សព្វថ្ងៃនៅរាជធានីភ្នំពេញ បើយើងជិះកាត់នៅតាមដងវិថីមានការពេញនិយមបំផុតសំរាប់ម្ហូបអាហារជាច្រើនដែលយើងហៅថា Street Food មិនថាជារទេះឬក៏ហាងនានា។

ដូច្នេះសំរាប់ក្រុមការងារ KSPG.TV ថ្មីៗនេះមានការចាប់អារម្មណ៍ទៅលើការលក់ទាអាំង មិនត្រឹមតែប៉ុណ្ណោះ មានឈ្មោះប្លែកៗពីគ្នា​មានអ្នកលក់មួយចំនួនអោយឈ្មោះថា ទាអាំងទឹកឃ្មុំ ទាំអាំងអំបិលម្ទេស​ឬក៏ទាអាំងក្ន​ងពាង ជាដើម។ ស្របពេលនេះ យើងក៏បានប្រទះឃើញអ្នកលក់ទាអាំង មួយកន្លែងបានអោយឈ្មោះ ទាំអាំងរបស់ខ្លួនថា ទាអាំងក្នុងពាងរសជាតិហុងកុង ។

សំរាប់អ្វីដែលក្រុមការងារបានសាកសួរអ្នកលក់សឹងមិនគួរអោយជឿ សំរាប់ទីតាំងមួយកន្លែងលក់ទាអាំងក្នុងពាងរសជាតិហុងកុង ​នេះក្នុងមួយថ្ងៃគឺលក់បានដល់ទៅ ១៧០ទា រហូតដល់១៨០ទា ឯណោះ។ ដូច្នេះវាច្បាស់ជាមានលក្ខណះពិសេសជាក់ជាមិនខានទៅលើរសជាតិ និងតំលៃ បើនិយាយពីរសជាតិវាពិតជាមានរសជាតិឈ្ងុយឆ្ងាញ់មែនទែនទៅលើការផ្សំគ្រឿងរសជាតិ និងសាច់ទាមានភាពផុយ​ ​ស្រួយ ស្រស់ៗតែម្តងដោយសារតែការលក់ដាច់ជារៀងរាល់ថ្ងៃនោះ។

គួរតែមិនចាំបាច់បកស្រាយច្រើនទេណ៎ អ្នកញាំុំប្រាកដជាចង់ដឹងពីតំលៃជាក់ជាមិនខាន ដូច្នេះយើងសូមប្រាប់អ្នកទាំងអស់តែម្តង ទាអាំងក្នុងពាងរសជាតិហុងកុង មួយក្បាលមានតំលៃត្រឹមតែ ២០០០០រៀល​តែប៉ុណ្ណោះ។ តូប ទាអាំងក្នុងពាងរសជាតិហុងកុង អាស័យដ្ឋាន៖ ផ្លូវលេខ ១៩៨៦ កែងផ្លវ ១០០៣ ទូរស័ព្ទទំនាក់ទំនង៖ ០៨៦​៦១៦៣២៣ ម៉ោងលក់៖ ចាប់ពីម៉ោង ១រសៀល ដល់ម៉ោង ៧ល្ងាច វីដេអូ

ទ្រាំមើលតិចទៅ!ព្រោះថាមើលរួចហើយបបួលគ្នាទៅញាុំម្តង! ឡើងទំនងម្លឹងហើយចាំកាលទៀតល្ងាចហ្នឹងហ្មងទៅ ខ្យងឆាការី ងាវឆាការី របស់ហាង ៣ជំនាញ ឈ្ងុយពេញច្រមុះកាន់តែមើលកាន់តែឃ្លានតែម្តង បើតម្លៃវិញក៏ធូរថ្លៃទៀត ជាពិសេសមានរសជាតិឆ្ងាញ់។

