បង្អែមខ្មែរយើងមានច្រើនមុខណាស់ បង្អែមខ្លះយើងមិនធ្លាប់បានញ៊ាំក៏មាន ដោយសារតែមានតែតាមតំបន់មួយចំនួន។ សម្រាប់បង្អែមបបរគ្រាប់ឈូកនេះ មិនប្លែកពេកនោះទេ គ្រាន់តែមិនសូវមានគេធ្វើលក់តែប៉ុណ្ណោះ តែបើឃើញហើយចាប់អារម្មណ៍ចង់ញ៊ាំគួរណាស់តែមករៀនធ្វើទាំងអស់គ្នា ទុកសម្រាប់ញ៊ាំពេលក្រោយបាយ។ ចំពោះគ្រឿងផ្សំ និងរបៀបធ្វើគឺមាននៅខាងក្រោមនេះ។
▶️ គ្រឿងផ្សំដែលត្រូវមាន៖
- គ្រាប់ឈូក (ស្ងោរបកសំបកចេញពុះជាពីរ)
- សណ្តែកបាយ ស្ងោរឲ្យផុស
- គ្រាប់ឡុកឈិត
- ស្ករស
- អំបិល ១ចុងស្លាបព្រាកាហ្វេ
- ខ្ទិះដូងដើម ១ចានគោមតូចល្មម(ដាក់ក្នុងឆ្នាំងខ្លះពេលដួសញាំខ្លះ)
- ខ្ទិះដូងចុង ១ចានគោមធំ
▶️ របៀបធ្វើ៖
- មុនដំបូងអ្នកត្រូវយកឆ្នាំងចាក់ខ្ទិះដូង(ចុង)ចូលទៅក្នុងឆ្នាំងដាក់ដាំទឹកខ្ទិះឲ្យពុះ
- ពេលដែលទឹកខ្ទិះពុះត្រូវដាក់គ្រាប់ឈូក, សណ្តែកបាយ, ស្ករស និងឡុកឈិតចូលរួធ្វើការកូរបន្តិចសិនហើយគ្រប
- ពេលដែលពុះដាក់ខ្ទិះដូងចូល(ដើម)ទុកមួយសន្ទុះឲ្យពុះម្តងទៀតរួចជាការស្រេច ពេលនោះអ្នកត្រូវដាក់ខ្ទិះដើមបន្តិចផងនោះធ្វើអោយឈ្ងុយ និងកាន់តែឆ្ងាញ់៕
