អ្នកនៅម្លុកផ្សារអូឡាំពិក ដែលចូលចិត្តញ៊ាំនំប៉័ងសាច់ផាក់ឡូវ ត្រីខ ប៉ាតេ ប្រហែលជាស្គាល់តូបនំប៉័ងចែលីនហើយ ព្រោះថាកន្លែងនេះនំប៉័ងសាច់ផាក់ឡូវ ត្រីខ ប៉ាតេគឺលក់ដាច់ខ្លាំងណាស់មានរសជាតិឆ្ងាញ់ ក្នុងមួយថ្ងៃលក់អស់៣០០ ទៅ៤០០នំប៉័ងឯណោះ។

មូលហេតុដែរធ្វើអោយនំប៉័ងមួយកន្លែងនេះលក់ដាច់ខ្លាំងបែបនេះក៏ដោយសារតែរសជាតិជ្រក់ឆ្ងាញ់ដែរធ្វើដោយម្ចាស់ហាងផ្ទាល់ប្រកបដោយអនាម័យខ្ពស់ ជាពិសេសទៀតនោះគឺមានទឹកស្រូបនំប៉័ងដ៏មានរសជាតិដែរផ្សំចេញពីរូបមន្តប្រចាំគ្រួសារធ្វើអោយនំប៉័ងកាន់តែមានរសជាតិ។ ហើយបើតាមការសម្ដីពិតរបស់អតិថិជន គាត់បានប្រាប់ថាគាត់ជាម៉ូយប្រចាំតូបនំប៉័ងចែលីន ក៏ដោយសារពេលគាត់ញ៊ាំហើយមានអារម្មណ៍ថាឆ្ងាញ់ជាងកន្លែងផ្សេងៗដែរគាត់ធ្លាប់ញ៊ាំកន្លងមក ទាំងជ្រក់ទាំងសាច់និងទឹកទឹកស្រូបគឺត្រូវជាតិគ្នាដែរញ៊ាំហើយចង់ញ៊ាំទៀត។

បែបនេះសម្រាប់អ្នកដែរចូលចិត្តញ៊ាំនំប៉័ងសាច់ផាក់ឡូវ ត្រីខ ប៉ាតេ កុំភ្លេចណា តូបនំប៉័ងចែលីន ស្ថិតនៅលើផ្លូវ៣១០ ជិតផ្សារអូឡាំពិក។ សម្រាប់អ្នកដែរចង់ទៅញ៊ាំតែខ្លាចរកទីតាំងមិនឃើញអាចទាក់ទងតាមរយៈលេខទូរសព្ទ៖ 012 910 865 ៕

តូបនំប៉័ងចែលីន
លេខទូរសព្ទ៖ 012 910 865 / 012 48 36 56
ទីតាំង៖ ស្ថិតនៅលើផ្លូវ៣១០ ជិតផ្សារអូឡាំពិក

វីដេអូ៖

មួយរយៈនេះយើងឃើញថាអាកាសធាតុហាក់បីដូចជាមិនអំណោយផលទាល់តែសោះ ដោយមានភ្លៀងធ្លាក់ស្ទើរតែរាល់ថ្ងៃដែលធ្វើអោយតំបន់មួយចំនួននៅក្នុងប្រទេសកម្ពុជាយើងរងការលេចលង់យ៉ាងខ្លាំង ធ្វើអោយប្រជាពលរដ្ឋយើងទទួលរងភាពលំបាកក្នុងការរស់នៅប្រចាំថ្ងៃ។​ បែបនេះសម្រាប់បងប្អូនមួយចំនួនដែររស់នៅតំបន់ងាយលេចលង់ងាយរងគ្រោះគួរណាស់តែមានត្រៀមនូវម្ហូបណាដែរអាចរក្សាទុកបានយូរមិនងាយខូចដូចជាធ្វើងៀតគោ ងៀតត្រីជាដើម ដូចនេះយើងសាកមករៀនធ្វើទាំងអស់គ្នាដើម្បីទុកជៀសវាងពេលមានបញ្ហាមិនមានម្ហូបសម្រាប់ទទួលទាន។