ស្ថិតនៅក្រោយសាលា​​ វ៉ាន់ដា ដែលអ្នកដឹងស្រាប់ហើយថា នៅទីនោះគឺពោរពេញទៅអាហារជាច្រើនមុខ ប្លែកៗច្រើន ក្នុងនោះដែរក្រុមការងារយើងសូមណែនាំហាងមួយកន្លែងឈ្មោះថា ហាង៣ជំនាញ ដែលជំនាញក្នុងការធ្វើម្ហូបប្លែកឆ្ងាញ់ៗជូនអតិថិជនខ្លួនមិនអោយខកចិត្តនោះទេ មិនថាប្រភេទអាំង​ ឬគ្រឿងក្លែមគឺអ៊ែមតែម្តង ហើយសម្រាប់មុខម្ហូបខ្យងឆាការី ងាវឆាការីនេះវិញគឺទាក់ចិត្តអ្នកញាុំខ្លាំងណាស់ ភាយតែក្លិនឈ្ងុយទ្រាំមិនបានទេ! ហើយបើនិយាយពីរសជាតិវិញគឺឆ្ងាញ់ប្លែកមាត់។

ហាងមួយក្នុងចំណោមនោះគឺសុទ្ធសឹងជាម្ហូបអាហារអាំង មានច្រើនណាស់ ទាំងប្រហិត មាន់អាំង ជើងមាន់អាំង​ ស្លាបមាន់អាំង និងមានច្រើនទៀត ហើយអ្នកអាចរើសបានតាមចិត្ត មានអី! ល្ងាចនេះសាកប្តូរអារម្មណ៍ម្តងមើល៍ ជុំពួកម៉ាកនៅក្រោយវ៉ាន់ដាម្តងមើល៎

ហាង ៣ជំនាញ ទូរស័ព្ទ៖ 081 777 868 ទីតាំង៖ ផ្លូវក្រោយសាលាវ៉ាន់ដា ផ្លូវ៤០២ ឆ្ពោះទៅរកស្ថានទូតចិន ទល់មុខហាង Beer Connection វីដេអូ

សូមស្រាយចម្ងល់ឲ្យអស់ម្តង ដើម្បីលោកអ្នកបានដឹង ព្រោះអីល្បីយូរហើយសាលាបឋមទួលទំពូងល្បីថាមានរបស់ញុាំច្រើនណាស់ ហើយអ្វីដែលតែងតែនិយាយតៗគ្នានោះគឺមីប្រហិតទួលទំពូងនឹងតែម្តង ចឹងចង់ដឹងថាក្រៅពីមីតើមានអ្វីខ្លះទៅ ហើយល្បីដូចគេនិយាយអត់!

និយាយទៅចាប់តាំងពីផ្លូវចូលគ្រាន់តែឃើញមនុស្សច្រើនចេញចូលពេញផ្លូវយើងដឹងបាត់ទៅហើយវាពិតជាល្បីមែន លឺកម្មង់នេះកម្មង់នោះ តាមផ្លូវចូលវិញមានលក់នំគ្រប់មុខមាននំបាញ់ខ្លាញ់ ប្រហិតបំពងគ្រប់មុខដាក់ពេញៗថាសលក់រើដៃសឹងមិនទាន់  មានទាំងវត្ថុអនុស្សាវរីយ៍ព្រួរពេញផ្លូវ ហើយបើដើរទៅមុខបន្តិចអ្នកនឹងឃើញតូបមួយកន្លែងមានចាន មានចង្កឹះដាក់ត្រួតគ្នាគររាប់រយចាន ដឹងអត់ថាគេលក់អី? គឺកន្លែងដែលគេល្បីនោះអីមីប្រហិតទួលទំពូងនិយាយរួមទៅ គឺមានអ្នកអង្គុយចាំ​ ឈរចាំ រហូត ! ហើយលឺមាត់ថា មីដុំ មីកញ្ចប់ ប្រហិតឌុប ឈាមឌុប បន្តគ្នាតែម្តងហើយ។

