ពិតជាតមិនធម្មតាហ្មង ក្នុងឱកាសគម្រប់ខួប២ឆ្នាំរបស់ភោជនីយដ្ឋាន AT BBQ សាច់អាំងទឹកកាពិ មានកាដូរយ៉ាងពិសេសជូនអតិថិជនដោយមានការប្រម៉ូសិនបញ្ចុះតម្លៃរហូតដល់៥០% ចំនួន២ថ្ងៃចាប់ពីថ្ងៃនេះ រហូតដល់ថ្ងៃទី១០ ខែកញ្ញា ឆ្នាំ២០២០នេះ។

ណ្ហើយដើមខែចឹងផងកាបូបតឹងណែនល្អណាស់ បែបនេះចាំអង្កាល់ទៀតបបួលគ្នាទៅដាក់មួយឈុតពីរមើល៎ ជប់លៀងក្រពះមាត់អោយបានឆ្ងាញ់ និងលើករាសីសម្រាប់ខែថ្មីនេះផង ហើយណាមួយមិនអស់ប៉ុន្មានទេព្រោះថា មានការបញ្ចុះតម្លៃរហូតដល់៥០%បែបនេះទៀតនោះ។ ហើយក្នុងហាងក៏មានឈុតពិសេសដែលមានសាច់រហូតដល់៨មុខឯណោះ តម្លៃវិញតែ៦ម៉ឺនរៀលហ្នឹងចឹងមិនមកញ៊ាំដូចជាមិនកើតណ៎ របស់ឆ្ងាញ់ប៉ូវកម្លាំងតម្លៃធូរថ្លៃហើយមានប្រម៉ូសិនចឹងទៀត ចេញម្នាក់ម៉ាញិបៗញ៊ាំបានម៉ាតឹងពោះបាត់។

បើនិយាយពីរសជាតិវិញដូចដែលអ្នកទាំងអស់គ្នាធ្លាប់ដឹងពីមុនមកហើយថាសាច់អាំងទឹកកាពិនៅភោជនីយដ្ឋានមួយនេះល្បីប៉ុណ្ណានោះ ម្លុកទូលទំពូងនរណាក៏ស្គាល់ដែរព្រោះថាសាច់មានរសជាតិឆ្ងាញ់ស្រស់ៗល្អ ហើយអាំងជ្រលក់ជាមួយទឹកកាពិប្រចាំហាងទៀតជាតិតិចអី។ អ្វីដែលសំខាន់ទឹកជ្រលក់ទឹកកាពិគឺធ្វើដោយម្ចាស់ហាងផ្ទាល់ទៀត រសជាតិឆ្ងាញ់ហើយអនាម័យខ្ពស់ដែលអាចទុកចិត្តបាន។​ ណ្ហើយ ពិសេសទាំងរសជាតិ និងតម្លៃបែប និងមានប្រម៉ូសិននេះហើយនៅចាំអីទៀត មកវឺតៗមកដាក់អោយតឹងពោះទៅ?៕

ភោជនីយដ្ឋាន AT BBQ សាច់អាំងទឹកកាពិ
លេទទូរសព្ទ៖ 070939838
ទីតាំង៖ផ្ទះលេខ143 ផ្លូវលេខ143 សង្កាត់បឹងកេងកង3 ខណ្ឌចំការមន (នៅផ្លូវប៉ារ៉ាឌឺកាត់ដេរ ម្តុំវត្តទួលទំពូង)
ផែនទី៖ ចុចទីនេះ

វីដេអូ៖

នេះជាលើកទី២ហើយដែល យើងលើកយកហាង បុកមាន់សៀមរាប មកណែនាំជូនលោកអ្នកបានស្គាល់ ជាការពិតភាពល្បីល្បីសម្រាប់ហាងបុកមាន់មួយនេះ ល្បីមិនតិចជាង១០ឆ្នាំនោះទេ ហើយក៏មានភ្ញៀវពីគ្រប់បណ្តាខេត្តនានា ធ្លាប់បានស្គាល់តតគ្នា គ្រប់ពេលដែលពួកគាត់មានដំណើរកំសាន្តទៅកាន់ខេត្តសៀមរាប គឺងាយរំលងកន្លែងនេះឡើយ។​