▶️ គ្រឿងផ្សំដែលត្រូវមានសម្រាប់ធ្វើងៀតគោ៖

• សាច់គោ ១គីឡូក្រោម (វះជាចង្វារមូលក៏បានជាបន្ទះក៏បានតាមការចូលចិត្ត ) សូមចំណាំសាច់គោលាងទឹករួចទេីប យកទៅវះ
• ទឹកត្រី ១ ស្លាបព្រាបាយ
• អំបិល កន្លះស្លាបព្រាបាយ
• ប្រេងល្ង ២ ស្លាបព្រាបាយ(មិនដាក់ក៏បាន)
• ស្ករស ២ ស្លាបព្រាបាយ ឬ ស្ករត្នោត
• បីចេង ១ ស្លាបព្រាកាហ្វេ
• ម្រេចម៉ត់ ១ ស្លាបព្រាកាហ្វេ
• ល្ងរ សរ ២ ឬ ៣ ស្លាបព្រាបាយ
• ម្ទេសហុយ ឬម្ទេសស្រស់បុក រំដេងបុកឲ្យមត់ដាក់ក៏បានមិនដាក់ក៏បានតែបើចង់ឆ្ងុយដាក់ទៅ តាមការនិយមចូលចិត្ត

▶️ វិធីធ្វើមានដូចខាងក្រោម៖

• យកសាច់ដែលវះជាបន្ទះៗ នឹងគ្រឿងផ្សំទាំងអស់ យកទៅច្របលល់ចូលគ្នាអោយសព្វ ទុករយៈពេលមួយម៉ោង ចាំយកទៅហាលថ្ងៃ ២ឬ ៤ ថ្ងៃ ជាការស្រេច។
• យើងអាចយកទៅអាំង ឬចៀន សម្រាប់បរិភោគដោយជ្រលក់ ទឹកម្រេច ឬជ្រក់ល្ហុងក៏បានតាមចំណូលចិត្ត

▶️ គ្រឿងផ្សំដែលត្រូវមានសម្រាប់ធ្វើងៀតត្រី៖

• អាចជា ត្រីឆ្តោ, ត្រីឆ្លាំង, ត្រីពោ រឺក៏ ត្រីរសតាមដែលយើងចូលចិត្ត ចំនួន៣គីឡូ (ធ្វើហើយ)
• អំបិល ១ខាំ
• ស្ករ ២ខាំ
• ប៊ីចេងបន្តិច(តាមចំណូលចិត្ត)

▶️ របៀបធ្វើ៖

• ត្រី (ស្រស់ល្អ បើរស់កាន់តែល្អ) ធ្វើអោយស្អាត កាត់ក្បាលចេញ (បើត្រីតូចមិនចាំបាច់កាត់ក្បាលក៏បាន) រួចលាងទឹកអោយស្អាត។
• យកត្រីទៅវះអោយស្អាត ដោយវះផ្តាច់ផ្នែកខាងក្បាល ភ្ជាប់ផ្នែកខាងកន្ទុយ រួចយកខ្លាញ់ និងឈាមកកចេញអោយអស់ សឹមថ្លឹងយកត្រី ៣គីឡូ (ពេលវះត្រីរួចមិនបាច់លាងទឹកទេ ដើម្បីអោយត្រីក្រហមល្អ)។
• លាយអំបិល ប៊ីចេង និងស្ករចូលគ្នាអោយសព្វ សឹមដាក់ត្រីចូល ច្របល់អោយសព្វ រួចប្រលាក់ត្រីម្តងមួយៗ ដោយច្របាច់ត្រីខ្លាំងៗ ដើម្បីអោយចូលជាតិល្អ។
• យកត្រីដែលប្រលាក់រួចដាក់ច្រកចង់អោយជិតល្អ រួចយកទៅ ក្លាសេទឹកកកពី ២ម៉ោង ទៅ ១ថ្ងៃ សឹមយកមកហាលថ្ងៃអោយស្ងួតល្អ ១ ទៅ ៣ថ្ងៃជាការស្រេច។ បើចូលចិត្តហិល អាចប្រលាក់ជាមួយម្ទេសហុយ កាន់តែឆ្ងាញ់។

