ដោយសារតែការទុកអាហារក្នុងទូរទឹកកជាវិធីងាយស្រួល និងមានប្រសិទ្ធភាព តែមិនប្រាកដថាអាហារទាំងអស់នៅតែមានគុណភាពល្អ ពេលដាក់ក្នុងទូរទឹកកកទេ​។ ព្រោះសីតុណ្ហភាពត្រជាក់ ក៏អាចធ្វើឲ្យបាត់បង់គុណភាព និងគ្រោះថ្នាក់ដល់សុខភាពបានដែរ។ ដូចជាអាហារ ៤ ប្រភេទនេះអ៊ីចឹង បើចៀសបាន កុំយកដាក់ក្នុងទូរទឹកកក៖

ផ្លែឪឡឹក

ដើម្បីរក្សាទុកឪឡឹកឲ្យបានត្រឹមត្រូវ យើងអាចទុកវានៅកន្លែងដែលមានសីតុណ្ហភាពធម្មតាបានហើយ បើចង់ញ៉ាំត្រជាក់ៗ យើងអាចដាក់វាក្នុងទូរទឹកកកត្រឹម ២ ទៅ ៣ ម៉ោងអីបានហើយ ព្រោះសាច់ និង រសជាតិវាមិនប្រែប្រួលទេ។

ផ្លែចេក

ចេកជាផ្លែឈើដែលឆាប់មានប្រតិកម្មជាមួយភាពត្រជាក់ណាស់។ ដើម្បីរក្សាទុកវាឲ្យបានត្រឹមត្រូវគឺ ត្រូវទុកនៅកន្លែងមានសីតុណ្ហភាពធម្មតា ឆ្ងាយពីពន្លឺព្រះអាទិត្យ ហើយរយៈពេលបន្ទំគឺ ៧ ទៅ​ ១០ ថ្ងៃ។​

ខ្ទឹមស និង ខ្ទឹមបារាំង

ទុកខ្ទឹមក្រហម និងខ្ទឹមសក្នុងទូរទឹកកកនឹងធ្វើឲ្យឆាប់រលួយ។ ដូចនេះត្រូវតែទុកវាដាច់ដោយឡែកពីគេ ដោយទុកនៅកន្លែងស្ងួត គ្មានសំណើម អាចទុកបានចាប់ពី ១ ទៅ ២ ខែឡើងទៅ​។

អាហារកំប៉ុង

ជាតិសំណើម និងអុកស៊ីសែនក្នុងទូទឹកកកនឹងធ្វើឲ្យកំប៉ុងឡើងច្រែះ។ ដោយសារតែអាហារកំប៉ុង គឺធ្វើឡើងដើម្បីរក្សាទុកបានយូរហើយ មិនចាំបាច់ទុកក្នុងទូរទឹកកកបន្ថែមទៀតក៏បានដែរ។

តមអាហារដើម្បីសម្រកទម្ងន់ជារឿងពិបាកបំផុត ដែលយ៉ាងហោចណាស់ មនុស្សស្រីស្ទើតែគ្រប់គ្នាជួបប្រទះម្តងដែរ។ ការខំញ៉ាំអាហារពេលព្រឹក និងថ្ងៃត្រង់បានត្រឹមត្រូវ តែបើសិនជាញ៉ាំអាហារពេលល្ងចខុស គឺមិនបានផលអ្វីទេ។ ដោយសារតែនៅពេលយប់ ការធ្វើមេតាប៉ូលីសក្នុងខ្លួនធ្លាក់ចុះ ដូចនេះការញ៉ាំច្រើន នឹងធ្វើឲ្យជាតិខ្លាញ់កាន់តែប្រមូលផ្តុំគ្នាកាន់តែច្រើន។ ឥឡូវមកដឹង និងចាំតិចនិកញ៉ាំអាហារពេលល្ងាច ៤ យ៉ាងនេះវិញ អាចជួយសម្រកបានកន្លះគីឡូក្នុង ១ ថ្ងៃ។

១. គ្រប់គ្រងកាឡូរី

សម្រាប់អាហារពេលល្ងាចមិនគួរមានកាឡូរីលើសពី ៤០០ ទៅ ៥០០ឡើយ។ យើងអាចញ៉ាំតែបាយអង្កសម្រូប ១ កូនចាន ស៊ុត ១ គ្រាប់ និងប្រូខូលីស្រុះ ១០០ ក្រាមបានហើយ ចៀសវាងញ៉ាំច្រើនពេក។

