អ្នកណាខ្លះចូលចិត្តធ្វើអីញ៊ាំដោយខ្លួនឯង ដោយមិនចូលចិត្តចេញទៅក្រៅទិញរបស់គេញ៊ាំ។ ម៉ោះ បែបនេះមកសាកធ្វើយ៉ាំនំបញ្ចុកត្រីប្លាធូ ញ៊ាំម្ដងមើល៎រសជាតិឆ្ងាញ់ណាស់ណា៎ ជាពិសេសគឺថាហិរៗបើញ៊ាំពេលមេឃភ្លៀងអាកាសធាតុត្រជាក់អី ដឹងតែក្ដៅក្រពះក្ដៅសាច់ស្រួលខ្លួនហ្មងហើយ។ សម្រាប់របៀបធ្វើ និងគ្រឿងផ្សំដែលត្រូវទិញយកមកធ្វើ Admin ទុកនៅខាងក្រោមនេះណា។

▶️ គ្រឿងផ្សំដែលត្រូវមាន៖

• ត្រីផ្លាធូ ១
• ខ្ទឹមក្រហម ៥មើម
• ក្រូចឆ្មារ ៥ផ្លែ
• ម្ទេសស្រស់ ១៥គ្រាប់
• ជីរណា ៥សន្លឹក
• ទឹកត្រី ២ស្លាបព្រាបាយ
• ស្ករក្រហម ១ស្លាបព្រាបាយ
• ទឹកប្រហុក ២ស្លាបព្រាបាយ
• ប៊ីចេង កន្លះស្លាបព្រាកាហ្វេ
• ម្ទេសហុយ
• ម្ទេសក្រៀម
• សណ្ដែកគួរ
• ជីវ៉ាន់ស៊ុយ

▶️ វីដេអូបង្រៀនធ្វើ៖

មួយរយៈនេះនរណាមិនល្បីរឿងកាំប្រម៉ាសមុទ្រ ព្រោះថាឆ្ងាញ់ហើយប៉ូវកម្លាំង និងជំនួយសុខភាពថែមទៀត។ សម្រាប់អ្នកខ្លះក៏បានញ៊ាំហើយ អ្នកខ្លះច្បាស់ជាមិនទាន់បានញ៊ាំទេមើលទៅ បែបនេះបើចង់សាក ភ្លក់រសជាតិគ្រឿងសមុទ្រដែលកំពុងពេញនិយមនេះបបួលគ្នាមកហាង Best FOOD មកដឹងតែមិនអោយខកបំណងហ្មង។

ចុងភៅដ៏ជំនាញនៅហាង Best FOOD យកកាំប្រម៉ាសមុទ្រនេះមកចម្អិនដោយអាំង និងធ្វើការច្នៃចំហុយជាមួយគ្រឿងផ្សំពិសេសហើយ និងមានទឹកត្រីកោះកុងហិរៗដែលល្បីប្រចាំហាងសម្រាប់ស្រោចញ៊ាំទៀតឆ្ងាញ់តិចអី។ ក្រៅពីកាំប្រម៉ាសមុទ្រនេះ ក៏មានលៀសផ្លិតអាំងអំបិលម្ទេស លៀសសមុទ្រអាំងអំបិលម្ទេស ប៉ាវហឺអាំងស្រោចទឹកត្រីកោះកុងផងដែរ គឺថាសុទ្ធតែប្រភេទគ្រឿងសមុទ្រដែលប៉ូវកម្លាំងតែម្ដង។

តោះ នៅចាំអីទៀតស្គាល់កន្លែងដែលមានរបស់ឆ្ងាញ់ៗប៉ូវកម្លាំង បែបនេះហើយបបួលគ្នាមកញ៊ាំមកណាជាពិសេសជូនម៉ាក់ជូនប៉ា ក្រាស់ និងសំណព្វចិត្តមកញ៊ាំមក។ ល្ងាចនេះ កុំភ្លេចណាកាំប្រម៉ាសមុទ្រអាំង ចំហុយ លៀសផ្លិតអាំងអំបិលម្ទេស លៀសសមុទ្រអាំងអំបិលម្ទេស ប៉ាវហឺអាំងស្រោចទឹកត្រីកោះកុង រងចាំលោកអ្នក៕

ហាង Best FOOD
លេខទូរសព្ទ៖ 069 41 41 44 / 061 41 41 44
ទីតាំង៖ ក្រោយស្តុប pizza company ផ្លូវ 261 កែងផ្លូវ 150 សង្កាត់ទឹកល្អក់មួយ(ទល់មុខទីក្រុងអាន់ឆ័រ)