ហ្វេនប៊ឺហ្គឺរទាំងឡាយ! ត្រៀមខ្លួនណ៎ា! Facetaste សូមប្រាប់ដំណឹងល្អមួយប្រចាំឆ្នាំ 2020! ភោជនីយដ្ឋាន Carl’s Jr. នឹងធ្វើការចែកជូនឈុតប៊ឺហ្គឺរ Famous Star ឥតគិតថ្លៃ សរុបដល់ទៅ 1,200 ឈុត រយៈពេល 2 ថ្ងៃ គឺថ្ងៃទី 16 និង 17 ខែតុលា ឆ្នាំ 2020! ត្រៀម! ត្រៀម!

ឆ្នាំនេះកាន់តែពិសេសជាងឆ្នាំមុនទៅទៀត! ដើម្បីអបអរសាទរខួបគម្រប់ 4 ឆ្នាំ របស់ភោជនីយដ្ឋាន Carl’s Jr. នៅកម្ពុជា ប្រិយមិត្តនឹងទទួលបានឈុតប៊ឺហ្គឺរ Famous Star ឥតគិតថ្លៃ ដែលរួមមាន Famous Star with Cheese ជាប៊ឺហ្គឺរលំដាប់ Premium ដំឡូងបារាំងបំពង Natural-Cut Fries ព្រមទាំង កូកាកូឡា មួយដប ដែលសរុបដល់ទៅ 1,200 ឈុត។

Famous Star គឺជាជម្រើសប៊ឺហ្គឺរដ៏ពេញនិយមបំផុតប្រចាំនៅ Carl’s Jr. ទូទាំងពិភពលោក ដែលផ្សំឡើងពីសាច់គោអាមេរិច 100 ភាគរយ បន្ថែមឈីស ខ្ទឹមបារាំង ប៉េងប៉ោះ និងសាឡាដស្រស់ៗ ព្រមទាំងMayonnaise ធ្វើឲ្យមានឱជារសឆ្ងាញ់ឥតគូប្រៀប!

ព័ត៌មានបន្ថែមស្ដីពីការចែកជូនឈុតប៊ឺហ្គឺរ Famous Star សរុប 1,200 ឈុត៖

• ថ្ងៃ សុក្រ ទី 16 ខែ តុលា ឆ្នាំ 2020 លើកទី 1 ម៉ោង 10 ព្រឹក ដល់ ម៉ោង 12 ថ្ងៃត្រង់ និង លើកទី 2 ម៉ោង 4 រសៀល ដល់ ម៉ោង 6 ល្ងាច៖
  • Carl’s Jr. សាខាបឹងកេងកង (លើកទី 1 សរុប 100 ប៊ឺហ្គឺរ លើកទី 2 សរុប 100 ប៊ឺហ្គឺរ)
  • Carl’s Jr. សាខាទួលគោក (លើកទី 1 សរុប 100 ប៊ឺហ្គឺរ លើកទី 2 សរុប 100 ប៊ឺហ្គឺរ)
  • Carl’s Jr. សាខាទួលទំពូង (លើកទី 1 សរុប 100 ប៊ឺហ្គឺរ លើកទី 2 សរុប 100 ប៊ឺហ្គឺរ)
• ថ្ងៃ សៅរ៍ ទី 17 ខែ តុលា ឆ្នាំ 2020 លើកទី 1 ម៉ោង 10 ព្រឹក ដល់ ម៉ោង 12 ថ្ងៃត្រង់ និង លើកទី 2 ម៉ោង 4 រសៀល ដល់ ម៉ោង 6 ល្ងាច៖
  • Carl’s Jr. សាខាបឹងកេងកង (លើកទី 1 សរុប 100 ប៊ឺហ្គឺរ លើកទី 2 សរុប 100 ប៊ឺហ្គឺរ)
  • Carl’s Jr. សាខាទួលគោក (លើកទី 1 សរុប 100 ប៊ឺហ្គឺរ លើកទី 2 សរុប 100 ប៊ឺហ្គឺរ)
  • Carl’s Jr. សាខាទួលទំពូង (លើកទី 1 សរុប 100 ប៊ឺហ្គឺរ លើកទី 2 សរុប 100 ប៊ឺហ្គឺរ)