២. ញ៉ាំប្រូតេអ៊ីនឲ្យបានច្រើន

ប្រូតេអ៊ីនមានសារសំខាន់ណាស់ សម្រាប់ជីវិតប្រចាំថ្ងៃរសរបស់។ ញ៉ាំអាហារពេលល្ងាចជាមួយនឹងផ្លែឈើ បន្លែ ដែលមានប្រូតេអ៊ីនច្រើន នឹងជួយបង្កើនការធ្វើមេតាប៉ូលីសក្នុងខ្លួនយើង។ ក្រៅពីបន្លែ និង ផ្លែឈើ ប្រូតេអ៊ីនក៏មានក្នុងសាច់ ស៊ុត ត្រី ទ្រូងមាន់ និង សាច់គោបានដែរ តែត្រូវញ៉ាំតិចបំផុត​។

៣. ញ៉ាំអាហារពេលល្ងាចនៅម៉ោង ៧:៣០

បើញ៉ាំនៅម៉ោង ៨ យប់ រាងកាយច្បាស់ជាមិនអាចស្រូបយក និងរំលាយអាហារបានល្អទេ។ វានឹងធ្វើឲ្យប៉ះពាល់ដល់ដំណើរការរំលាយអាហារ ហើយកាឡូរីដែលយើងបានញ៉ាំ មិនអាចរំលាយបានល្អ នឹងនៅកកកុញ។ បើរាងកាយយើងបន្តរំលាយអាហារពេលកំពុងគេង នៅថ្ងៃបន្ទាប់នឹងធ្វើឲ្យយើងអស់កម្លាំង។ ដូចនេះយើងគួរញ៉ាំអាហារពេលល្ងាចយ៉ាងហោចណាស់ឲ្យបាន ៣ ម៉ោងមុនចូលគេង។

៤. ដើរឲ្យបាន ៣០ នាទី ក្រោយញ៉ាំអាហារហើយ

បន្ទាប់ពីញ៉ាំអាហារហើយ គួរតែក្រោកឈរ និងដើរយឺត។ បើសិនជាយើងអង្គុយ និង គេងបន្ទាប់ពីញ៉ាំហើយ វានឹងធ្វើឲ្យប៉ះពាល់ដល់ចលនាពោះវៀន ហើយធ្វើឲ្យប្រព័ន្ធមេតាប៉ូលីសដំណើរការយឺត។

អ្នកណានិយាយថាសម្រកគីឡូញ៉ាំមិនបាន? វាពិតជារឿងពិបាកធ្វើខ្លាំងនៅក្នុងប្រទេសដែលមានអាហារឆ្ងាញ់។ ជាពិសេសសម្រាប់អ្នកចង់ស្លៀកពាក់ស្អាតៗ តែចូលចិត្តញ៉ាំ។ តែឈប់បារម្ភទៅ តិចនិក ៤ យ៉ាងនេះ ជួយឲ្យស្រកគីឡូបាន ដោយមិនបាច់តមញ៉ាំ ក្នុងរយៈពេល ២ អាទិត្យ។

ញ៉ាំអាហារដែលសម្បូរជាតិកាកសរសៃច្រើន

នេះជារឿងដែលយើងបានដឹងដដែលៗហើយថា បើចង់សម្រកគីឡូ ត្រូវតែញ៉ាំអាហារដែលមានជាតិកាកសរសៃ និង​ទឹកច្រើន ដូចជាផ្លែឈើ និងបន្លែជាដើម។ ព្រោះជាតិកាកសរសៃធ្វើឲ្យយើងឆ្អែតបានយូរ ដោយសារវាត្រូវការពេលទំពារយូរ។

របស់ដែលយើងជ្រើសមកញ៉ាំមានដូចជា បន្លែ ផ្លែឈើ យ៉ាអួ ជាដើម។ ចំពោះអាហារថ្ងៃត្រង់ អាចញ៉ាំបានដូចធម្មតា តែកុំញ៉ាំច្រើនលើសលប់ពេក រួចត្រូវបញ្ចប់ជាមួយនឹងទឹកផ្លែឈើក្រឡុក ១ កែវគឺគ្រប់គ្រាន់ហើយ។