វីដេអូ៖

សាច់​ក្តាម​ឆា​ម្រះ​ព្រៅ​ ជា​អាហារ​បែប​ថៃ​ ដែល​អាហារ​មួយ​មុខ​នេះ​គេ​ញ៉ាំ​ហឹរ​ទើប​ឆ្ងាញ់​ ដោយ​សារ​តែ​សាច់​ដែល​យក​មក​ឆា​គេ​ប្រើ​សាច់​ក្តាម​សុទ្ធ​តែ​ម្តង​ និង​ប្រើ​គ្រឿង​ផ្សំ​ផ្សេង​ៗ​ដាក់​លាយ​ជា​មួយ​ស្លឹក​ម្រះ​ព្រៅ​។​ កុំ​ទាន់​គិត​ដល់​រសជាតិ​ បើ​គ្រាន់​តែ​ឃើញ​ពណ៌​ម្ហូប​ហើយ​ ក៏​នាំ​យើង​ស្រក់​ទឹក​មាត់​បាន​ដែរ។​ បើ​បាន​ដួស​សាច់​ក្តាម​ពេញ​មួយ​ស្លាប​ព្រា​ ដាក់​ចូល​មាត់​ មិន​ដឹង​ថា​មាន​ក្តី​សុខ​យ៉ាង​ណា​ទេ​លោក​ បើ​ឃ្លាន​ដូច​ Admin ដែរ​ មក​សាក​ធ្វើ​ញ៉ាំ​ទាំង​អស់​គ្នា​៖

​គ្រឿង​ផ្សំ​៖

• សាច់​ក្តាម​ ២៥០ ក្រាម
• ស្លឹក​ម្រះ​ព្រៅ​ ១ កូន​ចាន
• ម្ទេស​ក្រហម​ ២ ស្លាប​ព្រា​បាយ
• ខ្ទឹម​ស​ចិញ្ច្រាំ​ហើយ​ ២ ស្លាប​ព្រា​បាយ
• ទឹក​ស៊ីអ៊ីវ​ កន្លះ​ស្លាប​ព្រា​បាយ
• ទឹក​ត្រី​ កន្លះ​ស្លាប​ព្រា​បាយ
• ប្រេង​ខ្យង​ ២ ស្លាប​ព្រា​បាយ
• ស្ករ​ស​ ១ ស្លាប​ព្រា​បាយ
• ទឹក​ស៊ុប​ កន្លះ​កូន​ចាន
• ពង​ទា​ចៀន​ ១ គ្រាប់​ (យក​ជ័រ​ភ្នៅ)​
• បាយ​មួយ​ចាន

វិធី​ធ្វើ​៖

១. ដាក់​ខ្ទះ​លើ​ភ្លើង​ទុក​ឲ្យ​ក្តៅ​បន្តិច​ ដាក់​ប្រេង​ចូល​ បន្ទាប់​មក​ដាក់​ខ្ទឹម​ស​ចូល​ រួច​លីង​វា​ឲ្យ​ឈ្ងុយ

២. ដាក់​ទឹកស៊ុប​ និង​ទឹក​ស៊ីអ៊ីវ​ ជា​មួយ​ទឹក​ត្រី​ចូល​ បន្ទាប់​មក​ដាក់​ប្រេង​ខ្យង​ និង​ស្ករ​ ចូល​ឆា​ឲ្យ​សព្វ​

៣. ដាក់​ស្លឹក​ម្រះ​ព្រៅ​ចូល​ឆា​ឲ្យ​ឡើង​ឈ្ងុយ​ បន្ទាប់​មក​ដាក់​សាច់​ក្តាម​ចូល​ ឆា​​សព្វ​ ជា​ការ​ស្រេច​។​

៤. ដួស​ដាក់​ពី​លើ​បាយ​ រួច​ដាក់​ពង​ទា​ចៀន​ហើយ​ពី​លើ​ យើង​អាច​ទទួល​ទាន​បាន​យ៉ាង​ជក់​មាត់​។