សម្រាប់អ្នកដែលធ្លាប់រៀននៅសាលាទួលទំពូងអាចទៅរំលឹកអនុស្សាវរីយ៏កាលពីកុមារភាពបាន​ បបួលគ្នាយើងតោះ! ទៅហូរញីសជាមួយមីប្រហិត ចាំកាល់ទៀត តោះនាំគ្នាទៅញាុំបានហូរញើស ស្រួលខ្លួន ទាំងអស់គ្នា​ណា៎ ។ អូ! ភ្លេចប្រាប់បើចង់ញាុំប្រហិតអាចតេកម្មង់មុនបានណាប្រហិតបងអៀង លេខទូរស័ព្ទ 069 202 745 ។

មីប្រហិតទួលទំពូង ទូរស័ព្ទ៖ 088 772 9138 អាស័យដ្ឋាន៖ នៅក្នុងវត្តទួលទំពូង (ខាងសាលាបឋមសិក្សាទួលទំពូង) វីដេអូ

ជើងជ្រូកបំពង បើស្តាប់ទៅសាមញ្ញៗ តែតាមពិតជាក់ស្តែងសម្រាប់ហាង Seafood Zone វិញការចំអិនជើងជ្រូកបំពងទឹកជ្រលក់ពិសេស មួយចាននេះ មិនមែនធម្មតាៗ ដូចជាឈ្មោះនោះទេ គឺចុងភៅត្រូវធ្វើមុខម្ហូបនេះ ជាច្រើនដំណាក់កាល ហើយមានគ្រឿងផ្សំជាច្រើនដើម្បីកែប្រែរសជាតិ ជើងជ្រូកបំពងនេះប្លែក ក៏ដូចជាមានក្លិនឈ្ងុយខុសពីជើងជ្រូកបំពងធម្មតា។

រំងាស់ក្នុងទឹកពុះដែលមានគ្រឿងផ្សំជាច្រើនមុខ អោយចូលជាតិសព្វសាច់ទាំងមូល ហើយស្រង់យកមកបំពងប្រេងឆា អោយស្រួយស្បែក សាច់ខាងក្នុងក្តៅទន់ បន្ថែមជាមួយទឹកជ្រលក់ពិសេស ធ្វើអោយមុខម្ហូបមួយចាននេះមិនទ្រលន់នោះទេ គឺថាម៉ាអ៊ែមហ្មង ធានាថាឆ្ងាញ់ប្លែកមាត់។

ជើងជ្រូកបំពងទឹកជ្រលក់ពិសេស តម្លៃ៣០០០០៛ នេះជាមុខម្ហូបថ្មីមួយ ក្នុងចំណោមមុខម្ហូបថ្មីៗជាច្រើនទៀត ដែលក្រៅពីនេះរួមមាន បង្គារទឹកកកភ្នែក, សាច់គោជ្រុញដែក 20000៛, ត្រីសាម៉ុន Seafood Zone ២៨០០០៛ មុខម្ហូបទាំងនេះសុទ្ធសឹងតែជាមុខម្ហូបពិសេស ថ្មីហើយលក់ដាច់ប្រចាំហាងទៀត ចឹងល្ងាចនេះកុំភ្លេចណាចង់រកកន្លែងជួបជុំគ្នា នឹកឃើញហាង Seafood Zone ដែលបើកដំណើរការលក់ចាប់ពីម៉ោង ៤ល្ងាច ដល់ម៉ោង ១១យប់។

ហាង Seafood Zone ទូរស័ព្ទ៖ 081 66 80 80 ទីតាំង៖ ទល់មុខអតីត The Summer ផ្ទះលេខ 25B ផ្លូវលេខ 294 សង្កាត់ ទន្លេបាសាក់ ខណ្ឌចំការមន រាជធានី ភ្នំពេញ ឬ អាចធ្វើការ Click តាមរយះ Link ខាងក្រោមនេះ ដើម្បីស្វែងរកទីតាំង https://goo.gl/maps/6RuQCtuhe6P2 វីដេអូ