អាហារពេលព្រឹក

អាហារពេលព្រឹកជាអាហារសំខាន់ជាងគេក្នុងចំណោមអាហារទាំង ៣ ពេល។ ការសិក្សាបានរកឃើញថាអ្នកដែលញ៉ាំអាហារពេលព្រឹក ងាយនឹងស្រកទម្ងន់ជាងអ្នកដែលមិនញ៉ាំ។ ព្រោះតែបើយើងមិនញ៉ាំនៅពេលព្រឹក រាងកាយឃ្លានខ្លាំង ហើយប្រាកដណាស់ យើងនឹងបន្តញ៉ាំច្រើនរហូតដល់អាហារពេលល្ងាច ដូចនេះមិនគួរទុកឲ្យខ្លួនឯងឃ្លានខ្លាំងពេលព្រឹកទេ។

ចំណី

អ្នកដែលញ៉ាំអាហារ ៤ ពេលក្នុងមួយថ្ងៃ ងាយសម្រកទម្ងន់ជាងអ្នកដែលញ៉ាំតែអាហារ ៣ ពេល​ ដោយសារតែអ្វីដឹងទេ? ដោយសារតែចំនួនអាហារនឹងត្រូវកាត់បន្ថយ។ ស្រីៗគួរតែជ្រើសរើសញ៉ាំចំណីផ្សេងៗនៅពេលថ្ងៃ គួរតែញ៉ាំអាហារបង្គាសាឡាដ សាច់ទ្រូងមាន់ ប៉េងបោះ ជាដើម។ វានឹងជួយកាត់បន្ថយចំនួនអាហារពេលដល់ម៉ោងញ៉ាំអាហារទាំងបីពេលរបស់យើង ព្រោះតែក្រពះយើងមិនសូវឃ្លាន។

អាហារពេលយប់

អាហារពេលយប់ ជារឿងដែលយើងពិបាកទ្រាំជាងគេ បើសិនជាយើងឃ្លានខ្លាំង។ តែយើងត្រូវរើសយកការញ៉ាំយ៉ាអួមួយកែវ ដោយសារតែវាមិនត្រឹមធ្វើឲ្យយើងឆ្អែតទេ តែវាមានសារធាតុជួយធ្វើឲ្យយើងគេលក់បានស្រួល។

ដែលសង្កេតមើលអាហារពេលព្រឹកដែលយើងញ៉ាំរាល់ថ្ងៃទេ? ពេលខ្លះដោយសារតែប្រញាប់ពេក យើងនឹងញ៉ាំតែអ្វីដែលយើងចង់ញ៉ាំ តែបើចង់សម្រកទម្ងន់ វាមិនគ្រប់គ្រាន់ទេ បើគ្រាន់តែផ្តោអារម្មណ៍លើអាហារពេលល្ងាច ពេលខ្លះអាហារពេលព្រឹកក៏ជាជនលាក់មុខធ្វើឲ្យយើងធាត់ទាំងមិនដឹងខ្លួនបានដែរ។ ជាពិសេសអាហារ ៣ ប្រភេទនេះ៖

១. នំប៉័ងអាំង

នំប៉័ងជាអាហារពេញនិយមសម្រាប់មនុស្សបច្ចុប្បន្ន ជាពិសេសមានលាយជាមួយសាច់បាក់យ៉ុង និងពងមាន់។ យើងមានដឹងទេថានំប៉័ង ២ ជំនិតគឹស្មើបាយមួយចាន ដែលមានកាឡូរីច្រើន។ បើសិនជានំប៉័ងខ្លះដាក់សាលាឡ ទឹកម៉ៃយូណេសទៀត កាន់តែបង្កើនកាឡូរីកាន់តែច្រើន។

២. សាច់ជ្រូកបីជាន់

មានស្រទាប់ខ្លាញ់ក្រាសនៅលើសាច់បីជាន់ បើសិនជាជ្រើសរើសសម្រាប់អាហារពេលព្រឹក យើងគួរតែញ៉ាំតិចបានហើយ។

៣. តែទឹកដោះគោ

តែទឹកដោះគោមួយកែវរាល់ថ្ងៃ វានឹងធ្វើឲ្យជាតិខ្លាញ់ឡើងកកកុញមិនអាចរំលាយបានរាប់ឆ្នាំ។ បើផឹករយៈពេលយូរនឹងធ្វើឲ្យបាត់បង់ជាតិកាកសរសៃ និងពពួកវីតាមីន ថែមទាំងធ្វើឲ្យយើងធាត់ទៀតផង ហើយក៏អាចបង្កជំងឺទល់លាមកបានដែរ។