ផ្អកកំពឹសជាអាហារប្រចាំរបស់អ្នកភូមិតាមខេត្ត ជាពិសេសអ្នកខេត្តជាប់សមុទ្រពូកែធ្វើណាស់ ឡើងឆ្ងាញ់។​ ដាក់ថែមតែម្ទេសឲ្យហឹរ មានពពាយខ្ចីៗបន្ថែមទៀត ដឹងតែញ៉ាំគ្មានដឹងឆ្អែតទេ។​ តែបើនៅភ្នំពេញប្រហែលជាពិបាករកទិញបន្តិច ទោះមានក៏មិនសូវល្អប៉ុន្មានដែរ សំខាន់ថ្លៃទៀត។ បើចង់ញ៉ាំឈប់ពិបាកទៀតទៅ ទិញតែកំពឹងស្រស់ៗ និងគ្រឿងផ្សំប៉ុន្មានមុខនេះមក ដឹងតែធ្វើញ៉ាំខ្លួនឯងបានហើយ។​

គ្រឿងផ្សំ៖​

• កំពឹស ៣ ខាំ ឬ លៃល្មមពេញកែវរបស់យើង
• អង្ករខ្សាយលីង រួចបុកវាអោយម៉ដ្ឋ ៣ ទៅ ៤ ស្លាបព្រាបាយ
• អំបិលម៉ដ្ឋ កន្លះកូនចាន
• រំដេងខ្ចី ១ កូនដុំតូច ហាន់ជាសរសៃៗ
• ខ្ញី ១ កូនដុំតូច ហាន់ជាសរសៃៗ

វិធីធ្វើ៖

១. លាងកំពឹសអោយស្អាត ទុកអោយស្រស់ទឹក។ ពេលកំពឹសស្រស់ទឹកហើយ យកវាមកប្រលាក់អំបិល ហើយញាត់ចូលទៅក្នុងកែវអោយពេញ កុំអោយមានចន្លោះ បើនៅសល់ចន្លោះយើងត្រូវដាក់អំបិលពីលើ។

២. ផ្អាប់ទុកចោល ៣ ថ្ងៃ សឹមដាក់អង្ករលីងបុក រំដេង និង ខ្ញីចូល ហើយផ្អាប់ទុកចោល ២ ទៅ ៣ ថ្ងៃទៀត (តែកុំអោយពេញកែវពេក ខ្លាចអង្ករលីងរីក ហៀរទឹកចេញក្រៅ) ទុកវាចោល ១ យប់ទៀត។

៣. ពេលដែលអង្ករលីងកាច់ហើយសឹមដាក់ល្ហុងឈូសចូល ទុកចោល ១ យប់ទៅ ២ យប់យើងអាចញុំាបាន។

៤. ពេលដែលវាឡើងជូរល្មមឆ្ងាញ់ហើយ ដួសដាក់ចាន លាយគល់ស្លឹកគ្រៃហាន់ស្តើងៗ និងជី ច្របល់ចូលគ្នា (បើចូលចិត្ត) ហើយញេចម្ទេសអោយហឹរៗ ញុំាជាមួយបន្លែស្រស់ៗដែលយើងចូលចិត្ត៕

និយាយដល់ម្លុកទូលទំពូងអ្នកដែលចូលចិត្តដើរញ៊ាំច្បាស់ជាដឹងស្រាប់ហើយថាតំបន់នេះ សម្បូរហាងលក់របស់ញ៊ាំសឆ្ងាញ់ៗច្រើនប៉ុណ្ណា ហើយបើថាឃ្លាននំប៉័ងសៀវម៉ៃក្នុងតំបន់នេះគេច្បាស់ជានឹកឃើញដល់ហាង នំប៉័ងសៀវម៉ៃអាំង១៦៨ មុនគេហ្មងព្រោះថាល្បីឆ្ងាញ់ម៉ូយៗពេញហាងមិនដែលចេះស្ងាត់ទេ។

មានដឹងអត់ចំណុចពិសេសដែលធ្វើអោយនំប៉័ងសៀវម៉ៃអាំង១៦៨ មានម៉ូយច្រើន ដែលគេបានញ៊ាំហើយតែងសរសើរអំពីរសជាតិដ៏ឆ្ងាញ់នោះគឺ សាច់ជ្រូកសាច់សៀវម៉ៃអាំងដែលមានគុណភាពល្អ យកមកដាក់ជាមួយនំប៉័ង ស្រោចទឹកត្រីខ និងមានជ្រក់ឆៃថៅ​មានរសជាតិជូរដិត ធ្វើអោយញ៊ាំជាមួយគ្នាទៅត្រូវជាតិគ្នាខ្លាំងបានញ៊ាំហើយជាប់ចិត្តជាមួយរសជាតិដ៏ពិសេសហ្មង ហើយបើបានញ៉ាំជាមួយភេសជ្ជៈអាយ៍កូឡាកាន់តែឆ្ងាញ់។ ដោយសារតែរសជាតិពិសេសបែបនេះហើយ ធ្វើអោយហាងលក់ដាច់ខ្លាំងមួយថ្ងៃនំប៉័ងលក់អស់ចាប់ពី៣០០ដើម ដល់៣៥០ដើមឯណោះ។