ទីតាំង៖

• Carl’s Jr. សាខាបឹងកេងកង៖ ផ្លូវប៉ាស្ទ័រ (51) កែងផ្លូវ 310​ (http://bit.ly/CarlsJrBKK)
• Carl’s Jr. សាខាទួលគោក៖ ផ្លូវ 315 ចម្ងាយ 20m ពី TK Avenue (http://bit.ly/CarlsJrTK)
• Carl’s Jr. សាខាទួលទំពូង៖ ផ្លូវ 155 កែងផ្លូវ 472 (http://bit.ly/CarlsJrTTP)

ទន្ទឹមនឹងកម្មវិធីចែកប៊ឺហ្គឺរនេះផងដែរ Carl’s Jr. នឹងផ្ដល់ជូនប្រូម៉ូសិនពិសេស $4 DEAL ដែលមិនធ្លាប់មានពីមុនមក ដោយអតិថិជនចំណាយត្រឹមតែ 4 ដុល្លារ តែប៉ុណ្ណោះ នឹងទទួលបានប៊ឺហ្គឺរសាច់ពីរជាន់ លំដាប់ Super Premium ប្រចាំនៅ Carl’s Jr. ដែលមាន 4 ជម្រើស ដូចជា The Big Carl Burger, Double Western Bacon Cheeseburger, Super Star with Cheese ឬ Double Jalapeno Burger។ មិនតែប៉ុណ្ណោះ អតិថិជនគ្រាន់តែបន្ថែម 1 ដុល្លារ នឹងទទួលបាន ប៊ឺហ្គឺរ 1 ឈុត ដែលរួមមាន ប៊ឺហ្គឺរសាច់ពីរជាន់ ដំឡូងបារាំងបំពង​ និងកូកាកូឡា មួយដប។ ការផ្ដល់ជូននេះមានរយៈពេល 3 ថ្ងៃប៉ុណ្ណោះ គឺចាប់ពីថ្ងៃទី 16 រហូតដល់ថ្ងៃទី 18 ខែតុលា ឆ្នាំ 2020 នៅសាខាបឹងកេងកង សាខាទួលគោក សាខាទួលទំពូង និងសាខាផ្សារទំនើបអ៊ីអនសែនសុខ។ រួសរាន់ឡើង!

គួរបញ្ជាក់ផងដែរថា Carl’s Jr. គឺជាភោជនីយដ្ឋាន Fast Food  ដ៏ល្បីនៅសហរដ្ឋអាមេរិច មានសាខាជាង 1,000 ទីតាំងនៅទូទាំងពិភពលោក ដែលបានបើកដំណើរការនៅប្រទេសកម្ពុជា កាលពីថ្ងៃទី 16 ខែ តុលា ឆ្នាំ 2016 បម្រើជូនជម្រើសប៊ឺហ្គឺរសាច់គោអាមេរិច 100% ដ៏សំបូរបែបដូចជា Famous Star, Super Star, Western Bacon Cheeseburger, Double Western Bacon Cheeseburger និងប្រភេទសាច់មាន់បំពងបែប Hand-Breaded ព្រមទាំងអាហារសម្រន់ចម្អិនភ្លាមៗ (Made-Fresh-To-Order) ជាច្រើនប្រភេទ។ Carl’s Jr. ក៏ជាភោជនីយដ្ឋាន Fast Food ដំបូងគេបង្អស់នៅប្រទេសកម្ពុជា ដែលផ្ដល់ជូនការញ៉ាំភេសជ្ជៈដោយសេរី FREE Refills ព្រមទាំងសេវា Drive-Thru ផងដែរ។ សព្វថ្ងៃនេះភោជនីយដ្ឋាន Carl’s Jr. មានទីតាំងចំនួន 4 គឺសាខាបឹងកេងកង សាខាទួលគោក សាខាទួលទំពូង និងសាខាផ្សារទំនើបអ៊ីអនសែនសុខ៕

