ចែករំលែកមុខម្ហូប?ឆាក្តៅអន្ទង់ សម្រាប់បងប្អួនយើងដែលមានកម្មវិធីជួបជុំគ្រួសារ មុខម្ហូបឆាក្តៅអន្ទង់នេះ ធ្វើហើយញ៊ាំជាមួយបាយក៏បាន ឬវ៉ៃចេញជាសាច់ក្លែមក៏បាន ទំនងដូចគ្នា ឆ្ងាញ់ដូចគ្នា??។

គ្រឿងផ្សំ

1- អន្ទង់ ៣ខាំ
2- គ្រឿងបុក (ខ្ទឹមស១មើម ស្លឹកក្រូចសើច ១សន្លឹក ខ្ជាយ១ចំណិត រំដេង១ចំណិត គល់ស្លឹកគ្រៃ២គល់ ម្ទេស១គ្រាប់)
3- ម្សៅស៊ុប កន្លះស្លាបព្រាកាហ្វេ
4- ទឹកត្រី កន្លះស្លាបព្រាបាយ
5- ប្រេងឆា ២ស្លាបព្រាបបាយ
6- ស្ករ កន្លះស្លាបព្រាកាហ្វេ
7- ម្រះព្រៅ ទៅតាមការចូលចិត្ដ
8- សណ្ដែកដីឆ្អិន ១ស្លាបព្រាបាយ
9- ម្ទេសហ៊ឹរឱ្យច្រើនគ្រាប់ តែបើមិនចូលចិត្តដាក់មិនបាច់ដាក់ក៏បាន

របៀបរៀបចំគ្រឿងផ្សំ

1- សូមយកអន្ទង់មកលាងជាមួយទឹកអំបិលឱ្យអស់ក្អែលខ្មៅៗឱ្យស្អាត បន្ទាប់មកត្រូវវះយកពោះចេញ ហើយកាត់ជាកង់ៗល្មម។ បន្ទាប់មកត្រូវយកទៅបំពងជាមួយនឹងខ្លាញ់ឱ្យឆ្អិនល្មម មិនត្រូវឱ្យបែកសាច់អន្ទង់នោះទេ បន្ទាប់មកត្រូវដួសទុកដោយឡែក។
2- ខ្ទឹមសចែកជាពីយកទៅចិញ្ច្រាំកុំឱ្យម៉ដ្ដពេកមួយចំហៀង និងយកទៅបុកជាមួយគ្រឿងមួយចំហៀង
3- ម្ទេសហាន់ជាចំណិតវែងៗ
4- សណ្ដែកដីយកទៅបុកកុំឱ្យម៉ដ្ឋពេក
5- ម្រះព្រៅបេះយកតែស្លឹកហើយយកទៅលាងទឹកឱ្យស្អាត
6- ស្លឹកក្រូចសើច រំដេង ខ្ជាយ គល់ស្លឹកគ្រៃលាងទឹកឱ្យស្អាតយកទៅហាន់ស្ដើងៗ ហើយបុកចូលគ្នាឱ្យម៉ដ្ដ បន្ទាប់មកដាក់ខ្ទឹមសចូលហើយបុកចូលគ្នាឱ្យម៉ដ្ដម្ដងទៀត។

វិធីធ្វើ

1- ជាដំបូងដាំខ្ទះឱ្យក្ដៅហើយដាក់ប្រេងឆាឱ្យ ក្ដៅ បន្ទាប់មកដាក់ខ្ទឹមសដែលចិញ្ច្រាំ និងម្ទេសចូលឆាឱ្យឡើងជើងអង្ក្រងល្មម បន្ទាប់មកដាក់គ្រឿងបុកចូលឆាឱ្យឈ្ងុយ ហើយដាក់អន្ទង់ចូលរួចដាក់ម្ទេសហ៊ឹរចូល
2- បន្ទាប់មកត្រូវដាក់ស្ករស ទឹកត្រី និងម្សៅស៊ុបរួចភ្លក្សមើលទើបដាក់សណ្ដែកដីរួមទាំងម្រះព្រៅចូល រួចដួសដាក់ចានជាការស្រេច។