មិនដឹងនិយាយម៉េចទេក្រៅពីថាឆ្ងាញ់ប្លែកមាត់ មីតុងយាុំដែលល្បីឆ្ងាញ់នៅប្រទេសថៃពេលនេះបានមកដល់ហើយ នៅក្បែរវិទ្យាល័យព្រះយុគន្ធរនេះឯង ប្រសិនបើបានសាករសជាតិមីមួយចាននេះវិញ សូមធានាថាលាន់មាត់ប្លែកមិនខានទេ ចឹងចង់ញាុំមីដែលមានរសជាតិប្លែកនេះគីមាននៅហាង មីតុងយាំុអះរ៉យ ។

មិនមែនអួតទេតែវាពិតមែន មីតុងយុាំដែលមានលក់នៅក្នុងហាង មីតុងយាំុអះរ៉យ នេះគឺទំនងណាស់គ្រាន់តែមើលក៏ចង់ញាុំដែរ ហើយក្រុមការងារយើងបានសាករួចហើយពិតជាឆ្ងាញ់ប្លែកមាត់មែនត្រូវចិត្តអ្នកញាុំណាស់ មានដល់ទៅ៤មុខ សម្រាប់ជ្រើសរើសមានដូចជា៖ មីតុងយុាំបង្កងស្រស់ មីតុងយុាំសាច់ជ្រូកចិញ្រ្ចាំ ឆ្អឹងជំនីជ្រូកយិនស៊ិន មីតុងយុាំប្រហិតគ្រប់មុខ និយាយទៅទាំងសាច់ បន្លែ មានបង្គាដល់ទៅ២ដាក់មកពេញចានល្មម តម្លៃត្រឹម១០០០០ទៅ ១២០០០៛​ ចាំអីទៀត មិនតែប៉ុណ្ណោះរួមទាំងមានទឹកតំណាប់ឈើសុខភាពស្រស់ៗផងដែរ។​

សម្រាប់ហាង មីតុងយាំុអះរ៉យ ក្រៅពីមានមីតុងយាុំឆ្ងាញ់ហើយនោះ ទាំងអនាម័យ និងទីកន្លែងស្អាតមានផាសុភាពទៀតផង កុំភ្លេចបបួលគ្នាសាករសជាតិ មីតុងយាុំអះរ៉យឆ្ងាញ់ល្បីខ្លាំងនៅប្រទេសថៃម្តងមើល៍ថាប្លែកដូចគេនិយាយអត់។

ហាង មីតុងយាំអះរ៉យ – ARoy ទូរស័ព្ទ៖ 081 945 700 ទីតាំង៖ 16Eo ផ្លូវ276 វិទ្យាល័យព្រះយុគន្ធរ បត់តាមផ្លូវម៉ូម៉ូជិតសាលាចិនលិបឃុន 150ម៉ែត្រ វីដេអូ

ពេលល្ងាចឡើង សម្រាប់បងប្អូនដែលនៅក្បែរម្តុំផ្សារឌុយម៉ិច​ ប្រាកដជាដឹងច្បាស់ថានៅទៅនោះសម្បូរទៅដោយអាហារញាុំ ដូចជា៖ទា មាន់ ក្រូច ជើងមាន់បំពង ស្លាបមាន់បំពង គ្រឿងក្នុងបំពង គ្រឿងក្លែមផ្សេងៗទៀត ជាច្រើនដាក់លក់ជាហូរហែនៅនិងមុខផ្ទះ ហើយជាភាពងាយស្រួលដល់លោកអ្នកដែលមិនចង់ធ្វើម្ហូបញាុំដោយខ្លួនឯង ចង់ទិញម្ហូបចម្អិនស្រាប់ ចឹងអាចទៅរកបាននៅម្តុំផ្សារឌុយម៉ិច។

និយាយទៅនៅម្តុំផ្សារឌុយម៉ិច ជាកន្លែងមួយសម្រាប់បងប្អូនយើងមួយចំនួនដែលគាត់សម្រាកពីកាងារគាត់តែងតែជួបជុំគ្នាពិសារអាហារ អ្នកខ្លះទៀតគាត់ទិញខ្ចប់យកមកផ្ទះ ដោយសារនៅម្តុំនោះផ្ទាល់មានម្ហូបច្រើន ដូចនេះដែរប្រសិនបើលោកអ្នកម្តងម្កាល មិនចង់ធ្វើម្ហូបដោយខ្លួនឯងទេអាចរកបានណាម្តុំផ្សារឌុយម៉ិចគឺតម្លៃធូរថ្លៃទេអាចញាុំបានចំណាយលុយតិច។