អ្វីដែលជាចំនុចពិសេសដែលភ្ញៀវភាគច្រើនជ្រើសរើសយកទីនេះជាជម្រើសទី១ បរិយាកាសនៃហាងនេះមានលក្ខណៈបែបធម្មជាតិស្រុកស្រែ មានបរិវេណធំទូលាយងាយស្រួលក្នុងការចតយានយន្ត ពិតជាសាកសមសម្រាប់ការជួបជុំក្រុមគ្រួសារសម្រាកលំហែកាយ រួមជាមួយនិងមុខម្ហូបពិសេសប្រចាំហាងផ្ទាល់នោះគឺ បុកកន្ទុយហេះ ទាកាញ់ មាន់ដុត ភ្លាត្រី និងម្ហូបជាច្រើនមុខទៀតយ៉ាងសម្បូរបែប។

សម្រាប់បងប្អូនដែលមានគម្រោងទៅលេងខេត្តសៀមរាប សូមកុំមើលរំលងកន្លែងមួយនេះ ហើយទីតាំងមិនពិបាករកទេ គឺតាមផ្លូវទៅបារាយណ៍បត់ស្ដាំចូលតាមក្លោងទ្វាវត្តសណ្ដាន់ ២០០ម៉ែត្រ។

ហាង៖ បុកមាន់សៀមរាប
ទីតាំង៖​ ផ្លូវជាតិលេខ6a ផ្លូវទៅបារាយណ៍បត់ស្ដាំចូលតាមក្លោងទ្វាវត្តសណ្ដាន់ ២០០ម៉ែត្រ ភូមិសណ្តាន់ ឃុំទឹកវិល ក្រុងសៀមរាប
ទូរស័ព្ទលេខ៖ 012 235 336 / 088 8235 336

វីដេអូ

បាយតាហេងអង្គអេង អតីតសិស្សសាលាអង្គអេងច្បាស់ជាធ្លាប់ញ៊ាំ និងស្គាល់ច្បាស់ណាស់ហើយព្រោះហាងបាយមួយនេះលក់តាំងពីឆ្នាំ១៩៨៨ មកម្ល៉េះគិតរហូតមកដល់បច្ចុប្បន្នមានរយៈពេល៣២ឆ្នាំហើយ។ លក់យូរឆ្នាំបែបនេះរសជាតិច្បាស់ជាមិនធម្មតាទេ អ្នកដែលមិនធ្លាប់បានទៅញ៊ាំកុំភ្លេចសាកទៅភ្លក្សអោយបានស្គាល់រសជាតិអោយបានម្ដងណា កន្លែងយូរៗឆ្នាំចឹងដឹងតែឆ្ងាញ់ហើយ។

សម្រាប់ហាង បាយតាហេងអង្គអេង គឺមានលក់បាយស្រូបសាច់ជ្រូក បាយស្រូបសាច់មាន់ បាយស្រូបឆ្អឹងជំនី បាយស្រូបគ្រឿងក្នុង បាយស្រូបសាច់ក្រក ហើយក៏មានពងទាផងដែរ។ បើតាមការខ្សឹបប្រាប់របស់លោកអ៊ុំម្ចាស់ហាងបានអោយដឹងថាក្នុងមួយថ្ងៃៗគាត់លក់ដាច់ខ្លាំងដែលសាច់ជ្រូកអាំងអស់ពី ៣០គីឡូទៅ ៤០គីឡូ សាច់មាន់អស់ពី ៨គីឡូទៅ ១០គីឡូ សាច់ក្រក១១គីឡូ និងពងទា ៥០០គ្រាប់ឯណោះ។ ហើយបន្ថែមពីនេះសម្រា់ម៉ូយដែលជាអតីតសិស្សសាលាអង្គអេង ក៏តែងតែមកញ៊ាំជាហូរហែទោះបីពេលនេះអ្នកខ្លះកូនមួយកូនពីរហើយ ក៏នៅតែមកញ៊ាំដែរ។