ទទួលទានបានជាមួយបាយស ឬអាចធ្វើជាគ្រឿងក្លែមក៏បាន

ដឹងថាបងប្អូនមួយចំនួនធំប្រហែលជាស្គាល់នំរ៉ូទីហើយ តែក៏ប្រហែលជាមិនធ្លាប់ធ្វើញ៊ាំទេមើលទៅ ចឹងចាប់ពីពេលនេះយើងអាចចាប់ផ្តើមរៀនធ្វើញ៊ាំខ្លួនឯងម្តងហើយ សម្រាប់រូបមន្តធ្វើមានហើយ ចាប់ផ្តើមដើរផ្សាររកតែគ្រឿងផ្សំមក គឺធ្វើបានហើយ។

គ្រឿងផ្សំ

ម្សៅមី កន្លះគីឡូ
ពងមាន់ ១ឬ២ គ្រាប់
ប៊័រ ១កំប៉ុង
ទឹកដោះគោខាប់ ១កំប៉ុង
អំបិល ១ចិប
មីឡូ ២ឬ៣ កញ្ចប់
ប្រេងឆា ១ចានគោម

របៀបធ្វើ

១ / លាយម្សៅមី,ប៊័រ១ស្លាបព្រា,អំបិល១ចិប,ពងមាន់១,ទឹកបន្ដិច រួចច្របល់អោយសប់ វ៉ៃម្សៅមីអោយស្វិតល្អ បន្ទាប់មកកាត់ដំៗ ដាក់ចូលក្នុង ប្រអប់ប្រេងឆា រក្សាទុកក្នុងទូទឹកកក ៣ម៉ោង។

២ / បន្ទាប់មកយកមួយ ដុំ តប់ម្សៅដាក់ចៀនជាមួយប៊័រ។
លាយមីឡូនឹងទឹកដោះគោខាប់ អាចញ៉ាំបាន៕

ឆ្ងាញ់មាត់ទៀតហើយថ្ងៃនេះ របៀបធ្វើបង្អែមបាញ់ឌុក ដោយសារបច្ចុប្បន្ននេះ មិនសូវមានអ្នកលក់ប៉ុន្មានទេ នៅតាមផ្សារ ចឹងមានតែរៀនធ្វើខ្លួនឯងម្តង។

គ្រឿងផ្សំ

– ម្សៅអង្ករខ្សាយ ១៥០ក្រាម
– ម្សៅឆា ១៥០ក្រាម
– ទឹកស្លឹកតយ (ស្លឹកតយ ៥-១០សន្លឹក, យកតែទឹក ១០៨០មីលីលីត្រ)
– អំបិល ១ស្លាបព្រាកាហ្វេ
– ល្ងរលីង ដាក់តាមការចូលចិត្ត
– ស្ករត្នោត ៤៥០ ក្រាម​
– ទឹក​ខ្ទិះដូង​ ៤៨០ មីលីលីត្រ​

វិធីធ្វើនំ

១. ដំបូងយកឆ្នាំងមកដាក់ម្សៅអង្ករ, ម្សៅឆា, អំបិល និងទឹកស្លឹកតយ រួចកូរចូលគ្នាឲ្យសព្វ។
២. បន្ទាប់មកយកមកដាក់លើភ្លើងកូរ(ត្រូវកូររហូត) ២ទៅ ៣នាទីដំបូងដាក់ភ្លើងខ្លាំង បន្ទាប់មកទៀតដាក់ភ្លើងក្តៅល្មមបានហើយ កូរប្រហែលជា ២០-២៥នាទី។
៣. ២៥នាទីនំបានឆ្អិនលើកវាយកមកចាក់ដាក់ក្នុងថាសវាចឲ្យស្មើ រួចហើយទុកឲ្យត្រជាក់។
៤. បន្ទាប់ពីនំបានត្រជាក់យកមកកាត់ជាដុំៗ តាមដែលចង់បាន ហើយយកវាមកញ៉ាំជាមួយទឹកស្ករ និងខ្ទិះដូងរោយល្ងរដាក់ពីលើ។