ហាង ម្តុំផ្សារឌុយម៉ិច ទីតាំង៖ នៅជិតផ្សារឌុយម៉ិច ផ្លូវ១៣៤ កែងផ្លូវ១០៩ វីដេអូ

ប្លែកអត់?មកសាងស្នេហ៍ស្លាបមាន់ក្រឡុករសជាតិថ្មី កន្លងមកយើងបានដឹងស្រាប់ហើយថា ស្លាបមាន់ក្រឡុកពិតជាសម្បូរណាស់ សព្វថ្ងៃ ហើយតែងមានរសជាតិប្លែកៗខុសគ្នាទៅតាមការច្នៃប្រឌិតរបស់ហាងនីមួយៗ ជាក់ស្តែងថ្ងៃនេះដែរ យើងសូមលើកយកកន្លែងលក់ស្លាបមាន់ក្រឡុកមួយអាចនិយាយថាប្លែកមាត់តែម្តង! ហាងនោះមានឈ្មោះថា ​Mr. Chicken សាងស្នេហ៍ គឺកំពុងតែទាក់ចិត្តអ្នកញុាំនៅម្តុំនៅផ្លូវ៣៦០។

ហាង Mr. Chicken សាងស្នេហ៍ដែលមានទីតាំងនៅផ្លូវ៣៦០ គឺទទួលការពេញនិយមពីអតិថិជនរបស់ខ្លួន អំពីរសជាតិនៃស្លាបមាន់បំពង ជើងមាន់បំពង គ្រួចបំពងស្រួយស្រឹប យើងអាចជ្រើសរើសគ្រឿងក្រឡុករសជាតិថ្មីពិសេស 7យ៉ាង មានដូចជា៖ ជូ ហិល ម្ទេស ខ្ទឹម តុងយាំ BBQ ស្លឹកតយ រសជាតិប្លែកមាត់តែម្តង អាចរើសតាមចំណូលចិត្ត ហើយមានភ្ញៀវច្រើនណាស់ទាំងអ្នកញាំុក្នុងហាងផង នឹងខ្ចប់ផង ហើយម្ចាស់ហាងបានប្រាប់មកក្រុមកាងារយើងថាគាត់លក់អស់ជើងមាន់ចាប់ពី៥០ ទៅ៦០គីឡូក្នុង១ថ្ងៃ។

ហើយអ្វីដែលជាចំនុចសំខាន់ដែល​ធ្វើអោយហាងគាត់មានការគាំទ្រខ្លាំងទៅទៀតនោះ គឺគាត់បានបន្ថែមទឹកជ្រលក់ប្រើរូបមន្តពិសេស ទឹកម្រេច  និងទឹកសុីអុីវដែលធ្វើអោយរសជាតិឆ្ងាញ់ជក់មាត់សម្រាប់អ្នកញាុំ ហើយកាន់តែពិសេសនោះហាងរបស់គាត់មានកន្លែងសម្រាប់ភ្ញៀវអាចអង្គុយញាុំ ជជែកគ្នាលេងបណ្តើរ ដើម្បីជាភាពស្និតស្នាលជាមួយមិត្តភ័ក្រផងដែរ និងលោកអ្នកក៏អាចតេទូរស័ព្ទទំនាក់ទំនង សំរាប់ការកម្មង់ 098 88 50 51។

ហាង Mr. Chicken សាងស្នេហ៍ ទូរស័ព្ទ៖​ 098 88 50 51 ទីតាំង៖ ផ្លូវលេខ 36០ កែង ផ្លូវលេខ 115 (ជិតឡានទឹក) វីដេអូ