ញុំអាណិតគាត់ ទើបហៅគាត់ឲ្យឡើងកម្មវិធីនេះ ហើយខ្ញុំនឹងមើលទៅតាមកម្មវិធីផ្សេងៗទៀត ដែលថាកម្មវិធីណានឹងអាចដាក់គាត់បានទៀត ព្រោះយើងដាក់តារាឡើងច្រៀង គឺតម្រូវតាមខាងSponsor ដែរ ។ ប៉ុន្តែអាស៊ីអាគ្នេយ៍នឹងផ្ដល់ឱកាសដល់គ្រប់គ្នាដែលមានសមត្ថភាពនឹងបញ្ចេញទេពកោសល្យ គឺអាចមករកខ្ញុំបាន»។
អ៊ុំ គន្ធា និយាយលើឆាក«តន្ត្រីមហាជន»របស់ទូរទស្សន៍អាស៊ីអាគ្នេយ៍ថានាងបែកពីទស្សនិកជនជាង១១ឆ្នាំហើយ ។ ពីមុនធ្លាប់បំពេអារម្មណ៍មហាជន ហើយពេលច្រៀងរាំចប់ទទួលបានការទះដៃសាទរធ្វើឱ្យនាងសប្បាយ រីករាយ ។ ពេលនេះបានឮសំឡេងបែបនោះម្តងទៀតហើយ ពិតជាមិននឹកស្មានដល់ ។
អតីតតារាចម្រៀងសិចស៊ីអ៊ុំ គន្ធា និយាយថា «នាងខ្ញុំមានឱកាសបានច្រៀងខ្លះហើយ ។ហើយនាងខ្ញុំក៏ចង់ឆ្លៀតពេលនេះប្រាប់បងប្អូនយើងថាក្នុងចិត្តគ្រាន់តែចង់ដាក់ពងទាតាមម៉ូតូដឹកលក់ជាមួយកូននៅតាមទីតាំងក្បែរផ្ទះនាងខ្ញុំម្តុំផ្សារបឹងឈូក សំរោងអណ្តែត ក្រាំងធ្នង់ ឬប្រកាសលក់តាមអនឡាញ ដើម្បីបានប្រាក់ខ្លះចិញ្ចឹមកូន គ្រួសារ ម្តាយ ជាងដើររកជំនួយ។ ដូចនេះមានតែពឹងលើបងប្អូនជួយទិញពងទានាងខ្ញុំផង ឃើញត្រង់ណាហៅជួយទិញតាមការគួរផងដើម្បីក្រពះ» ។
ក្នុងអំឡុងពេលនាងអ៊ុំ គន្ធា ខ្វះខាតមានសប្បុរសជនមួយចំនួនជួយឧបត្ថម្ភ មានអ្នកនាងចន ច័ន្ទលក្ខិណា, អតីតតារាសម្តែងលោកខៃ ប្រសិដ្ឋ ,លោកសាវិន ហ្វីលីព ,លោកចា រិទ្ធី និងសិល្បករមួយចំនួនទៀតធ្វើឱ្យនាងមានកម្លាំងចិត្តក្នុងការរស់នៅ ។
អ៊ុំ គន្ធា បានរៀបការជាមួយតារាចម្រៀងលោកផាន សុផាត និងមានកូនប្រុស២នាក់ ម្នាក់ឈ្មោះផាន សុខពេជ្រ អាយុ១៥ឆ្នាំ និងឈ្មោះហាស់ សុវណ្ណ អាយុ១៤ឆ្នាំ ពេលនេះពួកគេកំពុងរៀននៅអនុវិទ្យាល័យសំរោងអណ្ដែត ៕
លោកម៉ា ចាន់ណារ៉ា នាយកប្រតិបត្តិក្រុមហ៊ុនRooSter_Kool បានលើកឡើងថា ខ្សែភាពយន្តភាគរឿង «ក្រោមមេឃតែមួយ We Are One» នេះ ជាខ្សែភាពយន្តភាគបែបយុវវ័យមានចំនួន២៤ភាគ ស្រេចដាក់បញ្ចាំងនៅលើកញ្ចក់ទូរទស្សន៍បាយ័ន ចាប់ពីម៉ោង៧យប់ រាល់ថ្ងៃសៅរ៍ ចាប់ពីថ្ងៃទី៣០ កញ្ញា នេះតទៅ ។ ខ្លឹមសារនៃសាច់រឿងចង់បង្ហាញពីផ្នត់គំនិតយុវជនសម័យថ្មី ដែលមានភាពមោះមុត ក្នុងការឈោងចាប់យកក្តីស្រម៉ៃ ដែលខ្លួនតែងតែប្រាថ្នាចង់បាន ។