ហាង តុងតុងបុកអស់ស្ទះ អ្នកណាមិនល្បីនៅម្លុកទូលទំពូង ពេលនេះហាងដ៏ល្បីមួយនេះការបានបន្ថែមមុខម្ហូបថ្មីទៀតហើយ មានទាំងម្ជូរអំបិលបង្គា ក្ដាមជ្រក់ Cocktail និងម្ហូបឆ្ងាញ់ៗជាច្រើនមុខទៀត។

តែយ៉ាងណាពេលបានមក យើងមិនអាចរំលងមុខម្ហូបប្រចាំហាងបានទេណា ព្រោះថាថាឆ្ងាញ់ខ្លាំងណាស់ដែលមានដូចជា៖ បុកល្ហុង បុកមី បុកទូក និងភ្លាត្រីសាមុន ដែលមានតម្លៃត្រឹមតែ២៥០០០៛តែប៉ុណ្ណោះ អាចញ៉ាំបានរហូតទៅដល់៣នាក់ បើនិយាយពីរសជាតិវិញគឺថាឆ្ងាញ់ហួសថ្លែងតែម្ដងហើយ។ បន្ថែមពីនេះក៏មានមុខម្ហូបច្រើនទៀតដែលតម្លៃធូរថ្លៃផងដែរ តុងតុងបុកអស់ស្ទះក៏មានលក់បាយម្ហូបកម្មង់ពេលថ្ងៃដោយហាងបើកចាប់ពីម៉ោង១១ព្រឹក រហូតដល់ម៉ោង៩ និង៣០នាទីយប់។

កុំភ្លេចណាណាត់ជួបជុំគ្នាញ៉ាំម្ហូបឆ្ងាញ់ៗនៅទីនេះ និងមានCooktail ថែមទៀតដែលអ្នកគ្រប់គ្នាអាចអង្គុយផឹកជជែកគ្នា និងស្ដាប់ចម្រៀងបែបបុរាណ និងគយគន់ការដេគ័រក្នុងហាងដែលស្ថិតក្នុងទស្សវត្ស៦០ គឺថាពិតជាប្លែកអារម្មណ៍ខ្លាំងមែនទែន។

តោះនៅចាំអីទៀតណាត់គ្នាអោយហើយមក ស្រូតៗទៅម្ហូបឆ្ងាញ់ សេវាកម្មល្អ ហាងស្អាតមានផាសុកភាព គឺមាននៅហាងតុងតុងបុកអស់ស្ទះ ដែលមានទីតាំងស្ថិតនៅតាមបណ្ដោយផ្លូវ៤៥៦ ផ្ទះលេខ៥៥ ទល់មុខខុនដូ៣៥ ក្នុងសង្កាត់ទូលទំពូង១ ខណ្ឌចំការមន រាជធានីភ្នំពេញ៕

ហាង តុងតុងបុកអស់ស្ទះ
លេខទូរសព្ទ៖ 070 70 00 57
ទីតាំង៖ ស្ថិតនៅតាមបណ្ដោយផ្លូវ៤៥៦ ផ្ទះលេខ៥៥ ទល់មុខខុនដូ៣៥ ក្នុងសង្កាត់ទូលទំពូង១ ខណ្ឌចំការមន រាជធានីភ្នំពេញ

វីដេអូ៖

ស្ថិតក្នុងបរិយាកាសនៃការជួបជុំគ្រួសាររាល់ពេលដែលលោកអ្នកជ្រើសរើសយកភោជនីយដ្ឋានដែលមានផ្តល់ជម្រើសមុខម្ហូបច្រើនបែប ច្រើនរសជាតិ​ វាមិនមែនជាការងាយស្រួលនោះទេ ដើម្បីតម្រូវទៅតាមចំណង់ចំណូលចិត្តរៀងៗខ្លួន ដូចនេះយើងខ្ញុំសូមណែនាំនៅភោជនីយដ្ឋានមួយឈ្មោះថា On The Table ដែលជាជម្រើសល្អសម្រាប់ការជួបជុំ ជាពិសេសនោះ គឺម្ហូបបែបថៃ​ ជប៉ុន​ អ៉ីតាលី ដែលផ្តល់នូវសេវា​កម្ម​ល្អ​ ទីកន្លែងស្អាត ធំទូលាយ អនាម័យខ្ពស់ ហើយម្ហូបមានរសជាតិឆ្ងាញ់។

