អ្នកណានិយាយថាសម្រកគីឡូញ៉ាំមិនបាន? វាពិតជារឿងពិបាកធ្វើខ្លាំងនៅក្នុងប្រទេសដែលមានអាហារឆ្ងាញ់។ ជាពិសេសសម្រាប់អ្នកចង់ស្លៀកពាក់ស្អាតៗ តែចូលចិត្តញ៉ាំ។ តែឈប់បារម្ភទៅ តិចនិក ៤ យ៉ាងនេះ ជួយឲ្យស្រកគីឡូបាន ដោយមិនបាច់តមញ៉ាំ ក្នុងរយៈពេល ២ អាទិត្យ។
ញ៉ាំអាហារដែលសម្បូរជាតិកាកសរសៃច្រើន
នេះជារឿងដែលយើងបានដឹងដដែលៗហើយថា បើចង់សម្រកគីឡូ ត្រូវតែញ៉ាំអាហារដែលមានជាតិកាកសរសៃ និងទឹកច្រើន ដូចជាផ្លែឈើ និងបន្លែជាដើម។ ព្រោះជាតិកាកសរសៃធ្វើឲ្យយើងឆ្អែតបានយូរ ដោយសារវាត្រូវការពេលទំពារយូរ។
![Fresh Fruit Salad Recipe | EatingWell](https://static.onecms.io/wp-content/uploads/sites/44/2019/08/26232320/4518422.jpg)
របស់ដែលយើងជ្រើសមកញ៉ាំមានដូចជា បន្លែ ផ្លែឈើ យ៉ាអួ ជាដើម។ ចំពោះអាហារថ្ងៃត្រង់ អាចញ៉ាំបានដូចធម្មតា តែកុំញ៉ាំច្រើនលើសលប់ពេក រួចត្រូវបញ្ចប់ជាមួយនឹងទឹកផ្លែឈើក្រឡុក ១ កែវគឺគ្រប់គ្រាន់ហើយ។
អាហារពេលព្រឹក
អាហារពេលព្រឹកជាអាហារសំខាន់ជាងគេក្នុងចំណោមអាហារទាំង ៣ ពេល។ ការសិក្សាបានរកឃើញថាអ្នកដែលញ៉ាំអាហារពេលព្រឹក ងាយនឹងស្រកទម្ងន់ជាងអ្នកដែលមិនញ៉ាំ។ ព្រោះតែបើយើងមិនញ៉ាំនៅពេលព្រឹក រាងកាយឃ្លានខ្លាំង ហើយប្រាកដណាស់ យើងនឹងបន្តញ៉ាំច្រើនរហូតដល់អាហារពេលល្ងាច ដូចនេះមិនគួរទុកឲ្យខ្លួនឯងឃ្លានខ្លាំងពេលព្រឹកទេ។
![All day breakfast set to fulfill your breakfast cravings at any time of the day - Picture of The Green Ducklings, Singapore - Tripadvisor](https://media-cdn.tripadvisor.com/media/photo-s/16/d3/bd/60/all-day-breakfast-set.jpg)
ចំណី
អ្នកដែលញ៉ាំអាហារ ៤ ពេលក្នុងមួយថ្ងៃ ងាយសម្រកទម្ងន់ជាងអ្នកដែលញ៉ាំតែអាហារ ៣ ពេល ដោយសារតែអ្វីដឹងទេ? ដោយសារតែចំនួនអាហារនឹងត្រូវកាត់បន្ថយ។ ស្រីៗគួរតែជ្រើសរើសញ៉ាំចំណីផ្សេងៗនៅពេលថ្ងៃ គួរតែញ៉ាំអាហារបង្គាសាឡាដ សាច់ទ្រូងមាន់ ប៉េងបោះ ជាដើម។ វានឹងជួយកាត់បន្ថយចំនួនអាហារពេលដល់ម៉ោងញ៉ាំអាហារទាំងបីពេលរបស់យើង ព្រោះតែក្រពះយើងមិនសូវឃ្លាន។
![Air Fryer Frozen Chicken Breast Recipe | Food Network Kitchen | Food Network](https://food.fnr.sndimg.com/content/dam/images/food/fullset/2019/9/17/0/FNK_Air-Fryer-Frozen-Chicken-Breast_V2_H_s4x3.jpg.rend.hgtvcom.826.620.suffix/1568735450321.jpeg)
អាហារពេលយប់
អាហារពេលយប់ ជារឿងដែលយើងពិបាកទ្រាំជាងគេ បើសិនជាយើងឃ្លានខ្លាំង។ តែយើងត្រូវរើសយកការញ៉ាំយ៉ាអួមួយកែវ ដោយសារតែវាមិនត្រឹមធ្វើឲ្យយើងឆ្អែតទេ តែវាមានសារធាតុជួយធ្វើឲ្យយើងគេលក់បានស្រួល។
![Homemade Yogurt Recipe | Serious Eats](https://www.seriouseats.com/2019/06/20190614-yogurt-vicky-wasik-8-1500x1125.jpg)