តោះៗ កន្លែងឆ្ងាញ់កន្លែងពិសេសលក់រាប់ឆ្នាំល្បីបែបនេះមិនអាចរំលងបានទេ ព្រោះថាបាយស្រូបសាច់ជ្រូកអាំង ឆ្អឹងជំនី គ្រឿងក្នុង សាច់ក្រកមួយមុខណាជាតិអស់ស្ទះដែរ។ ជាពិសេសអតីតសិស្សសាលាអង្គអេងដែលខានមកញ៊ាំយូរកុំភ្លេចបបួលមិត្តចាស់មកញ៊ាំជុំគ្នាអង្គុយរំលឹកអនុស្សវីយ៍ចាស់ៗណា៕

ហាង បាយតាហេងអង្គអេង
លេខទូរសព្ទ៖ 011 720 586
ទីតាំង៖ មុខក្លោងទ្វារសាលាអង្គអេង
ផែនទី៖ ចុចទីនេះ

វីដេអូ៖

គ្រាន់តែលឺពងទាកូនដុតទឹកត្រីអំពិលទុំ អយស្ទ័រដុតទឹកត្រីកោះកុង សាកស្រមៃតិចមើលម្ហូបពីរមុខនេះរសជាតិ​ច្បាស់ជាពិសេសមិនធម្មតាទេ ជាពិសេសទាំង២មុខនេះសុទ្ធតែម្ហូបប៉ូវកម្លាំងថែមទៀត ញ៊ាំមួយមុខណាក៏បានអោយតែបានមកដល់ហាង Labay – ល្បាយ។

មិនមកសាកមិនបានទេណាព្រោះថាមុខម្ហូបនីមួយៗគឺពិសេសណាស់ដូចជាអយស្ទ័រដុតទឹកត្រីកោះកុង ចុងភៅបានឆ្កឹះសាច់អយស្ទ័រដាក់ក្នុងចានហើយស្រោចទឹកត្រីយកទៅដុតយ៉ាងឈ្ងុយ គោះពងមាន់ដាក់បន្ថែមទៀតធ្វើអោយបង្កើនរសជាតិ និងប៉ូវកម្លាំងថ្វេរដង។ សម្រាប់ពងទាកូនវិញក៏ពិសេសមិនធម្មតា ដោយសារតែចុងភៅបានសម្រិតសម្រាំងទឹកត្រីអំពិលទុំជាមួយរូបមន្តពិសេស យកមកដាក់ជាមួយពងទាកូននេះធ្វើអោយត្រូវជាតិគ្នាខ្លាំងតែម្ដង។

ណ្ហើយចង់ដឹងថាពិសេសប៉ុណ្ណាមានតែទៅសាកដោយខ្លួនឯងទេណា។ ហើយក្រៅពីមុខម្ហូបពិសេសទាំង២នេះ ហាង Labay – ល្បាយ ក៏មានលក់កាហ្វេ ប្រហិត និងទឹកកកឈូសផងដែរ។ ដូច្នេះនៅចាំអីទៀត ហៅមិត្តភក្ដិយើងមកតែមួយកន្លែងនេះ យើអាចញ៊ាំរបស់ឆ្ងាញ់ៗបានច្រើនមុខជុំគ្នាយ៉ាងរីករាយ៕

ហាង Labay – ល្បាយ
លេខទូរសព្ទ៖ 099 920 508 / 096 8 920 508
ទីតាំង៖ ជិតសាលាបឋមសិក្សាទួលស្វាយព្រៃ ផ្លូវលេខ193 កែងផ្លូវលេខ358 (ផ្លូវទៅផ្សារអូឡាំពិច)