វិធីធ្វើទឹកស្ករ

ស្ករត្នោត ៤៥០ក្រាម, ទឹក ៣៦០មីលីលីត្រ, អំបិល បន្តិច, ខ្ញី ១ដុំចិតបន្ទះៗ ដាក់ចូលក្នុងឆ្នាំងទាំងអស់ ដាក់ដាំឲ្យពុះបន្ថែម ម្សៅឆា ១ស្លាបព្រាបាយ កូរវាបន្តិចទៀតជាការស្រេច។

វិធីធ្វើទឹកស្ករ

ខ្ទិះដូង ៤៨០មីលីលីត្រ, ស្ករស ១ស្លាបព្រាបាយ, អំបិល កន្លះស្លាបព្រាកាហ្វេ, ម្សៅឆា ១ស្លាបព្រាបាយ ដាក់ចូលក្នុងឆ្នាំងទាំងអស់កូរវាឲ្យសព្វយកវាដាក់ដាំឲ្យពុះជាការស្រេច៕??
ប្រភពៈ​ HANA

មីខគោ គុយទាវខគោ នំប៉័ងខគោ អ្នកណាចូលចិត្តញ៊ាំខ្លះ ព្រោះថាមួយមុខនេះរសជាតិគឺពិសេសណាស់ណា៎។ សម្រាប់អ្នកដែលចូលចិត្តញ៊ាំ មានដឹងគ្រឿងផ្សំ និងរបៀបធ្វើអត់? ថ្ងៃនេះ Admin និងប្រាប់ពីរបៀបធ្វើខគោនេះ ដើម្បីអោយអ្នកទាំងអស់គ្នាបានធ្វើញ៊ាំដោយខ្លួនឯងនៅផ្ទះ ជុំគ្រួសារ។

គ្រឿងផ្សំដែលត្រូវមាន៖

សាច់គោ សាច់វៀវ រឺសាច់សសៃ ១គីឡូ កាត់ដុំៗ
ប្រហិតសាច់គោ
ការ៉ុត រំដេង
គល់ស្លឹកគ្រៃ
ខ្ទឹមស
ខ្ទឹមក្រហម
ម្ទេសឆ្អើរ ចិញ្ច្រាំម៉ដ្ឋ
គ្រឿងសាតេ
ផ្កាចន្ទ័ បុកម៉ដ្ឋ
បន្លែ(សាលាដ, សណ្ដែកបណ្ដុះ, ត្រកួន, ជីរណា, ជីនាងវង, ម្អម, ខ្ទឹមបារាំង)

របៀបធ្វើ៖

• ដាក់ឆ្នាំងចាក់ប្រេងឆាចូលអោយក្ដៅ ដាក់ខ្ទឹមស ខ្ទឹមក្រហម បន្ទាប់មកដាក់ម្ទេសដែលចិញ្រ្ចាំហើយឆាចូលគ្នាអោយឈ្ងុយ ដាក់ស្ករត្នោតចូលកូរអោយឡើងជើងអង្រ្កង ហើយដាក់សាច់ចូល ចាំបន្ថែមគ្រឿង អំបិល ប៑ីចេង ទឹកត្រី ហើយបង់រំដេងចូល គល់ស្លឹកគ្រៃ គ្រឿងសាតេ ផ្កាចន្ទ័ យករំលីងបុកអោយម៉ដ្ឋល្អ សិនចាំបង់ចូល ឆាចូលគ្នាអោយសព្វ
• ពេលពុះបន្ថែមទឹកធម្មតា រំងាស់វា ១ម៉ោង តាមសាច់ផុយរឺមិនផុយ ពេលផុយល្មមហើយ បន្ថែម ការ៉ុត ប្រហិតសាច់គោ ដាក់ទឹកដោះគោខាប់២,៣ ស្លាបព្រា (ដាក់ក៏បានមិនដាក់ក៏បាន) ភ្លក់មើលល្មមហើយ លើកឡើង
• បន្លែសណ្ដែកបណ្ដុះ និងត្រកួន សំរាប់ស្រុះ ពេលញុាំរៀបសាលាដនៅបាតចាន ទើបដាក់បន្លែស្រុះ ហើយទើប ឆុងមី រឺគុយទាវចូល ហើយទើបដាក់ជី ម្អម ចុងក្រោយដាក់ខ្ទឹមលីងរួចជាការស្រេច៕