ពិសេស ជាងនេះទៅទៀត កត្តាមិនយល់ស្របពីសំណាក់មាតាបិតា និងអាណាព្យាបាល ។ ភាពយន្តភាគ ដែលមានការទន្ទឹងរង់ចាំយ៉ាងយូរពីសំណាក់យុវវ័យ និងជាផ្នត់គំនិតថ្មីប្លែក ហើយលោកអ្នកទស្សនិកជននឹងឃើញពីទេពកោសល្យតារាវ័យក្មេងប៉ិនសម្តែងបែបធម្មជាតិទាំងស្អាតពូកែ ក្រោមការខំចម្រាញ់យកពីក្រុមការងារយ៉ាងយកចិត្តទុកដាក់មុននឹងហៅមកសម្តែង ។ លោកបន្តទៀតថាJebJub ICONជាកម្មវិធីជជែកកម្សាន្តយ៉ាងពិសេសបែបយុវវ័យដែលពោរពេញទៅដោយភាពច្នៃប្រឌិតរួមបញ្ចូលទាំងការថែរក្សាសុខភាពនិងសម្រស់ព្រមទាំងការភ្លក់ម្ហូបអាហារឆ្ងាញ់ៗនិងជួបជាមួយតារាកិត្តិយសល្បីៗក្នុងប្រទេសកម្ពុជា។
នាឱកាសនោះកញ្ញាថន លក្ខិណា បានជួបឪពុកដែល យូរៗទើបបានជួបម្តង គឺទាល់តែមានពិធី សំខាន់ៗក្នុងគ្រួសារ ដ្បិតអ្នកមានគុណរូបនេះរស់នៅបែកខ្ញែកគ្នាពីក្រុមគ្រួសារ ។
ស្របពេលនឹងរៀបចំពិធីឡើងគេហដ្ឋានថ្មីនោះ ក៏រៀបចំពិធីខួបកំណើតអ្នកនាងថន ដារ៉ាផងដែរ ។ កញ្ញាថន លក្ខិណា បានរៀបចំកាដូពិសេសជូនបងស្រីដើម្បីបង្ហាញពីការដឹងគុណក្នុងថ្ងៃខួបកំណើត ។ អ្នកនាងថន ដារ៉ា កាលពីពេលនៅលីវតែងតែយកចិត្តដាក់មើលថែប្អូនស្រី ។
កញ្ញាថន លក្ខិណា ជាពិធីការិនីទូរទស្សន៍ពិសេសតែងតែមានវត្តមានក្នុងកម្មវិធីតន្ត្រីផ្សាយបន្តផ្ទាល់របស់ទូរទស្សន៍ហង្សមាស ។ ចំណែកអ្នកនាងថន ដារ៉ា ជាអតីតពិធីការិនី ធ្លាប់បង្ហាញវត្តមានតាមកញ្ចក់ទូរទស្សន៍មួយចំនួន ដូចជាទូរទស្សន៍ជាតិកម្ពុជា និងអប្សរាជាដើម ៕
ឯកសារជាច្រើនបានត្រូវគេរាយការណ៍មកថា កីឡាករវ័យ២៥ឆ្នាំរូបនេះ ទទួលបានប្រាក់ប្រចាំឆ្នាំចំនួន ៤៣.៤លានដុល្លារសហរដ្ឋអាមេរិក ដែលធ្វើឲ្យរូបគេក្លាយទៅជាកីឡាករម្នាក់ក្នុងចំណោមកីឡាករដែលរកប្រាក់បានច្រើនជាងគេ ។