វីដេអូ៖

អ្នកណាខ្លះចូលចិត្តញ៊ាំបុកល្ហុង ប្រហិតស្ងោរ ប្រហិតភ្នំភ្លើងខ្លះ? បើតាមAdmin ដឹងគឺថារបស់អស់ទាំងនេះនារីៗភាគច្រើនចូលចិត្តណាស់ ពេលចេញទៅញ៊ាំអីនៅក្រៅម្ដងតែងតែស្កាត់ទៅរកញ៊ាំហើយ។ ម៉ោះចង់ដឹងថាទៅញ៊ាំរបស់ឆ្ងាញ់ៗទាំងអស់នេះនៅណាចាំAdmin នាំអោយស្គាល់នោះគឺហាង Let’s Eat ស៊ុបផ្សិតខួរចំហុយ បានមកញ៊ាំហើយធានាថាពេញចិត្តហ្មង។

និយាយពីថាមុខម្ហូបមួយណាក៏រសជាតិឆ្ងាញ់ពិសេសជាប់មាត់ជីបៗដែរ ជាពិសេសបុកល្ហុងហ្មងឆ្ងាញ់ហើយមានច្រើនជម្រើសទៀតដូចជា បុកល្ហុងបង្គាស្រស់ឈុតពងទាកូន, បុកល្ហុងពោះគោ, បុកល្ហុងបង្គាស្រស់,​ បុកល្ហុងក្ដាមប្រៃ, បុកល្ហុងក្ដាមសេះ និងបុកប៉ាតេត្រចៀកជ្រូក គឺថាបានដាក់ម៉ាឈុតអ៊ែមហ្មង ហើយអ្វីដែលពិសេសទៀតនោះគឺប្រហិតភ្នំភ្លើងដែលប្លែកទាំងការចម្អិន និងរសជាតិដែលគ្រប់គ្នាគួរតែសាកភ្លក្សអោយបានស្គាល់រសជាតិ។ ចំណែកអ្នកដែលចូលចិត្តញ៊ាំស៊ុបខួរ និងប្រហិតស្ងោរ អាចមកកាន់ទីនេះញ៊ាំបានម៉ាឆ្ងាញ់ផងដែរ ព្រោះថារសជាតិទឹកជ្រលក់នៅទីនេះគឺពិសេសមិនចាញ់ហាងដ៏ទៃនោះទេ។

ណ្ហើយថ្ងៃចុងសប្ដាហ៍បែបនេះផងនៅចាំអីទៀត នឹកឃ្លានរបស់ទាំងអស់នេះដឹកគ្នាមកស៊ែលុយគ្នាម្នាក់តិចៗបំពេញក្ដីសុខអោយក្រពះអោយណាណីម្ដងមើល៎ ហើយក្រៅពីមុខម្ហូបប៉ុន្មានមុខខាងលើនេះក៏នៅមានច្រើនមុខទៀតផងដែរ។ វឺតៗមកណាកន្លែងឆ្ងាញ់​សម្បូររបស់ញ៊ាំគឺ ហាង Let’s Eat ស៊ុបផ្សិតខួរចំហុយ នេះហើយមិនបាច់ទៅណាទៀតទេអោយតែកន្លែងដឹងតែសប្បាយញ៊ាំម៉ាទំហឹង​៕

ហាង Let’s Eat ស៊ុបផ្សិតខួរចំហុយ
លេខទូរសព្ទ៖ 010 36 54 10 / 096 61 64 221
ទីតាំង៖ ផ្ទះលេខ២១៤ ផ្លូវលេខ១៣៨ សង្កាត់ទឹកល្អក់២ ក្រោយpizza company(កម្ពុជាក្រោម)

វីដេអូ៖