ស្គាល់កន្លែងឆ្ងាញ់ហើយ ត្រូវតែខលណាត់គ្នាទៅញ៊ាំហើយណាព្រោះថាបើរំលងខ្លាចស្គម។ សម័យនេះហើយស្គមម៉េចស្ទាវ ចឹងមកវឺតមកជាមួយដៃគូរពូកែញ៊ាំរបស់អ្នក ជាពិសេសសំណព្វចិត្តក្រាស់ដំបូងក្រាស់ចុងក្រោយអីហៅមកញ៊ាំជុំគ្នាមកណា?៕

ហាង នំប៉័ងសៀវម៉ៃអាំង១៦៨
លេខទូរសព្ទ៖ 070 34 81 61 / 081 660 760
ទីតាំង៖ ផ្លូវ១៥៥ កែងផ្លូវ៤៦៤ (ផ្សារទួលទំពូង)

វីដេអូ៖

ថ្ងៃចុងសប្ដាហ៍បែបនេះ បើសិនជាអាចគួរតែធ្វើម្ហូបញ៊ាំជុំគ្រួសារ ព្រោះថាធ្វើការរាល់ថ្ងៃបាយថ្ងៃរាល់ថ្ងៃហើយ ដើម្បីអោយគ្រួសារកាន់តែមានភាពស្និទ្ធស្នាល និងមានសុភមង្គលគឺបាយផ្ទះជុំគ្នានឹងហើយ។ ហើយបើថាមិនដឹងស្លរអ្វី អាចមកសាកធ្វើសម្លការខៀវសាច់មាន់នេះបានណា ព្រោះថារសជាតិគឺឆ្ងាញ់ប្លែកជាងសម្លការីដែលយើងធ្លាប់ញ៊ាំរាល់ដង សម្រាប់គ្រឿងផ្សំ និងវិធីបង្រៀនធ្វើគឺមាននៅខាងក្រោម។

▶️ គ្រឿងផ្សំដែលត្រូវមាន៖

សាច់មាន់ ២ខាំ
ជីនាងវង ៨ត្រួយ
ស្លឹកក្រូចសើច ៧សន្លឹក
ម្ទេសដៃនាងតូច ៣ផ្លែ
ត្រប់ស្រួយ
ត្រប់ញង
គ្រឿងបុកការីខៀវ ៣ស្លាបព្រាបាយ (ខ្ទឹមស ស្លឹកគ្រៃ ម្ទេស)
ស្ករក្រហម ១ពែងកាហ្វេ
ខ្ទិះដូងដើម២៥០ មីលីលីត្រ
ខ្ទិះដូងចុង ៧០០មីលីលីត្រ
ទឹកត្រី ២ស្លាបព្រាកាហ្វេ
កាពិ ១ស្លាបព្រាកាហ្វេ
ខ្ជាយ ២មើម

▶️ វីដេអូបង្រៀនធ្វើ៖

ដល់ពេលទំនងពេកចឹងពេក គិតមើលអត់ទៅញ៉ាំម៉េចបាន លើកនេះសុំបង្ហាញម្ហូបផ្គាប់ចិត្តអ្នកចូលចិត្តញ៉ាំបុកល្ហុងម្តងមើល៍ ឃើញតែប៉ុណ្តឹងពិបាកទ្រាំហើយមើលទៅ មានអ្នកណាខ្លះ ម៉ូយហាង តុងហេង បុកឥតល្ហែ ?