នៅក្នុងមួយថ្ងៃ Neymar អាចរកប្រាក់បានពីក្លឹប PSG ជិត២០ម៉ឺនដុល្លារ ដែលជាប្រាក់ប្រចាំថ្ងៃមួយ ដែលកីឡាករកំពូលៗមួយចំនួនទទួលបានក្នុងមួយសប្តាហ៍ ៕
តាមរយៈបទ «ពេលបាយនឹកម៉ែ» នេះ បានរៀបរាប់ពីស្ថានភាពកូនៗពេលរស់នៅចាយលុយឪពុកម្តាយ គ្មានចេះគិតគូរអ្វីនោះទេ ដឹងតែល្អ ឡូយឆាយ សប្បាយហ៊ឺហារ តែពេលកាលណាចេញរកប្រាក់ខ្លួនឯង ឃ្លាតឆ្ងាយពីគ្រួសារទើបដឹងថា ការលំបាកមានទំហំធំធេងប៉ុណ្ណា ហើយឃ្លាមួយបានបញ្ជាក់ថា «ពេលលំបាកទើបដឹងថា ដុំបាយមានតម្លៃយ៉ាងណា» ដែលនេះរឹងរឹតតែធ្វើឱ្យអ្នកស្តាប់ឮហើយសឹងតែទប់ទឹកភ្នែកពុំបាននោះ។
កំពូលតារាចម្រៀង ដែលមានកំណើតនៅស្រុកស្រែក្នុងខេត្តកំពង់ចាម លោក ឆាយ វីរៈយុទ្ធ បានផ្តល់បទសម្ភាសខ្លីថា បទចម្រៀង Origina មួយបទនេះ ជាកាដូសម្រាប់បងប្អូននៅរដូវបុណ្យភ្ជុំបិណ្ឌនេះ ហើយជាការពិតបទនេះក៏ចង់រំលឹកកូនៗឲ្យស្វែងយល់បន្ថែមពីការលំបាក និងការខិតខំរបស់ឪពុកម្តាយ ជាពិសេសគឺការផ្តល់ការស្រឡាញ់គោរពនៅក្នុងគ្រួសារ។
នៅក្នុងឱកាសភ្ជុំបិណ្ឌនេះ លោក ឆាយ ឆាយវីរៈយុទ្ធ ក៏បានគោរពជូនពរទស្សនិកជនទាំងអស់ ជួបប្រទះតែសេចក្តីសុខសប្បាយ ចេញដំណើរទៅទីណាក៏ភាពសុវត្ថិភាពទាំងអស់គ្នា ។
តោះចង់ដឹងពីរោះរណ្តំចិត្តយ៉ាងណា សូមស្តាប់ទាំងអស់គ្នា ៖
ក្រោយពេលដាច់ចិត្តលើកដៃសុំជំនួយដើម្បីបានប្រាក់ទិញនំចំណីយកទៅវត្តក្នុងរដូវភ្ជុំបិណ្ឌមក អតីតតារាចម្រៀងអ៊ុំ គន្ធា ត្រូវសប្បុរសជន និងសិល្បករមួយចំនួនស្វះស្វែងរកជំនួយផ្តល់ជូននាង។ គន្ធា ត្រូវលោកសាវិន ហ្វ៊ីលីព និងភរិយាអ្នកនាងឆវី រកជំនួយទិញបានម៉ូតូមួយគ្រឿងឲ្យកូនប្រុសជិះទៅរៀន ហើយថែមអំពាវនាវដល់សប្បុរសជនជួយផ្តល់ទីតាំងឲ្យនាងអាចឈរជើងធ្វើការបានជាប្រចាំជាជាងប្រកាសសុំគេពេល ខ្វះខាតម្តងៗ ។
លោកចា រិទ្ធី បានទទួលការសាទរខ្លាំងពីមិត្តទាំងឡាយចំពោះលោកដែលជួយដល់នាងអ៊ុំ គន្ធា បានឡើងច្រៀងបង្ហាញមុខសាជាថ្មី ។មានការលើកឡើងថានេះជាកាយវិការល្អមួយក្នុងនាមជាអ្នកសិល្បៈ គឺមានស្មារតីរួបរួមគ្នាគ្រប់កាលៈទេសៈឲ្យមហាជនមើលឃើញថាមិនរើសអើងគ្នា ។