ជិតដល់ម៉ោងញ៊ាំបាយថ្ងៃត្រង់ហើយ តើបងប្អូនមានម្ហូបអីញ៊ាំបាយដែរ? សម្រាប់ថ្ងៃនេះសូមចែករំលែក របៀបធ្វើមុខម្ហូប អាចធ្វើញ៊ាំពេលថ្ងៃបាន ត្រៀមឡើងផ្សាររកទិញគ្រឿងផ្សំ ធ្វើឆាមឹកម្រះព្រៅ។

គ្រឿងផ្សំ

-មឹកស្រស់ (យកមកបកសម្បកលាងទឹកអោយស្អាតហាន់ជាដុំៗ)
-ម្ទេសដៃនាង (ម្ទេសទុំបុកកុំអោយម៉ដ)
-ខ្ទឹមស (បកសម្បកចិញ្ច្រាំអោយល្អិត)
-ស្លឹកម្រះព្រៅ (យកមកបេះរួចលាងទឹកអោយស្អាត)
-ម្សៅស៊ុប
-ស្ករស
-ទឹកត្រី
-ប្រេងខ្យង
-ប្រេងឆា

របៀបធ្វើ

-យកខ្ទះមកដាក់លើភ្លើង រួចហើយចាក់ប្រេងឆាចូលបន្តិច រំរីងខ្ទឹមសអោយឡើងឈ្ងុយ រួចហើយដាក់មឹកចូលកូបន្តិច ដាក់ម្ទេសចូល ដាក់ស្ករ ម្សៅស៊ុប ទឹកត្រី ចុងក្រោយដាក់ប្រេងខ្យង ស្លឹកម្រះព្រៅចូល រួចជាការស្រេច ៕
(បើចង់បំពងខ្ទឹមនឹងម្ទេសជាមួយគ្នាក៏បាន)
ប្រភព: Lalinn like cooking

គ្រឿងផ្សំមាន

– ម្សៅអង្ករ2ចានចង្កឹះ
– ម្សៅឆា១ចានចង្កឹះ
– អំបិលចុងស្លាបព្រាកាហ្វេ
– ទឹកក្តៅ២ចានចង្កឹះ(ដាក់អោយល្មមម្សៅអាចលុញបានមិនរាវពេកមិនរឹងពេកអាចថែមថយតាមម្សៅពេលធ្វើ)

១.ចាក់គ្រឿងផ្សំចូលគ្នាអោយច្របាច់អោយសប់ហើយសូនធ្វើរាងវែងខ្លីតាមតំរូវការ
២.ដាំទឹកអោយពុះហើយចាក់ប្រេងឆាចូលរួចចាក់ម្សៅលតឆាដែរលុញរួចចូលម្តងបន្តិចៗ រហូតទាល់អស់ហើយបន្ថយភ្លើងអោយអោយក្តៅពេកខ្លាចបែកម្សៅដែលលុយ រួចមើលម្សៅលតណាដែរអណ្តែតស្រង់ចេញដាក់ត្រាំទឹកត្រជាក់ឬទឹកកកអោយលតល្អមិនបែកផុយ ត្រាំចោល៣នាទីហើយស្រង់ដាក់ជៀល រហូតស្រក់ទឹកអស់ ហើយចាក់ចូលចានដាក់ប្រេងឆាចូល១ស្លាបព្រាទៀតច្របល់អោយសប់ ដើម្បីកុំអោយលតស្អិតជាប់គ្នា ៕ បើចង់ទុកលតបានយូរអាចយកច្រកថង់ហើយទៅដាក់ក្នុងទូរកកបាន

របៀបធ្វើលតសំរាប់ខ្លួនអែង (សំរាប់មនុស្ស២នាក់) តែសម្រាប់បងប្អូនដែលមានគ្នាច្រើនអាចបន្ថែមចំនួនតាមហ្នឹងបានអរគុណ (ប្រភពLi Jing Kidshop)