ភោជនីយដ្ឋាន On The Table បើកដំណើរការបានរយៈពេល២ឆ្នាំមកហើយ គឺចាប់តាំងពីឆ្នាំ២០១៨ ហើយបច្ចុប្បន្ននេះមាន២សាខា ដែលសាខាទីមួយមាននៅអ៊ីអនម៉លសែនសុខ ជាន់ទី២ នឹងសាខាទី២ គឺនៅផ្សារទំនើបជីបម៉ុងណូរ៉ូម៉លជាន់ទី៣ ។ សម្រាប់មុខម្ហូបដែលពេញនិយមខ្លាំងហើយល្បីប្រចាំហាងមានដូចជា៖ ឆ្អឹងជំនីអាំង ភីហ្សា ស្ប៉ាកាទី ស៊ូស៊ី ត្រីសាលម៉ុន ក្រៅពីនោះ ក៏មានជាប្រភេទការរ៉េម និងភេសជ្ជៈជាច្រើនមុខទៀតផងដែរ។

សម្រាប់លោកអ្នកដែលកំពុងស្វែងរកការទទួលទានអាហារបែប ថៃ​ ជប៉ុន​ អ៉ីតាលី អ្នកមិនអាចរំលងបានពី ភោជនីយដ្ឋាន On The Table គឺជាជម្រើសល្អសម្រាប់លោកអ្នក ផ្តល់ទាំងរសជាតិឆ្ងាញ់ ទីកន្លែងស្អាត ធំទូលាយ អនាម័យ សេវាកម្មរហ័រ និងជាទំនុកចិត្តដល់អតិថិជន៕

ភោជនីយដ្ឋាន On The Table
សាខាទី1៖ នៅក្នុងផ្សារទំនើប Aeon Mall សែនសុខ ជាន់ទី2 លេខទូរសព្ទ 089 511119
សាខាទី2៖ នៅក្នុងផ្សារទំនើប Noro Mall ផ្លូវព្រះនរោត្តម ជាន់ទី 3 លេខទូរសព្ទ 089 688881

វីដេអូ

មិត្តៗយុវ័យ ដែរចូលចិត្តញ៊ាំកាហ្វេ និងចូលចិត្តថតរូបជាមួយទីតាំងស្អាតៗ ពេលនេះមិនចាំបាច់ទៅរកនៅណាឆ្ងាយទៀតទេ បានមកដល់Tino The Coffee Yard ធានាថាច្បាស់ជាពេញចិត្តស្ដូកហ្មង ជាមួយរសជាតិកាហ្វេដ៏ឈ្ងុយឆ្ងាញ់ និងទីតាំងដែលអាចថតរូបបានស្អាតៗជាច្រើនកន្លែងនៅទីនេះ។​ សម្រាប់ទីតាំងចាំAdmin ប្រាប់អោយអោយស្គាល់ដើម្បីបានទៅទាំងអស់គ្នា គឺហាងកាហ្វេដ៏ប្រណិតមួយនេះស្ថិតនៅផ្ទះលេខ ៣១០ ផ្លូវលេខ ៦៣ ព្រះត្រសក់ផ្អែម រាជធានីភ្នំពេញ ក្រោយស្ថានទូតវៀតណាម។