សម្តីរៀបរាប់តាមហ្វេសប៊ុកអ៊ុំ គន្ធា បញ្ជាក់ថា «នាងខ្ញុំចង់បានការងារច្បាស់លាស់ជាងដើរសុំគេជួយ ដើម្បីបានប្រាក់ខែនឹងធឹង បើសិនជាអាចសុំជួយនាងខ្ញុំត្រង់ចំណុចនេះឲ្យច្រើន ពិសេសការងារច្រៀងគឺនាងខ្ញុំចង់បានណាស់ទាន់កម្លាំងនៅមានដើម្បីជួយម្តាយឈឺ និងកូនប្រុសពីរនាក់ទៀត ។
នាងខ្ញុំក៏មិនភ្លេចអរគុណដល់បណ្តាសប្បុរសជនទាំងអស់ដែលបានជួយពេលនាងខ្ញុំអត់ដាច់បាយមុនភ្ជុំ គឺចំរដូវបុណ្យទានធំ នាងខ្ញុំគ្មានលុយធ្វើបុណ្យ គេជួយទាន់ពេលវេលាពិតជារំភើបណាស់» ៕
បន្ទាប់ពីការទម្លាយរឿងបែកបាក់គ្រួសាររបស់លោកហម ឈរ៉ា មក ភរិយារបស់លោកបានទទួលស្គាល់ ហើយស្នើសុំរាប់អានគ្នាជាបងប្អូនវិញ ។
ភរិយារបស់លោកហម ឈរ៉ា ដែលដាក់ឈ្មោះក្នុងហ្វេសប៊ុកថា «Keo Phally Kiny Neth »បានបង្ហោះសារថា «បើបងបានជាប្រកាសមុនទៅហើយ អូនក៏មិនខ្លាចនឹងបើកចំហដែរ ។ ចាប់ពីថ្ងៃទៅយើងទាំងពីរគឺជាបងប្អូនល្អ រួមចិត្តគំនិតដើម្បីមើលថែកូនស្រីតែមួយរបស់យើងណាបង(គោរពបងជានិច្ចបងប្រុស» ។
ភរិយារបស់លោកហម ឈរ៉ា បានស្នើសុំដល់ទស្សនិកជនកុំដាក់កំហុសណាមួយដល់អតីតស្វាមីរបស់នាងជុំវិញបញ្ហាដែលបានកើតឡើងនេះ ។
នារីជាអតីតភរិយាសរសេរថា «បងហម ឈរ៉ា ជាidol គាត់ជាព្រះបាទជ័យវរ្ម័នទី៧ តួអង្គក្នុងចិត្តតាំងពីមុនរហូតមកដល់បច្ចុប្បន្ន ។ ការសម្តែងសមពេលខ្លះគឺជាទេពកោសល្យពីកំណើតរបស់គាត់ដើម្បីសិល្បៈ សូមកុំប្រដូចនឹងចរិតកំណើតរបស់គាត់ទៅនឹងការសម្តែង អយុត្តិធម៌ខ្លាំងណាស់សម្រាប់គាត់» ។
បើយោងតាមលិខិតលែងលះបញ្ជាក់ថា ភរិយារបស់លោកហម ឈរ៉ា បានស្នើសុំការលែងលះពីតារាសម្តែងរូបនេះ ដោយក្នុងនោះសុំសិទ្ធិគ្រប់គ្រងកូនឈ្មោះ«ហម រ៉ាណែត អាលីហ្សា» ដោយមិនទាមទារអាហារកិច្ចចិញ្ចឹមកូនទេ ប៉ុន្តែនាងសុំបែងចែកទ្រព្យសម្បត្តិរួមជាពីរចំណែក ៕