ជឿជាក់ថាមានអ្នកស្គាល់ច្រើន សម្រាប់ហាង តុងហេង បុកឥតល្ហែ ដោយតែនៅទីនោះល្បីខ្លាំង លឺគេនិយាយតៗគ្នាថា បុកល្ហុងឆ្ងាញ់គ្រប់មុខហ្មង​ បុកដោយស្នាដៃចុងភៅកូនខ្មែរមកពីប្រទេសថៃ ដែលតស៊ូច្រើនឆ្នាំរហូតមកដល់ពេលនេះ អាចបង្កើតអាជីវកម្មខ្លួនឯង ហើយទទួលបានការគាំទ្រខ្លាំងពីសំណាក់អតិថិជនយ៉ាងពេញទំហឹងតែម្តង។ ធានាថាមិខកចិត្តទេ មានគ្រប់មុខ បុកងាវ បុកល្ហុងបែបថៃ បុកល្ហុងក្តាមសេះ ហើយមួយទៀតនោះគឺ បុកឈុតរួមចម្រុះ មានគ្រប់មុខតែម្តងចម្រុះគ្នាក្នុងចានតែមួយ អាចញ៉ាំជុំគ្នាបាន ពី៤ ទៅ៦នាក់ ធានាថាដឹងតែឆ្ងាញ់ហ្មង។

ហាង តុងហេង បុកឥតល្ហែ មានប្រភេទបុកល្ហុងច្រើនរសជាតិ បែបឡាវ ថៃ ឥសាន្ត ហើយមិនតែប៉ុណ្ណោះ ក៏មានមុខម្ហូបកម្មង់ និងភេសជ្ជៈគ្រប់មុខផងដែរ សម្រាប់ទីតាំងគឺនៅម្តុំទួលទំពូងផ្លូវ៤៥៦ កែងផ្លូវ123យើងនេះឯង៕

ហាង តុងហេង បុកឥតល្ហែ
លេខទូរសព្ទ៖ 088 54 56 533
ទីតាំង៖ ផ្លូវ៤៥៦ កែងផ្លូវ123 សង្កាត់ទួលទំពូង ខណ្ឌចំការមន ភ្នំពេញ

វីដេអូ៖

ភ្លេចៗខ្លួនចុងខែទៀតហើយ កាបូបក៏ស្វិតទៅតាមហ្នឹងដែរ បើនៅតែបាយហាងទៀតច្បាស់ជាដាច់ខ្យល់មិនខាន បែបនេះជម្រើសល្អគួរតែសារេបាយផ្ទះខ្លះទៅក្រែងបានសល់លុយខ្លះទុកទិញស្ករ ប៊ីចេង ទុកសម្រាប់ខែក្រោយ។ ហាសហា ប៉ុន្មានឃ្លាខាងលើAdmin និយាយលេងទេណា តែគ្រាន់ថាបើធ្វើបានក៏ល្អដែរបាយផ្ទះធ្វើដោយខ្លួនឯង រសជាតិដែលយើងចូលចិត្ត តោះថ្ងៃនេះមកមើលពីគ្រឿងផ្សំ និងវីដេអូបង្រៀនធ្វើបាយឆាកាពិ ទាំងអស់គ្នា ទុកធ្វើញ៊ាំខ្លួនឯង រឺធ្វើសម្រាប់ម៉ាក់ ប៉ា និងសំណព្វចិត្តអីចឹងទៅ?។

▶️គ្រឿងផ្សំដែលត្រូវមាន៖

• បាយ ១ចាន
• កាពិ ១ស្លាបព្រាកាហ្វេ
• ប្រេងខ្យង ៣ស្លាបព្រាកាហ្វេ
• ស្ករក្រហម ១ពែង
• ប៊ីចេង ១ស្លាបព្រាកាហ្វេ
• ខ្ទឹមក្រហម ៤មើម
• សណ្ដែកគួរ ៥សរសៃ
• ស្វាយ មួយចំហៀង
• ហ៊ីប៊ី(បង្គាក្រៀម) ២ស្លាបព្រាបាយ
• សាច់ក្រក ១ដុំ
• ម្សៅស៊ុបខ្នរ ១ស្លាបព្រាកាហ្វេ
• ទឹកស៊ីអ៊ីវ ២ស្លាបព្រាកាហ្វេ
• ទឹកស៊ីអ៊ីវខាប់ ៣ស្លាបព្រាកាហ្វេ
• ពងមាន់ ១គ្រាប់
• សាច់ជ្រូក ២ខាំ
• ម្ទេស ៥ផ្លែ
• ម្រេចស ២ស្លាបព្រាកាហ្វេ
• ម្ទេសបុកជាមួយខ្ទឹមស(ម្ទេស១០គ្រាប់ ខ្ទឹមស ៣កំពឹស)
• គល់ជីវ៉ាន់ស៊ុយ ៨គល់
• ក្រូចឆ្មា ១ចំណិត
• ប្រេងឆា ១ពែង

▶️ វីដេអូបង្រៀនធ្វើ៖