Tino The Coffee Yard មិនមែនមានលក់តែកាហ្វេទេណា សម្រាប់អ្នកដែរមិនចេះញ៊ាំកាហ្វេ ក៏អាចមកបានដែរព្រោះថាទីនេះក៏មានលក់នូវភេសជ្ជៈជាច្រើនមុខទៀតផងដែរជាពិសេសមានភេសជ្ជៈដែរចម្រាញ់ចេញពីផ្លែឈើស្រស់ៗ១០០% ល្អសម្រាប់សុខភាព ដែរជាទីពេញចិត្តសម្រាប់មិត្តនារីៗ និងក្រៅពីភេសជ្ជៈក៏មាននូវប្រភេទអាហារសម្រន់ថែមទៀតផង។ អ្វីដែរកាន់តែពិសេស Admin ចង់ប្រាប់ដល់អ្នកដែរចូលចិត្តញ៊ាំកាហ្វេមិនគួររំលងTino The Coffee Yard នោះព្រោះថាកាហ្វេនៅទីនេះជាប្រភេទកាហ្វេ អារ៉ាប៊ីកា សុទ្ធមានគុណភាពខ្ពស់ទាំងរសជាតិ និងក្លិនដ៏ឈ្ងុយញ៊ាំហើយធ្វើអោយមានអារម្មណ៍ស្រស់ស្រាយ។

បែបនេះកុំភ្លេចណា ណាត់ក្រាស់ មិត្តភក្តិ និងក្រុមការងារទៅទទួលយករសជាតិ កាហ្វេ និងភេសជ្ជៈឆ្ងាញ់ៗ នៅTino The Coffee Yard និងថតរូបស្អាតៗនៅទីនេះ?៕

ហាង Tino The Coffee Yard
លេខទូរសព្ទ៖​ 092 266 666
ទីតាំង៖ ផ្ទះលេខ ៣១០ ផ្លូវលេខ ៦៣ ព្រះត្រសក់ផ្អែម រាជធានីភ្នំពេញ ក្រោយស្ថានទូតវៀតណាម
ផែនទី៖ ចុចទីនេះ

វីដេអូ៖​

ចេកអាំងស្រូបទឹកស្ករខ្ទិះដូង និយាយពីថាឈ្ងុយណាស់ ជិតកាត់ម្តងៗនឹកឃ្លាននោះឃ្លាន ហើយមានដឹងអត់ថាគេលក់នៅទីណា!​ មោះAdmin ប្រាប់គឺនៅជិតរោងកុនបាយ័ន្តនេះឯង ឈ្មោះថា អុីរុំលក់ចេកអាំង លក់ជាង១០ឆ្នាំមកហើយ ក្នុងមួយថ្ងៃៗលក់ដាច់ខ្លាំងលក់ចាប់ពី ៧០ ទៅ៨០ស្និត ស៊ីផុយហ្មង។

ចេកអាំងស្រូបទឹកស្ករខ្ទិះដូង និងនំអន្សមអាំងរបស់ហាង អុីរុំលក់ចេកអាំង មានអ្នកស្គាល់មិនតិចអ្នកទេ ដោយសារតែរសជាតិ និងតម្លៃគឺសមរម្យ មួយចង្កាក់ត្រឹម ២០០០៛ តម្លៃអន្សមក៏២០០០៛ដែរ ។ សម្រាប់អ្នកជិះកាត់ផ្លូវលេខ១៩ នៅជិតរោងកុនបាយ័ន្ត គឺក្រឡេកមើលឃើញគាត់អាំងអន្សម និងចេកអាំងត្រៀបត្រាឈ្ងុយក្លិនភាយៗតែម្តង ។

គិតរកសាកម្តងអត់ ឆ្ងាញ់ប្លែកណាស់ហើយក៏មិនឆ្ងាយដែរស្រួលរកទៀត នៅជិតរោងកុនបាយ័ន្ត ផ្លូវលេខ១៩ បើរកមិនឃើញសួរគេថាស្គាល់ អុីរុំលក់ចេកអាំងអត់! ហើយនេះលេខទំនាក់ទំនង 092 500 972 | 092 597 795 ។

អុីរុំលក់ចេកអាំង
លេខទូរស័ព្ទ៖​ 092 500 972 | 092 597 795
ទីតាំង​៖ នៅជិតរោងកុនបាយ័ន្ត ផ្លូវលេខ១៩

វីដេអូ៖