Messi បានសរសេរសារបង្ហោះក្នុងហ្វេសប៊ុកថា ៖ “ខ្ញុំពិតជាមានការសោកស្តាយយ៉ាងខ្លាំងទៅនឹងហេតុការណ៍កើតឡើងកាលពីសប្តាហ៍មុន ដែលមានមនុស្សជាច្រើនអ្នករងគ្រោះនៅក្នុងម៉ិចស៊ីកូ សហរដ្ឋអាមេរិក ព័រតូរីកូ អាស៊ីខាងត្បូង សៀរ៉ាឡេអូន និងប្រទេសផ្សេងៗទៀត ។ ការគិត និងការគាំទ្ររបស់ខ្ញុំ តែងតែផ្តល់ជូនដល់អ្នករាល់គ្នា ដែលជាជនរងគ្រោះ ។”
ជាមួយគ្នានេះដែរ Ronaldo ក៏បានសរសេរបង្ហោះថា ៖ “ការគាំទ្រយ៉ាងពេញទំហឹង និងការឱបយ៉ាងណែន ទៅដល់ប្រជាជនម៉ិចស៊ីកូ ៕”
កាលពីការប្រកួតជាមួយនឹង Bournemouth កីឡាករជើងខ្លាំងពោរពេញដោយបទពិសោធន៍ Rooney បានរងរបួសបែកចិញ្ចើមខាងឆ្វេង ដោយសារតែប៉ះជាមួយនឹងដៃរបស់កីឡាករ Simon Francis ។
ការចូលមកហ្វឹកហាត់វិញនេះ បានបង្ហាញឲ្យឃើញថា Rooney បានជាពីមុខរបួស ហើយបានត្រៀមខ្លួនរួចរាល់ចំពោះការប្រកួតនាពេលខាងមុខនេះ ៕
យោងតាមគណនីហ្វេសបុករបសក់កញ្ញាឌួង ហ្សូរីដា បានសរសេររៀបរាប់ថា «អរគុណដល់លោកវេជ្ជបណ្ឌិតប្រធានមជ្ឃមណ្ទលជាតិផ្តល់ឈាម ដែលបានផ្តល់ឈាម២កំប្លោក ជាការដោះដូរផ្ទាល់ដោយឈាមនាងខ្ញុំមួយប្លោក និងប្អូនស្រីមួយប្លោក ដើម្បីសង្គ្រោះបងស្កូ ក្នុងការលាងឈាមយប់នេះ ។ បងស្កូត្រូវការបញ្ចូលឈាមប្រភេទ AB+ ចំនួន4ប្លោកទៀតនៅថ្ងៃស្អែក ប្រសិនបើមានបងប្អូន មិត្តសិល្បៈណាមានឈាមប្រភេទ AB+ សូមទាក់ទងមកប្អូនស្រីនាងខ្ញុំតាមរយៈលេខ 076 666 6627 ព្រោះថ្ងៃស្អែកវេលាម៉ោង10ព្រឹក នាងខ្ញុំនិងក្រុមសិល្បៈរបស់យើងនឹងទៅធ្វើការបរិច្ចាគឈាមនៅមជ្ឃមណ្ឌលជាតិផ្តល់ឈាមនៅមន្ទីររ៉ូស្សីដើម្បីជួយសង្គ្រោះគាត់ ។
តាមការផ្តល់ព័ត៌មានពីលោកវេជ្ជបណ្ឌិតនៅមជ្ឃមណ្ឌលជាតិផ្តល់ឈាមបានជម្រាបថា ឈាមប្រភេទ AB+ ជាឈាមដែលកម្រមានអ្នកបរិច្ចាគ និងខ្សត់ជាងគេបំផុត ដូច្នេះហើយសូមអំពាវនាវអ្នកដែលមានឈាមប្រភេទA សូមមេត្តាជួយផង ។ គួរបញ្ជាក់ថាលោកយូឌីស្កូ ត្រូវបានចូលបន្ទប់សង្គ្រោះបន្ទាន់ ដោយសារលោកកើតមានជំងឺក្រលៀន ទឹកនោមប្រៃ និងឈាម.សឡើងខ្ពស់ ។ ពេលនេះ គាត់ត្រូវការឈាមប្រភេទ AB+ ដែលជាប្រភេទឈាមដ៏ពិបាករក ៕
